باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
مەملەكەتتىڭ ستراتەگيالىق دارىندىلار كۇشىن جەدەل قۇرايىق
2021-10-12 22:44:12     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

− باس شۋجي شي جينپيڭنىڭ ورتالىقتىڭ دارىندىلار قىزمەتى ماجىلىسىندە سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى


دارىندى − ٴبىر مەملەكەتتىڭ جالپىلىق مەملەكەت قۋاتىن ولشەيتىن ماڭىزدى كورسەتكىش. ورتالىقتىڭ دارىندىلار قىزمەتى ماجىلىسىندە باس شۋجي شي جينپيڭ مەملەكەتتىڭ ستراتەگيالىق دارىندىلار كۇشىن جەدەل قۇرۋ جونىندە ايقىن تالاپ قويىپ، «ستراتەگيالىق عالىمداردى كۇش سالا باۋلۋ، پايدالانۋ»، «قىرۋار بىرەگەي عىلىم - تەحنيكا كوشباسشى دارىندىلارىن جانە جاڭالىق اشۋ ۇجىمىن تۇلعالاۋ»، «كولەمى زور جاس عىلىم - تەحنيكا دارىندىلار قوسىنىن سومداۋ»، «قىرۋار ۇزدىك ينجەنەرلەردى باۋلۋ» كەرەكتىگىن باسا دارىپتەدى.

الەمدىك عىلىم - تەحنيكانىڭ دامۋ تاريحى كىم بىرەگەي جاڭالىق اشۋشى دارىندىلارعا، بىرەگەي عالىمدارعا يە بولسا، سول عىلىم - تەحنيكالىق جاڭالىق اشۋدا باسىمدىقتى يەلەيتىندىگىن دالەلدەگەن. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جاڭالىق اشۋدى جەتەكشى ەتۋ ناعىندا دارىندىلاردى جەتەكشى ەتۋ ەكەندىگىنە تاباندى بولىپ، دارىندىلاردى دامىتۋ ورتاسىن ۇزدىكسىز جاقسارتىپ، دارىندىلاردىڭ جاسامپازدىق ومىرشەڭدىك كۇشىن قاۋلاتىپ، الەمدىك كوز اياعا جانە حالىقارالىق دەڭگەيگە يە قىرۋار ستراتەگيالىق عىلىم - تەحنيكا دارىندىلارىن، عىلىم - تەحنيكا كوشباسشى دارىندىلارىن، جاس عىلىم - تەحنيكا دارىندىلارىن جانە جوعارى دەڭگەيلى جاڭالىق اشۋ ۇجىمىن كۇش سالا باۋلىدى، قالىپتاستىردى. كۆانتتىق ينفورماتسيا، تەك كلەتكا، مي عىلىمى سياقتى الدىڭعى لەكتىك باعىتتا ٴبىر توپ ەلەۋلى ٴتول جاسامپازدىق تابىستارعا قول جەتكىزۋ بولسىن، الدە، تەرەڭ تەڭىز، تەرەڭ كەڭىستىك، جەردىڭ تەرەڭ قويناۋى، ينتەرنەت، ينفورماتسيالىق تەحنيكا جانە جاساندى زەردە سالاسى سياقتى سالالاردا عىلىم - تەحنيكانىڭ بيىك تۇعىرلارىن بەلسەندى تۇردە يەلەۋ بولسىن، ەلىمىزدىڭ عىلىم - تەحنيكالىق قۋاتى ساننىڭ وسۋىنەن ساپالىق سەكىرۋگە، تۇيىندە سەرپىلىس جاساۋدان جۇيەلىك قابىلەتتىڭ جوعارىلاۋىنا قادام تاستاپ، عىلىم - تەحنيكادا جاڭالىق اشۋدا جاڭا تاريحي تابىستارعا قول جەتكىزىلدى. بۇل مەملەكەتتىڭ ستراتەگيالىق دارىندىلارىن قامتىعان ەلىمىزدىڭ قالىڭ عىلىم - تەحنيكا قىزمەتكەرلەرىنىڭ دۇنيە ٴجۇزى عىلىم - تەحنيكاسىنىڭ الدىڭعى لەگىن بەتكە الىپ، ەكونوميكانىڭ نەگىزگى مايدانىن بەتكە الىپ، مەملەكەتتىڭ كەلەلى قاجەتىن بەتكە الىپ، حالىقتىڭ ٴومىرىن، سالاماتتىعىن بەتكە الىپ، ۇلكەن اۋقىمدى يگەرىپ، ٴتيىمدى ورايدى الدىمەن يگەرىپ، ماسەلەلەرگە تۋرا قاراپ، قيىندىقتاردى ەڭسەرە ورگە ۇمتىلىپ، جوعارى دەڭگەيدەگى عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋدىڭ قىزمەت جاۋاپكەرشىلىگىن، بورىشىن سانالىلىقپەن اتقارۋىنان قول ۇزە المايدى.

باس شۋجي شي جينپيڭ بىلاي دەپ باسا دارىپتەدى: «ٴبىزدىڭ كۇرەس نىسانامىزدى جۇزەگە اسىرۋدا جوعارى دەڭگەيدەگى عىلىم - تەحنيكادا ٴوز كۇشىمىزگە سۇيەنۋىمىز، ٴوزىمىزدى الۋەتتەندىرۋىمىز − تەتىك». قازىر دۇنيە جۇزىندە 100 جىلدا بولماعان زور وزگەرىس جەدەل ۇدەپ، عىلىم - تەحنيكادا جاڭالىق اشۋ حالىقارالىق ستراتەگيالىق باسەكەنىڭ نەگىزگى شايقاس مايدانىنا اينالىپ، عىلىم - تەحنيكانىڭ بيىك تۇرعىسى توڭىرەگىندەگى باسەكە بۇرىن بولماعان دەڭگەيدە قيان - كەسكى بولا تۇسۋدە؛ جاڭا كەزەكتى عىلىم - تەحنيكا توڭكەرىسى مەن كاسىپ سالاسىنىڭ وزگەرىسى شاپشاڭ ىلگەرىلەپ، عىلىم - تەحنيكادا جاڭالىق اشۋدىڭ كەڭدىگى ايتارلىقتاي ۇلعايىپ، عىلىم - تەحنيكادا جاڭالىق اشۋدىڭ تەرەڭدىگى ايتاقالسىن تەرەڭدەپ، عىلىم - تەحنيكادا جاڭالىق اشۋدىڭ جىلدامدىعى كورنەكتى تەزدەپ، عىلىم - تەحنيكادا جاڭالىق اشۋدىڭ دالدىگى كورنەكتى كۇشەيدى. جالپىلىق مەملەكەت قۋاتى باسەكەسى، سايىپ كەلگەندە، دارىندىلار باسەكەسى سانالادى، ەلىمىز جوعارى دەڭگەيدەگى عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋ ٴۇشىن، تۇپتەپ كەلگەندە، جوعارى دەڭگەيدەگى جاڭالىق اشۋشى دارىندىلارعا سۇيەنەدى. ستراتەگيالىق دارىندىلار حالىقارالىق عىلىم - تەحنيكانىڭ الدىڭعى لەگىندە تۇرىپ، عىلىم - تەحنيكادا دەربەس جاڭالىق اشۋعا جەتەكشىلىك ەتىپ، مەملەكەتتىڭ ستراتەگيالىق عىلىم - تەحنيكالىق مىندەتتەرىن ارقالايدى، ولار ەلىمىزدىڭ جوعارى دەڭگەيدەگى عىلىم - تەحنيكادا ٴوز كۇشىنە سۇيەنۋىنە، ٴوزىن الۋەتتەندىرۋىنە تىرەك بولاتىن ماڭىزدى كۇش، ٴسوز جوق، ستراتەگيالىق دارىندىلار كۇشىن قۇرۋدى بارىنەن ماڭىزدى ورىنعا قويىپ يگەرۋ كەرەك.

مەملەكەتتىڭ ستراتەگيالىق دارىندىلار كۇشىن جەدەل قۇرۋ ٴۇشىن، باس شۋجي شي جينپيڭنىڭ ماڭىزدى ٴسوزىنىڭ رۋحىن تىڭعىلىقتى تياناقتاندىرۋ كەرەك. ستراتەگيالىق عالىمداردى كۇش سالا باۋلۋدا، پايدالانۋدا اماليات ولشەمىنە تاباندى بولىپ، مەملەكەتتىڭ كەلەلى عىلىم - تەحنيكا مىندەتىندە ماڭىزدى رول اتقارىپ، جەتەكشىلىك ىستەگەندەر اراسىنان عىلىم ساپاسى مىعىم، عىلمي زەرتتەۋدىڭ ٴبىرىنشى شەبىندە ۇزاق ۋاقىت شايقاس جۇرگىزگەن، كوز اياسى كەڭ، كورەگەن تۇجىرىمداۋ قابىلەتى، ٴپان ارالىق ٴتۇسىنۋ قابىلەتى، ٴىرى قۇراما شايقاستارعا ۇيىمداستىرۋ، باسشىلىق ەتۋ قابىلەتى كۇشتى عالىمداردى بايقاۋ؛ ۇزاق بولاشاقتىق كورەگەندىككە تاباندى بولىپ، ستراتەگيالىق عالىم كومەسكى قابىلەتىنە يە اناعۇرلىم كوپ جوعارى دەڭگەيلى، ٴبىلىمى جان - جاقتى دارىندىلاردى سانالى تۇردە بايقاپ جانە باۋلىپ، ستراتەگيالىق عالىمداردىڭ ٴوسىپ - جەتىلەتىن تىركەسپەلى توبىن قالىپتاستىرۋ كەرەك. قىرۋار بىرەگەي عىلىم - تەحنيكا كوشباسشى دارىندىلارىن جانە جاڭالىق اشۋ ۇجىمىن تۇلعالاپ، مەملەكەتتىك تاجىريبەحانانىڭ، مەملەكەتتىك عىلمي زەرتتەۋ قۇرىلىمدارىنىڭ، جوعارى دەڭگەيلى زەرتتەۋ تيبىندەگى داشۋەلەردىڭ، عىلىم - تەحنيكاداعى كوشباسشى كاسىپورىنداردىڭ مەملەكەت قۇراماسى رولىن ساۋلەلەندىرىپ، مەملەكەتتىڭ ٴتۇيىندى سالالارىن، ٴتۇيىندى كاسىپ سالاسىن ارقاۋ ەتىپ، ٴوندىرىس، وقىتۋ، زەرتتەۋدە سەلبەسە قامال الۋعا ۇيىمداستىرۋ؛ كوشباسشى دارىندىلاردى بايقاۋ مەحانيزمى مەن نىسان ۇجىمىن سارالاۋ مەحانيزمىن ساپالىلاندىرىپ، كوشباسشى دارىندىلارعا دارىندىلار تىركەسپەلى توبىن سايكەستىرۋ، عىلمي زەرتتەۋ شارت - جاعدايىن سايكەستىرۋ، باسقارۋ مەحانيزمىن سايكەستىرۋ ەرەكشە ساياساتىن اتقارۋ كەرەك. جاس دارىندىلار − مەملەكەتتىڭ ستراتەگيالىق دارىندىلار كۇشىنىڭ قاينار بۇلاعى، كولەمى زور جاس عىلىم - تەحنيكا دارىندىلار قوسىنىن سومداپ، مەملەكەتتىڭ ستراتەگيالىق دارىندىلار كۇشىن جەتىلدىرۋ ساياساتىنىڭ ٴتۇيىنىن جاس عىلىم - تەحنيكا دارىندىلارىنا قويىپ، جاس دارىندىلاردىڭ اۋىر جۇك كوتەرۋىنە، نەگىزگى رول اتقارۋىنا قولداۋ كورسەتۋ كەرەك. جاساۋ كاسىبى − ەلىمىزدىڭ مەملەكەت بولۋىنىڭ ىرگە تاسى، مەملەكەتتى قۇدىرەتتەندىرۋىنىڭ نەگىزى، قىرۋار ۇزدىك ينجەنەرلەردى باۋلىپ، پارتيانى سۇيەتىن، وتان ٴۇمىتىن اقتايتىن، كاسىبىن ارداقتاپ، ۇلەس قوساتىن، تەحنيكالىق جاڭالىق اشۋ قابىلەتى كورنەكتى، كۇردەلى ينجەنەريالىق ماسەلەلەردى شەشۋگە شەبەر ينجەنەرلەر قوسىنىن قۇلشىنا قۇرۋ؛ جوعارى مەكتەپ پەن كاسىپورىننىڭ ەكەۋىنىڭ دە بەلسەندىلىگىن ويداعىداي جۇمىلدىرىپ، ٴوندىرىستىڭ، وقىتۋدىڭ، زەرتتەۋدىڭ تەرەڭدەي توعىسۋىن جۇزەگە اسىرۋ كەرەك.

قاتتى كۇش، جۇمساق كۇش دەگەندە، تۇپتەپ كەلگەندە، دارىندىلاردىڭ كۇشىنە سۇيەنۋ كەرەك. باس شۋجي شي جينپيڭ دۇنيە جۇزىلىك ماڭىزدى دارىندىلار ورتالىعىن جانە جاڭالىق اشۋ بيىك بەلەسىن جەدەل قۇرۋ سىندى ۇلى نىسانانى كەسكىندەپ، «2035 - جىلعا بارعاندا، ەلىمىزدىڭ كوپتەگەن سالالارداعى دارىندىلار باسەكەسىنىڭ سالىستىرمالى باسىمدىعىن قالىپتاستىرىپ، مەملەكەتتىڭ ستراتەگيالىق عىلىم - تەحنيكا كۇشى مەن جوعارى دەڭگەيلى دارىندىلار قوسىنىندا دۇنيە ٴجۇزىنىڭ الدىڭعى لەگىندە تۇرۋدى» ورتاعا قويدى. جاڭا تاريحي باستامادا تۇرىپ، جاڭا داۋىردەگى دارىندىلاردا قۋاتتى ەل ستراتەگياسىن ىشكەرىلەي اتقارىپ، مەملەكەتتىڭ ستراتەگيالىق دارىندىلار كۇشىن جەدەل قۇرساق، ٴبىز، ٴسوز جوق، عىلىم - تەحنيكا باسەكەسى مەن بولاشاق دامۋدىڭ بيىك بەلەسىن يەلەپ، عىلىم - تەحنيكاداعى وزىندىك ۇقىقتى، دامۋداعى ىرىقتىلىقتى ٴوز قولىمىزدا مىقتى ۇستاي الاتىن بولامىز.شينحۋا اگەنتتىگىنىڭ بەيجيڭنەن بەرگەن حابارى