«ج ك پ ورتالىق كوميتەتى، مەملەكەتتىك كەڭەس باسىپ تاراتقان <مەملەكەت مەنشىگىندەگى ورمان الاڭىنا رەفورما جاساۋ جوباسى>» مەن <<<مەملەكەت مەنشىگىندەگى ورمان رايونىنا رەفورما جاساۋ جونىندەگى جەتەكشى پىكىرىنىڭ> (ورتالىق كوميتەت تاراتقان [2015] 6 - ٴنومىرلى قۇجاتىنداعى)»؛ مەملەكەتتىك ورمان مەكەمەسىنىڭ «مەملەكەت مەنشىگىندەگى ورمان الاڭىن باسقارۋ ٴادسى» جونىندەگى ۇقتىرۋىنىڭ (ورمان الاڭى تاراتقان [2011] 254 - ٴنومىرلى قۇجاتىنداعى؛ اۆتونوميالى رايوندىق پارتكوم، حالىق ۇكىمەتىنىڭ «شينجياڭ ۇيعۇر اۆتونوميالى رايونىنىڭ مەملەكەت مەنشىگىندەگى ورمان الاڭى رەفورماسىن اتقارۋ جوباسىنىڭ» (شينجياڭ ۇيعۇر اۆتونوميالى رايوندىق پارتكوم تاراتقان [2016] 14 - ٴنومىرلى قۇجات) رۋحىنا ساي، باتىس تيانشان ورمان باسقارۋ مەكەمەسىنىڭ موڭعۇلكۇرە بولىمشە مەكەمەسى قاراكول رايونى مەن قوعامدىق فۋنكتسياسىن جەرگىلىكتى ۇكىمەتتىڭ باسقارۋىنا وتكىزىپ بەرىپ، قاراكول تۇرعىندارىن اۋىل - قستاق جانە قالاشىق تۇرعىندارىمەن ۇقساس مەملەكەتتىڭ حالىققا تيىمدىلىك جاساۋ ساياساتىنان يگىلىكتەنۋىن جەدەل ىلگەرىلەتۋ، موڭعۇلكۇرە اۋداندىق پارتكوم مەن حالىق ۇكىمەتىمەن تولىق اقىلداسۋ ارقىلى قاراكول رايونىن جەرگىلىكتى ورىنعا وتكىزىپ بەرۋ جۇنىندە تومەندەگىدەي حابارلاندىرۋ شىعاردى.
1. وتكىزىپ بەرۋ پرينسيبى
«قورعاۋدى الدىڭعى ورىنعا قويىپ، ادامدى نەگىز ەتۋ» جانە «بۇرىنعى ادامدارعا بۇرىنعى ٴادىستى قولدانۋ» پرينسيبىنە تاباندى بولىپ، حالىق تۇرمىسىن قامتاماسىزداندىرۋدى ۇزدىكسىز كەمەلدەندىرىپ، تاريحتان قالعان ماسەلەلەردى ۇيلەسىمدى شەشىپ، قاراكول رايونىنىڭ جاراسىمدى ورنىقتىلىعىنا، بۇقارانىڭ تۇرمىسىنىڭ بارعان سايىن جاقسارۋىنا كەپىلدىك ەتىلەدى.
2. وتكىزىپ بەرۋ كولەمى
1. «موڭعۇلكۇرە ورمان الاڭى ناپوسىنداعى» تۇرعىندار جەرگىلىكتى ۇكىمەتتىڭ باسقارۋىنا وتكىزىپ بەرىلەدى، ناپوسى جەرگىلىكتى ساقشى بولىمشەسىنىڭ قاراستىلىعىنا وتەدى.
2. موڭعۇلكۇرە ورمان الاڭىنىڭ ەگىستىگى، جايىلىمى، قاراكول ورمان رايونىنىڭ تۇراقتى مال - مۇلكى مەن قۇرىلىسقا پايدالانىلعان جەرى جەرگىلىكتى ۇكىمەتكە وتكىزىپ بەرىلەدى.
3. «موڭعۇلكۇرە ورمان الاڭى ناپوسىنداعى» تۇرعىندار جەرگىلىكتى اۋىل، قالاشىقتارعا وتكىزىپ بەرىلگەننەن كەيىن، قوعامدىق قامسىزداندىرۋ، ەمدەۋ قامسىزداندىرۋى، ەڭ تومەنگى تۇرمىس قامسىزداندىرۋى سياقتى حالىققا ٴتيىمدى ساياساتتاردان سول جەردەگى جەرگىلىكتى تۇرعىندارمەن ۇقساس يگىلىكتەنەدى.
«موڭعۇلكۇرە ورمان الاڭى ناپوسىنداعى» تۇرعىندار وسى قۇلاقتاندىرۋدى كورگەننەن كەيىن 7 قىزمەت كۇنى ىشىندە موڭعۇلكۇرە اۋدانى قاراكول ورمان الاڭى ىستەرىن باسقارۋ كەڭسەسىمەن بايلانىس جاساڭىزدار، مۇندا ادامداردىڭ ينفورماتسياسىن تۇراقتاندىرۋ قىزمەتى ورىستەتىلىپ، وتكىزىپ بەرۋ قىزمەتىنىڭ ٴتارتىپتى جۇرگىزىلۋىنە، قىزمەت فۋنكتسياسىنىڭ ورىندالۋىنا كەپىلدىك ەتىلىپ، موڭعۇلكۇرە بولىمشە مەكەمەسى وكىلەتتى باسقارىپ كەلگەن قىستاق، قالاشىق سياقتىلاردىڭ قوعامدىق باسقارۋ، الەۋمەتتىك قىزمەت وتەۋ فۋنكتسياسى جەرگىلىكتى ۇكىمەتتىڭ ٴبىرتۇتاس باسقارۋىنا وتكىزىپ بەرىلەدى.
حابارلاسۋ تەلەفونى: 6269011 - 0999
باتىس تيانشان مەملەكەت مەنشىگىندەگى ورمان باسقارۋ مەكەمەسىنىڭ موڭعۇلكۇرە بولىمشە مەكەمەسى
2021 - جىلى 9 - ايدىڭ 14 - كۇنى