”ەڭ ارداقتى اۋىل - قىستاق وقىتۋشىسى“ جوۋ لينا:

”ءۇستىرت بايشەشەگىن“ قورعاۋشى

3 - ايدىڭ 24 - كۇنى جوۋ لينا بالالارمەن بىرگە ويىن ويناۋدا.

 سۋرەتىن ءتۇسىرىپ، حابارىن جازعان انار بۇلت / شينجياڭ گازەتىنىڭ ءتىلشىسى وتكىر نيجات

3 - ايدىڭ 24 - كۇنى ءتىلشى اتۇش قالاسى ءۇستىن اتۇش قالاشىعى ياۋىلىق قىستاعىنىڭ بالاباقشاسىنا تاعى باردى. الاڭدا جوۋ لينا ءبىر توپ بالانى ەرتىپ ويىن ويناپ ءجۇر ەكەن.

8 جىلدا جوۋ لينا قاراپايىم بالاباقشا وقىتۋشىسىنان ياۋىلىق قىستاعى بالاباقشاسى پارتيا ياچەيكاسىنىڭ شۋجيىنە اينالدى.

2014 - جىلى 8 - ايدا ءتىلشى تۇڭعىش رەت ياۋىلىق قىستاعى بالاباقشاسىنا تىلشىلىك جاساي بارعان ەدى. سول جىلى جوۋ لينا مەملەكەت بويىنشا ”ەڭ ارداقتى اۋىل - قىستاق وقىتۋشىسى“ بولىپ باعالانعان بولاتىن. وسى رەت قايتا تىلشىلىك ىستەي بارعاندا ءتىلشى كوز الداعى كورىنىستى سول كەزدە ەسىندە قالعاندارمەن بايلانىستىرا المادى. بالاباقشا ءىشى، وقىتۋ رايونى، تۇرمىس رايونى شت جاڭا بەينەگە ەنگەن، بالاباقشانىڭ كولەمى دە بۇرىنعىدان كوپ كەڭەيىپتى.

1994 - جىلى شىنياڭدا تۋىپ - وسكەن بويجەتكەن جوۋ لينا مەن شينجياڭدىق جىگىت ناسىروللا ءومار شىنياڭدا تانىسىپ، ماحاباتتاسادى. سوڭىنان ەكەۋى شىنياڭنان اتۇش قالاسى ءۇستىن اتۇش قالاشىعى قايراق قىستاعىنا بارىپ قونىستانادى. 2014 - جىلى جوۋ لينا ياۋىلىق قىستاعى بالاباقشاسىنا وقىتۋشى بولادى، سول كەزدە بالاباقشادا نەبارى 3 وقىتۋشى، نەشە ونداعان بالا عانا بار ەدى.

”ول ساباق وتكەن كەزدە وقىتۋشى، ساباقتان تۇسكەننەن كەيىن بالالاردىڭ شەشەسى، ءبىزدىڭ سىرلاس اپەكەمىز“، - دەدى جوۋ لينانىڭ قىزمەتتەسى رازيا ءجۇرات.

”وسى جىلدارى بالاباقشانىڭ شارت - جاعدايى بارعان سايىن جاقساردى، بۇرىن كوپتەگەن وقىتۋ جابدىقتارىن ءوزىمىز قولىمىزبەن جاسايتىنبىز، قازىر وقىتۋشىلار كوپ مەديالى قۇرالدارمەن وقىتۋ جۇرگىزەدى، بالالاردىڭ ۇيرەنەتىن ءبىلىمى دە كوبەيدى، كوز اياسى دا ونان ارى كەڭەيدى“، - دەدى جوۋ لينا ماقتانىشپەن، - ”بىرنەشە كۇننىڭ الدىندا عانا ءبىر وقىتۋشىنى قالاعا بالا تاربيەسى كۋرسىنا قاتىناسۋعا جىبەردىك. وسى بىرنەشە جىلدا وقىتۋشىلارىمىز قالادا وتكىزىلگەن بالاباقشا وقىتۋى نەگىزگى قابىلەت جارىسىندا نەشە دۇركىن سيلاندى“. قازىر بالاباقشادا 100 نەشە بالا، 15 وقىتۋشى - قىزمەتكەر بار.

8 جىلدا جوۋ لينا كوپ رەت وبلىس، قالا دارەجەلى تاڭداۋلى وقىتۋشى بولىپ باعالانعان، ”اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى جەكە“، ت.ب بولىپ باعالاندى.