تىلشىلەرىمىز حۋاڭ يان، ياڭ جيڭ - ي حابارلايدى. 10 - ايدىڭ 16 - كۇنى اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى اۆتونوميالى رايوننىڭ 8 - رەتكى ۇلتتار ىنتىماعى، العاباسارلىعىنداعى ۇلگىلى كوللەكتيۆتەر مەن ۇلگىلى جەكەلەردى ماداقتاۋ - سيلاۋ تىزىمدىگىن جاريالادى، اۆتونوميالى وبلىستاعى 11 كوللەكتيۆ پەن 25 جەكە وسى قاتاردان ورىن الدى.

ۇعىسۋعا قاراعاندا، 2015 - جىلى «مەملەكەتتىك ۇلتتار ىنتىماعى، العاباسارلىعى بويىنشا وزات ورىن قۇرۋ قيمىلىنان ۇلگى كورسەتەتىن وبلىس» اتاعىن العاننان بەرى اۆتونوميالى وبلىس وركەنيەتتى ورىن قۇرۋ جەتىستىكتەرىن ۇزدىكسىز تەرەڭدەتىپ، ۇلتتاردىڭ كەڭ كولەمدە ارالاسۋىن، ىشتەسۋىن، تەرەڭدەي توعىسۋىن ىلگەرىلەتىپ، قوعام ورنىقتى بولعان، ەكونوميكا دامىعان، حالىق تۇرمىسى جاقسارعان، ۇلتتار ىنتىماعى، العاباسارلىعى ىستەرى جاپپاي دامىعان تاماشا جاعدايدى جارىققا شىعارعان. بيىل 1 - ايدا اۆتونوميالى وبلىس «مەملەكەتتىك ۇلتتار ىنتىماعى، العاباسارلىعىنداعى ۇلگىلى وبلىس» اتاعىن الىپ، جاڭا داۋىردەگى جاراسىمدى، كورىكتى ىلە قۇرۋعا تاعى دا قۇدىرەتتى قوزعاۋشى كۇش قوستى.

«ۇلگىلى جەكە دەگەن داڭقتى اتاققا يە بولعانىمدا ەرەكشە تەبىرەندىم، توتەنشە باقىتتىمىن، سونداي - اق بورىشىمنىڭ داڭقتى، جاۋاپكەرلىگىمنىڭ اۋىر ەكەنىن تەرەڭ سەزىندىم. بۇدان بىلاي تەحنيكالىق جاقتان جەتەكشىلىك ەتۋ جانە قىزمەت وتەۋ ىستەرىن ۇزدىكسىز جاقسى ىستەپ، قىستاق تۇرعىندارىنىڭ ٴتىپتى دە ارشىندى قاداممەن اۋقاتتانۋىنا دەم بەرەمىن» دەدى قۇلجا قالاسى ٴپانجىم قالاشىعى تومەنگى ٴپانجىم قىستاعىنىڭ ەگىنشىسى پىڭ چاڭجين. پىڭ چاڭجين ساقا پارتيا مۇشەسى رەتىندە ٴوزى ەككەن كوكونىس مايساسىن شارۋالارعا اقىسىز تاراتىپ بەرىپ، عىلىم - تەحنيكالىق قىزمەت وتەۋمەن بىرگە، ۇلتتار ىنتىماعىنا باسا ٴمان بەرىپ، شارۋالاردىڭ كىرىسىن ارتتىرۋعا جەتەكشىلىك ەتىپ، ٴار ۇلت بۇقاراسىنىڭ قۇپتاۋىنا يە بولدى.

ج ك پ موڭعۇلكۇرە اۋدانى قوناقاي قالاشىعى قىزىلجار قىستاعى ياچەيكا القاسى اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى كوللەكتيۆ اتاعىن الدى، قىزىلجار قىستاعى پارتيا ياچەيكاسىنىڭ شۋجيى ايدىن امانجول ۇلى اقتارىلا بىلاي دەدى: بۇل داڭق بىزگە زور شابىت بەردى، بۇدان كەيىن ٴبىز ناقتى ستيلمەن پارتيا ياچەيكاسىنىڭ جاۋىنگەرلىك قۋاتىن، ۇيىسقىشتىعىن جانە ۇندەۋ قۋاتىن ۇزدىكسىز جوعارىلاتىپ، ۇلتتار ىنتىماعىن جەبەپ، پارتيانىڭ حالىققا ٴتيىمدى ساياساتتارىن ويداعىداي ۇگىتتەپ، شىنايى تياناقتاندىرىپ، بۇقارانىڭ مۇڭ - مۇقتاجىن، ارمان - تىلەگىن ويداعىداي شەشىپ، جۇڭحۋا ۇلتى ورتاق تۇلعا تانىمىن شىنايى بەرىك ورناتىپ، ٴار ۇلت بۇقاراسىن ىنتىماقتاستىرىپ جانە باستاپ، اناعۇرلىم كوركەم بولاشاققا قادام تاستايمىز.

وبلىستىق پارتكوم ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن ەكونوميكالىق، قوعامدىق دامۋ جوباسىنا ەنگىزۋدە تاباندى بولىپ، وركەنيەتتى ورىن قۇرۋدىڭ ونىمدىلىگىن بەكەمدەپ جانە جوعارىلاتىپ، وركەنيەتتى ورىن قۇرۋ قىزمەتىنىڭ ۇدايىلانۋىن، جۇيەلىلەنۋىن، تۇزىمدەنۋىن، باياندى بولۋىن ىلگەرىلەتتى. ۇلتتار ىنتىماعى، العاباسارلىعىنداعى وزات ورىن قۇرۋدىڭ «ون ٴبىردى ەنگىزۋ» تالابىن ارقاۋ ەتىپ، ٴوزارا بايقاۋ، ٴوزارا ۇيرەنۋ، ٴوزارا تەكسەرۋ قيمىلىن ورىستەتىپ، «ۇيرەنۋ، قۋىپ جەتۋ، باسىپ وزۋ» بارىسىندا قىزمەت ونىمدىلىگىن ۇزدىكسىز جوعارىلاتتى.

تاياۋ جىلداردان بەرى اۆتونوميالى وبلىس مادەنيەت ارقىلى جەتەكشىلىك ەتۋدە تاباندى بولدى، ٴار ۇلت حالقىنىڭ ەتەنە بولۋ، ٴبىر - بىرىنە قارايلاسۋ سۇيىسپەنشىلىك دانەكەرى اناعۇرلىم بەكەمدەلىپ، بارلىق ادام ىنتىماقتى سۇيەتىن، بارلىق ىستە ىنتىماق دارىپتەلەتىن، بارلىق جەردە ىنتىماق ايگىلەنەتىن قويۋ راي قالىپتاستىرىلدى؛ ۇلگى كورسەتىپ جەتەكتەۋدە تاباندى بولۋ نەگىزىندە، «كلەتكا ينجەنەرياسىن» جانداندىرۋ، قۇرۋ قامتىمىن كەڭەيتۋ، تيپتەردىڭ جول باستاۋىنا ٴمان بەرۋ ارقىلى تۇتاس ٴوڭىر بويىنشا وركەنيەتتى ورىن قۇرۋ جاعدايى اناعۇرلىم كۇشەيتىلدى؛ سۇيىسپەنشىلىكتى توعىستىرۋدا، كۇش - قۋاتتى شوعىرلاندىرۋدا تاباندى بولۋ نەگىزىندە، تۋىستاسۋ دوستىق قيمىلدارى ۇزدىكسىز تەرەڭدەتىلىپ، تۋىستاسۋ كولەمى كەڭەيتىلىپ، جاراسىمدىلىق، توعىسۋ جەبەلىپ، ۇلتتاردىڭ ارالاسۋى، ىشتەسۋى، توعىسۋى كۇن سايىن تەرەڭدەتىلدى.

وبلىستىق پارتكوم بىرلىكساپ ٴبولىمىنىڭ ورىنباسار باستىعى نۇرالى تولىمبەك ۇلى بىلاي دەدى: «ٴبىز ورتالىقتىڭ ۇلت قىزمەتى ٴماجىلىسىنىڭ رۋحىن ونان ارى مۇقيات دايەكتىلەندىرىپ، تياناقتاندىرىپ، ۇلتتار ىنتىماعىن كۇشەيتۋدى ستراتەگيالىق، نەگىزدىك، ۇزاق بولاشاقتىق قىزمەت رەتىندە يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋدە تاباندى بولىپ، <ۇلتتار ىنتىماعى، العاباسارلىعىنداعى مەملەكەتتىك ۇلگىلى وبلىس> قۇرۋدىڭ جەتىستىكتەرىن ۇزدىكسىز بەكەمدەپ جانە جوعارىلاتىپ، <ۇلتتار ىنتىماعىنىڭ بەرەكەلى شاڭىراعى> جانە ۇلتتار ىنتىماعى بىرلەسكەن دوستىق قيمىلىن ۇزدىكسىز كۇشەيتىپ، ۇلتتار ىنتىماعى، العاباسارلىعىنداعى ۇلگى كورسەتۋ، جاڭالىق اشۋدى ۇزدىكسىز ىلگەرىلەتىپ، ٴار ۇلت ٴوزارا توعىسقان قوعامدىق قۇرىلىم مەن الەۋمەتتىك اۋماق ورتاسىن قالىپتاستىرىپ، ۇلت قىزمەتىن جاقسى ىستەۋ قابىلەتى مەن دەڭگەيىن ۇزدىكسىز جوعارىلاتامىز».