ىندەتكە قارسى اتتانۋ ٴبىرىنشى شەبىندەگى ەمدەۋ قىزمەتكەرلەرى قاھارماندار توبى:

شيپاگەرلەر ۇلى ادىلەتتى شەبەرلىكتەرىمەن، شىن ىقىلاستارىمەن ورنەكتەدى

شينحۋا اگەنتتىگىنىڭ ٴتىلشىسى حوۋ ۋىنكۇن

 حۋبەيدىڭ ۋحان قالاسىنىڭ ازاتتىق داڭعىلىندا ەرەكشە ٴبىر اسپا كوپىر بار: بۇل اراعا ىندەتكە قارسى اتتانۋ بارىسىندا حۋبەيعا كومەككە كەلگەن ەمدەۋ اترەتتەرىنىڭ اتى مەن ادام سانى ويىپ جازىلعان، ادامدارعا 2020 - جىلعى ٴبىر نيەتپەن ىندەتكە قارسى اتتانعان، ۋاقىتتىق قيىندىقتى بىرگە ەڭسەرگەن سول كۇندەردى ەلەستەتەدى.

  ىندەتكە توسقاۋىلداپ سوققى بەرىپ، ٴومىردى شۇعىل قۇتقاردى! كوكىرەگىن حالىققا دەگەن ادالدىق جانە ومىرگە دەگەن قۇرمەت كەرنەگەن قالىڭ ەمدەۋ قىزمەتكەرلەرى كەۋدە كەرە العا شىعىپ، باستارىن ٴباي تىگىپ، ۆيرۋسقا توسقاۋىلداپ سوققى بەرۋدىڭ قۇرىش قورعانىن جان - تاندەرىمەن تۇرعىزدى.

  اق حالاتتى ساۋىت ەتىپ، قاسقايا قارسى اتتاندى، ولار وتباسىنداعىلارمەن مەرەكەدە باس قوسپاسا دا، ٴومىردىڭ ماڭىزدى تاپسىرماسىن ورىندادى

  2020 - جىلدىڭ دابىلى قاعىلدى.

  تاۋەكەلگە بەل بۋۋدان دايىندالىپ، ساپارعا شىعۋعا دەيىن قىسقا عانا 4 ساعات ۋاقىت كەتتى، ارميانىڭ حۋبەيعا كومەككە باراتىن ەمدەۋ اترەتىنىڭ مۇشەسى سۇڭ سايپيڭ ۇستەلدەگى جاڭا جىل قارساڭىنداعى ٴتۇن تاماعىنان اۋىز تيۋگە ۇلگىرمەستەن، شۇعىل اتتاندى، نىسانالى جەر − ۋحان.

     ىندەت تۋىلىپ، ٴاسىلى شاتتانا باس قوساتىن كوكتەم مەرەكەسى ساقتانۋ - تىزگىندەۋ قىسىمى وراسان زور تۇنەكتى ساتكە اينالدى. مەملەكەت پەن حالىقتىڭ قاجەتى الدىندا، ەمدەۋ قىزمەتكەرلەرى ادىلەت جولىندا ەشتەڭەدەن تايىنبادى. ماۋ چيڭ، جاڭ شيجيڭ، لي ۋىنفاڭ، سۇڭ ليچياڭ... ايگىلى مامانداردىڭ اتتارى تۇگەلدەي 1 - توپتا جورىققا شىققانداردىڭ تىزىمىنە جازىلدى.

  حالىق ارمياسى ەمدەۋ قىزمەتكەرلەرى شاقىرعان زامان جەتىپ، توتەلەي وزەكتى شايقاس مايدانىنا اتتاندى؛ حۋبەي ولكەسى مەن ۋحان قالاسىنىڭ 540 مىڭ ەمدەۋ قىزمەتكەرى ۆيرۋسپەن بەتپە - بەت شايقاستى؛ مەملەكەتتىك 346 ەمدەۋ اترەتى، 40 مىڭنان استام ەمدەۋ قىزمەتكەرى تايسالماستان الدىڭعى شەپكە اتتاندى.

  ۋحان، لەيشىنشان شيپاحاناسى، 2 - ايدىڭ 9 - كۇنى لياۋنيڭ اترەتى تىزىمدەلدى؛ 2 - ايدىڭ 15 - كۇنى شاڭحاي اترەتى تىزىمدەلدى؛ 2 - ايدىڭ 18 - كۇنى گۋاڭدۇڭ اترەتى تىزىمدەلدى...

  «ٴبىز 60 ساعات ىشىندە ناۋقاستار اۋماعىن تەكسەرىپ وتكىزىپ الۋدى جانە ٴبولىم اشۋ دايىندىعىن اياقتاتتىق، ٴبولىم اشۋ 3 ساعاتقا جەتپەدى، 48 توسەك تۇگەلدەي تولىپ كەتتى» دەدى گۋاڭدۇڭ ەمدەۋ اترەتىنىڭ جەتەكشىسى، گۋاڭدۇڭ جۇڭي شيپاحاناسى سالماقتى اۋرۋلار مەديتسينالىق ٴبولىمىنىڭ مەڭگەرۋشىسى زوۋ شۇي.

  ٴبىرىنشى شەپتە اتويلاپ، كەۋدە كەرىپ ەڭ الدا ٴجۇردى. بەيجيڭ شيپاحاناسى، بەيجيڭ شيەحى شيپاحاناسى، جۇڭگو - جاپونيا دوستىق شيپاحاناسى، بەيجيڭ داشۋەسى 1 - شيپاحاناسى، بەيجيڭ داشۋەسى حالىق شيپاحاناسى، بەيجيڭ داشۋەسى 3 - شيپاحاناسى سىندى 6 شيپاحانا دەرەۋ شايقاسقا شىقتى، سونداي - اق دەرەۋ حۋبەيعا كومەكتەسىپ، ىندەتكە قارسى اتتانۋ مەملەكەتتىك ەمدەۋ اترەتىن ۇيىمداستىرىپ، شۇعىل كومەككە اتتاندى.

  ىندەتكە قارسى اتتانۋ بۇيرىعى تۇسىرىلگەننەن كەيىن، «حاۋىپتى ورىن ٴبىزدىڭ شايقاس ورنىمىز» دەپ جازىلعان شايقاسقا سۇرانعان حاتتار پارتيا ۇيىمىنا قارشا بورادى، ورتا بولىك شايقاس رايونى باس شيپاحاناسىنىڭ 2200 دەن استام تاڭداۋلى ەمدەۋ قىزمەتكەرى «پارتيالى ەكپىندىلەر اترەتى» بولىپ ۇيىمداسىپ، ىندەتتەن ساقتانۋ - تىزگىندەۋ توسقاۋىل شايقاسىنا بار كۇشپەن ات سالىستى. «مەن پارتيا مۇشەسىمىن، سارسقا قارسى اتتانۋ تاجىريبەم بار، مەن بارايىن» دەدى 53 جاستاعى سەسترالار باستىعى ليۋ مىڭلي ىرىقتىلىقپەن ورىندايتىندىعىن ٴبىلدىرىپ.

  ىزگى نيەتتى شيپاگەرلەر ومىرلەرى ارقىلى بورىشتارىن ورىنداۋعا اتتاندى، ولار ۋاقىتتى ۇتا قيمىلداپ، حاۋىپ تونگەن ٴومىردى قۇتقاردى

  ۋحانداعى سالماقتى ناۋقاستاردى ەڭ كوپ شوعىرلى قابىلداپ ەمدەگەن ٴتۇيىندى شيپاحانا − حۋاجۇڭ عىلىم - تەحنيكا داشۋەسىنە قاراستى تۇڭجي شيپاحاناسى تۇتىكشە سالۋ، جۇرەك قورعاۋ، جۇڭي شيپاگەرلىك - دارىگەرلىك، ساۋىقتىرۋ سياقتى كوپتەگەن ماماندانعان تارماق اترەتىن قۇرىپ، قاي جەردە حاۋىپ بولسا سول جەرگە بارىپ، سالماقتى ناۋقاستاردى قۇتقارۋ - ەمدەۋدەگى «اتويشىلدار ليانى» دەپ اتالدى.

  «اتويشىلدار ليانىنىڭ» ىشىندە كوپتەگەن «90 - جىلداردىڭ تۇلەگى»، «2000 - جىلداردىڭ تۇلەگى» بار، نەشە ايلىق شايقاس بارىسىندا بىرەۋى دە شەگىنشەكتەگەن جوق. كەيبىرەۋى باستاپقى قىزمەت بارىسىندا جاڭا تيپتى ايدارشا ۆيرۋس وكپە قابىنۋ ىندەتىن جۇقتىرىپ الدى، جازىلا سالىپ تاعى دا دەرەۋ شايقاسقا كىرىستى، كوپشىلىكتىڭ نىساناسى تەك قانا ادام قۇتقارۋ ەدى.

  ٴبىر رەتكى ناۋقاستى شۇعىل قۇتقارۋ بارىسىندا تۇتىكشە سالۋداعى كورگەن - بىلگەن ىستەر سىچۋان داشۋەسى حۋاشي شيپاحاناسىنىڭ حۋبەيعا كومەككە بارعان سالماقتى اۋرۋلاردان قۇتقارۋ - ەمدەۋ مەديتسينالىق اترەتىنىڭ مۇشەسى ني جۇڭنىڭ ٴالى ەسىندە. ول ەسكە الىپ بىلاي دەيدى: «سول كەزدە شارت - جاعداي شەكتى بولدى، دايىنداۋعا ٴتيىستى ساقتانۋ - قورعانۋ ولشەمىنە تولىق جەتۋ مۇمكىن بولمادى. اشىق قالۋ حاۋپىن ازايتۋ ٴۇشىن، قىزمەتتەسىمىز دەرەۋ ۇلكەن ٴبىر پلاستماسسا قالتا تاۋىپ اكەلىپ، ساقتانۋ - قورعانۋ بەت قالقامنىڭ تومەن جاعىنا وراپ <مويىن وراعىش> ەتتى، وسىلايشا ناۋقاسقا تۇتىكشە سالدىق».

  ٴبىر پايىز مۇمكىندىك بولسا بولعانى، 100 پايىز قۇلشىنىس جاساۋ كەرەك. ٴبىرىنشى شەپتەگى ەمدەۋ قىزمەتكەرلەرى قىزمەت كۇشەمەلىلىگىن بارىنشا ارتتىرىپ، جەكە قاجەتىمەن ساناسپادى. انىق تاپ تۇسكەن جۇزدەردە ىلعي دا قالجىراۋ مەن مۇندالاپ تۇرعانىمەن، مويىماس جانارلار، ونان دا ماڭىزدىسى، ناۋقاستارعا شەكسىز مەيىر جانە كۇش - قۋات سيلادى. ٴومىر ەسىگىن اشقانىنا 30 نەشە ساعات قانا بولعان نارەستەدەن 100 نەشە جاستاعى قارياعا دەيىن ٴاربىر ٴومىر بار كۇشپەن قورعالدى.

  ۋحان قالالىق 1 - شيپاحانانىڭ سالماقتى ناۋقاستاردى باقىلاۋ اۋماعىندا جياڭسۋ ولكەلىك حالىق شيپاحاناسىنىڭ ۋحانعا كومەككە بارعان سالماقتى ناۋقاستاردى ەمدەۋ اترەتىنىڭ مۇشەلەرى سالماقتى ناۋقاستاردى قاسىندا قاراپ، قالىڭ توسەكتىڭ اراسىندا زىمىراپ، ۋاقىتتى ۇتىپ ٴومىردى شۇعىل قۇتقاردى. «بۇل ارادا ٴبىر مينۋت تا ايالداي المايسىڭ. بىزگە شەگىنەر جول جوق، ٴسوز جوق، بار كۇشىمىزدى سالىپ ازىرەيىلمەن ايقاسۋىمىز كەرەك» دەدى ەمدەۋ اترەتى ەمدەۋ گرۋپپاسىنىڭ باستىعى چي شۇي.

  ٴونىمدى قۇتقارۋ - ەمدەۋ ٴتاسىلىن تەزىرەك تابۋ ٴۇشىن، بەيجيڭ شيەحى شيپاحاناسى ىشكى اۋرۋلار سالماقتى اۋرۋ مەديتسينا ٴبولىمىنىڭ مەڭگەرۋشىسى دۋ بين ۋحاندا كۇندىز - ٴتۇنى ICU (سالماقتى ناۋقاستاردى باقىلاۋ بولمەسى) لاردان شىقپادى: ەڭ كوپ بولعاندا ول ٴبىر كۇندە 5 شيپاحانانىڭ ICU ىن ارالادى؛ ەڭ ۇزاق بولعان ٴبىر رەت ول ساقتانۋ - قورعانۋ كيىمىن كيىپ ICU دا 10 ساعات قاربالاستىققا ٴتۇستى.

  «ٴبىز وسىندا ۋحاندى قورعايمىز، جۇڭگونى قورعايمىز!». ىندەتتىڭ «بوران ٴوتى» ۋحان قالاسى جينيىنتان شيپاحاناسىندا جۇڭگو جۇڭي عىلىم اكادەمياسىنىڭ مەملەكەتتىك حۋبەيعا كومەكتەسىپ، ىندەتكە قارسى اتتانۋ جۇڭي ەمدەۋ اترەتى «چيبو - حۋاڭدي ٴادىسىن» باتىس شيپاگەرلىگىمەن ٴوزارا ۇشتاستىرۋ ارقىلى جەڭىل ناۋقاستىڭ سالماقتى ناۋقاسقا اينالۋ قاقپاسىن مىقتاپ بەكىتتى.

  عىلمي ساقتانۋ - ەمدەۋ جۇرگىزدى، تىزە قوسا ىندەتپەن «شايقاستى»، ولار ىندەتتەن ساقتانۋ - تىزگىندەۋدە كۇش بىرىكتىرە قامال الدى

  اۋرۋدىڭ باستالۋى جاسىرىن، جاسىرىن مەزگىلى ٴبىرشاما ۇزىن، اۋرۋ بەلگىسى جوق جۇعىمدالۋشىلار بار... اككى ۆيرۋس الدىندا، تيانجين قالاسىنىڭ ىنشى وبلىسىنا باعىتتامالى كومەكتەسەتىن اۋرۋدى تىزگىندەۋ قىزمەت اترەتىندەگى لي زىپىڭ ”ۆيرۋس بارلاۋشىعا“ اينالىپ، ۇنەمى قىزمەتتەستەرىمەن بىرگە ٴتۇن ورتاسىنا دەيىن ساندى مالىمەت رەتتەدى. ىندەتتەن ساقتانۋ - تىزگىندەۋ ٴۇشىن دالمە - ٴدال شەشىم دايەكتەرىن ازىرلەپ، ىندەتتىڭ تارالۋىن توسۋ ٴۇشىن، ناۋقاس ىلىكتەستىگىن سالالاۋ سىزباسى بىرىنەن كەيىن ٴبىرى سىزىلدى.

  ۆيرۋسپەن جارىسقان تاعى ٴبىر شايقاس شەبىندە جۇڭگو ينجەنەريا اكادەمياسىنىڭ اكادەميگى، اسكەري ىستەر اكادەمياسى اسكەري ىستەر مەديتسينالىق زەرتتەۋ مەكەمەسىنىڭ زەرتتەرمەنى چىن ۋي باستاعان اسكەري ىستەر مەديتسينالىق ماماندار گرۋپپاسى ۋحاندا ٴۇرتىس 113 كۇن ەرلىكپەن شايقاس جاسادى. ۇجىم مۇشەلەرى ٴار كۇنى نەگىزىنەن كوزدەرىن اشقاننان تاڭعا جۋىق ساعات 3 − 4 كە دەيىن قاربالاس بولىپ، ەكىنشى كۇنى تاڭ اتىسىمەن تاعى دا قاربالاس قىزمەتكە كىرىسىپ، ۆاكسينا زەرتتەپ اشۋعا، يممۋنيتەتتىك قالتقى قۇرۋعا بار كۇشتەرىن سارقا جۇمسادى.

  «جەڭىستەن باسقا تالعام جوق!» دەدى چىن ۋي اسقاق ۇنمەن. قىسقا عانا 3 ايدان استام ۋاقىتتا ول قاتتى جۇدەپ قانا قالماستان، شاشتارى دا اعارىپ كەتتى.

  ەلەۋلى ىندەت ىزگى شيپاگەرلەر، ۇلى ادىلەت الدىندا تىزگىندەلە باستادى. ولار حالىقتى كوكەيلەرىندە ساقتادى، حالىق ولاردى ەسكەرتكىشكە ويىپ جازدى.

  شينحۋا اگەنتتىگىنىڭ 6 - ايدىڭ 19 - كۇنى ۋحاننان بەرگەن حابارى.