تىلشىلەرىمىز حۋاڭ يان، ليۋ چيڭ حابارلايدى. 5 - ايدىڭ 21 - كۇنى ىلە گازەتى مەكەمەسى كۇنەس اۋدانى بەستوبە اۋىلى اشىلىبۇلاق قىستاعىمەن، سونداي - اق قۇلجا قالاسى ٴپانجىم قالاشىعى بىلىكشى الەۋمەتتىك اۋماعىمەن، جاڭا ٴمالى قىستاعىمەن بىرگە، «ۇلتتار ىنتىماعىنىڭ بەرەكەلى شاڭىراعى» جانە وتانشىلدىق تاربيە تاقىرىپتىق پارتيا كۇنى قيمىلىن ورىستەتتى، ىلە گازەتى مەكەمەسىنىڭ پارتيالى كادرلارى مەن جۇپ قۇراعان تۋىستارى ٴبىر ارادا باس قوسىپ، ۇلتتار ىنتىماعى سۇيىسپەنشىلىگىن بىرگە اڭگىمەلەدى.
بىرلەسكەن دوستىق قيمىلىن ويداعىداي ورىستەتۋ ٴۇشىن، ىلە گازەتى مەكەمەسىنىڭ پارتيالى كادرلارى اشىلىبۇلاق قىستاعىنىڭ، بىلىكشى الەۋمەتتىك اۋماعىنىڭ، جاڭا ٴمالى قىستاعىنىڭ تۇرعىندارىن الدىن الا ۇسىنىس ەتتى، سونداي - اق قىستاقتاعى بالالاردى قۇلجا قالاسىنا ەكسكۋرسيالاۋعا، ۇيرەنۋگە ارنايى ۇسىنىس ەتىپ، مەكەنىمىزدەگى وراسان زور وزگەرىستەردى بىرگە سەزىندى.
سول كۇنى ىلە گازەتى مەكەمەسىنىڭ جيىن زالىندا كوپشىلىك ۇلتتار ىنتىماعى قىزمەتىن ونان ارى جاقسى ىستەۋ جونىندە اسەرلەرىن ايتىپ، ۇسىنىستار قويىپ، اقتارىلا سويلەدى.
«بۇگىنگى نەگىزگى تاقىرىپتىق پارتيا كۇنى قيمىلىنا قاتىناسقانىما ەرەكشە اسەرلەندىم. ۇلتتار ىنتىماعى − ٴار ۇلت حالقىنىڭ جان تامىرى، ٴبىز ۇلتتار ىنتىماعىن كوز قاراشىعىمىزداي قورعاپ، اۋىل - قىستاقتى گۇلدەندىرۋگە ۇلەسىمىزدى قوسۋىمىز كەرەك. نەگىزگى ساتى كادرى رەتىندە مەن قىستاق تۇرعىندارىنا پارتيانىڭ ابزال ساياساتتارىن ويداعىداي ۇگىتتەپ، ۇلتتار ىنتىماعى سۇيىسپەنشىلىگىن ٴىس جۇزىندىك ارەكەتىم ارقىلى جەتكىزىپ، اشىلىبۇلاق قىستاعىنا ٴتىپتى دە كوپ ۇلەس قوسامىن» دەدى اشىلىبۇلاق قىستاعىنىڭ كادرى گۇلناز ساتاي قىزى.
وسىدان كەيىن بارلىق پارتيالى كادرلار، سونداي - اق قيمىلعا قاتىناسقان قىستاق تۇرعىندارى وبلىستىق مۇراجايعا، ىلە لين زىشۇي ەسكەرتكىش سارايىنا بارىپ ەكسكۋرسيالادى. كوپشىلىك تۇسىندىرمەنى مۇقيات تىڭداپ، قاتىستى جاعدايلاردى ەگجەي - تەگجەيلى سۇراپ، تاريحي مادەنيەتتىڭ قۇدىرەتىن سەزىنىپ، تەرەڭ وتانشىلدىق تاربيە الدى.
«بۇگىن مۇراجايدى، ەسكەرتكىش سارايىن ەكسكۋرسيالاپ، تاريحي مادەنيەتتى ٴبىلىپ، مادەني ەسكەرتكىشتەردىڭ قۇنىن سەزىنىپ، تەرەڭ تاربيە الىپ، مول تابىسقا قول جەتكىزدىم. ۇيرەنۋ ارقىلى كوز ايامدى كەڭەيتىپ، ٴبىلىمىمدى مولايتتىم. بۇدان بىلاي مەن كورگەن - بىلگەنىمدى ۇيرەنۋمەن، تۇرمىسپەن توعىستىرىپ، ٴبىلىمدى، ىزگىلىكتى، ارمانشىل جاقسى ورەن بولامىن» دەدى اشىلىبۇلاق قىستاعىنىڭ 6 - جىلدىق وقۋشىسى سادىرجان يمىنجان.
«ۇلتتار ىنتىماعىنىڭ بەرەكەلى شاڭىراعىندا جاساپ وتىرمىز، ٴار ۇلت حالقى اناردىڭ دانىندەي تىعىز ۇيىسۋدا. بۇگىنگى قيمىل توتەنشە تارتىمدى بولىپ، ارامىزداعى سۇيىسپەنشىلىكتى تەرەڭدەتتى. وتاننىڭ بارعان سايىن قۇدىرەتتەنۋىن، بۇقارانىڭ تۇرمىسىنىڭ بارعان سايىن باقىتتى بولۋىن تىلەيمىن» دەدى بىلىكشى الەۋمەتتىك اۋماعىنىڭ تۇرعىنى ٴماديلا احات.
ىلە گازەتى مەكەمەسى پارتكومىنىڭ مۇشەسى، ورىنباسار باس رەداكتور نۇردۇن ٴمۇنىر مىنانى ٴبىلدىردى: بۇدان كەيىن «ۇلتتار ىنتىماعىنىڭ بەرەكەلى شاڭىراعى» قيمىلىن ۇزدىكسىز ويداعىداي ورىستەتىپ، ٴار ۇلت بۇقاراسىن جۇڭحۋا ۇلتى ورتاق تۇلعا تانىمىن بەرىك ورناتۋعا تاربيەلەپ جانە جەتەكتەپ، بارلىق ادام ۇلتتار ىنتىماعىن قاستەرلەيتىن، ۇلتتار ىنتىماعىن قورعايتىن تاماشا ورتا قالىپتاستىرامىز.
قيمىلدان كورىنىستەر
سۋرەتتەردى حۋاڭ يان تۇسىرگەن