تىلشىلەرىمىز گۋ رۇڭ، شىن شياۋمىڭ حابارلايدى. 2023 - جىلى 12 - ايدىڭ 29 - كۇنى چاپچال سىبە اۆتونوميالى اۋدانىنىڭ ۇلكەن بۋرا قالاشىعى ”مەرەكەنى قۇتتىقتاپ، جاڭا جىلدى قارسى الۋ“ اتىنداعى ۇلتتار ىنتىماعى بىرلەسپە ساۋىق كەشىن وتكىزىپ، ٴار ۇلت كادر - جۇرتشىلىعى ٴبىر اراعا باس قوسىپ، ٴان ايتىپ، بيگە باسىپ، جاڭا جىلدى بىرگە قارسى الدى.

بىرلەسپە ساۋىق كەشى «ٴساتتى باستاما» اتتى ويناقى انمەن باستالدى، ٴارقايسى قىستاقتان، قالاشىققا قاراستى ورىنداردان كەلگەن ٴبي ۇيىرمەسى، حور ۇيىرمەسى، وركەستر ۇيىرمەسى سياقتىلار ارت - ارتىنان ساحناعا شىعىپ، كورەرمەندەرگە تاماشا ويىن نومىرلەرىن كورسەتتى. مۇندا ويىن نومىرلەرى اراسىنا كىرىستىرىلگەن ورىندىققا تالاسۋ، شاردى اياقپەن باسىپ جارۋ سياقتى قىزىقتى ويىندار ورتانى قىزدىرىپ، قيمىلدى جوعارى ورلەۋگە كوتەرىپ، ناق مايداندا شاپالاق ٴۇنى شاتىرلاپ، ادامداردى قۋانىش تەڭىزىنە باتىردى.

وسى رەتكى قيمىل كادرلار مەن بۇقارانىڭ مادەني تۇرمىسىن بايىتىپ قالماستان، ٴار ۇلت كادرلارى مەن بۇقاراسىنىڭ پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسۋ سەنىمىن ٴتىپتى دە بەكەمدەي ٴتۇستى. كەلەر قادامدا ۇلكەن بۋرا قالاشىعى الۋان فورماداعى قيمىلداردى جالعاستى ۇيىمداستىرىپ، ورىستەتىپ، پارتيا مۇشەلەرىنىڭ ۇلگىلىك، باستاماشىلدىق رولىن تولىق ساۋلەلەندىرىپ، قىستاق تۇرعىندارىن كورىكتى مەكەندەرىن گۇلدەندىرۋگە باستاماقشى.

سۋرەتتە: كادرلار مەن بۇقارا جاڭا جىلدى تويلاۋدا.

گۋ رۇڭ فوتوسى