汉文 ىلە اقپارات تورابىنا حوش كەلدىڭىزدەر!
ىلە قازاق اۆتونوميالى وبلىسىنىڭ شينجياڭ قوڭىر ارا گەنەتيكالىق بايلىعىن قورعاۋ ەرەجەسى
2022-04-26 12:48:35     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

(2021 - جىلى 8 - ايدىڭ 30 - كۇنى ىلە قازاق اۆتونوميالى وبلىستىق 14 - كەزەكتى حالىق قۇرىلتايى تۇراقتى كوميتەتىنىڭ 36 - رەتكى ماجىلىسىندە ماقۇلداندى،2022 - جىلى 3 - ايدىڭ 25 - كۇنى شينجياڭ ۇيعۇر اۆتونوميالى رايوندىق 13-كەزەكتى حالىق قۇرىلتايى تۇراقتى كوميتەتىنىڭ 32 - رەتكى ماجىلىسىندە بەكىتىلدى)


1 - تارماق شينجياڭ قوڭىر ارا گەنەتيكالىق بايلىعىن قورعاۋدى كۇشەيتىپ، شينجياڭ قوڭىر ارا گەنەتيكالىق بايلىعىن قورعاۋ رايونىن قۇرۋدى جانە باسقارۋدى جۇيەلىلەندىرىپ، شينجياڭ قوڭىر ارا گەنەتيكالىق بايلىعىنان تارتىپپەن پايدالانۋدى ىلگەرىلەتۋ ٴۇشىن، «جۇڭحۋا حالىق رەسپۋبليكاسىنىڭ مال شارۋاشىلىق زاڭى»، «جۇڭحۋا حالىق رەسپۋبليكاسىنىڭ حايۋاناتتاردى ىندەتتەن ساقتاۋ زاڭى» سياقتى زاڭدارعا، زاڭ - ەرەجەلەرگە نەگىزدەلە وتىرىپ، اۆتونوميالى وبلىستىڭ ٴىس جۇزىندىگىمەن ۇشتاستىرىپ، وسى ەرەجە جاسالدى.

2 - تارماق شينجياڭ قوڭىر ارا گەنەتيكالىق بايلىعىن قورعاۋ رايونىندا قورعاۋ، قۇرىلىس جۇرگىزۋ، باسقارۋ، سونداي - اق قاتىستى قيمىلدارمەن شۇعىلدانۋدا وسى ەرەجە قولدانىلادى.

3 - تارماق بۇل ەرەجەدە ايتىلعان شينجياڭ قوڭىر اراسى ۇزاق ۋاقىتتىق تابيعي شاعىلىسۋدان جانە جاساندى جولمەن سۇرىپتاپ جەتىلدىرۋدەن ٴوتىپ بىرتىندەپ قالىپتاسقان، نەگىزىنەن ىلە قازاق اۆتونوميالى وبلىسىنىڭ نىلقى اۋدانىنا تارالعان جەرگىلىكتى سورت ٴتۇرىن كورسەتەدى.

4 - تارماق شينجياڭ قوڭىر ارا گەنەتيكالىق بايلىعىن قورعاۋ رايونى (تومەندە قىسقارتىلىپ قورعاۋ رايونى دەلىنەدى) «شينجياڭ قوڭىر ارا گەنەتيكالىق بايلىعىن قورعاۋ رايونىنىڭ جالپى تۇلعالىق جوباسىندا» تۇراقتاندىرىلعان كولەمدى ولشەم ەتەدى.

5 - تارماق شينجياڭ قوڭىر ارا گەنەتيكالىق بايلىعىن قورعاۋدا ورگانيزمدەر ٴتۇرىن الدىمەن ويلاستىرۋ، رايونعا ٴبولىپ باسقارۋ، عىلمي جوبالاۋ، ۇيلەسىمدى پايدالانۋ پرينسيبىندە تاباندى بولۋ كەرەك.

6 - تارماق اۆتونوميالى وبلىستىق حالىق ۇكىمەتى شينجياڭ قوڭىر ارا گەنەتيكالىق بايلىعىن قورعاۋ قىزمەتىنە ٴبىر تۇتاس باسشىلىق ەتەدى جانە ۇيىمداستىرىپ رەتتەۋ جۇرگىزەدى؛ نىلقى اۋداندىق حالىق ۇكىمەتى قورعاۋ رايونىن قۇرۋ جانە باسقارۋ قىزمەتىنە جاۋاپتى بولادى. شينجياڭ قوڭىر ارا گەنەتيكالىق بايلىعىن قورعاۋ قاراجاتى تەڭ دارەجەلى ورىننىڭ قازىنالىق مەجە ەسەبىنە ەنگىزىلۋى كەرەك.

7 - تارماق اۆتونوميالى وبلىستىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى شينجياڭ قوڭىر ارا گەنەتيكالىق بايلىعىن قورعاۋ قىزمەتىنە جەتەكشىلىك ەتەدى؛ نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى شينجياڭ قوڭىر ارا گەنەتيكالىق بايلىعىن قورعاۋ جانە باسقارۋ قىزمەتىندە تۇلعالىق جاۋاپكەرشىلىك ارقالايدى.

ەكولوگيالىق ورتا مەكەمەسى، دامۋ جانە رەفورما كوميتەتى، جاراتىلىستىق بايلىق مەكەمەسى، قوعام حاۋىپسىزدىگى مەكەمەسى، ورمان شارۋاشىلىعى جانە جايىلىم مەكەمەسى، مال شارۋاشىلىق، مال شيپاگەرلىك مەكەمەسى، بازار باقىلاۋ - باسقارۋ مەكەمەسى سياقتى تاراۋلار وزدەرىنىڭ مىندەت جاۋاپكەرلىگى كولەمى ىشىندە شينجياڭ قوڭىر ارا گەنەتيكالىق بايلىعىن قورعاۋ جانە باسقارۋعا قاتىستى قىزمەتتەرگە جاۋاپتى بولادى.

8 - تارماق قورعاۋ رايونى ىشىندە اۋىل - قالاشىق حالىق ۇكىمەتى، ەگىس الاڭى، مال فەرمالارى، شينجياڭ قوڭىر ارا گەنەتيكالىق بايلىعىن قورعاۋ قىزمەتىن سەلبەسىپ ويداعىداي ىستەۋى كەرەك؛ شينجياڭ ٴوندىرىس - قۇرىلىس بيڭتۋانىنىڭ تۋان الاڭدارى «شينجياڭ قوڭىر ارا گەنەتيكالىق بايلىعىن قورعاۋ رايونىنىڭ جالپى تۇلعالىق جوباسىندا» تۇراقتاندىرىلعان فۋنكتسيالىق رايوندى باسقارۋ تالاپتارىنا ساي شينجياڭ قوڭىر ارا گەنەتيكالىق بايلىعىن قورعاۋ قىزمەتىن ويداعىداي ىستەۋگە سەلبەسەدى.

قىستاق تۇرعىندار كوميتەتى، ارا شارۋاشىلىعىمەن شۇعىلداناتىن ورىندار مەن جەكەلەر شينجياڭ قوڭىر ارا گەنەتيكالىق بايلىعىن قورعاۋ قىزمەتىن سايكەسىپ ويداعىداي ىستەۋى كەرەك.

9 - تارماق قوعامدىق كۇشتەردىڭ شينجياڭ قوڭىر ارا گەنەتيكالىق بايلىعىن قورعاۋعا اتسالىسۋىنا قولداۋ كورسەتىپ، ەل ىشىندەگى عىلمي زەرتتەۋ قۇرىلىمدارى مەن عىلمي زەرتتەۋ قىزمەتكەرلەرىن شينجياڭ قوڭىر ارا گەنەتيكالىق بايلىعىنا عىلمي زەرتتەۋ جۇرگىزۋگە شابىتتاندىرىپ، قورعاۋ، اشۋ جانە پايدالانۋ ورەسى جوعارىلاتىلادى.

10 - تارماق نىلقى اۋداندىق حالىق ۇكىمەتى قورعاۋ رايونىنىڭ فۋنكتسياسى مەن شەكاراسىنا نەگىزدەلە وتىرىپ رايون بەلگىسىن، شەكارا تاسىن، شەكارا قازىعىن جانە بەلگىسىن ورناتادى. 

ٴارقانداي ورىننىڭ جانە جەكەنىڭ قورعاۋ رايونىنداعى رايون بەلگىسىن، شەكارا تاسىن، شەكارا قازىعىن جانە بەلگىسىن ٴوز بەتىمەن جوتكەۋىنە نەمەسە بۇلدىرۋىنە بولمايدى.

11 - تارماق قورعاۋ رايونىنا عىلمي زەرتتەۋ باقىلاۋ - تەكسەرۋ، اپاتتان ساقتانۋ، اپات زيانىن ازايتۋ، باسقارۋ، قورعاۋ سياقتى جاقتارداعى قۇرىلعى - جابدىقتاردى ورناتىپ جانە سەپتەپ، باسقارۋ، قورعاۋ قۋاتىن جوعارىلاتۋ كەرەك. 

12 - تارماق نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى مەرزىمدى ۋاقىتتا شينجياڭ قوڭىر ارا گەنەتيكالىق بايلىعىن جاپپاي تەكسەرۋ قىزمەتىن ۇيىمداستىرىپ ورىستەتىپ، شينجياڭ قوڭىر ارا گەنەتيكالىق بايلىعى ارحيۆىن ورناتۋى كەرەك.

13 - تارماق شينجياڭ قوڭىر ارا سورتىن جەتىلدىرۋمەن شۇعىلداناتىن ورىندار زاڭ بويىنشا سورتتى مال، ٴۇي قۇستارىن جەتىلدىرۋ، شارۋاشىلىق جۇرگىزۋ رۇقسات كۋالىگىن الۋى، شينجياڭ قوڭىر ارا گەن قامباسىن قۇرۋدى كۇشەيتىپ، سايكەستى قۇرىلعىلاردى كەمەلدەندىرىپ، شينجياڭ قوڭىر ارا گەنەتيكالىق بايلىعىن سۇرىپتاۋ، كۇشەيتۋ قىزمەتىن ورىستەتىپ، شينجياڭ قوڭىر اراسىنىڭ قاسيەتىن جوعارىلاتۋى كەرەك.

14 - تارماق شينجياڭ قوڭىر اراسىنىڭ تارالۋ، سونداي - اق ٴومىر سۇرۋ جانە كوبەيۋ ەرەكشەلىگىنە نەگىزدەلە وتىرىپ، قورعاۋ رايونى ىشىندە تازا سورتتى شينجياڭ قوڭىر اراسىنىڭ تابيعي كوبەيۋى، دامىلداۋى ٴبىرشاما شوعىرلى ٴوڭىردى تابيعي شاعىلىسۋ رايونى ەتىپ ٴبولۋ؛ تازا سورتتى شينجياڭ قوڭىر اراسىنىڭ باسقا دا بوگدە (بۋدان) سورتتاعى ارا ۇيىرىمەن شاعىلىسۋىنان ساقتانۋداعى اۋاشالاۋ ٴوڭىرىن اۋاشالاۋ رايونى ەتىپ ٴبولۋ كەرەك.

15 - تارماق تابيعي شاعىلىستىرۋ رايونى قورشالىپ، جابىق كۇيدە قورعالادى. تابيعي شاعىلىستىرۋ رايونى ىشىنە سورت ٴتۇرىن قورعاۋ فەرماسى ورنالاستىرىلىپ، تازا سورتتى شينجياڭ قوڭىر ارا گەنەتيكالىق بايلىعىن قورعاۋ جانە جەتىلدىرۋ قىزمەتى ورىستەتىلەدى.

اۋاشالاۋ رايونىندا ارا باعۋعا بولادى. ارا باعاتىن ورىندار مەن جەكەلەر اۋىل شارۋاشىلىعى، اۋىل - قىستاق باسقارۋعا جاۋاپتى تاراۋلارى بەلگىلەگەن شينجياڭ قوڭىر ارا سورتىن باعۋى كەرەك، بوگدە (بۋدان) ارا سورتىن باعۋىنا تيىم سالىنادى. 

تابيعي شاعىلىستىرۋ رايونىندا جەتىلدىرىلگەن ارا ٴۇيىرىن اۋاشالاۋ رايونىنا كىرگىزىپ باعۋعا بولمايدى؛ اۋاشالاۋ رايونىندا باعىلعان ارا ٴۇيىرىن تابيعي شاعىلىستىرۋ رايونىنا كىرگىزىپ باعۋعا بولمايدى.

16 - تارماق نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋلارى اۋاشالاۋ رايونىندا ارا باعۋ جوباسىن جاساپ، شينجياڭ قوڭىر اراسىن باعۋ كولەمى مەن ارا ٴۇيىرى تۇيىندەرىنىڭ ورنالاسۋىن ۇيلەسىمدى تۇراقتاندىرۋى ٴارى قوعامعا اشىق جاريالاۋى كەرەك.

اۋاشالاۋ رايونىندا ارا باعاتىن ورىندار مەن جەكەلەر ارا باعۋ جوباسى بويىنشا شينجياڭ قوڭىر اراسىن باعۋى ٴارى جايىلىمدى، ورماندى ورتتەن ساقتاۋ، اپاتتىڭ الدىن الۋدىڭ قاتىستى بەلگىلەمەلەرىنە بويسۇنۋى كەرەك.

17 - تارماق نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى اۋاشالاۋ رايونى ىشىندە ارا باعاتىن ورىنداردى نەمەسە جەكەلەردى تىزىمگە الىپ، ارحيۆ تۇرعىزۋى، ارا سورتى شينجياڭ قوڭىر اراسى ەكەندىگى جونىندەگى «ارا باعۋ كۋالىگىن» بەرۋى ٴارى تەحنيكالىق قىزمەت كورسەتۋى كەرەك.

اۋاشالاۋ رايونىنان ايىرىلىپ، سىرتقا شىعىپ ارا باعاتىن ورىندار مەن جەكەلەر «ارا باعۋ كۋالىگىن» دەركەزىندە قايتارىپ بەرۋى كەرەك.

18 - تارماق نىلقى اۋداندىق اۋىل شارۋاشىلىعى، اۋىل - قىستاق باسقارۋعا جاۋاپتى تاراۋى اۋاشالاۋ رايونى ىشىندە ارا باعاتىن ورىندار مەن جەكەلەردىڭ شينجياڭ قوڭىر اراسى ولشەمدەستىرىلگەن ارا فەرماسىن جۇيەلى باسقارۋ بويىنشا ارا باعۋىنا جەتەكشىلىك ەتەدى.

19 - تارماق اۋاشالاۋ رايونى ىشىندە ارا باعاتىن ورىندار مەن جەكەلەر شينجياڭ قوڭىر اراسىنىڭ باسقا ارا ۇيىرلەرىمەن ارالاسىپ شاعىلىسۋىن بايقاسا، دەر كەزىندە ارا پاتشاسىن اۋىستىرۋ سياقتى شارالاردى قولدانۋى ٴارى دەرەۋ نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋىنا مالىمدەۋى كەرەك. اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى ٴۇش كۇن ىشىندە ناق مايداندى تەكسەرىپ، سايكەستى تەحنيكالىق شارالار قولدانۋى كەرەك.

20 - تارماق قورعاۋ رايونىنىڭ سىرتىندا باعىلعان ارا ٴۇيىرىنىڭ قونىسىن جوتكەۋ بارىسىندا شىنىمەن قورعاۋ رايونىن باسىپ وتۋگە تۋرا كەلسە، نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋىنىڭ بەكىتۋىنەن وتكىزىپ، قورعانۋ شاراسىن قولدانعاننان كەيىن بەلگىلەنگەن ۋاقىت، جول لەنياسى بويىنشا وتۋىنە بولادى، قورعاۋ رايونىندا ايالداتۋعا بولمايدى.

21 - تارماق نىلقى اۋداندىق حالىق ۇكىمەتى شينجياڭ قوڭىر اراسىن ىندەتتەن ساقتاۋ باقىلاۋ - تەكسەرۋ تورابىن ۇيىمداستىرىپ قۇرۋى، ىندەتتەن ساقتانۋ ساقتىق مەحانيزمىن كەمەلدەندىرۋى، ىندەت جاعدايى بايقالعاندا دەركەزىندە شۇعىل جاعدايعا توتەپ بەرۋ، ٴبىر جاقتى ەتۋ جوباسىن ىسكە قوسۋى كەرەك.

22 - تارماق نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى ورمان شارۋاشىلىعى جانە جايىلىم، مال شارۋاشىلىعى، مال شيپاگەرلىگى سياقتى ورىنداردىڭ باسقارۋعا جاۋاپتى تاراۋلارىمەن بىرگە قورعاۋ رايونىندا مەرزىمدى ۋاقىتتا بال قاينارىندىق وسىمدىك بايلىعىنا تەكسەرۋ جۇرگىزۋى كەرەك.

23 - تارماق نىلقى اۋداندىق حالىق ۇكىمەتى اۋىل شارۋاشىلىعى، ورمان شارۋاشىلىعى، شابىندىق ەگىمشىلىك جوسپارى، اۋىسپالى ەگىس جۇمىسى، باۋ - باقشا جاسىلداندىرۋ، تابيعي ورماندى قورعاۋ جانە جاڭالاۋ سياقتى قىزمەتتەردى بەلگىلەگەن كەزدە بال قاينارىندىق وسىمدىك ەگۋ قاجەتىن ويلاستىرىپ، بال قاينارىندىق وسىمدىك تۇرلەرى مەن سانىن كوبەيتۋى كەرەك. 

قورعاۋ رايونى ىشىندەگى ورىندار مەن جەكەلەردىڭ بال قاينارىندىق وسىمدىك رەتىندە قارالاتىن ورمان اعاشى، شابىندىق، جۇڭگوشا ٴدارى ٴشوپ ماتەريالدارى، ەكونوميكالىق داقىلدار سياقتىلاردى ەگۋىنە بولادى.

24 - تارماق نىلقى اۋداندىق ورمان شارۋاشىلىعى جانە جايىلىم باسقارۋ مەكەمەسىنىڭ باسقارۋعا جاۋاپتى تاراۋى قورعاۋ رايونىنداعى جايىلىمداردىڭ مال سيىمدىلىعىن تەكسەرىپ بەكىتۋدى، ۋلى شوپتەر مەن زياندى جاندىكتەردەن، دەرت - دەربەزدەن ساقتانۋ جانە ونى ٴبىر جاقتى ەتۋدى قاداعالاۋ مەن باسقارۋدى كۇشەيتىپ، جايىلىمنىڭ ازعىنداۋىنىڭ الدىن الۋى كەرەك.

25 - تارماق قورعاۋ رايونىندا بال قاينارىندىق وسىمدىك ەگىمشىلىگىمەن نەمەسە باپتاۋ - باسقارۋمەن شۇعىلداناتىن ورىندار مەن جەكەلەر ەگىن شارۋاشىلىق، بيولوگيالىق جانە فيزيكالىق ساقتانۋ شارالارىن جان - جاقتى قولدانۋى، قۇرت ولتىرەتىن شىراق، جىنىستىق شىرعالاعىش جانە قاس جاۋلارىن بوساتۋ سياقتى فيزيكالىق - حيميالىق شىرعالاۋ تىزگىندەۋ تەحنيكاسىن بارىنشا جالپىلاستىرۋ، ەگىس دارىلەرىن قولدانۋ مولشەرىن ازايتۋ كەرەك. شىنىمەن ەگىس دارىلەرىن قولدانۋعا تۋرا كەلسە، بال اراسىنا ۋىتى تومەن ەگىس دارىلەرىن قولدانۋى ٴارى ٴۇش كۇن بۇرىن ٴدارى شاشىلاتىن رايون ماڭىنداعى كەمىندە بەس كيلومەتر اۋماق ىشىندەگى ارا فەرمالارىنا نەمەسە ارا باعۋ تۇيىندەرىنە ۇقتىرۋى كەرەك. 

26 - تارماق وسى تارماقتاعى بەلگىلەمەلەرگە قايشىلىق جاساپ، قورعاۋ رايونىنداعى رايون بەلگىسىن، شەكارا تاسىن، شەكارا قازىعىن جانە بەلگىسىن ٴوز بەتىمەن جوتكەگەن نەمەسە بۇلدىرگەندەردى نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى تۇزەتۋگە بۇيىرىپ، 100 يۋاننان جوعارى 5 مىڭ يۋاننان تومەن اقشالاي ايىپ سالادى.

27 - تارماق وسى تارماقتاعى بەلگىلەمەلەرگە قايشىلىق جاساعان تومەندەگىدەي ارەكەتتەردىڭ ٴبىرى بايقالسا نىلقى اۋداندىق اۋىل شارۋاشىلىعى، اۋىل - قىستاق مەكەمەسىنىڭ باسقارۋعا جاۋاپتى تاراۋى شەكتى مەرزىم ىشىندە تۇزەتۋگە بۇيىرىپ، 3 مىڭ يۋاننان جوعارى 30 مىڭ يۋاننان تومەن اقشالاي ايىپ سالادى؛ سيپاتى اۋىر بولعاندارىنا 30 مىڭ يۋاننان جوعارى، 100 مىڭ يۋاننان تومەن اقشالاي ايىپ سالادى: 

(1) اۋاشالاۋ رايونىندا بوگدە (بۋدان) ارا سورتىن باعۋ؛ 

(2) تابيعي شاعىلىستىرۋ رايونى مەن اۋاشالاۋ رايونى اراسىندا ٴوزارا قونىس جوتكەپ ارا ٴۇيىرىن باعۋ؛

(3) اۋاشالاۋ رايونىندا ارا باققان ورىندار مەن جەكەلەر باققان ارا ٴۇيىرىنىڭ ارالاسىپ شاعىلىسۋىن بايقاعاندا دەركەزىندە قورعانۋ شاراسىن قولدانباۋ نەمەسە جاسىرىپ، مالىمدەمەۋ. 

28 - تارماق وسى ەرەجەدەگى بەلگىلەمەلەرگە قايشىلىق جاساعان، جازاعا تارتۋعا بولاتىن باسقا دا ارەكەتتەر قاتىستى زاڭدار مەن زاڭ - ەرەجەلەردەگى بەلگىلەمەلەر بويىنشا ٴبىر جاقتى ەتىلەدى.

29 - تارماق شينجياڭ قوڭىر ارا گەنەتيكالىق بايلىعىن قورعاۋ جانە باسقارۋ مىندەت جاۋاپكەرلىگىن ارقالاعان قىزمەتكەرلەر قىزمەت ۇقىعىنان الباتى پايدالانىپ، قىزمەتكە نەمقۇرايدى قاراپ، بەتكە قاراپ جولدان تايسا، سيپاتى جەڭىلدەرى زاڭ بويىنشا جازاعا تارتىلادى؛ قىلمىس قالىپتاستىرعاندارىنىڭ زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

30 - تارماق اۆتونوميالى وبلىس «مەملەكەت دارەجەلى ٴۇي جانۋارلارىنىڭ، ٴۇي قۇستارىنىڭ گەنەتيكالىق بايلىعىن قورعاۋ تىزىمدىگىنە» ەنگىزگەن باسقا دا بال اراسى گەنەتيكالىق بايلىعىنا سول بال اراسى گەنەتيكالىق بايلىعى تۇرعان ورىنداعى اۋدان دارەجەلى حالىق ۇكىمەتى وسى ەرەجەدەن پايدالانىپ قورعاۋ جانە باسقارۋ قىزمەتىن جۇرگىزسە بولادى.

31 - تارماق بۇل ەرەجە 2022 - جىلى 5 - ايدىڭ 1 - كۇنىنەن باستاپ اتقارىلادى.