汉文 ىلە اقپارات تورابىنا حوش كەلدىڭىزدەر!
”ۇلتتار اناردىڭ دانىندەي تىعىز ۇيىستى“
2022-03-12 19:02:20     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

مۇشە ياڭ جيە ”مۇشەلەر ارناسىندا“ ەتەنە تۋىستاسۋ، ءبىر - بىرىنە قارايلاسۋ حيكايالارىن ايتتى −

”ۇلتتار اناردىڭ دانىندەي تىعىز ۇيىستى“

انار بۇلت / شينجياڭ گازەتىنىڭ ءتىلشىسى جاڭ يۇنمەي

”كوپشىلىك، امانسىزدار ما! مەن مەملەكەتتىك ساياسي كەڭەستىڭ شينجياڭدا تۇراتىن مۇشەسى ياڭ جيە بولامىن، سانجى حۇيزۋ اۆتونوميالى وبلىسىنىڭ قۇتىبي اۋدانىنان كەلدىم“. 3 - ايدىڭ 10 - كۇنى تاڭەرتەڭ مۇشە ياڭ جيە جايدارى جۇزبەن ەكران ارقىلى مەديا تىلشىلەرىنە قول بۇلعاپ قۇرمەت ءبىلدىردى، سالماقتى دا سەنىمدى بەينە بايقاتتى.

جۇڭحۋا ۇلتى ورتاق تۇلعا تانىمىن بەرىك ورناتۋ جاڭا داۋىردەگى شينجياڭ قىزمەتى جونىنەن ايرىقشا ماڭىزدى. مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ 3 - رەتكى ”مۇشەلەر ارناسىندا“ جۇڭگو ساياسي كەڭەسى جۋرنالى، جۇڭگو ساياسي كەڭەسى اقپارات تاراتۋ سايتىنىڭ ءتىلشىسى ينتەرنەتتىك بەينە بايلانىس ءتاسىلى ارقىلى مۇشە ياڭ جيەنى قاسىنداعى ۇلتتار ىنتىماعى حيكايالارىمەن ورتاقتاسۋعا ۇسىنىس ەتتى.

قۇتىبي اۋدانى مەملەكەتتىك ۇلتتار ىنتىماعىنداعى، العاباسارلىعىنداعى ۇلگى كورسەتەتىن اۋدان، 25 ۇلت وسى ارادا بىرگە تۇرمىس كەشىرىپ، بىرگە ەڭبەك ەتۋدە. كوپشىلىك ەتەنە تۋىستاسىپ، ءبىر - بىرىنە قارايلاستى.

”ءبىزدىڭ قۇتىبي اۋدانىندا ’التۇنحان‘ اتتى ەرىكتى قىزمەت كورسەتۋ اترەتى بار. ولار تالاي جىلدار بويى قيىنشىلىعى بار وتباسىلارىنا جانە جەتىم - جەسىر قارتتار قاتارلىلارعا كومەكتەسىپ، قۇتىبي اۋدانىندا ۇلتتار ىنتىماعىنىڭ جانە ەرىكتى قىزمەت كورسەتۋدىڭ التىن تانىسقىسىنا اينالدى“، - دەدى مۇشە ياڭ جيە.

”التۇنحاننىڭ“ ۇيعۇر تىلىندەگى ماعىناسى ”التىنداي كوڭىل“. وسى اتتىڭ دۇنيەگە كەلۋى ءبىر حانزۋ قاريامەن قاتىستى.

”ونىڭ ەسىمى ۋاڭ گۇيجىن، بيىل 80 نەشە جاسقا كەلدى“. ياڭ جيە بىلاي دەدى: 40 نەشە جىلدان بەرى ۋاڭ گۇيجىن 240تان استام ۇيعۇر، قازاق، حۇيزۋ قارتتارىنا بوداۋسىز كومەكتەسكەندىكتەن، ۇيعۇر بۇقاراسى جاقىن تارتىپ ونى ”التۇنحان“ اتاپ كەتتى.

كورشىسى حالچەحان اجەيدىڭ ءجۇرىپ - تۇرۋى قيىن، قىزى ناۋقاس ەكەنىن كورگەن ۋاڭ گۇيجىن ءار كۇنى وعان امانداسىپ، وعان كومەكتەسىپ اۋلاسىن سىپىرىپ، كىرىن جۋىپ، تاماعىن ىستەپ بەرىپ، ءوز وتباسىنىڭ ادامىنداي كوڭىل ءبولىپ، قارايلاستى.

”ونان دا ارداقتىسى، ۋاڭ گۇيجىننىڭ ۇندەۋى مەن جەتەكتەۋىندە، اناعۇرلىم كوپ ادام ەرىكتى قىزمەت كورسەتۋ قيمىلىنا قاتىناستى“. مۇشە ياڭ جيە بىلاي دەدى: قازىر قۇتىبي اۋدانىندا تىركەلگەن ەرىكتىلەردەن 26 مىڭنان استام ادام بار، ولار باسقالارعا قىزمەت كورسەتىپ، ىنتىماقتى جەبەۋدى باس ماقساتتارى ەتىپ، ءىس جۇزىندىك ارەكەتتەرى ارقىلى سۇيىسپەنشىلىك جەتكىزىپ، ۇلتتار ىنتىماعى حيكايالارىن تاراتتى.

وسىنداي حيكايالار قۇتىبي اۋدانىندا، سانجى وبلىسىندا، تۇتاس شينجياڭدا ءالى دە كوپ. قۇتىبي اۋدانى تورعايتى قالاشىعىندا ۇيعۇر ايەل ءلاتيپانىڭ حانزۋ قىز بالانى باعىپ ەرجەتكىزگەن اڭگىمەسى وسىلاردىڭ ءبىرى.

10 جىلدىڭ الدىندا ءلاتيپانىڭ كۇيەۋى كولىك اپاتىنان كوز جۇمىپ، ەرجەتە قويماعان 2 ۇلىمەن ارتىندا قالادى. تۇرمىسىنىڭ تىم باردام بولماسىنا قاراماستان، ءبىر حانزۋ قىز بالانى اسىراپ الىپ، وعان انالىق ماحابباتىن قالتقىسىز سيلاپ، ايالاپ ەرجەتكىزەدى. بۇل كۇندەرى قىزىنىڭ داشۋەگە ءوتۋى ءلاتيپانىڭ ەڭ ۇلكەن تىلەگى.

...

ۇلتتار ىنتىماعىنىڭ جاندى حيكايالارى جۇڭحۋا ۇلتى ورتاق تۇلعا تانىمىنىڭ شينجياڭداعى ۇلتتار اراسىندا تەرەڭ تامىر تارتقاندىعىن كورسەتتى.

شينجياڭنىڭ ءتول تۋماسى بولعان مۇشە ياڭ جيە شينجياڭنىڭ ورنىقتى دامىعاندىعىنا كۋا بولدى ءارى مۇنىڭ يگىلىگىنە كەنەلدى. بۇگىنگى شينجياڭ جونىنەن العاندا، ول ءوزىنىڭ ەڭ سويلەۋ ۇقىعى بار ەكەندىگىن ايتتى: ”شينجياڭداعى ۇلتتار اناردىڭ دانىندەي تىعىز ۇيىسىپ، بىلەكتەس، نيەتتەس بولىپ، ءوزارا كومەكتەسىپ، ءوزارا قارايلاسىپ، ىنتىماقتى دا جاراسىمدى وتۋدە“.