(2023 - جىلى 10 - ايدىڭ 31 - كۇنى اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 11 - ماجىلىسىندە ماقۇلداندى)

ىلە قازاق اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 11 - ٴماجىلىسى وبلىستىق قازىنا مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ۋاڭ جيانچياڭنىڭ وبلىستىق حالىق ۇكىمەتىنىڭ تاپسىرۋىمەن جاساعان «اۆتونوميالى وبلىستىڭ 2023 - جىلى 1 - ايدان 9 - ايعا دەيىنگى قازىنا مەجە ەسەبىنىڭ اتقارىلۋ احۋالى جانە وبلىس دارەجەلى قازىنا مەجە ەسەبىن رەتتەۋ احۋالى جونىندەگى مالىمەتىن» تىڭدادى جانە قارادى.

ٴماجىلىس اۆتونوميالى وبلىستىق حالىق ۇكىمەتىنىڭ «اۆتونوميالى وبلىستىڭ 2023 - جىلى 1 - ايدان 9 - ايعا دەيىنگى قازىنا مەجە ەسەبىنىڭ اتقارىلۋ احۋالى جانە وبلىس دارەجەلى قازىنا مەجە ەسەبىن رەتتەۋ احۋالى جونىندەگى مالىمەتىنە» قوسىلىپ، 2023 - جىلعى اۆتونوميالى وبلىس دارەجەلى قازىنا مەجە ەسەبىن رەتتەۋ جوباسىن بەكىتۋدى ۇيعاردى، ول ادەتتەگى الەۋمەتتىك مەجە ەسەپ كىرىسىن رەتتەۋ جوباسىن، ۇكىمەتتىك قور مەجە ەسەپ كىرىس - شىعىسىن رەتتەۋ جوباسىن، مەملەكەت مەنشىگىندەگى كاپيتال تيجاراتى مەجە ەسەبى كىرىس - شىعىسىن رەتتەۋ جوباسىن، قوعامدىق قامسىزداندىرۋ قورى مەجە ەسەبى كىرىس - شىعىسىن رەتتەۋ جوباسىن جانە جەرگىلىكتى ۇكىمەتتەردىڭ قارىزىن رەتتەۋ جوباسىن قامتيدى.