(2024 - جىلى 1 - ايدىڭ 22 - كۇنى ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ماجىلىسىندە ماقۇلداندى)

جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتىنىڭ 3 - ٴماجىلىسى 2024 - جىلى 1 - ايدىڭ 19 - كۇنىنەن 22 - كۇنىنە دەيىن قۇلجا قالاسىندا وتكىزىلدى.

ٴماجىلىس كەزىندە اۆتونوميالى وبلىستىق پارتكومنىڭ شۋجيى ياڭ شيۋلي قاتارلى وبلىس باسشىلارى ماجىلىسكە قاتىناسىپ، ماجىلىستە سوزگە شىققانداردىڭ سوزدەرىن تىڭداپ، مۇشەلەرمەن بىرگە ىلەنىڭ رەفورما، دامۋ، ورنىقتىلىق ۇلى جوسپارىن اقىلداستى. ٴماجىلىس ٴتوراعا سەرجان ۇعىباي ۇلىنىڭ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ورىنباسار ٴتوراعا نۇراحىمەت زۇنۇننىڭ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتى اتىنان جاساعان ۇسىنىس جوبا قىزمەتى احۋالى جونىندەگى بايانداماسىن قاراپ بەكىتتى. حۋ كايجياڭ، جياۋ شياۋفان قاتارلى ەكى جولداستى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ ورىنباسار ٴتوراعالىعىنا تولىقتاپ سايلادى، مامەتجان داۋىت، ريشات مۇساجان قاتارلى ەكى جولداستى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ تۇراقتى مۇشەلىگىنە تولىقتاپ سايلادى. مۇشەلەر اۆتونوميالى وبلىستىق 15-كەزەكتى حالىق قۇرىلتايىنىڭ 3 - ماجىلىسىنە سىرتتاي قاتىناسىپ، وبلىس باستىعى ەلشات تۇرسىنباي ۇلىنىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسىنىڭ قىزمەت بايانداماسىن، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالاردى اقىلداسىپ تالقىلادى، جوعارىدا اتالعان باياندامالاردى قۇپتايتىندىعىن ٴبىلدىردى.

ٴماجىلىس بىلاي دەپ قارادى: وتكەن ٴبىر جىل − پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى ٴارى 3 جىلعى جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋ جاڭا كەزەڭگە وتكەننەن كەيىنگى ەكونوميكا قالپىنا كەلگەن، دامىعان ٴبىر جىل. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، رەفورما جاساپ، ەسىك اشۋدى جاپپاي تەرەڭدەتىپ، ماكرولىق رەتتەۋ ـ مەڭگەرۋ سەرپىنىن ارتتىرىپ، ىشكى سۇرانىستى كەڭەيتۋگە، قۇرىلىمدى ساپالىلاندىرۋعا، سەنىمدى سەرپىلتۋگە، حاۋىپ ـ قاتەردەن ساقتانۋعا جانە ونى جويۋعا كۇش سالىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا نىق قادام تاستادى، اياق الىسى وتە بەرىك، وتە كۇشتى، وتە كەرەمەت، وتە جىگەرلى بولدى. باس شۋجي شي جينپيڭ اراعا ٴبىر جىل سالىپ شينجياڭعا تاعى دا كەلىپ، پارتيا مەن مەملەكەت قىزمەتىنىڭ جالپى جاعدايى تۇرعىسىنان شينجياڭنىڭ ٴتۇرلى قىزمەتى ٴۇشىن جاعدايدى باعامداپ، باعدار بەلگىلەپ، رولدى مەڭگەرىپ، جول باستاپ، شينجياڭ قىزمەتىنىڭ تۋراشىلدىقتان اينىماي جاڭالىق اشۋىنا، جەڭىسپەن العا باسۋىنا جەتەكشىلىك ەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىندا اۆتونوميالى وبلىستىق پارتكوم شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتى يگەرىپ، ىلەنىڭ بۇكىل شينجياڭنىڭ جالپى جاعدايىنداعى ستراتەگيالىق ورنىن تەرەڭ يگەرىپ، كۇشتى تاريحي ىرىقتىلىق رۋحپەن جانە باتىلدىقپەن، وزىنە - ٴوزى توڭكەرىس جاساۋ بورىشىمەن، جاۋاپكەرشىلىگىمەن دامۋ مەن حاۋىپسىزدىكتى جوعارى ونىمدىلىكپەن ٴبىر تۇتاس جوسپارلاپ، بۇكىل وبلىستاعى ٴار ۇلت كادرلارى مەن بۇقاراسىن تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەۋگە ىنتىماقتاستىرىپ جانە باستاپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، تەرەڭ قاتپارلى ٴتۇرلى قايشىلىقتار مەن ماسەلەلەردى كۇش سالا شەشىپ، ىلەنىڭ ۇلان - بايتاق دالاسىندا تىنىش، بەرەكەلى، قارىشتاپ دامىعان جاڭا بەينە جارىققا شىعىپ، العا باسۋ قوزعاۋشى كۇشى اناعۇرلىم كۇشەيىپ، كۇرەس رۋحى اناعۇرلىم اسقاقتاپ، ٴسوزسىز، جەڭىسكە جەتۋ سەنىمى اناعۇرلىم بەكەمدەلىپ، كورىكتى ىلە قۇرۋدىڭ جاڭا جورىعىنا قادام تاستادى. مۇشەلەر ىلەنىڭ رەفورما، دامۋ، ورنىقتىلىق ىستەرىندە قول جەتكىزگەن تابىستارىنا ايرىقشا جەلپىندى، ىلەنىڭ الداعى دامۋ بولاشاعىنا تولىق سەنىم ارتتى. اۆتونوميالى وبلىستىق پارتكومنىڭ پارمەندى باسشىلىعىندا، بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار، ٴار ۇلت، ٴار سالا ساياسي كەڭەس مۇشەلەرى جۇڭگوشا سوتسياليزم ۇلى تۋىن بيىك ۇستاپ، اۆتونوميالى وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جالپى بارىستىق حالىق دەموكراتياسىن امالياتتا ايگىلەپ، مىندەت اتقارۋ ارقىلى وتان ٴۇمىتىن اقتاۋ جىگەرىن امالياتتا ايگىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ جاڭا جورىعىندا ساياسي كەڭەستىڭ جاۋاپكەرشىلىگى مەن ىسكەرلىگىن ايگىلەدى.

ٴماجىلىس بىلاي دەپ اتاپ كورسەتتى: 2024 ـ جىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، حالىق ساياسي  كەڭەسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا - مىندەتتەرىن جۇزەگە اسىراتىن شەشۋشى جىل. جاڭا ٴبىر جىلدا شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى ٴماجىلىسىنىڭ جانە اۆتونوميالى رايوندىق 10 ـ كەزەكتى پارتكوم سەگىزىنشى، توعىزىنشى، ونىنشى جالپى ماجىلىستەرىنىڭ، اۆتونوميالى وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، ىنتىماق ارقىلى كۇش - قۋاتتى ۇيىستىرىپ، كۇرەس ارقىلى ۇلى ٴىس تىندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، كەڭەس بەرۋ فۋنكتسياسىن مۇقيات اتقارىپ، ورتاق تانىمدى اناعۇرلىم ويداعىداي ۇيىستىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن ويداعىداي سىزىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازۋ كەرەك.

ٴماجىلىس مىنالاردى تالاپ ەتتى: سانسىز كەمە اعىنعا قارسى ٴجۇزىپ ەكپىندەي ىلگەرىلەسە، جاعاعا ٴساتتى جەتەدى؛ سانسىز كەمە جەلكەن جايىپ ەرلىكپەن العا ۇمتىلسا، جەڭىسكە جەتەدى. بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە ٴار ۇلت، ٴار سالا ساياسي كەڭەس مۇشەلەرى جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋدى، كورىكتى ىلەنى قۇلشىنا ويداعىداي قۇرۋدى نەگىزگى قامال الۋ باعدارى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە اۆتونوميالى رايوندىق پارتكومنىڭ تالاپتارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى وبلىستىق پارتكوم بەلگىلەگەن ورنىقتىلىق نەگىزىن شىنايى يگەرۋمەن تىعىز جاناسىپ، التى  ٴىرى جەتەكشى سيپاتتى قىزمەتتى، التى ٴىرى دامۋ تىرەگىن، التى ٴىرى حالىق تۇرمىسى ينجەنەرياسىن مىقتى يگەرىپ، پارتيا قۇرىلىسىنا كەپىلدىك ەتۋدىڭ ”16661“ ٴتۇيىندى شاراسىن مىقتى يگەرىپ، ”1+1+8“ كاسىپ سالاسى شوعىرىن ارقاۋ ەتىپ، ”1+10+X+N“ كاسىپ سالاسى جۇيەسىن قۇرىپ، ەرەكشەلىك پەن باسىمدىقتى ساۋلەلەندىرىپ، وي جەلىسى مەن شارادا جاڭالىق اشىپ، كوپتىڭ اقىل - پاراساتىن كەڭىنەن توپتاپ، تاماشا ٴادىس - امال قاراستىرىپ، ورتاق تانىمدى كەڭىنەن ۇيىستىرىپ، بىرىككەن كۇشتى ارتتىرىپ، ىلە ەكونوميكاسىنىڭ جوعارى ساپالى دامۋىنىڭ بۇكىل شينجياڭنىڭ الدىڭعى لەگىندە ٴجۇرۋىن ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ىشكەرىلەي ورىستەتىپ، ٴار ۇلت بۇقاراسىنىڭ كەڭ كولەمدە ارالاسۋىن، جاپپاي ىشتەسۋىن، تەرەڭدەي توعىسۋىن جەبەۋ كەرەك. شينجياڭدا ٴىسلام ٴدىنىن جۇڭگوشالاندىرۋ بەتالىسىنا تاباندى بولىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ساياسي كەڭەس ٴتۇزىمىنىڭ باسىمدىعىن ىلەنى باسقارۋ ونىمدىلىگىنە اناعۇرلىم ويداعىداي اينالدىرۋ كەرەك.

ٴماجىلىس بىلاي دەپ باسا دارىپتەدى: ٴزاۋلىم بايتەرەك تامىرىنان قول ۇزە المايدى، ارقىراي اققان سۋ قاينارسىز بولمايدى. بۇكىل وبلىستاعى ٴار دارەجەلى ساياسي كەڭەس ۇيىمدارى ساياسي دەڭگەيدى اناعۇرلىم جوعارىلاتىپ، ”ەكى كەلەلى جاعدايدى“ كوكەيدە ساقتاپ، ”ٴۇش ٴسوز جوقتى“ ەستە بەرىك ساقتاپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارمەندى ساياسي قۇرىلىس ارقىلى ىنتىماقتاسا كۇرەس جۇرگىزۋدىڭ دۇرىس بەتالىسىنا كەپىلدىك ەتىپ، پارمەندى يدەيالىق قۇرىلىس ارقىلى تىلەكتەس، باعىتتاس يدەيالىق نەگىزدى بەكەمدەپ، پارمەندى ۇيىمدىق قۇرىلىس ارقىلى سەلبەسىپ بىرگە ىستەۋدىڭ جالپى تۇلعالىق بىرىككەن كۇشىن ۇيىستىرىپ، پارمەندى ستيل قۇرىلىسى ارقىلى زەيىن ـ زەردەنى، كۇش ـ قۋاتتى شوعىرلاندىرۋ قىزمەت ونىمدىلىگىن كۇشەيتىپ، ساياسي كەڭەس جۇيەسىنىڭ پارتيا قۇرىلىسىن جاپپاي كۇشەيتۋدە دارەجەسىن اناعۇرلىم جوعارىلاتۋدى جۇزەگە اسىرىپ، پارتكوم ورنالاستىرۋ جاساپ، ساياسي كەڭەس تياناقتاندىرىپ، پارتكوم تالاپ قويىپ، ساياسي كەڭەس ٴۇن قوسىپ، پارتكوم نۇسقاۋ بەرىپ، ساياسي كەڭەس ارەكەت جاساپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ جانە اۆتونوميالى رايوندىق، اۆتونوميالى وبلىستىق پارتكومداردىڭ تالاپتارىنىڭ دايەكتىلەنۋىن، تياناقتانۋىن ىلگەرىلەتۋ كەرەك. ساياسي كەڭەس ارناۋلى كەڭەس قۇرىلىمىنىڭ قۇرىلىسىن كۇشەيتىپ، پارتيا باسشىلىق گرۋپپاسىنىڭ باسشىلىق رولىن، ارناۋلى كوميتەتتەردىڭ نەگىزدىك رولىن، مۇشەلەردىڭ تۇلعالىق رولىن ساۋلەلەندىرىپ، مۇشەلەر قىزمەت پۋنكتى قۇرىلىسىنىڭ جاپپاي قامتۋىن، بارلىق مۇشەلەردىڭ پۋنكتكە بارىپ مىندەت وتەۋىنىڭ جاپپاي قامتۋىن ىلگەرىلەتۋ كەرەك. ”ەكى قوسىن“ قۇرىلىسىن كۇشەيتىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن جاپپاي جوعارىلاتىپ، سەنىمدى بەكەمدەپ، ٴورىس اشا العا ىلگەرىلەپ، كەۋدە كەرە العا شىعاتىن، مەنەن باسقا كىم بار دەيتىن جاۋاپكەرشىلىكپەن، تاسقا تاڭبا، تەمىرگە ٴىز قالدىراتىن رۋحاني كۇيمەن، قاجىماي - تالماي، ۇزاق ۋاقىت ۇلەس قوساتىن قايراتپەن جاڭا داۋىردەگى حالىق ساياسي كەڭەسى قىزمەتىنىڭ جاڭا تاراۋىن قۇلشىنا جازۋ كەرەك.

ٴماجىلىس مىنانى ۇندەدى: ۇزاق جورىقتا ارىندى تەبىنمەن اۋىر مىندەت ارقالاپ، تاعى دا تىڭ ساپارعا اتتانايىق. بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە ٴار ۇلت، ٴار سالا ساياسي كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴۇمىتتىڭ سالماعىن، جاۋاپكەرشىلىكتىڭ سالماعىن، بورىشتىڭ سالماعىن تەرەڭ ٴتۇسىنىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ٴىسىن“ ەستە بەرىك ساقتاپ، سەنىمدى بەكەمدەپ، ٴورىس اشا العا ىلگەرىلەپ، ٴتۇرلى قىزمەتتە ۇزدىكسىز تىڭ تابىستارعا قول جەتكىزۋدى بار كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە ساياسي كەڭەستىڭ اناعۇرلىم زور ۇلەسىن قوسۋ كەرەك!