ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ اۆتونوميالى وبلىستىڭ 2022 - جىلعى وبلىس دارەجەلى قازىنانىڭ سوڭعى ەسەبىن بەكىتۋ جونىندەگى قاۋلىسى

(2023 - جىل 8 - ايدىڭ 25 - كۇنى اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 10 - رەتكى جيىنىندا ماقۇلداندى)

ىلە قازاق اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 10 - رەتكى جيىنى وبلىستىق قازىنا مەكەمەسىنىڭ باستىعى تولقىن دۇيسەنباي ۇلىنىڭ اۆتونوميالى وبلىستىق حالىق ۇكىمەتىنىڭ تاپسىرۋىمەن جاساعان «ىلە قازاق اۆتونوميالى وبلىسىنىڭ 2022 - جىلعى قازىنا سوڭعى ەسەبى جانە وبلىس دارەجەلى قازىنانىڭ سوڭعى ەسەبى جونىندەگى بايانداماسىن» تىڭدادى جانە قارادى.

جيىندا بىلاي دەپ قارالدى: 2022 - جىلى اۆتونوميالى رايوندىق پارتكومنىڭ، وبلىستىق پارتكومنىڭ باسشىلىعىندا، اۆتونوميالى وبلىستىق حالىق ۇكىمەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، دامۋدى باستان - اياق باياندى تىنىشتىقتىڭ ماڭىزدى نەگىزى ەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، ”ىندەتتەن ساقتانۋ - تىزگىندەۋ، ەكونوميكانى ورنىقتىرۋ، حاۋىپسىز دامۋ “ جونىندەگى ماڭىزدى تالابىن باتىل تياناقتاندىرىپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، ىندەتتەن ساقتانۋ ـ تىزگىندەۋدى جانە ەكونوميكالىق، قوعامدىق دامۋدى جوعارى ونىمدىلىكپەن ٴبىر تۇتاس جوسپارلاپ، بەلسەندى قازىنا ساياساتىن اتقارىپ، مەجە ەسەپ باسقارۋدى كۇشەيتىپ، شىعىس قۇرىلىمىن ساپالىلاندىرىپ، ىندەتتەن ساقتانۋعا بارىنشا كۇش سالىپ، ەكونوميكانى ورنىقتىرىپ، حاۋىپسىزدىككە كەپىلدىك ەتىپ، اۆتونوميالى وبلىستىڭ رەفورماسىنا، دامۋىنا، ورنىقتىلىعىنا قازىنالىق جاقتان تىرەك ازىرلەدى جانە قامتاماسىز ەتتى، مەجە ەسەپتىڭ اتقارىلۋ جاعدايى جالپى جاقتان جاقسى بولدى، اۆتونوميالى وبلىستىق حالىق قۇرىلتايى بەكىتكەن 2022 - جىلعى اۆتونوميالى وبلىستىڭ وبلىس دارەجەلى مەجە ەسەبى ٴبىرشاما جاقسى ورىندالدى.

جيىن اۆتونوميالى وبلىستىق حالىق ۇكىمەتىنىڭ «ىلە قازاق اۆتونوميالى وبلىسىنىڭ 2022 - جىلعى قازىنانىڭ جالپى سوڭعى ەسەبى جانە وبلىس دارەجەلى قازىنانىڭ سوڭعى ەسەبى جونىندەگى بايانداماسىنا» قوسىلىپ، 2022 - جىلعى اۆتونوميالى وبلىستىڭ وبلىس دارەجەلى قازىنانىڭ سوڭعى ەسەبىن بەكىتۋدى ۇيعاردى.