汉文 ىلە اقپارات تورابىنا حوش كەلدىڭىزدەر!
حالىق اراسىنان شىققان مەملەكەتتىك ەڭبەك ەرى
2022-06-22 11:06:28     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ياڭگۋاڭ فارفورى «ۇلتتار ىنتىماعىندا پارتيا تۋىن نۇرلاندىرىپ، دامۋدىڭ جاڭا تاراۋىن جازۋ» جونىندەگى جەلىلەس حابار (3)

شى شۋەحۇڭ (ٴوز ٴتىلشىمىز)


حالىق اراسىنان شىققان قاراپايىم ديقاننان اۆتوماتتى ماشينا جابدىقتارىن قانىق يگەرگەن كاسىپتىك جۇمىسشىعا، قاراپايىم جۇمىسشى - قىزمەتشىدەن سەرىكتەستىكتىڭ تىرەكتىسىنە اينالعان عايرات ومەرجان 2020 - جىلى 11 - ايدا مەملەكەتتىك ەڭبەك ەرى بولىپ باعالاندى.

عايرات ومەرجان قۇلجا اۋدانى ونيار قالاشىعى بولەكەي قىستاعىنىڭ تۇرعىنى. 2007 - جىلى شينۋىن مەتاللۋرگيا كاسىبى توبى (ىلە) تايشان ياڭگۋاڭ جاڭاشا قۇرىلىس ماتەريالدارى شەكتى سەرىكتەستىگى قۇرىلعاننان كەيىن تۇڭعىش قابىلدانعان جۇمىشى - قىزمەتشىلەردىڭ ٴبىرى. كوپ جىلدىق قۇلشىنىس ارقىلى عايرات ىلگەرىندى - كەيىندى كاسىپورىننىڭ تەكسەرۋ - ساراپتاۋ سەحىنىڭ باستىعى، سەحتىڭ كەزەكشىلەر باستىعى، ودان كاسىپورىن پارتيا ياچەيكاسىنىڭ مۇشەسى سىندى مىندەتتەردى اتقاردى. بيىل 6 - ايدىڭ 1 - كۇنى ول سەرىكتەستىكتىڭ جۇمىسشىلار ۇيىمىنىڭ ورىنباسار ٴتوراعاسى بولىپ تاعايىندالدى.

«كاسىپورىن ەڭ قيىن مەزگىلدە دە ەڭ الدىمەن جۇمىسشى - قىزمەتشىلەردىڭ ەڭبەكاقىسىن تاراتىپ، ولاردىڭ مۇددەسىن قامتاماسىزداندىردى. مەن بۇدان ٴبىر ۇلكەن وتباسىنىڭ مەيىرىن سەزىندىم» دەدى عايرات. كاسىپورىنعا قىزمەتكە ورنالاسقاننان كەيىن ول كوپ رەت ۇزدىك پارتيا مۇشەسى بولىپ باعالاندى. ول پارتيانىڭ ابزال ساياساتى مەن كاسىپورىننىڭ ٴار ۇلت جۇمىسشى - قىزمەتشىلەرىنە قامقورلىعى مەن تاربيەلەۋىندە قول جەتكىزگەن باقىتتى تۇرمىسىن بارىنشا قاستەرلەدى.

عايرات بىلاي دەدى: «كاسىپورىنعا قىزمەتكە ورنالاسقاننان كەيىن بەلسەندىلىكپەن پارتياعا كىرۋ ٴوتىنىشىن بەردىم ٴارى داڭقپەن پارتيا مۇشەسى بولدىم». ول قاي - قاشاندا ۇلگى بولىپ، كاسىپورىنداعى 300 دەن استام ٴار ۇلت جۇمىسشى - قىزمەتشىلەرىن ٴوز قىزمەت ورنىن تياناق ەتىپ، جاقسى ىستەپ، ويداعىداي ناتيجە جاراتۋعا باستاپ، ٴار ۇلت بۇقاراسىمەن ٴبىر نيەت، ٴبىر تىلەكتە ىنتىماقتاسىپ، باقىتتى تۇرمىسقا قاراي قادام تاستادى.

كاسىپورىن ٴوندىرىسىنىڭ 1 - شەبىندە عايرات سەحتاعى 30 دان استام جۇمىسشى - قىزمەتشىگە باسشىلىق ەتىپ قىزمەت ىستەدى. ول ٴار قانداي كەزدە، ٴار قانداي جەردە «ۇلتتار ىنتىماعىنىڭ بەرەكەلى شاڭىراعى، تىنىش جاراسىمدى دامۋ» سىندى كاسىپورىن مادەنيەتىن ۇگىتتەپ، ٴار ۇلت جۇمىسشى - قىزمەتشىلەرىن «كۇتە تۇرۋ، يەك سۇيەۋ، الاقان جايۋ» يدەياسىنان ارىلىپ، ۇنەمشىل بولۋداي تاماشا ادەت، دەن قويا ۇيرەنۋدەي قاجىرلىلىق، ٴوز كۇشىنە سۇيەنىپ ەڭبەك ەتۋدەي جاسامپازدىق قۋات قالىپتاستىرۋعا باستادى.

عايرات وتباسى بۇرىنعى كونە توپىراق ۇيدەن كەڭ دە جارىق بەيقۇت ۇيگە كوشىپ كىرىپ، بۇرىنعى كومىر ساتىپ الۋعا جاعدايى كەلمەيتىن تۇرمىستان قازىرگى اۋا تەڭشەگىش سياقتى وزىق جابدىقتاردى ىستەتەتىن بولعان. ول بولەكەي قىستاعىنداعى كەدەيلىكتەن ارىلۋدىڭ ۇلگىسى بولىپ قانا قالماستان، قىستاق تۇرعىندارىن كاسىپورىندارعا قىزمەت ىستەۋگە باۋرادى. قازىر بولەكەي قىستاعى تۇتاس شينجياڭ بويىنشا ديقانداردىڭ كاسىپورىن جۇمىسشىلارىنا اينالۋىنىڭ ۇلگىسى بولدى.

2020 - جىلى 11 - ايدا عايرات ومەرجان مەملەكەتتىك ەڭبەك ەرى بولىپ باعالانىپ، بەيجيڭدەگى حالىق سارايىندا ماراپاتتالدى. سونىمەن بىرگە، ول قىزمەت ىستەگەن سەح 2021 - جىلى مەملەكەتتىك اۆانگارد جۇمىسشىلار قوسىنى بولىپ باعالاندى.

«مەن مەملەكەتتىك ەڭبەك ەرىنىڭ ۇلگىلىك رولىن ساۋلەلەندىرىپ، ٴىس جۇزىندىك ارەكەتىم ارقىلى ۇلتتار ىنتىماعى قىزمەتىن ويداعىداي ىستەيمىن» دەدى عايرات ومەرجان.

«قاراپايىم ديقاننان مەملەكەتتىك ەڭبەك ەرىنە اينالعان عايرات ومەجان كاسىپورنىمىزدىڭ ماقتانىشى» دەدى سەرىكتەستىكتىڭ باس القاسى دۇڭ لين ماقتانىشپەن.