باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ۆيرۋستىڭ تەگىن انىقتاۋ قىزمەتىندە ساياسي سايقالدىق ىستەمەۋ كەرەك
2021-09-02 12:22:55     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− كوپ ەلدىڭ ساياسي قايراتكەرلەرى، مامان - وقىمىستىلارى ٴۇن قاتىپ، ۆيرۋستىڭ تەگىن انىقتاۋ ماسەلەسىن ساياسيلاندىرۋعا قارسى تۇردى

حالىق گازەتىنىڭ ٴتىلشىسى ۋ گاڭ


 ۆيرۋستا مەملەكەت شەكاراسى بولمايدى، ىندەت ناسىلگە بولىنبەيدى. قازىر جاڭا تيپتى ايدارشا ۆيرۋس وكپە قابىنۋ ىندەتى ٴالى دە ورشۋدە، ۆيرۋستىڭ تەگىن انىقتاۋ سەلبەستىگىندە، ٴسوز جوق، عىلمي بەتالىسقا تاباندى بولۋ كەرەك. نەشە كۇننەن بەرى كوپ ەلدىڭ ساياسي قايراتكەرلەرى، وقىمىستىلارى جانە ماماندارى ىركەس - تىركەس ٴۇن قاتىپ، جاڭا تيپتى ايدارشا ۆيرۋستىڭ ادامزات ٴومىرىنىڭ حاۋىپسىزدىگى مەن سالاماتتىعىنا توندىرگەن اۋىر قاتەرى الدىندا حالىقارالىق قوعامنىڭ ىندەتكە قارسى اتتانۋ سەلبەستىگىن كۇشەيتۋ قاجەتتىگىن باسا دارىپتەپ، ۆيرۋستىڭ تەگىن انىقتاۋ ماسەلەسىن ساياسيلاندىرۋعا باتىل قارسى تۇردى.

  عىلىمدى نەگىز ەتۋ كەرەك، ساياسي فاكتور قوسپاۋ كەرەك

  ۆەنەسۋەلانىڭ زۇڭتۇڭى مادۋرو 8 - ايدىڭ 16 - كۇنى جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋعا قارسى تۇراتىندىعىن ٴبىلدىردى. ول بىلاي دەدى: باتىستاعى كەيبىر ەلدەر جۇڭگوعا سوقتىعۋ ماقساتىندا ۆيرۋستىڭ تەگىن انىقتاۋ ماسەلەسىن مەڭگەرىپ وتىر، ۆەنەسۋەلا جاق بۇل «پاسىق ارەكەتتى» جازعىرادى. مادۋرو جۇڭگونىڭ ۆەنەسۋەلاعا ىندەتكە قارسى اتتانۋ جاعىندا «اسا ماڭىزدى» قولداۋ كورسەتكەندىگىنە العىس ايتىپ، جۇڭگودان جەتكىزىلگەن زور مولشەردەگى ەمدەۋ جابدىقتارى مەن ٴدارى - دارمەكتەردىڭ ىندەتكە قارسى اتتانۋ زاتتىق ماتەريالدارمەن قامداۋدى قامتاماسىز ەتكەندىگىن، ۆەنەسۋەلا جاقتىڭ جۇڭگومەن ۇزاق ۋاقىتتىق سەلبەستىكتى ساقتاي بەرەتىندىگىن ٴبىلدىردى.

  لاوس ۇكىمەتىنىڭ زۇڭليى فانحام 8 - ايدىڭ 13 - كۇنى جاڭا تيپتى ايدارشا ۆيرۋستىڭ تەگىن انىقتاۋعا ساياسي فاكتور قوسپاۋ كەرەك دەدى. ول بىلاي دەپ قارادى: جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋ ادامگەرشىلىككە جاتپايدى، ٴار ەل عالىمدارى، ٴسوز جوق، بىرگە قۇلشىنىپ، ىندەتتىڭ پايدا بولۋ سەبەبىن تاۋىپ شىعۋى كەرەك. «ٴبىز شىندىقتى ٴبىلۋىمىز كەرەك، سوندا عانا ماسەلەنى شەشە الامىز، ەگەر شىندىقتىڭ جاي - جاپسارىن بىلمەي، جاۋاپكەرشىلىكتى يتەرە بەرسەك، ەڭ سوڭىندا اۋرۋدى جەڭۋگە شاراسىز قالامىز». فانحام بىلاي دەدى: «ۆيرۋستىڭ تەگىن انىقتاۋدا بولسىن، الدە ۆيرۋستىڭ وزگەرگەن ٴتۇرىنىڭ پايدا بولۋ سەبەبىن ىزدەۋدە بولسىن، بارىندە عىلىمدى نەگىز ەتۋ كەرەك، ساياسي فاكتور قوسپاۋ كەرەك».

  كۋبانىڭ سىرتقى ىستەر مينيسترى رودريگەس 8 - ايدىڭ 10 - كۇنى جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا قوسقان ۇلەسىن القاپ، جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋعا جانە ۆيرۋستان پايدالانىپ اتقا داق سالۋعا قارسى تۇراتىندىعىن ايتتى. رودريگەس قوعامدىق قارىم - قاتىناس مەدياسىندا ماقالا جاريالاپ بىلاي دەدى: كۋبا حالىقارالىق قوعامدى سەلبەستىك پەن ىنتىماقتى كۇشەيتىپ، جاڭا تيپتى ايدارشا ۆيرۋستىڭ تەگىن زەرتتەۋدى ساياسيلاندىرۋعا، ارنايى بىرەۋگە قاراتۋعا، ۆيرۋستان پايدالانىپ اتقا داق سالۋعا قارسى تۇرۋعا ۇندەيدى؛ كۋبا جۇڭگونىڭ جاريا، جاۋاپتى بولۋ پوزيتسياسىمەن ىندەتكە قارسى اتتانۋدا قوسقان ۇلەسىن مويىندايدى.

  بانگلادەشتىڭ سىرتقى ىستەر مينيسترى مومەن مىنانى ٴبىلدىردى: ىندەتتىڭ تەگىن انىقتاۋ قىزمەتى تۋراشىل، وبيەكتيۆ بولۋى، ساياسي سايقالدىق ارالاسپاۋى كەرەك. ساياسي ماقساتتان تۋعان تەكسەرۋ كەيدە اپات سيپاتتى زارداپ الا كەلەدى. قازىرگى كەزەڭدە، ەڭ ماڭىزدىسى دۇنيە جۇزىندەگى ٴار ەلگە جەتكىلىكتى ۆاكسينا تاراتىپ، بارلىق ەلدىڭ بىرگە قۇلشىنۋى ارقىلى جاڭا تيپتى ايدارشا ۆيرۋس وكپە قابىنۋ ىندەتىن جەڭۋ كەرەك. «ەرەكشە وكىنەرلىگى، كوپتەگەن باي مەملەكەتتەر قىرۋار ۆاكسينا توپتاپ العانىمەن، ٴبىراق ولار ٴبىرشاما كەدەي ەلدەرمەن بولىسكەن جوق». مومەن جۇڭگو ۇكىمەتى مەن حالقىنىڭ بانگلادەشتىڭ ىندەتكە قارسى اتتانۋ كۇرەسىنە بەرگەن كومەگىنە العىس ايتتى.

  مالتانىڭ سىرتقى ىستەر مينيسترى ەباريست بارتولو مىنالاردى ٴبىلدىردى: «ٴبىزدىڭ جاۋىمىز ٴبىر - ٴبىرىمىز ەمەس، قايتا جاڭا تيپتى ايدارشا ۆيرۋس. ىندەتتىڭ نە ٴۇشىن تۋىلعاندىعىنىڭ، سونداي - اق قالاي تۋىلعاندىعىنىڭ بايىبىنا بارۋىمىز كەرەك، ٴبىراق بۇنىڭ بارىنە ىسپات نەگىز بولۋعا ٴتيىس. الەۋمەتتىك دەنساۋلىق ساقتاۋ ىستەرىنەن پايدالانىپ ساياسي سايقالدىققا سالىنباۋىمىز ٴتيىس».

  ايتىلمىس «تاجىريبەحانادان تارالدى ٴپاتۋاسى» عىلمي ساراپپەن قاراۋدىڭ سىنىنان وتە المايدى

  شىعىس وڭتۇستىك ازيا ەلدەرى وداعى حاتشىلار باسقارماسىنىڭ ورىنباسار باس حاتشىسى كاڭ فۋ جۋىقتا اۆتورلى ماقالاسىندا بىلاي دەدى: ىندەت تۇتقيىل تۋىلعان باستاپقى كەزدە ٴىشىنارا ەلدەردە ىندەتتى ساياسيلاندىرۋ، ۆيرۋستى بىرەۋگە تاۋەلدى ەتۋ جاعدايى ٴومىر ٴسۇردى، اۋەلى، قالانى جابۋ، ۆاكسينا ەگۋ سياقتى شارالاردى دا ساياسي ماقساتى بار دەپ قارادى، اۋەلى، وعان كوپتەگەن قاسكۇنەمدىك سىڭاي ارالاستى. ٴبىر جىلدان استام ۋاقىت وتسە دە، مۇنداي سىڭايلار ٴالى كۇنگە قۇلاقتان كەتەر ەمەس. جاڭا تيپتى ايدارشا ۆيرۋستىڭ تەگىن انىقتاۋ، ٴتىپتى، اۋىر دارەجەدە ساياسيلاندىرىلىپ، وشپەندىلىك پەن قىلمىس وتكىزۋدىڭ كوبەيۋىنە تىكەلەي مۇرىندىق بولدى.

  ەگيپەتتىڭ جۇڭگودا تۇراتىن بۇرىنعى باس ەلشىسى الي سيفني مىنالاردى ٴبىلدىردى: دۇنيە جۇزىلىك دەنساۋلىق ساقتاۋ ۇيىمى حاتشىلار باسقارماسى جۋىقتا ۆيرۋستىڭ تەگىن انىقتاۋ تۋرالى ورتاعا قويعان 2 - ساتىداعى قىزمەت جوسپارى، باستىسى، كەيبىر ٴىرى ەلدەردىڭ قىسىمىنىڭ ماجىبۇرلەۋىنەن، ونىڭ ۇستىنە كەيبىر ساياسيلاندىرۋ فاكتورلارىن ويلاستىرۋىنان بولىپ وتىر. ول بىلاي دەپ قارادى: باتىستاعى ٴبىر ٴبولىم مەملەكەتتەردىڭ دۇنيە جۇزىلىك دەنساۋلىق ساقتاۋ ۇيىمىنا قىسىم تۇسىرۋىندەگى ٴتۇپ ماقساتى − قوعامدىق پىكىردىڭ جۇڭگو جاريالاعان ىندەت ينفورماتسياسىنىڭ جاريالىلىعىنا كۇمانىن قوزعاپ، سول ارقىلى جۇڭگونىڭ حالىقاراداعى وبرازىنا ىقپال ەتۋ. «كوپتەگەن ماسەلەگە جانە داعدارىسقا ساياسي ٴتۇس قوسۋ ارقىلى وزدەرىنىڭ مۇددەسىن جۇزەگە اسىرۋ، مىنە، ولاردىڭ جوسپارى − وسى» دەدى سيفني.

  جاڭا تيپتى ايدارشا ۆيرۋستىڭ تاجىريبەحانادا جاسالعاندىعىن انىقتايتىن ەشقانداي دالەل - ىسپات جوق، ايتىلمىس وسى ايتىلىمدار (<تاجىريبەحانادان تارالدى ٴپاتۋاسى> «عىلمي ساراپپەن قاراۋدىڭ سىنىنان وتە المايدى». انگليا گلازگو داشۋەسى ۆيرۋس زەرتتەۋ ورتالىعى ۆيرۋس گەندەر توبى عىلىمىنىڭ جاۋاپتىسى داۆيد روبەرتسون بىلاي دەدى: «قازىر بارلىق ساندى مالىمەتتەر ٴبىر عانا بەتالىستى ايرىقشا كورسەتىپ تۇر، ياعني بۇل − ٴبىر ٴتۇرلى تابيعي ۆيرۋس، تاجىريبەحانادا جاسالعان ۆيرۋس ەمەس. ٴبىز قازىر قولدا بار ىسپاتتارعا سەنۋىمىز، ۆيرۋستىڭ بىرتىندەپ دامۋىن، سونداي - اق تۋىلۋىن زەرتتەۋ جاعىندا تاجىريبەسى بار ماماندارعا سەنۋىمىز كەرەك».

  الەمدىك ماسەلەنى ٴار ەل بىرگە قۇلشىنىپ شەشۋى كەرەك

  كامبودجا - جۇڭگو قارىم - قاتىناسىن دامىتۋ ٴىلمي قوعامىنىڭ باستىعى شيەمو نيلى جۋىقتا مىنانى ٴبىلدىردى: جاڭا تيپتى ايدارشا ۆيرۋستىڭ تەگىن انىقتاۋ ەرەكشە قاتاڭ عىلمي ماسەلە، باستان - اياق عىلمي، كاسىپتىك، وبيەكتيۆ بولۋ رۋحىنا تاباندى بولىپ، جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋعا باتىل قارسى تۇرىپ، الەمدىك ىندەتكە قارسى اتتانۋ جانە ۆيرۋستىڭ تەگىن انىقتاۋ قىزمەتىنىڭ دۇرىس بەتالىسقا قاراي ىلگەرىلەۋىن قولداۋ جانە وعان جەتەكشىلىك ەتۋ كەرەك.

  مالديۆتىڭ اقپارات قۇرالى قىزمەتكەرى حامدان شاكير 8 - ايدىڭ 8 - كۇنى «مالديۆ جاڭالىقتار سايتىندا» ماقالا جاريالاپ بىلاي دەپ اتاپ كورسەتتى: امەريكا عىلمي شىندىقتان اۋىتقىپ، جاڭا تيپتى ايدارشا ۆيرۋستىڭ تەگىن انىقتاۋ زەرتتەۋىن ساياسيلاندىردى. ماقالادا بىلاي دەلىندى: كوپ ساندى ەلدىڭ ٴبارى سەلبەستىك جاساپ، سونداي - اق ۆيرۋستىڭ تەگىن انىقتاۋدا جاريا جانە عىلمي زەرتتەۋ جۇرگىزۋگە ۇندەۋ تاستاسا دا، ٴبىراق امەريكا جاڭا تيپتى ايدارشا ۆيرۋستىڭ تەگىن انىقتاۋ ماسەلەسىندە توڭمويىندىق كورسەتتى. امەريكانىڭ جاڭا تيپتى ايدارشا ۆيرۋستىڭ تەگىن انىقتاۋ جاعىنداعى ساياسيلانعان جانە عىلمي شىندىقتان اۋىتقىعان ارەكەتى بارىپ تۇرعان مورالسىزدىقپەن پالەنى باسقاعا جابۋ، ماقساتى ٴوز ەل حالقىنىڭ ٴومىرىن قورعاي الماعان، ٴوز ەلىندە ىندەتتى تىزگىندەي الماعان جاۋاپكەرشىلىكتەن ات تونىن الا قاشۋ.

  مەكسيكا مەملەكەتتىك ٴوزىن - ٴوزى باسقارۋ داشۋەسىنىڭ تارالمالى اۋرۋلار مامانى ايلاينا لەييەس جۋىقتا مىنانى ٴبىلدىردى: ۆيرۋستىڭ تەگىن انىقتاۋ قىزمەتىن ىندەتكە قارسى اتتانۋداعى «وراي تەرەزەسى» ساناپ، ىندەتكە قارسى اتتانۋدىڭ شەكتى بايلىعىن بىرگە بىرىكتىرىپ، بيولوگيالىق مەديتسينا جانە تەحنيكا زەرتتەۋ دارىندىلارىن زور تەبىنمەن جەتىلدىرۋ كەرەك. سونىمەن بىرگە ٴار ەل قاتە ينفورماتسياعا جولىققان نەمەسە ينفورماتسيا بۇرمالانعان كەزدە عىلمي فاكت نەگىزىندە دەرەۋ تۇسىنىك جاساپ ٴتۇسىندىرۋى كەرەك.

  بارتولو مىنانى ٴبىلدىردى: بۇكىل الەم ۆاكسينانىڭ اۋىر دارەجەدە بىركەلكى ەگىلمەۋى سىن - سايىسىنا ٴدوپ كەلۋدە. «ٴبىز قاتتى قيىنشىلىق كەزەڭىندە تۇرمىز، ونىڭ ۇستىنە ۆيرۋستىڭ ٴتۇرىنىڭ وزگەرۋىنە ىلەسە، بۇل كەزەڭ ٴبىزدىڭ مەجەمىزدەن الدەقايدا ۇزاق بولادى. بۇل − الەۋمەتتىك دەنساۋلىق ساقتاۋ داعدارىسى، دۇنيە جۇزىندەگى ٴار ەل جاپپاي حاۋىپسىز بولعاندا عانا، ٴوز ەلىڭ حاۋىپسىز بولا الادى». بارتولو الەمدىك ماسەلەنى ٴار ەل بىرگە قۇلشىنىپ شەشۋى كەرەك دەپ قارادى. «ٴارقانداي ٴبىر مەملەكەت تەك ٴوز باسىنىڭ قامىن جەپ وتىرا المايدى نەمەسە بۇل ماسەلەلەردى جەكە - دارا شەشە المايدى، سەلبەستىك ٴتاسىلىن تابۋ ەرەكشە ماڭىزدى» دەدى ول.

  (8 - ايدىڭ 23 - كۇنگى «حالىق گازەتىندە» باسىلعان)