汉文 ىلە اقپارات تورابىنا حوش كەلدىڭىزدەر!
ٴۇي ماڭىنداعى جۇمىسقا قابىلداۋ جينالىسى اۋىل ـ قىستاقتى گۇلدەندىرۋگە دەم بەردى
2021-04-08 17:35:56     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

    وبلىستىق حالىق ىستەرى مەكەمەسى پارتيا تاريحىن ۇيرەنۋ تاربيەسىن ىشكەرىلەي، شىنايى ىلگەرىلەتتى

 

  سۋرەتتە: تۇرعىندار جۇمىسكەر قابىلداۋ جينالىسىندا كەڭەس الۋدا.

    حۋاڭ يان فوتوسى

    ٴتىلشىمىز حۋاڭ يان تەكەستەن حابارلايدى. «بۇل قىزمەت ورنىندا جۇمىس ىستەگەندە جاتاق، تاماق كوتەرىلە مە؟» «بۇل قىزمەت ماعان لايىقتى ەكەن، ايلىق ەڭبەكاقىسى قانشا؟». 3 ـ ايدىڭ 30 ـ كۇنى تەكەس اۋدانى قاراتوعاي قالاشىعى ەشكىلىك قىستاعىنداعى جۇمىسكەر قابىلداۋ جينالىسىندا جۇمىس ىزدەۋشىلەر جۇمىس ورىندارىن، ەڭبەكاقىلارىن سالىستىرىپ، كوڭىلىندەگى جۇمىس ورنىن تاڭدادى.

   سول كۇنى وبلىستىق حالىق ىستەرى مەكەمەسى جانە 3 قوعامدىق ۇيىمنىڭ جاۋاپتىلارى قىستاققا بارىپ اۋىل - قىستاقتىڭ گۇلدەنۋىن جەبەۋ ٴۇشىن ارناۋلى جۇمىسقا قابىلداۋ جينالىسىن وتكىزدى. جۇمىسكەر ىستەتۋشى كاسىپورىن قۇرىلىس سالۋ، جوندەۋ، تازالىق جۇمىسشىسى سياقتى كوپتەگەن كاسىپتەن جالپى 9 جۇمىس ٴتۇرىن، 70 جۇمىس ورنىن دايىنداپ، جۇمىس ىزدەۋشىلەردى كوپ ارنالى كاسىپپەن قامدادى. جۇمىسكەر قابىلداۋ جينالىسىندا ساياساتتىق كەڭەس بەرۋ، كاسىپكە جەتەكشىلىك ەتۋ سياقتى جاقتاردان قىزمەت وتەلدى. سوڭىندا 20 ادام جۇمىسقا قابىلداندى.

    وبلىستىق حالىق ىستەرى مەكەمەسىنىڭ 2 - دارەجەلى زەرتتەۋشىسى فىڭ جيانپو تانىستىرىپ بىلاي دەدى: پارتيا تاريحىن ۇيرەنۋ تاربيەسىندە وبلىستىق حالىق ىستەرى مەكەمەسى «بۇقاراعا ناقتى ٴىس ىستەيمىن» اتىنداعى ٴىس جۇزىندىك قيمىلدى مىقتى يگەرىپ، پارتيا تاريحىن ۇيرەنۋ تاربيەسىن ىشكەرىلەي، ناقتى ىلگەرىلەتتى. حالىق ىستەرى دانەگەر بولۋ، قوعام قاتىناسۋ، قوعامدىق ۇيىمداردىڭ اۋىل - قىستاقتى گۇلدەندىرۋ ىستەرىنە قاتىناسۋىنا بەلسەنە جەتەكشىلىك ەتۋ پرينسيبىندە تاباندى بولدىق. بۇل رەتكى جۇمىسكەر قابىلداۋ جينالىسىندا اۋىل - قىستاقتى گۇلدەندىرۋدى جەبەۋدى نەگىزگى تاقىرىپ ەتىپ، اۋىل - قىستاقتاعى ارتىق ەڭبەككۇشتەردى جوتكەپ كاسىپتەندىرىپ، اۋقاتتاندىرۋدى ماقسات ەتىپ، شىن پەيىلمەن بۇقاراعا ناقتى ٴىس ىستەپ، قيىنشىلىقتارىن شەشتىك.

    «جاستار اتويشىل بولۋى كەرەك، اتويلاپ بەلدەسكەندە عانا كوز ايا كەڭەيەدى، ويداعىداي قىزمەت تاپقىم كەلەدى». قىستاق تۇرعىنى ءلاززات ەسەنتۇر قىزى قابىلداۋ جينالىسىندا مۇقيات ۇعىسىپ، ارمانداعان كاسىپورنىنا قىسقاشا تانىستىرۋىن قالدىرىپ، بەتپە ـ بەت ەمتيحانعا قامداندى.

    «سەرىكتىك 5 ورناتۋ ـ جوندەۋ جۇمىسكەرىن، 5 تيەۋ ـ ٴتۇسىرۋ جۇمىسكەرىن، سونداي ـ اق كاسىپ ديرەكتورى جانە ساۋدا ىستەرىن ەستەلىككە الاتىن قىزمەتكەر قابىلداۋدى جوسپارلاۋدا، ەڭبەكاقىسى 3 مىڭ يۋاننان 8 مىڭ يۋانعا دەيىن، جاقسى ىستەسە پايدا ۇلەسى دە بەرىلەدى». چيلۋ ساۋداگەرلەر قوعامى اتقارۋشىلار القاسىنىڭ باستىعى يۇي حۇڭشيا تىلشىگە: «كەيىنىرەك جۇمىس ورىن قاجەتى ٴتىپتى دە ارتۋى مۇمكىن، قىستاقتاعى ارتىق ەڭبەككۇشتەردىڭ ورنىقتى كاسىپتەنۋىن جەبەيمىز» دەدى.

    «ۇعىسۋ، تيىمدىلىك جاساۋ، توعىستىرۋ» قىزمەتى ورىستەتىلگەننەن بەرى وبلىستىق حالىق ىستەرى مەكەمەسى قىزمەت ورنى ارتقى تىرەك، اترەت مۇشەلەرى ۋاكىل بولۋدا باستان ـ اياق تاباندى بولىپ، تىرەكتىك ورنىن بەلسەنە ساۋلەلەندىرىپ، «ۇعىسۋ، تيىمدىلىك جاساۋ، توعىستىرۋ» قىزمەتىنىڭ ىشكەرىلەي تياناقتانىپ، ٴونىمدى ورىستەتىلۋىن جەبەدى. ەشكىلىك قىستاعىنىڭ بەت ـ بەينەسىندە جانە قىستاق تۇرعىندارىنىڭ يدەيا ـ تانىمىندا زور وزگەرىس بولدى، قىستاق تۇرعىندارىنىڭ سىرتقا شىعىپ جۇمىس ىستەۋ جىگەرى بارعان سايىن ارتىپ، اۋقاتتانۋ ارناسى كەڭەيدى.

    «بۇگىن ءبىز قىستاقتا ورىستەتىلگەن ەرىكتى مەيىر باعىشتاۋ، قىزمەت وتەۋ قيمىلىنا قاتىناسىپ، قىستاق تۇرعىندارىنا پارتيا مەن ۇكىمەتتىڭ جانە قوعامنىڭ سۇيىسپەنشىلىگىن شىنايى سەزىندىردىك. بالالاردىڭ كوڭىلدى ەسەيىپ، قۇلشىنا ۇيرەنۋىن ٴۇمىت ەتەمىز. اتا ـ انالاردىڭ كوڭىلدى بەينەسىن كورىپ مەن دە قۋاندىم». ىلە وبلىستىق ي - شۋگۋاڭ تاربيەلەۋ ـ باۋلۋ ورتالىعىنىڭ جاۋاپتىسى ان گۇيچي قابىلداۋ جينالىسىنان كەيىن قىستاققا 40 بالالار توسەگىن سيلادى. ول بۇدان كەيىن قوعامدىق جاۋاپكەرلىكتى ۇزدىكسىز اتقارىپ، اۋىل ـ قىستاقتى گۇلدەندىرۋگە ۇلەس قوساتىندارىن ٴبىلدىردى.

    «بۇل رەتكى جۇمىسكەر قابىلداۋ جينالىسى كاسىپورىندار مەن قىستاق تۇرعىندارىنىڭ ٴوزارا پىكىر الماستىرۋ تەكشەسىنە اينالدى، كاسىپورىندارعا دارىندى قابىلدادى ٴارى قىستاق تۇرعىندارىنىڭ كىرىسىن ارتتىرۋعا كەپىلدىك ەتتى، ٴوزارا تيىمدىلىك جاراتىپ، قوس ونىمدىلىكتى جۇزەگە اسىردى». ەشكىلىك قىستاعىنىڭ ٴبىرىنشى شۋجيى، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى ما شۋەلين مىنالاردى ٴبىلدىردى: «بۇدان كەيىن قىستاعىمىز ساياسات جەتكىزۋ، جۇمىس ورنىمەن قامداۋ، قىزمەت وتەۋ قيمىلىن ۇزدىكسىز ورىستەتىپ، قىستاقتاعى ارتىق ەڭبەككۇشتەردى سىرتقا شىعىپ جۇمىس ىستەۋگە، تەحنيكا ۇيرەنۋگە شابىتتاندىرىپ، اۋقاتتاندىرامىز، قىستاق تۇرعىندارىنىڭ كاسىپتەنۋىن جوعارىلاتىپ، كەدەيلىكتەن ارىلتۋدان قامال الۋ جەتىستىكتەرىمەن اۋىل ـ قىستاقتى گۇلدەندىرۋدى سايكەستىرىپ، اۋىل - قىستاقتى گۇلدەندىرۋ ستراتەگياسىن ورنىقتى قاداممەن العا ىلگەرىلەۋىن جاپپاي جەبەيمىز».