باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
تۇتاس قىستاقتاعى انالار سۇلۋلانىپ كەتتى
2021-07-27 16:54:39     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

چيپاۋ مەن اتلاس وڭتۇستىك شينجياڭداعى شاعىن قىستاقتا ۇشىراستى

تۇتاس قىستاقتاعى انالار سۇلۋلانىپ كەتتى

انار بۇلت / شينجياڭ گازەتىنىڭ ءتىلشىسى يىن لۋ

”قىزمەت اترەتىندەگى جولداستىڭ ايتۋىنشا، جوبالاۋشى ۇستازدى قىستاققا كەلىپ كۋرس اشۋعا ۇسىنىس ەتىپتى. ءبىز كۇش ۇستىنە كۇش قوسىپ، ىسىمەرلىكتى قانىق ۇيرەنىپ، جوبالاۋشى ۇستاز جوبالاعان كيىمدەردى تىگىپ شىعۋعا قۇلشىنۋىمىز كەرەك“. 7 - ايدىڭ 12 - كۇنى ءماريام تۇردى وسى قۋانىشتى حاباردى اپەكە - سىڭلىلەرىنە جەتكىزگەندە تىگىنحانانى لەزدە شاتتىق ءۇنى كەرنەدى.

ءماريام اۋات اۋدانى يىڭارىق قالاشىعى سوگەتارىق قىستاعىنا تانىمالى ”زامانالىق دارىن“.

جۋىقتا وتكىزىلگەن قىستاق مادەنيەت ۇلكەن اۋلاسىنىڭ ماڭدايشالىعىن اسۋ سالتىندا اتلاس، چيپاۋ كيگەن ءبىر توپ ايەل اۋىل - قىستاق ساحناسىندا ءسان ۇلگىلەرىن كورسەتىپ، تۇتاس قىستاقتى تاڭ قالدىردى. بۇل كيىمدەردى جوبالاعاندار، تىككەندەر ءماريام مەن ونىڭ تىگىنحاناسىنداعى اپەكە - سىڭلىلەر ەدى.

ءماريام كىشكەنتايىنان ينە - ءجىپ جۇمىسىنا قىزىعاتىن. 10 نەشە جىلدىڭ الدىندا ول قىستاقتاعى قارت تىگىنشىدەن ىسىمەرلىك ۇيرەنگەن بولاتىن، كەيىن كەلە اۋدان قالاشىعى مەن اقسۋ قالاسىنا بارىپ، كيىم - كەشەك تىگۋ كۋرسىنا قاتىناستى. 2012 - جىلى ءماريام قىستاققا قايتىپ كەلىپ تىگىنحانا اشتى. ”العاشقى بىرنەشە جىلدا ساۋدام جاقسى بولمادى، جاماپ - جاسقايتىن ىستەردەن اسا الماي كىرىسىم دە تومەن بولدى“، - دەدى ول.

وسى بىرنەشە جىلدا جاڭا سالت ورناپ، وڭتۇستىك شينجياڭ وزگەردى، قىستاق تۇرعىندارىنىڭ كوزقاراسى وزگەردى، تىگىنحاناعا كەلىپ كيىم تىكتىرەتىن قاريدارلار كوبەيدى. اتلاس ءماريام ەڭ ۇناتىپ ىستەتەتىن ماتا، اتلاسپەن چيپاۋ جوبالاۋعا ول ەرەكشە شەبەر بولدى، قىستاق تۇرعىندارى دا توتەنشە ۇناتتى.

كۇن ءتۇس بولىپ قالعانىمەن، تىگىنحانا ءىشى باياعىسىنداي قاربالاس. ”امانگۇلدىڭ چيپاۋىنىڭ بەلىن ءالى دە ءبىراز تارىلت، ونىڭ ءۇيى كەلەر اپتادا توي جاسايدى، تەزىرەك بولايىق“، ”بۇل كويلەك ءجونسالداۋ بولىپ تۇر، يەسىنە ايتىپ، جاعاسىن اتلاسپەن نەمەسە كەستەمەن اشەكەيلەيىك“. ءماريام، ءبىر جاعىنان، اپەكە - سىڭلىلەرىنە تاپسىرما بەرسە، ەندى ءبىر جاعىنان، ءوزى ءىس تىكتى. ەرەكشە قاربالاس بولعاندىقتان، تۇسكى تاماق اكەلگەن قىزىنا دا قاراۋعا مۇرساسى تيمەدى. ”ساباقتاستارىم شەشەڭ تۇتاس قىستاقتاعى انالاردى سۇلۋلاندىرىپ جىبەردى دەسەدى“، - دەيدى 12 جاستاعى ءنازيرا ابدۇميت ماقتانىشپەن.

زايتۇنگۇل يمامنياز ءماريامنىڭ كونە قاريدارى، بيىل جازدا ول ءبىر اتلاس چيپاۋعا، ەكى كويلەككە تاپسىرىس بەردى، وعان قوسا كۇيەۋىنە ءبىر كەستەلى ورنەك سالىنعان جەيدە تىكتىرتتى. ”قازىر قىستاقتاعى قيمىلدارعا، تويلارعا قاتىناساتىن كوپتەگەن اپەكە - سىڭلىلەرىمىز تۇگەل ونىڭ تىگىنحاناسىنا كەلىپ كيىم تىكتىرەدى، جاڭاشا، سالاۋاتتى كورىنەدى“، - دەدى زايتۇنگۇل.

”قىستاقتاعى ءىس تىگە الاتىن 7 ايەل ارت - ارتىنان ءماريامنىڭ تىگىنحاناسىنا كەلىپ جۇمىس ىستەپ، اي سايىن تۇراقتى ەڭبەكاقى الاتىن بولدى. ونىڭ باستاۋىندا قىستاقتا ىلگەرىندى - كەيىندى 5 تىگىنحانا اشىلدى“. اۆتونوميالى رايوندىق مادەنيەت جانە ساياحات مەڭگەرمەسىنىڭ سوگەتارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ءبىرىنشى شۋجيى جاڭ رۇيحۋا بىلاي دەدى: ”ءبىز قازىر ايگىلى كيىم جوبالاۋشى سۇن شيۋچيندى، چىڭ يىڭفىندى قىستاققا كەلىپ كوپشىلىككە ساباق ءوتىپ بەرۋگە شاقىرىپ وتىرمىز ءارى ولارمەن العاشقى كەلىسىمدى جاساستىق، قىستاقتاعى تىگىنشىلەر قوسىنى تەحنيكاعا توسەلسە بولعانى، ولار جوبالاعان كيىم - كەشەكتەردى قابىلداپ تىگە الادى“.