− جاڭا جاعداي اشۋ، وزگەرىسكە نازار سالۋ جەلىلەس شولۋى (2)

 انار بۇلت / شينجياڭ گازەتىنىڭ ءتىلشىسى ميھىرگۇل عوپۇر

مەملەكەتتىك سالىق باس مەكەمەسى سانجى حۇيزۋ اۆتونوميالى وبلىستىق سالىق مەكەمەسىنىڭ قۇتىبي اۋدانى تاسباسبالداق اۋىلى دوستىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق ”ەكى كوميتەتىمەن“ بىرلەسىپ، ۇلتتار ىنتىماعى بىرلەسكەن دوستىق قيمىلىن ورىستەتتى (3 - ايدىڭ 3 - كۇنى تۇسىرىلگەن) .

 سۋرەتتى ما گۋاڭيۋان تۇسىرگەن

　پارتيا مۇشەسى زناگىن كورسەتكەن شينجياڭدىق اعاي، 4700 كيلومەتردى باسىپ ءوتىپ سۇيىسپەنشىلىكپەن ”وكىلەتتى كولىك جۇرگىزگەن“ شينجياڭدىق اعايلار، سومكە تاۋىپ العاننان كەيىن امالىن تاۋىپ يەسىنە قايتارىپ بەرۋدى ويلاعان شينجياڭدىق اتاي، 3000 نەشە كيلومەتر جولدا زىمىراپ، شي - انداعى ىندەتكە قارسى اتتانۋدىڭ ءبىرىنشى شەبىندەگى شيپاگەر - سەسترالارعا 3000 نان جەتكىزىپ بەرگەن شينجياڭدىق ازامات ...

　　بيىل جىل باسىنان بەرى ادال دا قاراپايىم شينجياڭدىقتار ينتەرنەتتە كوزگە ءتۇسىپ، كىسىنىڭ جۇرەك قىلىن تەربەيتىن شينجياڭ حيكايالارى توڭىرەكتىڭ ءتورت بۇرىشىنا تارادى. ”شينجياڭدىق جاقسى ادامداردىڭ“ وسى حيكايالارى بۇكىل ەل حالقىنىڭ جانىن جىلىتتى، كوپشىلىك جاپپاي: ”56 ۇلت تامىرلاس“، ”ۇلتتار ىنتىماعىنىڭ كۇش - قۋاتى دەگەن وسى“، ”شينجياڭدىقتار مىنە ءوستىپ جارىق نۇرداي كوز تارتادى“ دەپ القاستى.

　　ۇلتتار ىنتىماعى ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ ىرگە تاسى. شينجياڭنىڭ كەڭ - بايتاق دالاسىندا جان جىلىتاتىن مۇنداي حيكايالار استە ءىشىنارا جايتتەر ەمەس، ءبىزدىڭ ماڭىمىزدا ۇنەمى تۋىلىپ جاتادى.

　　لاچين بايەكە سۇيەكتى قارىعان سۋىق سۋدا ءوز ومىرىمەن باسقانىڭ ءومىرىن قورعاپ قالدى؛ 8 ساعاتقا جالعاسقان، 1400 كيلومەتر قاشىقتىقتى باسقان ءومىر مەن ءولىم ارپالىسىنداعى قۇتقارۋ ارقىلى حوتانداعى بىلەگى ۇزىلگەن بالا دەر كەزىندە قۇتقارىلىپ - ەمدەلدى؛ سوقىر بولا جازداعان قاشقارلىق ۇل بالا ابدۇعيني مامۇت گۋاڭجوۋدا ”ىركىلىسسىز وتكەلدەن“ يگىلىكتەنىپ كوز ءمۇيىز قابىعىن اۋىستىردى... ۇلتتار ىنتىماعىنىڭ ايتىپ تاۋىسقىسىز حيكايالارى شينجياڭدى ىنتىماقتاسا ورنىقتىرۋدىڭ قۇدىرەتتى كۇش - قۋاتىن ايگىلەپ، ءار ۇلت كادر - بۇقارانى ىنتىماقتىڭ ءسوزىن سويلەپ، ىنتىماقتىڭ ءىسىن ىستەپ، ءبىر نيەت، ءبىر تىلەكپەن ىنتىماق نەگىزىن بەكەمدەۋگە جەتەكتەدى.

　　شينجياڭداعى ءار ۇلت پەرزەنتتەرى الدەقاشان ”ىنتىماق“ دەگەن ءسوزدى كوڭىلگە ۇيالاتىپ، ارەكەتتە ايگىلەپ، ۇلتتار ىنتىماعىن كوزىنىڭ قاراشىعىنداي ايالاعانداي ايالاپ ، ءومىرىن قاستەرلەگەندەي قاستەرلەپ، اناردىڭ دانىندەي تىعىز ۇيىستى، بارلىق ادام پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋعا قۇلشىندى.

　　2 - ايدىڭ 4 - كۇنى كەشتە بەيجيڭ قىسقى وليمپيادا سپورت جارىسىنىڭ اشىلۋ سالتىندا جۇڭحۋا حالىق رەسپۋبليكاسىنىڭ مەملەكەت تۋى الاڭعا جەتكىزىلەتىن كەزەڭدە، ”مەن جانە مەنىڭ وتانىمنىڭ“ تامىلجىعان ريتىمىمەن ءار سالا، ءار كاسىپتىڭ ۋاكىلدەرى، وزات، ۇلگىلى تۇلعالار، 56 ۇلتتىڭ ۋاكىلدەرى قوس قولدارىمەن بەس جۇلدىزدى نارت قىزىل تۋدى باياۋ دەنە تاربيە الاڭىنداعى تۋ شىعارۋ اۋماعىنا جەتكىزىپ، قۇرمەت قاراۋىلىنىڭ قولىنا تاپسىردى.

　　”1 - شىلدە وردەنىنىڭ“ يەگەرى ءماماتجان ءومار سولاردىڭ ءبىرى. ”مەملەكەت تۋىن كوپشىلىكتىڭ ايبىنمەن كوتەرىپ، باياۋ العا جالعاعانىن كورىپ تۇرىپ، قولىما جەتكەن ساتتە كوزىمە جاس الدىم. ءوزىمنىڭ جۇڭگولىق بولعانىمدى ماقتانىش سەزىندىم! “. 3 - ايدىڭ 16 - كۇنى سول كەزدەگى كورىنىستى ەسىنە تۇسىرگەن ءماماتجان ءومار ءالى دە اسەرلەنگەن كۇيدە ەدى.

　　جۇڭحۋا ۇلتى ورتاق تۇلعا تانىمى مەملەكەت تۇتاستىعىنىڭ ىرگە تاسى، ۇلتتار ىنتىماعىنىڭ نەگىزى، رۋحاني كۇش - قۋاتىنىڭ جانى. شينجياڭ قىزمەتىن ويداعىداي ىستەۋدە جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك.

　　ۇلتتار ىنتىماعىن ەڭ ۇلكەن بۇقارالىق قىزمەت رەتىندە مىقتاپ يگەرىپ، ناقتى يگەرىپ، ۇلتتار ىنتىماعى ۇگىت تاربيەسىن جانە ۇلتتار ىنتىماعىندا، العاباسارلىعىندا وزاتتاردان بولۋ قيمىلىن ءۇرتىس ىشكەرىلەي ورىستەتىپ، ءار دارەجەلى، ءار تۇردەگى مەكتەپتەردە ”ۇشكە كىرۋ، ەكىمەن بايلانىس ورناتۋ، بىرمەن دوستاسۋ“ قيمىلىن ۇدايىلاندىرا ورىستەتىپ، ۇلتتاردىڭ كىرىكپەلى قوعامدىق قۇرىلىم مەن الەۋمەتتىك اۋماق ورتاسىن كۇش سالا ىلگەرىلەتتى...

　　بۇگىنگى شينجياڭدا ۇلتتار ىنتىماعى دامىپ، العا باستى، ءار ۇلت كادر - بۇقاراسى ارالاسۋ، ىشتەسۋ، توعىسۋ بارىسىندا سۇيىسپەنشىلىكتەرى بارعان سايىن جاقىندادى، جۇڭحۋا ۇلتى ورتاق تۇلعا تانىمى جۇرەكتەردىڭ تەرەڭ تۇكپىرىنە ۇيالاپ، ۇلتتاردىڭ ورتاق رۋحاني مەكەنىن بىرگە تۇلعالادى.

　　3 - ايدىڭ 15 - كۇنى باي اۋدانى باي قالاشىعى رەستە الەۋمەتتىك اۋماعىنىڭ فۋلىچىڭ شاعىن اۋماعىنا بارعانىمىزدا، 70 نەشە جىل بولعان قاراعاش كوزىمىزگە وتتاي باسىلدى، شاعىن اۋماق تۇرعىندارى ونى ىقىلاسپەن ”سۇيىسپەنشىلىك اعاشى“ دەسەدى. ءبىر - بىرىنە شىرمالا وسكەن بۇتاقتارى ءوزارا ەتەنە بولىپ، بىرگە تۇرمىس كەشىرىپ جاتقان وسىنداعى كوپ ۇلت بۇقاراسىنان اۋمايدى.

　　”جايشىلىقتا ءبىر - بىرىمىزگە قارايلاسىپ تۇرامىز، مەرەكە - مەيرام بولا قالسا ءبىر ءۇيلى جاندارداي دۋمانمەن باس قوسامىز“، - دەدى تۇرعىن حايىرگۇل ازەز تەبىرەنە.

　　قۇتىبي اۋدانى ۇلتتار ىنتىماعىنداعى، العاباسارلىعىنداعى مەملەكەتتىك ۇلگى كورسەتەتىن اۋدان، 25 ۇلت وسى ارادا بىرگە تۇرمىس كەشىرىپ، بىرگە ەڭبەك ەتىپ، كوپشىلىك ەتەنە تۋىستاسىپ، ءبىر - بىرىنە قارايلاسىپ كەلەدى.

　　”ءبىزدىڭ قۇتىبيدا ’التۇنحان‘ اتتى ەرىكتى قىزمەت وتەۋ اترەتى بار، ولار تالاي جىلدار بويى قيىنشىلىعى بار وتباسىلارعا جانە جەتىم - جەسىر قارتتارعا كومەكتەسىپ كەلەدى. شينجياڭداعى ءار ۇلت قول ۇستاسا، جۇرەكتەس بولىپ، ءوزارا كومەكتەسىپ، ءوزارا قارايلاسىپ، ىنتىماقتى، تاتۋ - ءتاتتى وتۋدە“. بيىلعى مەملەكەتتىك ەكى ماجىلىستە مەملەكەتتىك ساياسي كەڭەستىڭ شينجياڭدا تۇراتىن مۇشەسى ياڭ جيە ”مۇشەلەر ارناسىندا“ شينجياڭنىڭ ۇلتتار ىنتىماعى حيكاياسىن تەرەڭ سەزىممەن اڭگىمەلەدى.

　　بيىل جىل باسىندا شينجياڭدا 3 ايماق، وبلىس، قالا مەن 28 اۋدان - قالا، مەكەمە - ورىن ۇلتتار ىنتىماعىنداعى، العاباسارلىعىنداعى مەملەكەتتىك ۇلگى كورسەتەتىن رايون، ۇلگى كورسەتەتىن ورىن اتاعىنا يە بولدى. قازىر بۇكىل رايوندا ۇلتتار ىنتىماعىنداعى، العاباسارلىعىنداعى مەملەكەتتىك ۇلگى كورسەتۋ رايونىنان، ۇلگى كورسەتۋ ورنىنان 81ى، ۇلتتار ىنتىماعىنداعى، العاباسارلىعىنداعى مەملەكەتتىك تاربيە بازاسىنان 14ى، اۆتونوميالى رايون دارەجەلى ۇلگى كورسەتۋ رايونىنان، ۇلگى كورسەتۋ ورنىنان 191ى قۇرىلدى...

　　بۇل كۇندەرى تيانشان الابىنا كەڭ تارالعان ۇلتتار ىنتىماعى اۋلاسى ءار ۇلت بۇقاراسىنىڭ دۋماندى ءۇنى مەن كوڭىلدى كۇلكىسىنە تولى؛ ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلدارى ءار ۇلت كادر - بۇقاراسىنىڭ سۇيىسپەنشىلىگىن كۇننەن - كۇنگە نىعايتا ءتۇستى؛ ۇلتتار ىنتىماعىندا، العاباسارلىعىندا وزاتتاردان بولۋ قيمىلى جاندى ءجۇرىلىپ، ۇلتتاردىڭ ارالاسۋ، ىشتەسۋ، توعىسۋ سۇيىسپەنشىلىك دانەكەرى اناعۇرلىم بەكەمدەلدى.

　　بۇل كۇندەرى تيانشان الابىندا ءار ۇلت بۇقاراسىنىڭ كوڭىلى ءبىر اراعا توعىسىپ، رۋحاني جاقتا ءوزارا سۇيەنىش بولىپ، بارلىق ادام ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، ىنتىماقتاسا بولاشاققا قايراتتانا ۇمتىلۋ سەنىمى اناعۇرلىم نىعايا ءتۇستى!