«ىلە قازاق اۆتونوميالى وبلىسىنىڭ جابايى جەمىس ورمانى بايلىعىن قورعاۋ ەرەجەسىن (جوبا نۇسقا)» قاراۋ ناتيجەسى جونىندەگى مالىمەت

(2023 - جىلى 6 - ايدىڭ 19 - كۇنى اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 8 - ماجىلىسىندە جاسالدى)

وبلىستىق حالىق قۇرىلتايى زاڭ - ٴتۇزىم كوميتەتىنىڭ مەڭگەرۋشى مۇشەسى  جاڭارسىن نۇراش ۇلى

مەڭگەرۋشى، ورىنباسار مەڭگەرۋشىلەر، مۇشەلەر:

بۇگىن تۇراقتى كوميتەت قۇرامىنداعىلار «ىلە قازاق اۆتونوميالى وبلىسىنىڭ جابايى جەمىس ورمانى بايلىعىن قورعاۋ ەرەجەسىن (جوبا نۇسقا)» گرۋپپاعا ٴبولىنىپ قارادى. تۇراقتى كوميتەت قۇرامىنداعىلاردىڭ قاراۋىنشا، تۇراقتى كوميتەتتىڭ ”ەكى رەت جوعارىعا مالىمدەۋ، ەكى رەت تومەنگە ٴتۇسىرۋ“ ماجىلىسىندە قاراۋىنان كەيىن كەزەكتەگى ەرەجەنىڭ اتى، قورعاۋ كولەمى، قورعاۋ شارالارى اناعۇرلىم ايقىن، ناقتى بولعان، شي جينپيڭنىڭ جاڭا ٴداۋىر ەكولوگيالىق وركەنيەت قۇرىلىسى يدەياسىمەن قابىسقان، جەرگىلىكتى ورىننىڭ ”شاعىن شارتتى ٴسوزدى“ زاڭ شىعارۋ تالابىنا ۇيلەسكەن، اۆتونوميالى وبلىستىڭ جابايى جەمىس ورمانىن قورعاۋدىڭ كوكەيتەستىلىك قاجەتىنە بەيىمدەلگەن. سونىمەن بىرگە، تۇراقتى كوميتەت قۇرامىنداعىلار تومەندەگىدەي پىكىرلەرىن العا قويدى: 

ٴبىرىنشى، كەيبىر مۇشەلەر تارباعاتاي، التاي ايماقتارىنىڭ جابايى وسىمدىكتەردى قورعاۋ قىزمەتىندە دە وسى ەرەجەنى قولدانۋدى العا قويدى. زاڭ - ٴتۇزىم كوميتەتىندەگىلەر اقىلداسۋ ارقىلى وسى پىكىردى قابىلداپ، جوعارىداعى ەكى نەگىزگى تۇلعانى ەرەجەنىڭ قاتىستى تارماقتارىنا ەنگىزدى.

ەكىنشى، كەيبىر مۇشەلەر قىزمەت جاۋاپكەرشىلىگى مەن مىندەتتى اشالاپ، جاۋاپتى ورىن مەن زاڭ اتقارۋ تۇلعالارىن ايقىنداۋدى العا قويدى. زاڭ - ٴتۇزىم كوميتەتىندەگىلەر اقىلداسۋ ارقىلى وسى پىكىردى قابىلداپ، 7 - تارماقتا جابايى جەمىس ورمانىن باسقارۋعا جاۋاپتى تاراۋلاردىڭ 7 ٴتۇرلى مىندەتىن ايقىندادى. 

ٴۇشىنشى، كەيبىر مۇشەلەر قورعاۋ تۇيىندەرىندە (شاعىن ٴوڭىر) مال جايۋعا تيىم سالعاندا مالشىلاردىڭ مۇددەسىن تولىق ويلاستىرۋ كەرەك دەگەندى ورتاعا قويدى. زاڭ - ٴتۇزىم كوميتەتىندەگىلەر اقىلداسۋ ارقىلى مالشىلاردىڭ جايىلىمنان پايدالانۋ ۇقىعى زاڭنىڭ قورعاۋىندا بولادى، قورعاۋ تۇيىندەرىن (شاعىن ٴوڭىر) قۇرعاندا مالشىلاردىڭ پىكىرىنە قۇرمەت ەتۋ كەرەك دەپ قاراپ، وسى تارماققا كەڭەسۋ مازمۇنىن قوستى، سونىمەن بىرگە، تولەم بەرۋ تارماقتارى بەلگىلەندى.

ٴتورتىنشى، كەيبىر مۇشەلەر جابايى وسىمدىكتەردى قورعاۋ كۇشى جەتەرسىز، شۇعىل كۇشەيتۋ كەرەك دەگەندى ورتاعا قويدى. زاڭ - ٴتۇزىم كوميتەتىندەگىلەر اقىلداسىپ، قازىرگى باسقارۋ - قورعاۋ قىزمەتكەرلەرىنىڭ تولىق ورنالاستىرىلماۋى جالپىلىق ماسەلە ەكەندىگىن ويلاستىرا وتىرىپ، وسى پىكىردى قابىلدادى ٴارى ەرەجەدە باسقارۋ - قورعاۋ قوسىنى قۇرىلىسىنىڭ مازمۇنىن بەلگىلەدى. 

بەسىنشى، كەيبىر مۇشەلەر كەزەكتە وبلىسىمىزدا جايىلىم مەن ورمانعا ”ٴبىر جەرگە ەكى كۋالىك“ قولدانۋ جاعدايى جاپپاي ورىن تەۋىپ وتىر، جايىلىمنان پايدالانۋشىلاردىڭ جابايى جەمىس ورمانىن قورعاۋ جاۋاپكەرشىلىگىن ايقىنداۋ كەرەك دەگەن ۇسىنىس العا قويدى، ٴبىز مۇنى قابىلدادىق ٴارى 12 - تارماققا 3 - تارماقشانى قوسىپ، ىشكەرىلەي بەلگىلەمە جاسادىق. 

التىنشى، كەيبىر مۇشەلەر اۆتونوميالى وبلىستاعى جابايى جەمىس ورمانىنىڭ ٴوسۋ احۋالىنان قاراعاندا سۋارۋعا قامتاماسىز ەتىلەتىن جەرلەردىڭ بارلىعىندا جابايى جەمىس ورمانىنىڭ ٴوسۋ جاعدايى جاقسى، دەرت - دەربەزگە قارسىلىق قۋاتى كۇشتى بولادى، سول ٴۇشىن جابايى جەمىس ورمانىن سۋمەن قامتاماسىزداندىرۋ كەرەك دەگەن ۇسىنىستارىن العا قويدى، ٴبىز مۇنى قابىلدادىق، ەرەجەنىڭ 9 - تارماعىندا كورنەكتىلەندىردىك. 

جەتىنشى، كەيبىر مۇشەلەر جابايى جەمىس ورمانى وڭىرلەرىنە سىرتتان ەنگىزىلەتىن تۇرلەر جونىندە بەلگىلەمە جاسالسا دەگەن پىكىرلەرىن العا قويدى، «جۇڭحۋا حالىق رەسپۋبليكاسىنىڭ ورگانيزمدەردىڭ حاۋىپسىزدىگى، الدىن الۋ - ەمدەۋ زاڭىنىڭ» 81 - تارماعىندا بەكىتۋدەن وتكىزبەي تۇرىپ، ٴوز بەتىمەن سىرتتان ورگانيزم تۇرلەرىن ەنگىزۋ ارەكەتى جونىندەگى زاڭدىق جاۋاپكەرشىلىك بەلگىلەنگەندىكتەن، بۇل پىكىردى قابىلدامادىق. 

بۇدان سىرت، زاڭ - ٴتۇزىم كوميتەتى وبلىستىق ورمان، جايىلىم مەكەمەسى سياقتى قاتىستى تاراۋلاردىڭ، سونداي - اق جابايى جەمىس ورمانى بايلىعى ٴبىرشاما مول، شوعىرلى بولعان قۇلجا اۋدانى، توعىزتاراۋ اۋدانى، كۇنەس اۋدانى، قورعاس اۋدانى سياقتى وبلىسقا توتە قاراستى اۋدان، قالالاردىڭ پىكىرلەرى مەن ۇسىنىستارىن تولىق ويلاستىردى جانە قابىلدادى ٴارى ەرەجەگە وزگەرىس ەنگىزۋ بارىسىندا كورنەكتىلەندىردى.

2023 - جىلى 6 - ايدىڭ 13 - كۇنى وبلىستىق حالىق قۇرىلتايى تۇراقتى كوميتەتىنىڭ زاڭ - ٴتۇزىم كوميتەتى «ىلە قازاق اۆتونوميالى وبلىسىنىڭ جابايى جەمىس ورمانى بايلىعىن قورعاۋ ەرەجەسىنىڭ (جوبا نۇسقا)» وزگەرىس ەنگىزىلگەن نۇسقاسىن ٴبىر تۇتاس قاراپ شىعىپ، وسى ەرەجەنى شىعارۋ ماقساتى ايقىن، قورعاۋ كولەمى تۇراقتى، قورعاۋ شارالارى ناقتى، ٴبىرشاما پىسىپ - جەتىلگەن دەپ قاراپ، وسى رەتكى تۇراقتى كوميتەت ٴماجىلىسىنىڭ قاراپ ماقۇلداۋىنا ۇسىنۋدى ۇسىنىس ەتتى. 

جوعارىداعى مالىمەتتى جوبانىڭ وزگەرىس ەنگىزىلگەن نۇسقاسىمەن بىرگە قاراپ شىققايسىزدار.