قۇلجا قالالىق 18 ـ ورتا مەكتەپتە انار گۇلى قۇلپىرا اشىلىپ، ۇلتتار ىنتىماعى ارمانى بىرگە جۇزەگە اسىرىلدى
تىلشىلەرىمىز گۋ رۇڭ، شىن شياۋمىڭ
”دۋ مۇعالىم قىزمەتكە شوگەل، كلاستاعى بارلىق بالانى ايالاي بىلەدى، ول ٴبىزدىڭ جاناشىر جاقىن اعامىز“. قۇلجا قالالىق 18 - ورتا مەكتەپتىڭ مۇعالىمى دۋ جيانشيڭ اۋىزعا الىنسا بولدى كلاستاعى بارلىق وقۋشى وزدەرىنىڭ ەڭ سۇيىكتى كلاس جەتەكشىسىن باس بارماقتارىن شىعارىپ القاي جونەلەدى.
قاراپايىم وقىتۋشى رەتىندە، سونىمەن بىرگە رايون ىشىندەگى ورتالاۋ مەكتەپ كلاسىنىڭ كلاس جەتەكشىسى رەتىندە دۋ جيانشيڭ اكە ـ شەشەسىنەن جاڭا عانا الىستاپ، ٴوز الدارىنا ٴبىلىم ىزدەپ كەلگەن وقۋشىلارعا دا وڭاي ەمەس ەكەنىن ابدەن بىلەدى، ول ۇنەمى سىرلاسۋ، اڭگىمەلەسۋ، تاقىرىپتىق كلاس جيىنى سياقتىلار ارقىلى كلاستا باي مازمۇندى، الۋان فورمالى ۇلتتار ىنتىماعى قيمىلىن ۇيىمداستىرىپ، ورىستەتىپ، وقۋشىلارعا كلاستىڭ مەيىرىن سەزىندىرۋمەن بىرگە، جۇڭحۋا ۇلتى ورتاق تۇلعا تانىمىن دا ونان ارى بەكەمدەي ٴتۇستى.
سەنبى، جەكسەنبى، مەرەكە - مەيرام دەمالىس كۇندەرىنەن ۋاز كەشىپ، مەكتەپتە وقۋشىلارعا سەرىك بولۋ دۋ جيانشيڭنىڭ داعدىلى ىسىنە اينالعان. ول ۇنەمى كەشكى پىسىقتاۋدان كەيىن جاتاق سايىن كىرىپ، بالالاردىڭ تۇرمىس جاعدايىن ۇعىسىپ، ولارعا قاجەتتى وقۋ قۇرالدارىن ساتىپ الىپ بەرىپ، مادەنيەت ساباعىنا جەكە جەتەكشىلىك ەتىپ، مەكتەپتى بالالاردىڭ ٴوز ۇيىندەي سەزىندىرگەندىكتەن، وقىتۋشىلارعا ٴتىپتى دە سەنىم ارتاتىن بولعان.
دۋ جيانشيڭ كلاسىندا جانبوتا اسەنجان ۇلىنىڭ وقۋعا تۇسكەننەن كەيىن كوپ وتپەي ۇيرەنۋ ناتيجەسىنىڭ باستاۋىش مەكتەپتەگى كەزىندەگىدەي الدىڭعى قاتاردا بولماعاندىعىن، كوڭىل كۇيىنىڭ توتەنشە ناشار، ۇيرەنۋ بەلسەندىلىگىنىڭ تومەندەگەندىگىن، ٴتىپتى وقۋدان جالىعۋ پيعىلىنىڭ پايدا بولعاندىعىن، ناتيجەسىنىڭ كۇرت تومەندەپ، باسقا ساباقتاستارىمەن اڭگىمەلەسۋگە زاۋقى سوقپايتىنىن بايقايدى.
دۋ جيانشيڭ بۇل جاعدايدى بايقاعاننان كەيىن ساباق ارالىعى، اپتا سوڭى، مەرەكە، دەمالىس كۇندەرى سياقتى ساباقتان سىرتقى ۋاقىتتا جانبوتامەن سىرلاسىپ، اڭگىمەلەسىپ، ونىڭ ۇيرەنۋدە، تۇرمىستا جولىققان قيىنشىلىقتارىن سۇراپ ۇعىسىپ، سونىمەن بىرگە ونىڭ بويىنداعى ارتىقشىلىقتارى، ەرەكشەلىكتەرى ارقىلى ونى شابىتتاندىرادى. وسىلايشا دۋ جيانشيڭنىڭ قامقورلىعىندا جانبوتا بىرتىندەپ كوڭىل كۇي جاقتان اشىلىپ، وزىنە دەگەن سەنىمىن قالپىنا كەلتىرەدى ٴارى كلاستىڭ ماتەماتيكا ”مايتالمانىنا“ اينالىپ، بىلتىر ۇزدىك ناتيجەمەن ىشكى ولكەدەگى شينجياڭ تولىق ورتا كلاسىنا قابىلدانادى.
دۋ جيانشيڭ مۇعالىمنىڭ ىزگى ىستەرى قۇلجا قالالىق 18 ـ ورتا مەكتەپتىڭ ۇلتتار ىنتىماعى، العاباسارلىعى تاربيە جەتىستىكتەرىنىڭ شاعىن كورىنىسى عانا، مۇنداي ىزگى ىستەر وسى ”ەرەكشە“ مەكتەپتە بارشىلىق.
17 ۇلتتىڭ وقىتۋشى ـ وقۋشىلارىنان قۇرالعان كوپ ۇلتتى ۇلى شاڭىراق رەتىندە قۇلجا قالالىق 18 ـ ورتا مەكتەپ قۇلجا قالاسىنداعى بىردەن ـ ٴبىر رايون ىشىندەگى ورتالاۋ مەكتەپ كلاسى بار مەكتەبى، مەكتەپ قۇرىلعاننان بەرى بۇكىل شينجياڭداعى ورتالاۋ مەكتەپتەردىڭ ىشكى ولكەلەردەگى ورتا مەكتەپتەرگە ٴتۇسۋ ەمتيحانىندا ناتيجەسى باستان ـ اياق الدىڭعى قاتاردا بولىپ، باسقا ولكە، قالالاردىڭ ورتا مەكتەپ كلاستارىنا نەشە مىڭ ۇزدىك وقۋشى تاربيەلەپ جىبەردى. ولار بەينە باقباق تۇقىمى سياقتى وتانىمىزدىڭ بايتاق دالاسىنىڭ تۇكپىر ـ تۇكپىرىنە كەڭىنەن تارالىپ، ۇلتتار ىنتىماعىنىڭ تۇقىمىن سەۋىپ، ۇلتتار ىنتىماعى گۇلىن بارلىق جەردە جايقالتتى.
”قۇلجا قالالىق 18 - ورتا مەكتەپ جۇڭحۋا ۇلتى ورتاق تۇلعا تانىمىن بەرىك ورناتۋدان جانە ۇلتتار ىنتىماعى، العاباسارلىعى تاربيەسىن وزەك ەتۋدەن جازباي، ’انار گۇلى قۇلپىرا اشىلدى‘ پارتيا قۇرىلىسى ماركاسىن جاراتىپ، ەڭ جوعارى ولشەممەن ’انار گۇلىنىڭ جاپىراقشاسى ۇقساماعانىمەن، الايدا وزەگى ٴبىر بولۋ‘ ۇستانىمىن وقۋ - اعارتۋدىڭ تۇتاس بارىسىنا ٴسىڭىرىپ، پارتيا قۇرىلىسى جول باستاۋشى بولۋ، پارتيا ياچەيكاسى قورعان بولۋ، پارتيا مۇشەلەرى اۆانگارد بولۋ رولى تولىق ساۋلەلەندىرىلىپ، جالپىلىق وقىتۋ دەڭگەيى جوعارىلاتىلىپ، ۇلتتار ىنتىماعى − وقىتۋشىلاردىڭ كاسىبىنە، وقۋشىلاردىڭ وقۋىنىڭ، ٴتىپتى ٴومىر بويى ەسەيىپ ـ ەرجەتۋىنىڭ ايقىن نەگىزىنە اينالدى“ دەدى قۇلجا قالالىق 18 ـ ورتا مەكتەپ پارتيا ياچەيكاسىنىڭ ورىنباسار شۋجيى حۇلقار ابدىكەرىم.
ٴار ۇلت وقۋشىلارى بىرگە ۇلتتىق ٴبي ۇيرەنۋدە
گۋ رۇڭ فوتوسى
ٴار ۇلت وقۋشىلارى قىزىل ٴان ايتۋ قيمىلىن بىرگە ورىستەتتى
گۋ رۇڭ فوتوسى