باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
«قالىڭ كادرلار جاڭا ساپاردا قۇلشىنا جاۋاپكەرشىلىك ارقالاپ، ىسكەرلىك كورسەتتى − جەر - جەردىڭ كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋ قىزمەتى تۋرالى شولۋ»
2021-08-24 17:44:30     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شينحۋا اگەنتتىگى كولەمدى ادەبي حابار تاراتتى

«قالىڭ كادرلار جاڭا ساپاردا قۇلشىنا جاۋاپكەرشىلىك ارقالاپ، ىسكەرلىك كورسەتتى − جەر - جەردىڭ كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋ قىزمەتى تۋرالى شولۋ»


شينحۋا اگەنتتىگىنىڭ 8 - ايدىڭ 22 - كۇنى بەيجيڭنەن بەرگەن حابارى. شينحۋا اگەنتتىگى 8 - ايدىڭ 22 - كۇنى «قالىڭ كادرلار جاڭا ساپاردا قۇلشىنا جاۋاپكەرشىلىك ارقالاپ، ىسكەرلىك كورسەتتى − جەر - جەردىڭ كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋ قىزمەتى تۋرالى شولۋ» اتتى كولەمدى ادەبي حابار تاراتتى.

ماقالادا بىلاي دەلىندى: 7 - ايدىڭ 1 - كۇنى باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا ماڭىزدى ءسوز سويلەپ، ”اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن“ ۇلى پارتيا قۇرۋ رۋحىن تۇڭعىش رەت بايىمداپ، پارتيامىزدىڭ توڭكەرىستىك رۋحىنىڭ تامىرى مەن قاينارىن كورسەتىپ، پارتيامىزدىڭ 100 جىلدى باستان كەشىرىپ كەمەلىنە كەلگەن، نەبىر قيىندىق پەن ماشاقاتتى وتكەرىپ جالىنداي تۇسكەن تابىس قۇپياسىن اشىپ كورسەتتى.

ۇلى پارتيا قۇرۋ رۋحىندا ”اۋەلگى ماقساتتى امالياتتا ايگىلەۋ، بورىشتى ارقالاۋ“ پارتيامىزدىڭ اۋەلگى ويىن وزگەرتپەگەن، قاسيەتىن قاز - قالپىندا ساقتاعان ايقىن ەرەكشەلىگىن شوعىرلى بەينەلەپ، كوممۋنيستىك پارتيا مۇشەلەرىنىڭ ساياسي قاسيەتىن جاندى ءتۇسىندىردى. 100 جىلدان بەرى نەشە ۇرپاق كوممۋنيستەر بورىشتى باتىلدىقپەن ارقالاپ، قايراتتانا ىسكەرلىك كورسەتىپ، پارتيا مەن مەملەكەت ىستەرىنىڭ دامۋىنا پارمەندى قۋاتتى قوزعاۋشى كۇش ۇستەدى، جياۋ يۇيلۋ، كۇڭ فانسىن، ياڭ شانجوۋ، حۋاڭ دافا، جوۋ يۇڭكاي قاتارلىلار تۇرلىشە تاريحي داۋىردەگى كوممۋنيستەردىڭ ۇزدىك ونەگەلەرى، ولاردىڭ بارىندە باتىلدىقپەن جاۋاپكەرشىلىك ارقالاۋ دەيتىن ورتاق ءبىر تاڭداۋلى قاسيەت بولدى.

ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستەردى ءبىر تۇتاس جوسپارلاپ، ”پارتيانىڭ كادرلارى پارتيا مەن مەملەكەت ىستەرىنىڭ تىرەكتى كۇشى ەكەندىگىن“، ”قالىڭ پارتيا مۇشەلەرىنىڭ، كادرلاردىڭ بەلسەندىلىگى مەن اتقارۋ قابىلەتى بولماسا، قانداي جاقسى ساياسات - شارا بولسا دا سەلگە كەتەتىندىگىن“ تەرەڭ بايىمداپ، ”قاتاڭ باسقارۋ مەن ايرىقشا مەيىر توگۋدى ۇشتاستىرۋعا، ىنتالاندىرۋ مەن تەجەۋگە تەڭ ءمان بەرۋگە تاباندى بولۋدى“ كورنەكتىلەندىرە وتىرىپ باسا دارىپتەپ، ”ناقتى ءىس ىستەۋدى ارداقتايتىن، جاۋاپكەرشىلىك ارقالاۋعا باستاماشى بولاتىن، قايراتتاندىرىپ دەم بەرەتىن وڭ باعىتتا ىنتالاندىرۋ جۇيەسىن ورناتۋدى“ ايقىن تالاپ ەتىپ، ”كادرلاردىڭ جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋ جانە ولاردى قورعاۋ مەحانيزمىن ورناتۋدى“ ايقىن اتاپ كورسەتىپ، پارتيا كادرلارىنىڭ نە ءۇشىن جاۋاپكەرشىلىك ارقالايتىندىعى، جاۋاپكەرشىلىكتى قالاي ارقالايتىندىعى، كادرلار قىزمەتىندە كادرلاردىڭ جاۋاپكەرشىلىك ارقالاۋىن قالاي ىلگەرىلەتۋ كەرەكتىگى سياقتى ەلەۋلى ماسەلەلەردى ايقىن ءتۇسىندىردى، بۇل ءبىزدىڭ جاڭا داۋىردەگى كادرلار قىزمەتىن ويداعىداي ىستەۋىمىز جونىنەن ماڭىزدى جەتەكشىلىك مانگە يە.

ماقالادا مىنالار اتاپ كورسەتىلدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، 2018 - جىلى ورتالىق كوميتەت كەڭسەسى «قالىڭ كادرلاردى جاڭا داۋىردە جاڭا جاۋاپكەرشىلىك ارقالاۋعا، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىردى» باسىپ تاراتتى، ورتالىق كوميتەت ۇيىمداستىرۋ ءبولىمى اڭگىمە ءماجىلىس اشىپ، ورنالاستىرۋ جاساپ ىلگەرىلەتتى ءارى بۇكىل ەل كولەمىندە جاۋاپكەرلىك ارقالاۋداعى، ىسكەرلىك كورسەتۋدەگى وزات تيپتەردى تاڭداۋ، ورناتۋ ۇگىت قىزمەتىن ورىستەتتى؛ 2019 - جىلى ورتالىق كوميتەت ۇيىمداستىرۋ ءبولىمى كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ونان ارى ىنتالاندىرۋ جونىندە 9 تارماقتى ناقتى شارا بەلگىلەپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن بىرلەستىرىپ، جاۋاپكەرشىلىك ارقالاماۋ، ءىس تىندىرماۋ ماسەلەسى جونىندە ارناۋلى رەتتەۋ - جونگە سالۋ جۇرگىزدى؛ 2020 - جىلدان بەرى ورتالىق كوميتەت ۇيىمداستىرۋ ءبولىمى ىندەتكە قارسى اتتانۋ، جۇمىستى، ءوندىرىستى قالپىنا كەلتىرۋ قىزمەتى جانە كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ سياقتىلاردى ارقاۋ ەتىپ، ءسوز - پىكىرگە جەتەكشىلىك ەتۋدى كۇشەيتىپ، تيپتىك ادىستەر مەن تاجىريبەلەردى كورسەتىپ، جالپىلىق قىزمەتكە جەتەكشىلىك ەتۋدى جانە تياناقتاندىرۋعا قۋزاۋدى ويداعىداي يگەردى. پارتيا ورتالىق كوميتەتىنىڭ تالابى بويىنشا، جەر - جەر قاتىستى سايكەستى تۇزىمدەردى دەر كەزىندە شىعارىپ، جاۋاپكەرشىلىكتى دارەجە - دارەجە بويىنشا كۇشەيتىپ، كەشەندى شارا قولدانىپ، ۇزدىكسىز كۇش سالىپ، كادرلاردى ىنتالاندىرۋدىڭ وڭ باعىتتى اسەرىنىڭ ۇزدىكسىز اشىققا شىعۋىن ىلگەرىلەتىپ، كادرلار قوسىنىنىڭ قايرات - جىگەرىن ءونىمدى سەرپىلتتى.

ماقالا 6 بولىككە بولىنگەن: وزەكتى مىندەتتى ارقاۋ ەتىپ، قالىڭ كادرلاردىڭ جاۋاپكەرشىلىك ارقالاۋدى امالياتتا ايگىلەۋدەگى ارەكەت سانالىلىعىن كۇشەيتۋ؛ تاربيەلەۋدى، باۋلۋدى ناقتى يگەرىپ، قالىڭ كادرلاردىڭ سانالى تۇردە جاۋاپكەرشىلىك ارقالايتىن ىشكى قوزعاۋشى كۇشىن قاۋلاتۋ؛ تاڭداپ ءوسىرۋدى، مىندەتكە تاعايىنداۋدى جاقسارتىپ، قالىڭ كادرلار ىرىقتىلىقپەن جاۋاپكەرشىلىك ارقالايتىن ايقىن باعدار قالىپتاستىرۋ؛ ىنتالاندىرۋعا، قورعاۋعا ءمان بەرىپ، قالىڭ كادرلاردى باتىلدىقپەن جاۋاپكەرشىلىك ارقالاۋداعى ارتقى ۋايىمنان ارىلتۋ؛ قامقورلىق جاساۋ شارالارىن تياناقتاندىرىپ، قالىڭ كادرلار جاۋاپكەرشىلىك ارقالاۋعا پەيىل بولاتىن تۇزىمدىك قامتاماسىزدىقتى كۇشەيتۋ؛ زور كۇشپەن ۇگىتتەپ، ماداقتاپ، قالىڭ كادرلار جاۋاپكەرشىلىك ارقالاۋعا تالپىناتىن تاماشا راي قالىپتاستىرۋ.

ماڭگىلىك ۇلى ءىس مۇراتى ءدال 100 جىلدىق كەمەل شاققا تۋرا كەلدى. باس شۋجي شي جينپيڭ بىلاي دەپ باسا دارىپتەدى: ”بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا جەتەدى، سونىمەن بىرگە اناعۇرلىم جاپالى، اناعۇرلىم ماشاقاتتى قۇلشىنىستار جاساۋعا، ءسوز جوق، دايىندالۋىمىز كەرەك“. ءار دارەجەلى پارتكومدار (پارتيا باسشىلىق گرۋپپالارى)، ءسوز جوق، كادرلاردى جاۋاپكەرشىلىك ارقالاۋعا ىنتالاندىرۋدى قىزمەت رەتىندە ماڭىزدى ورىنعا قويىپ، ۇزاق ۋاقىتتىق مىندەت، جۇيەلى ينجەنەريا ەتىپ، بۇلجىتپاي مىقتاپ ۇستاپ، ءار جاقتىڭ كۇشىن بىرىكتىرىپ، قاتىستى ساياسات - شارالاردىڭ تياناقتانۋىن، ناتيجە بەرۋىن ۇزدىكسىز ىلگەرىلەتىپ، قالىڭ كادرلاردى، ءسوز جوق، جەڭىسكە جەتۋ جىگەرىن، شەشۋشى شايقاس جۇرگىزۋگە ۇمتىلاتىن باتىلدىقتى بەكەمدەۋگە، ”14 - بەسجىلدىق“ مەزگىلدە جوعارى ساپالى دامۋدى ىلگەرىلەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىندا قۇلشىنا بورىش ارقالاۋعا، اناعۇرلىم زور داڭققا قول جەتكىزۋگە جەتەكتەۋ كەرەك.