تيانشان تورى - شينجياڭ گازەتىنىڭ ٴتىلشىسى يۇي شي
”اپاي، تاياۋدان بەرى ۋقالاۋ ونەرىنە جاتتىعۋىڭىز قالاي بولىپ جاتىر، قاي جەردەن دۇكەن اشۋدى ويلاسىپ بولدىڭىز با؟“ 11 - ايدىڭ 23 - كۇنى شيحۋ قالاسى جياحىزى اۋىلى حۇڭفاڭزى قىستاعى، قىزمەتى اياقتاعاننان كەيىن، ەرزات اقان جايشىلىقتاعىداي قىستاق تۇرعىنى چي شياۋيىڭنىڭ ۇيىنە امانداسا باردى.
”سەنىڭ كومەكتەسىپ جول كورسەتۋىڭدى ويلاپ وتىرعان ەدىم، قاي جەردەن دۇكەن اشسام بولادى؟“، ـ دەپ جاۋاپ بەردى چي شياۋيىڭ.
11 - ايدىڭ 23 - كۇنى ەرزات اقان (سولدان ەكىنشى) جۇپ قۇراعان تۋىسى چي شياۋيىڭ، جاڭ كايرىن ەرلى - زايىپتىلارى جانە قىزىمەن بىرگە اڭگىمە دۇكەنىن قۇرۋدا. سۋرەتتى جيڭ فاڭ تۇسىرگەن
ەرزات شيحۋ قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ حۇڭفاڭزى قىستاعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، 2018 - جىلى چي شياۋيىڭمەن جۇپ قۇراپ، تۋىس بولعان.
ٴبىر جولى چي شياۋيىڭنىڭ كۇيەۋى جاڭ كايرىن اياق استىنان بەل ومىرتقا ارالىق تاباقشاسى ٴوسۋ اۋرۋىنا شالدىعىپ، قوزعالا الماي قالادى. وتباسىنداعى 100 نەشە مۋ جۇگەرىنىڭ جيناۋ مەزگىلى تاياعانىن، جاڭبىرلى كۇنگە جولىققان زامان جۇگەرىنىڭ اتىزدا ٴشىريتىنىن ويلاپ، ەرلى - زايىپتى ەكەۋى ۋايىمداپ ۇيىقتاي المايدى. بۇل جاعدايدان حابار تاپقاننان كەيىن، ەرزات قىستاق كادرلارىن باستاپ، جاڭ كايرىن وتباسىنىڭ اتىز باسىنا بارىپ، جيناۋعا كومەكتەسەدى.
”سول كەزدە مي قايناعان ىستىق بولىپ، ەرزاتتىڭ بىلەگىن جۇگەرى جاپىراعى ٴتىلىپ، كوپتەگەن قىزىل داقتار پايدا بولىپ، ٴارى اۋىرىپ ٴارى قىشيدى، ول ٴۇن - ٴتۇنسىز كومەكتەسە بەردى“، - دەدى جاڭ كايرىن ەسكە الىپ، وسى ەكى جىلدا جاڭ كايرىننىڭ دەنساۋلىق جاعدايى اۋىر دەنە ەڭبەگىن كوتەرە المادى، ەرزات وعان كومەكتەسىپ جەردى اينالىمعا سالعاننان كەيىن، دوسىنىڭ كومەگىمەن قالاداعى بالكۇلشە دۇكەنىنەن ايلىق ەڭبەكاقىسى 3500 يۋان كەلەتىن اۆتوكولىك ايداپ زات جەتكىزۋ قىزمەتىن تاۋىپ بەردى.
ەرزات ىجداعاتتى جان، ول چي شياۋيىڭنىڭ جۇڭي ۋقالاۋ ونەرىنە قىزىعاتىندىعىن بايقاپ، كەيبىر جۇڭي شيپاگەرلەرىنەن ارنايى اقىل سۇراپ، مەديتسينالىق ۋقالاۋ مەن دەنساۋلىق ساقتاۋ ۋقالاۋ بىلىمدەرى جانە جازبا ماتەريالدارىن چي شياۋيىڭگە ەگجەي - تەگجەيلى دايىنداپ، قارسى جاقتى تىڭعىلىقتى ۇيرەنۋگە شابىتتاندىرادى. كەيىن ەرزاتتىڭ كوپ رەت شابىتتاندىرۋىندا، چي شياۋيىڭ ارناۋلى كاسىپتىك قۇرىلىمعا بارىپ ۋقالاۋدى ۇيرەندى. قازىر چي شياۋيىڭ ۋقالاۋ ونەرىن يگەرىپ الدى.
ەرزات چي شياۋيىڭ وتباسىنا ەرەكشە قارايلاسىپ قانا قالماستان، حۇڭفاڭزى قىستاعىنداعى باسقا قىستاق تۇرعىندارىنىڭ ٴىرىلى - ۇساقتى ىستەرىنە دە ەرەكشە كوڭىل ٴبولدى.
قىستاق تۇرعىنى حۋاڭ زايحاۋ بەلگىلى سەبەپتەردەن تۋىس - تۋعاندارىنان ايىرىلادى، ٴارى سالماقتى ناۋقاسقا شالدىعىپ، كوڭىل كۇيى ناشارلايدى. ەرزات جاعدايدى بىلگەننەن كەيىن، حۋاڭ زايحاۋدى تۇرمىسقا سەنىم ورناتۋعا تالاي رەت شابىتتاندىرادى ٴارى وعان، ٴسوز جوق، تۋىسىنداي ساناپ قارايلاسۋعا ۋادە بەرەدى.
ەرزات جوعارى - تومەن شاپقىلاپ، ونىڭ سالماقتى ناۋقاس قۇتقارۋ – كومەكتەسۋى مەن ەڭ تومەنگى تۇرمىستى قامتاماسىزداندىرۋ قاراجاتىن ٴوتىنىش ەتۋىنە كومەكتەستى، سونداي – اق ٴار جىلى قىستا مەيىر كومىرىن اكەلىپ بەردى. مەرەكە - مەيرامداردا كۇرىش، ۇن، ماي، كۇندەلىكتى ٴدارى - دارمەكتەر ٴتىپتى دە ٴۇزىلىپ كورمەدى.
قازىر حۋاڭ زايحاۋ ەرزاتتىڭ كومەگىندە اماندىق قورعاۋشى قىزمەتىن تاۋىپ، تۇرمىسى بارعان سايىن جاقساردى.
قىستاق تۇرعىنى جۋ زىبين، شى جىنيىڭ ەكى قارتتىڭ جاسى ەگدەلەگەن، اۋىرۋشاڭ، بالالارى تۇگەلدەي سىرت جەردە، ەرزات قىزمەتىن ىستەپ بولعاننان كەيىن، قانشا شارشاپ، قالجىراسا دا، ۇنەمى ەكى قارتتىڭ ۇيىنە بارىپ ەگىس جۇمىستارىنا كومەكتەستى.
تاياۋدا شى جىنيىڭنىڭ اۋرۋى اياق - استىنان قوزعالادى، ەرزات ٴبىر جاعىنان شيحۋ قالالىق حالىق شيپاحاناسىمەن بايلانىس جاساپ، ەندى ٴبىر جاعىنان شيپاحاناعا جەتكىزۋ اۆتوكولىگىن ورنالاستىرىپ، شى جىنيىڭدى دەر كەزىندە شيپاحاناعا جەتكىزدى.
قىستاق تۇرعىنى ۋاڭ جىنبونىڭ جەلىدە جانە جەلىدەن تىسقارى 70 توننا سارىمساق ساتۋىنا كومەكتەستى، قىستاق تۇرعىنى شيا جىگاڭنىڭ 1000 مۋدان استام ماقتاسىن ساتۋىنا كومەكتەستى … ۋاقىت زىمىراپ ٴوتىپ، ەرزات بىرتە - بىرتە حۇڭفاڭزى قىستاعىنداعى كوپتەگەن قىستاق تۇرعىندارىمەن ٴبىر - ٴبىرىنىڭ قامىن جەيتىن تۋىستارعا اينالدى.