2023 - جىلى 8 - ايدىڭ 25 - كۇنى اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 10 - ماجىلىسىندە جاسالدى

اۆتونوميالى وبلىستىق حالىق قۇرىلتايى زاڭ - ٴتۇزىم كوميتەتىنىڭ مەڭگەرۋشى مۇشەسى جاڭارسىن نۇراش ۇلى

مەڭگەرۋشى، ورىنباسار مەڭگەرۋشىلەر، مۇشەلەر:

اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 7 -، 8 - ماجىلىستەرى جەكە - جەكە جوبانى تۇڭعىش رەت جانە ەكىنشى رەت قارادى. الدىڭعى ەكى رەتكى قاراۋ نەگىزىندە، زاڭ - ٴتۇزىم قىزمەت كوميتەتى دەركەزىندە وبلىسقا توتە قاراستى قاتىستى اۋدان، قالالارعا بارىپ زاڭ شىعارۋ جونىندە تەكسەرۋ - زەرتتەۋ جۇرگىزىپ، قوعامداعى ٴار سالادان كەڭ كولەمدە ۇسىنىس - پىكىر الدى؛ سونىمەن بىرگە، ٴبىز وبلىستىق ۇلت، ٴدىن ىستەرى تاراۋلارىمەن بىرگە وبلىستىق پارتكومنىڭ ٴار ۇلت بۇقاراسىنىڭ ٴوزارا كىرىكپەلى دامۋى جونىندەگى ەڭ جاڭا تەكسەرۋ ـ زەرتتەۋ بايانداماسى مەن قاتىستى حۇجاتتارىن ۇيرەنىپ، پارتيانىڭ زاڭ شىعارۋعا باسشىلىق ەتۋىنە تاباندى بولىپ، پارتيانىڭ ماقساتىن تياناقتاندىرۋدى زاڭ شىعارۋدىڭ تۇتاس بارىسىنا جانە ٴار جاعىنا سانالى تۇردە ٴسىڭىرىپ، جاسالعان جەرگىلىكتى زاڭ ـ ەرەجەلەردىڭ پارتيانىڭ قۋاتتاماسى مەن حالىق ەركىنىڭ ورگانيكالى بىرلىگىن جۇزەگە اسىرۋىنا كەپىلدىك ەتتىك. جوبا نۇسقاعا ىشكەرىلەي وزگەرىس ەنگىزۋ، كەمەلدەندىرۋ ارقىلى زاڭ - ٴتۇزىم كوميتەتى 8 - ايدىڭ 14 - كۇنى ٴبىر تۇتاس قاراپ، جوبا ٴبىرشاما پىسىپ - جەتىلدى دەپ قارادى.

ەكىنشى رەتكى تەكسەرۋمەن سالىستىرعاندا، جوباعا باستىسى مىناداي وزگەرىستەر ەنگىزىلدى:

ٴبىرىنشى، تۇراقتى كوميتەتتىڭ كەيبىر مۇشەلەرى ”ۇلتتاردىڭ ارالاسۋىن، ىشتەسۋىن، توعىسۋىن جەبەۋدە تاباندى بولۋعا ٴتيىستى پرينسيپ“ جونىندەگى مازمۇندى ونان ارى كەڭەيتۋدى العا قويدى. اقىلداسۋ ارقىلى جوبا نۇسقانىڭ 3 - تارماعىن بىلاي وزگەرتتىك: ”ۇلتتاردىڭ ارالاسۋىن، ىشتەسۋىن، توعىسۋىن جەبەۋدە جۇڭگو كوممۋنيستىك پارتياسىنىڭ باسشىلىعىنا، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە، حالىقتى وزەك ەتكەن دامۋ يدەياسىنا، زاڭمەن باسقارۋ وي جەلىسى مەن زاڭمەن باسقارۋ تاسىلىنە تاباندى بولىپ، دامۋ جەتىستىكتەرى ارقىلى حالىق تۇرمىسىنا تيىمدىلىك جاساۋعا مۇمكىندىك جاساپ، ٴار ۇلتتى بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەۋ كەرەك“.

ەكىنشى، تۇراقتى كوميتەتتىڭ كەيبىر مۇشەلەرى ازاماتتاردىڭ جاۋاپكەرشىلىگى مەن بورىشى جونىندە ”ۇلتتار ىنتىماعىنا ٴتيىمسىز سوزدەردى سويلەمەۋ، ۇلتتار ىنتىماعىنا ٴتيىمسىز ىستەردى ىستەمەۋ“ دەگەندى بەلگىلەمەنىڭ مازمۇنىنا قوسۋدى العا قويدى. اقىلداسۋ ارقىلى جوبا نۇسقانىڭ 4 - تارماعىنىڭ 6 - مازمۇنىنا وزگەرىس ەنگىزدىك.

ٴۇشىنشى، تۇراقتى كوميتەتتىڭ كەيبىر مۇشەلەرى ٴار جاقتىڭ مىندەتى جونىندەگى بەلگىلەمەلەردىڭ لوگيكالىق قاتىناسىن ىشكەرىلەي رەتتەۋ كەرەك دەگەندى ورتاعا قويدى. اقىلداسۋ ارقىلى ٴار جاقتىڭ قاتىستى مىندەتتەرى جونىندەگى بەلگىلەمەلەردى جوبا نۇسقانىڭ 4 - تارماعىندا بىرىكتىرىپ، تۇتاس تۇلعادا تۇسىندىردىك. 

ٴتورتىنشى، تۇراقتى كوميتەتتىڭ كەيبىر مۇشەلەرى ”ۇلتتاردىڭ ارالاسۋىن، ىشتەسۋىن، توعىسۋىن جەبەۋ قىزمەتىندە ۇلگىلىك، باستاماشىلدىق رولىن ساۋلەلەندىرۋگە ٴتيىستى تۇلعالاردىڭ“ كولەمىن ونان ارى كەڭەيتۋدى العا قويدى. اقىلداسۋ ارقىلى جوبانىڭ 4 - تارماعىنىڭ 6 - مازمۇنىندا بىلاي دەپ بەلگىلەمە قوستىق: ”ۇكىمەت قىزمەتكەرلەرى، حالىق قۇرىلتايى ۋاكىلدەرى، ساياسي كەڭەس مۇشەلەرى، وقۋ - اعارتۋ قىزمەتكەرلەرى، وزات، ۇلگىلى تۇلعالار ۇلتتاردىڭ ارالاسۋىن، ىشتەسۋىن، توعىسۋىن جەبەۋ قىزمەتىندە ۇلگىلىك، باستاماشىلدىق رولىن ساۋلەلەندىرۋى كەرەك.“

بەسىنشى، تۇراقتى كوميتەتتىڭ كەيبىر مۇشەلەرى ”ٴار ۇلت بۇقاراسىنىڭ ٴوزارا كىرىكپەلى دامۋ قىزمەتىن كۇشەيتۋدى“ ونان ارى تولىقتاۋدى جانە كەمەلدەندىرۋدى العا قويدى. اقىلداسۋ ارقىلى جوبانىڭ 5 - تارماعىنا الەۋمەتتىك قىزمەت وتەۋ قۇرىلعىلارىن عىلمي جوبالاۋ، ورنالاستىرۋ، ٴوزارا كىرىكپەلى قونىستانۋ ورتاسىن جەدەل قۇرۋ، ٴوزارا كىرىكپەلى دامۋدىڭ جاڭا كۇيىن جەتىلدىرۋ، ٴوزارا كىرىكپەلى دامۋدان ۇلگى كورسەتەتىن ورىن قۇرۋ جاقتارىنداعى بەلگىلەمەلەردى قوستىق. 

التىنشى، تۇراقتى كوميتەتتىڭ كەيبىر مۇشەلەرى ٴتۇرلى مادەنيەتتىك قىزمەت وتەۋ تەكشەلەرىن بەلسەنە قۇرۋدى ورتاعا قويدى. اقىلداسۋ ارقىلى جوبانىڭ 6 - تارماعىنىڭ 4 - مازمۇنىنا ”مەملەكەتتىك وتانشىلدىق تاربيەدەن ۇلگى كورسەتۋ بازاسىن، مۇراجايدى، ەسكەرتكىش سارايىن، اسەمونەر سارايىن، الەۋمەتتىك كىتاپحانانى، مادەنيەت سارايىن جانە اۋىل (قالاشىق) ۋنيۆەرسالدى مادەنيەت پۋنكتىن تەگىن اشۋ“ جونىندەگى بەلگىلەمەنى قوستىق. 

جەتىنشى، تۇراقتى كوميتەتتىڭ كەيبىر مۇشەلەرى: ”ٴتۇرلى كورىنىس رايوندارىن (تۇيىندەرىن) ۇلتتار ىنتىماعى، العاباسارلىعىنداعى ۇلگىلى جەكەلەرگە ەسىك بەلەتىن ازايتۋ، كەشىرىم ەتۋ ٴتيىمدى ساياساتىن شىعارۋعا شابىتتاندىرۋدا“ ساياساتتىڭ شارپيتىن كولەمىن ونان ارى ايقىنداۋ كەرەك دەگەندى العا قويدى، اقىلداسۋ ارقىلى جوبا نۇسقانىڭ 7 - تارماعىنىڭ 2 - مازمۇنىنا ”اۋدان دارەجەلىدەن جوعارى بولۋ“ شارتىن قوستىق. 

سەگىزىنشى، تۇراقتى كوميتەت قۇرامىنداعىلاردىڭ پىكىرىنە ساي، تاعى جوبانىڭ 8 ـ تارماعىنىڭ 2 ـ تارماقشاسىنا ”كاسىپورىنداردىڭ جاۋاپكەرشىلىگى“ جونىندەگى بەلگىلەمە قوسىلدى، جوبانىڭ 8 ـ تارماعىنىڭ 3 ـ تارماقشاسىنا ”ەگىن، مال شارۋاشىلىق رايوندارىنداعى بۇقارانىڭ ٴوزارا كىرىكپەلى دامۋىن جەبەۋ“ جونىندەگى بەلگىلەمە قوسىلدى، جوبانىڭ 14 ـ تارماعىنىڭ 2 ـ مازمۇنىنا ”وقۋ ـ اعارتۋ اكىمشىلىك تاراۋلارى مەن مەكتەپتەردىڭ جاۋاپكەرشىلىگى“ جونىندەگى بەلگىلەمە قوسىلدى.

توعىزىنشى، تۇراقتى كوميتەت قۇرامىنداعىلاردىڭ پىكىرىنە ساي، اۆتونوميالى رايون زاڭ شىعارىپ، ٴار جىلدىڭ 5 - ايىن اۆتونوميالى رايوننىڭ ۇلتتار ىنتىماعى تاربيە ايى ەتىپ بەلگىلەگەندىگىن، مۇندا جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسى مازمۇنى دا قامتىلىپ كەتكەنىن ەسكەرە وتىرىپ، ”ٴار جىلى 5 - ايدىڭ ٴبىرىنشى اپتاسى بۇكىل وبلىستىڭ جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت - تاربيە قيمىلى اپتالىعى بولادى“ دەگەندى ٴوشىرىپ تاستاۋ جونىندەگى پىكىردى قابىلدادىق. 

بۇدان سىرت، جوبا نۇسقاداعى ٴىشىنارا سوزدەرگە وزگەرىس ەنگىزىپ، تارماقتاردىڭ رەت - تارتىبىنە لوگيكالىق رەتتەۋ جۇرگىزدىك، جوبا نۇسقا ەكىنشى رەت قارالعان كەزدە 26 تارماقتان 19 تارماققا ىقشامدالدى. 

جوبانىڭ وزگەرىس ەنگىزىلگەن نۇسقاسىنا جوعارىداعى پىكىرلەر بويىنشا وزگەرىس ەنگىزىلدى، زاڭ - ٴتۇزىم كوميتەتى وسى رەتكى تۇراقتى كوميتەت ٴماجىلىسىنىڭ قاراپ ماقۇلداۋىنا ۇسىنۋدى ۇسىنىس ەتتى. 

جوبانىڭ وزگەرىس ەنگىزىلگەن نۇسقاسى مەن جوعارىداعى باياندامانى قاراپ شىققايسىزدار.