حالىق گازەتىنىڭ شولۋشىسى

9 - ايدىڭ 25 - كۇنى جۇڭگو ازاماتى مىڭ ۋانجوۋ جۇڭگو ۇكىمەتىنىڭ جالداما ۇشاعىمەن وتانعا ورالدى. بۇل پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، جۇڭگو ۇكىمەتىنىڭ قاجىماي - تالماي قۇلشىنۋىنىڭ ناتيجەسى، بۇكىل جۇڭگو حالقىنىڭ بار كۇشپەن قولداۋىنىڭ ناتيجەسى، جۇڭگو حالقىنىڭ كەلەلى جەڭىسى.

شىندىق الدەقاشان مىنانى دالەلدەدى: مىڭ ۋانجوۋ ۋاقيعاسى − جۇڭگو ازاماتىنا باعىتتالعان، جۇڭگونىڭ جوعارى تەحنيكالى كاسىپورنىنا قىسىم جاساۋدى ماقسات ەتكەن ساياسي قىسپاققا الۋ ۋاقيعاسى. 2018 - جىلى 12 - ايدىڭ 1 - كۇنى امەريكانىڭ ٴوز الدىنا جوسپارلاۋىمەن حۋاۋي سەرىكتەستىگىنىڭ باس قازىنا ٴمانساپتىسى مىڭ ۋانجوۋ كانادادا ۇشاق اۋىسقاندا، كانادانىڭ ەشقانداي زاڭىنا قايشىلىق جاساماعان جاعدايدا كانادا جاق ونى قيسىنسىز قاماۋعا الدى. امەريكا جاقتىڭ مىڭ ۋانجوۋعا قاراتقان ايتىلمىس الدامكوستىك ايىپتاۋى بۇكىلدەي ويدان شىعارىلعان. امەريكا مەن كانادا وزدەرىنىڭ ەكى جاقتى وتكىزىپ بەرۋ شارتىنان بەتالدى پايدالانىپ، زاڭدى سىلتاۋ ەتىپ وزدەرىنىڭ جۇڭگو ازاماتىن قىسپاققا الۋ ارەكەتىن اقتاعانىمەن، اراشالاعانىمەن، امەريكا مەن كانادانىڭ ايتىپ وتىرعان زاڭىنىڭ امەريكانىڭ الداپ نەمەسە تارتىپ الۋىنا، بوتەنگە قىسىم جاساۋىنا، جەكە مۇددەنى كوزدەۋىنە قىزمەت كورسەتەتىن قۇرال عانا، ەشقانداي ادىلدىگى، ورىندىلىعى جوق ەكەندىگى حالىقارالىق قوعامعا ايدان انىق.

مىڭ ۋانجوۋ ۋاقيعاسىندا جۇڭگو ۇكىمەتىنىڭ تۇرعىسى دايەكتى، ايقىن. بارلىق قاجەتتى شارانى قولدانا وتىرىپ جۇڭگو ۇكىمەتى ٴوز ەلىنىڭ ازاماتى مەن كاسىپورنىنىڭ ورىندى، زاڭدى ۇقىق - مۇددەسىن باتىل قورعادى. مىڭ ۋانجوۋدىڭ قيسىنسىز قاماۋعا الىنۋىنا قاتىستى جاعدايلاردان حابار تاپقان سوڭ جۇڭگو ۇكىمەتى دەر كەزىندە قاتاڭ سويلەستى، قاتاڭ تۇرعىسىن ٴبىلدىردى ٴارى دەر كەزىندە مىڭ ۋانجوۋعا كونسۋلدىق كومەك بەردى. وسىدان كەيىن جۇڭگو ۇكىمەتى كانادا جاقتى مىڭ ۋانجوۋدى قويا بەرىپ، ونىڭ ورىندى، زاڭدى ۇقىق - مۇددەسىن شىن مانىندە قامتاماسىز ەتۋگە قاتاڭ قۋزاپ كەلدى. 100 ميلليونداعان جۇڭگو حالقى اسقاق ادىلەت ٴۇنىن شىعانداتتى. مىڭ ۋانجوۋدىڭ وتانعا امان ورالۋى جۇڭگو كوممۋنيستىك پارتياسىنىڭ ٴبىر ميلليارد 400 ميلليون جۇڭگو حالقىنىڭ، ۇلى جۇڭحۋا حالىق رەسپۋبليكاسىنىڭ جۇڭگو ازاماتتارىنىڭ ەڭ ماڭگى پارمەندى تىرەگى ەكەندىگىن تولىق ٴتۇسىندىردى.

مىڭ ۋانجوۋ ۋاقيعاسى مىنانى تولىق كورسەتتى: جۇڭگو پالە شىعارمايدى، الايدا پالەدەن دە قورىقپايدى. جۇڭگو ٴارقانداي فورماداعى ساياسي قۇقايدى جانە ٴادىليادان ورىنسىز پايدالانۋ ارەكەتىن، استە، قابىلدامايدى، جۇڭگو ازاماتتارىنىڭ وزگە ەلدىڭ ساياسي قىسپاعىنىڭ قۇرباندىعى بولۋىنا، استە، جول بەرمەيدى. جۇڭگو حالقى − ادىلەتتى قاستەرلەيتىن، زورلىق - زومبىلىقتان تايسالمايتىن حالىق، جۇڭحۋا ۇلتى − كۇشتى ۇلتتىق ماقتانىش سەزىمى جانە وزىنە سەنىمى بار ۇلت. جۇڭگو حالقى وزگە ەل حالىقتارىن ەجەلدەن باسىنىپ، ەزىپ، قۇلدانىپ كورگەن ەمەس، سونداي - اق ٴارقانداي سىرتقى كۇش اتاۋلىنىڭ ٴبىزدى باسىنۋىنا، ەزۋىنە، قۇلدانۋىنا، استە، جول بەرمەيدى. ٴارقانداي ادامنىڭ، ٴارقانداي كۇشتىڭ وسىلاي ىستەۋدى قيالداۋىنا جۇڭگو حالقى، استە، جول بەرمەيدى.

مىڭ ۋانجوۋ ۋاقيعاسىنىڭ ٴمانى − امەريكانىڭ جۇڭگونىڭ دامۋ اياق الىسىنا بوگەت بولۋعا، ٴتىپتى، ٴۇزىپ تاستاۋعا ۇرىنۋ. جۇڭگونىڭ جاساعان قۇلشىنىسى، قورعاعانى تەك ٴبىر ازاماتتىڭ ۇقىعى، ٴبىر كاسىپورىننىڭ ۇقىق - مۇددەسى عانا ەمەس، ونان دا ماڭىزدىسى، جۇڭگو حالقىنىڭ اناعۇرلىم تاماشا تۇرمىس كەشىرۋ، مەملەكەتتىڭ وسىزاماندانۋدى جۇزەگە اسىرۋ ۇقىعىن قورعاۋ بولىپ تابىلادى. مىڭ ۋانجوۋ ۋاقيعاسىنا ىشكەرىلەي ٴۇڭىلۋ ارقىلى جۇڭگو حالقى مىنانى اناعۇرلىم انىق كوردى: دۇنيە ٴجۇزىنىڭ 100 جىلدا بولماعان زور وزگەرىسى الدىندا، ٴبىز، ٴسوز جوق، بۇلجىماستان ٴوز جولىمىزبەن ٴجۇرىپ، قايىسپاس قايسارلىقپەن ٴوز ٴىسىمىزدى ويداعىداي ىستەپ، جوعارى دەڭگەيلى عىلىم - تەحنيكادا ٴوزىمىزدى ەڭسەلەندىرۋدى، ٴوزىمىزدى الۋەتتەندىرۋدى جۇزەگە اسىرىپ، ۇلى وتانىمىزدى اناعۇرلىم قۇدىرەتتى ەتىپ قۇرىپ شىعۋىمىز كەرەك.

بۇگىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە ٴوتتى. ٴبىز مىنانى ابدەن ٴبىلۋىمىز كەرەك: ۇلتتىڭ گۇلدەنۋىنە قانشالىق جاقىنداعان سايىن، بارلىعى سونشالىق ساتىنە باسا بەرمەيدى، سونشالىق حاۋىپ - قاتەرگە، سىن - سايىسقا، ٴتىپتى، اقجال تولقىن، اساۋ اعىسقا تۋرا كەلەدى. ٴبىز مىناعان كامىل سەنەمىز: باستان - اياق تاريحتىڭ دۇرىس جاعىندا تۇرىپ، باستان - اياق ادامزاتتىڭ العا باسۋى جاعىندا تۇرىپ، داۋىلدى تولقىنداردان تايسالماي، سىن - سايىستارمەن بەتپە - بەت كەلىپ، بوران - شاشىندا بوگەلمەي العا ىلگەرىلەسەك، ٴبىزدىڭ ۇلى وتانىمىزدىڭ ورنىن ەشقانداي كۇش مىزعىتا المايدى، جۇڭگونىڭ العا باسقان قادامىن ەشقانداي كۇش بوگەي المايدى!

 (شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى)