ٴتىلشىمىز ياڭ جيڭ - ي حابارلايدى. 3 - ايدىڭ 4 - كۇنى ىلە وبلىستىق وقۋ - اعارتۋ مەكەمەسىنىڭ قۇلجا قالاسى داردامتى اۋىلى بۇلاق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قۇلجا قالالىق 19 - بالالار باقشاسىندا «وقۋ - اعارتۋعا كومەك بەرىپ، مەيىر باعىشتاۋ» جانە « 8- ناۋرىز» ايەلدەر مەرەكەسىن قۇتتىقتاۋ وقۋ - اعارتۋعا كومەك بەرۋ دوستىق قيمىلىن ورىستەتتى.

قيمىل بارىسىندا وقىتۋشىلار ادەبيەت - كوركەمونەر نومىرلارىن ورىندادى. قىزىقتى ويىن ساتىسىندا وقىتۋشىلار ٴبىر - بىرىنە مەرەكەلىك ساۋعا ۇسىندى. كوڭىل اشۋ تۇرلەرى اياقتاعان سوڭ وقىتۋشىلار بالالارعا باعىتتامالى تۇردە ساباق پىسىقتاتتى. قىزمەت اترەتىنىڭ مۇشەسى جاڭ تيڭ بالا باقشا تاربيەسى مەن باستاۋىش مەكتەپ وقىتۋىن ۇشتاستىرۋ جونىندە لەكسيا جاساپ، بالالار باقشاسى وقىتۋشىلارىنىڭ بالالار باقشاسى مەن باستاۋىش مەكتەپپەن عىلمي، ٴونىمدى ۇشتاستىرۋدى ويداعىداي  ىستەۋگە جەتەكشىلىك ەتتى.

بۇل رەتكى قيمىل ايەل وقىتۋشى، جۇمىسشى - قىزمەتكەرلەردىڭ مادەني تۇرمىسىن بايىتىپ قانا قالماستان، جەرگىلىكتى ورىنداعى بالالار باقشاسىنىڭ وقۋ - اعارتۋ، وقىتۋ ورەسىن جوعارىلاتۋىنا سەپتىگىن تيگىزدى.