تيانشان تورى – شينجياڭ گازەتىنىڭ ٴتىلشىسى حۋ دامين

”يىڭ اپەكە، كورىسپەگەلى كوپ بولدى، جاقىندا ۋاقىتىڭىز بار ما؟ سىزگە سالەمدەسە بارماقشىمىن“. 11 – ايدىڭ 10 – كۇنى قىزمەتتەن تۇسكەننەن كەيىن، جياڭ جۇيحۇڭ ”اپەكەسى“ سۇڭ يىڭعا اسىعىس تەلەفون سوقتى.

بۇرىن تانىسپايتىن ەكى ادام ٴبىر رەتكى تۋىستاسۋدان تالاي جىل كەزدەسپەگەن دوستارداي بولىپ كەتتى. 5 جىلدان بەرى قانداستىق قاتىناسى بولماعان ولار ٴوزارا كومەكتەسىپ، حال – جاي سۇراسىپ، ٴبىر – ٴبىرىنىڭ قامىن جەيتىن ادامدارعا اينالدى.

جياڭ جۇيحۇڭ مەملەكەتتىك باجى باس مەكەمەسى ٴۇرىمجى قالاسى سايباق رايوندىق باجى مەكەمەسىنىڭ كادرى، 2016 – جىلى 11 – ايدا ول وزىنەن 3 جاس ۇلكەن سۇڭ يىڭمەن تۋىس بولدى.

　اپتا سوڭىندا جياڭ جۇيحۇڭنىڭ (سولدا) قولى بوساپ، سۇڭ يىڭنىڭ ۇيىنە كەلىپ، ەكەۋى بەينە اپەكە – سىڭىلىلەردەي بىرگە تاماق جاساپ، اڭگىمە دۇكەنىن قۇردى. سۋرەتتى ەرىكتى ٴتىلشى جاڭ جيڭشيا تۇسىرگەن.

　　بايلانىس ورناتقاننان كەيىن، ەكەۋى ۇنەمى تەلەفوندا سالەمدەسىپ جانە جۇزدەسىپ، اپەكە – سىڭلىلىك سۇيىسپەنشىلىكتەرى دە بارعان سايىن قويۋلاي ٴتۇستى. اپتا سوڭى كەلىسىمەن ازىقتىق ماتەريالدارىن ساتىپ الىپ، قارسى جاقتىڭ ۇيىنە بارىپ تاماق جاساپ، 3 جاس پارىقتى اپەكەلى – ٴسىڭلىلى ەكەۋىنىڭ اڭگىمەسى تاۋسىلمادى.

　　2018 – جىلى 11 – ايدا سۇڭ يىڭنىڭ اكەسى اۋىر ناۋقاستانعان كەزدە، جياڭ جۇيحۇڭ ۇنەمى شيپاحاناعا بارىپ قارياعا قارايلاسىپ، ونى اربامەن اۋلاعا الىپ شىعىپ كۇن شۋاقتاتىپ، ونىمەن اڭگىمەلەستى، ”بىلمەگەن ادامدار ونى اكەمنىڭ قىزى دەپ قارادى“، - دەدى سۇڭ يىڭ. اكەسى قايتىس بولعاننان كەيىن، سۇڭ يىڭنىڭ قايعىدان قابىرعاسى سوگىلدى، جياڭ جۇيحۇڭ ونىڭ ۇيىندە تۇرىپ، وعان ٴدامدى تاماق جاساپ بەرىپ، ونىمەن اڭگىمەلەسىپ، تۇرمىسىنا قارايلاستى، سۇڭ يىڭ جاناشىرىنان ايرىلعان قاسىرەتتەن بىرتە – بىرتە ايىقتى. ”ٴبىر رەتكى تۋىستاسۋ ماعان ىزگى نيەتتى ٴسىڭلىنى سيلادى، ٴبىز ومىرلىك جاقىن اپەكەلى–ٴسىڭلى بولىپ وتەمىز“.

　　ءبىر جاق ناۋقاستانسا، ٴبىر - بىرىنە قارايلاستى. 2020 – جىلى 10 – ايدا جياڭ جۇيحۇڭ اۋىرىپ قالعاندا، سۇڭ يىڭ رۇقسات سۇراپ قارايلاستى. كۇتىنۋ بىلىمدەرىن زەرتتەۋگە اۋەس سۇڭ يىڭ جياڭ جۇيحۇڭعا قاتىستى بىلىمدەردى ٴتۇسىندىردى، ونىڭ جەتەكتەۋىندە، جياڭ جۇيحۇڭ كۇتىنۋدى جاقسى كورىپ قالۋمەن بىرگە، ۇنەمى وسى جاعىنداعى كىتاپتاردى ساتىپ الىپ، ادەتتە ەكەۋى كىتاپ وقۋ اسەرى مەن كۇتىنۋ جونىندە پىكىر الماستىردى.

　　بىرنەشە كۇننىڭ الدىندا قاقتاما جەمەكتىك پىسىرۋدى بىلەتىن سۇڭ يىڭ ۇيىندە 2 ساعاتتان استام ابىگەر بولىپ، بالكۇلشەنى جياڭ جۇيحۇڭنىڭ قىزمەت ورنىنا جەتكىزىپ بەردى. قىستىڭ كۇنىندە بالكۇلشەنى كوتەرگەن سۇڭ يىڭدى كورىپ، جياڭ جۇيحۇڭنىڭ كوزىنەن جاس مونشاقتادى.

　　”ولاردىڭ سۇيىسپەنشىلىگىن بارلىعىمىز بىلەمىز، سۇڭ يىڭ مەكەمەمىز ۇيىمداستىرعان دوستىق قيمىلدارعا دا ۇنەمى قاتىناسادى“. جياڭ جۇيحۇڭنىڭ قىزمەتتەسى گو جيڭ بىلاي دەدى: ەكەۋىنىڭ دوستىق سۇيىسپەنشىلىگى ٴبىزدى توتەنشە ٴسۇيىندىردى.

　　جياڭ جۇيحۇڭنىڭ قىزى سۇڭ يىڭنىڭ قىزىنان ٴبىر جاس ۇلكەن ەدى، ول سىرتتا وقىپ جاتقاندىقتان، ەكى وتباسىنىڭ قىزى كەزدەسپەگەن. ”وقۋ تاۋىسىپ قايتىپ كەلگەندە ولاردى جولىقتىرىپ، ەكەۋىمىزدىڭ دوستىعىمىزدى كەلەسى ۇرپاققا جالعاستىرماقپىز “، - دەدى جياڭ جۇيحۇڭ. 　

　　اۋدارعان: قادىر ماقان