باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
​”حالىقارالىق اسكەري ىستەر جارىسى − 2021“ جۇڭگو كورلا جارىس رايونىنىڭ شىمىلدىعى اشىلدى
2021-08-24 17:38:03     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

7 ەلدىڭ اسكەرلەرى ءبىر مايداندا ونەر باسەكەسىنە ءتۇستى، ”اسكەري وليمپيادا“ اسا تارتىمدى وتۋدە


”حالىقارالىق اسكەري ىستەر جارىسى − 2021“ جۇڭگو كورلا جارىس رايونىنىڭ شىمىلدىعى اشىلدى

انار بۇلت / شينجياڭ گازەتىنىڭ ءتىلشىسى ياڭ شۋحان 8 - ايدىڭ 22 - كۇنى كورلادان حابارلايدى. 7 ەلدىڭ اسكەرلەرى المۇرت قالاسىندا باس قوسىپ، ءبىر مايداندا ونەر باسەكەسىنە ءتۇسىپ كەرەمەتتەرىن كورسەتتى. 8 - ايدىڭ 22 - كۇنى جۇڭگو قۇرلىق ارمياسى ۇستىنە الىپ وتكىزگەن ”حالىقارالىق اسكەري ىستەر جارىسى - 2021“ باستالۋ سالتى جۇڭگونىڭ كورلا جارىس رايونىندا وتكىزىلدى. ورتالىق اسكەري ىستەر كوميتەتى جاتتىعۋدى باسقارۋ ءبولىمىنىڭ شاۋجياڭ دارەجەلى ورىنباسار باستىعى جىڭ ۋي قىزمەت گرۋپپاسىن باستاپ ناق مايداندا جەتەكشىلىك ەتتى، جۇڭگولىق، شەتەلدىك سيلى قوناقتار، تورەشىلەر، جارىسقا قاتىناسۋشىلار، وفيتسەر - جاۋىنگەرلەر ۋاكىلدەرى قاتىناستى، ورتا بولىك سوعىس رايونى قۇرلىق ارمياسىنىڭ شاۋجياڭ دارەجەلى ورىنباسار سانموۋجاڭى ليۋ ليفىڭ باسقاردى.

سول كۇنى قالىڭ تاۋ قويناۋىنا ورنالاسقان جارىس الاڭىندا ءتۇستى تۋلار جەلبىرەپ، دۋماندى كۇيگە ەندى. ساعات 11دە الاڭعا كىرۋ سالتى باستالدى، 12 قۇرمەت قاراۋىلى جۇڭحۋا حالىق رەسپۋبليكاسىنىڭ مەملەكەت تۋىن، ” حالىقارالىق اسكەري جارىستىڭ“ تۋىن ۇستاپ رەتىمەن الاڭعا كىردى، 8 ميساي شارشى توبى ەكپىندى قاداممەن الاڭعا كىردى. ەڭ الداعى تۋ اترەتى جارىس تۇرلەرىنىڭ تۋىن بيىك ۇستاپ، تۋدىڭ جەتەكشىلىگىندە، ءارقايسى ەلدىڭ جارىسقا قاتىناسۋشىلارىنىڭ بار كۇشىن سالىپ، بيىك بەلەسكە شىعۋعا قۇلشىنىپ، دۇنيە جۇزىنە اسكەري ىستەر ەرەن سالتاناتىن سيلايتىنىن اڭعارتتى.

بەلورۋسسيا، ەگيپەت، رەسەي، وزبەكستان، ۆەنەسۋەلا، ۆيەتنام جارىس ۋاكىلدەر ۇيىرمەسى رەت - رەتىمەن الاڭعا كىردى، ءارقايسى مەملەكەتتىڭ مەملەكەت تۋى مىنبە الدىنان وتكەن كەزدە الاڭداعى وفيتسەر - جاۋىنگەرلەر قىزۋ شاپالاق سوعىپ، الىستان ات ارىتىپ كەلگەن جارىسقا قاتىناسۋشى ۇيىرمەلەردى قارسى الاتىندىقتارىن ءبىلدىردى. داياشى ەل − جۇڭگونىڭ جارىسقا قاتىناسۋشى ۋاكىلدەر ۇيىرمەسى ەڭ سوڭىنان الاڭعا كىردى، جارىسقا قاتىناسۋشىلاردىڭ اسكەري ايدىنى اسقاق، رۋحى كوتەرىڭكى تۇردە بەس جۇلدىزدى قىزىل تۋدىڭ جەتەگىندە مىنبە الدىنان ءوتتى.

مەملەكەت تۋىن شىعارۋ سالتى باستالىپ، «ەرىكتىلەر مارشىنىڭ» ورىندالۋىمەن بەس جۇلدىزدى قىزىل تۋ باياۋ كوتەرىلدى، الاڭداعى بارلىق ادام ايبىندى قۇرمەت ءبىلدىردى. ىلە - شالا «جەڭىس دابىلى» مۋزيكاسى قويىلىپ، حالىقارالىق اسكەري ىستەر جارىس تۋى باياۋ كوتەرىلدى.

قۇرلىق ارمياسى جارىس وتكىزۋ باسشىلىق گرۋپپاسىنىڭ ورىنباسار باستىعى، ورتا بولىك سوعىس رايونى قۇرلىق ارمياسىنىڭ شاۋجياڭ دارەجەلى ورىنباسار سىليڭيۋانى جۋ شياۋحۇي ارناۋ سوزىندە مىنالاردى ءبىلدىردى: جۇڭگو قۇرلىق ارمياسى ىندەتتەن ساقتانۋ - تىزگىندەۋ قىزمەتىن عىلمي، دالمە - ءدال ىستەۋ العى شارتىندا، مۇمكىندىكتىڭ بارىنشا ءارقايسى ەلدەن كەلگەن دوستارعا ىستىق ىقىلاسپەن، جان - جاقتىلى، تىڭعىلىقتى قىزمەت وتەۋگە قۇلشىنىس جاساپ، حاۋىپسىز، ءساتتى، تابىستى، تارتىمدى اسكەري جارىس سالتاناتىن بىرگە سيلايدى.

ساعات 11دەن 30 مينۋت وتكەندە، قۇرلىق ارمياسى جارىس وتكىزۋ باسشىلىق گرۋپپاسىنىڭ باستىعى، قۇرلىق ارمياسىنىڭ جۇڭجياڭ دارەجەلى ورىنباسار سىليڭيۋانى ليۋ فاچيڭ جارىس باستالعانىن جاريالادى. ارتىنان اسكەري ىستەر ساباعىن كورسەتۋ كەرەمەت ورىندالىپ، باستالۋ سالتىن قىزۋ ورلەۋگە كوتەردى.

حالىقارالىق اسكەري ىستەر جارىسىن رەسەيدىڭ قورعانىس مينيسترلىگى العا قويعان حالىقارالىق سيپاتتى اسكەري ىستەر جارىسى، 2013 - جىلى باستالعان، ”اسكەري ىستەر سالاسىنىڭ وليمپياداسى“ دەپ اتالعان. 8 - ايدىڭ 23 - كۇنىنەن 9 - ايدىڭ 4 - كۇنىنە دەيىن ”حالىقارالىق اسكەري ىستەر جارىسى − 2021“ جۇڭگو كورلا جارىس رايونى جەكە - جەكە ”سۋولوفۋ توسىن شابۋىل“، ”اشىق اسپان“، ”حاۋىپسىز ورتا“ 3 تۇردەگى 10 مايدان جارىستى جانە جابىلۋ سالتىن ۇيىمداستىرادى، 7 مەملەكەتتەن كەلگەن 18 ۇيىرمە جارىسقا قاتىناسادى، ءار ەلدىڭ اسكەرلەرى وسى ارادا بەلدەسىپ، ەرلىكتەرى مەن اسقاق سەزىمدەرىن ايگىلەپ، بەيبىتشىلىك پەن دوستىقتى جەتكىزەدى.