ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى
وسى زامانعى كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋ كەرەك
شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «وسى زامانعى كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋ جونىندەگى پىكىردى» باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: كاسىپتىك وقۋ - اعارتۋ − حالىقتىق وقۋ - اعارتۋ جۇيەسىنىڭ جانە ادام كۇشى بايلىعىن اشۋدىڭ ماڭىزدى قۇرامداس بولىگى. الۋان تۇرلىلەنگەن دارىندىلاردى جەتىلدىرۋ، تەحنيكانى، شەبەرلىكتى جالعاستىرۋ، جۇمىسقا ورنالاسۋ، شارۋاشىلىق قۇرۋدى جەبەۋ ماڭىزدى مىندەتىن ارقالاپ وتىر. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا كاسىپتىك وقۋ - اعارتۋدىڭ بولاشاعى جارقىن، كەلەشەگىنەن زور ءۇمىت بار.
«پىكىردىڭ» جەتەكشى يدەياسى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيانىڭ باسشىلىعىنا تاباندى بولىپ، دۇرىس ءبىلىم بەرۋ بەتالىسىنا تاباندى بولىپ، ونەگە كورسەتىپ ادام تاربيەلەۋگە تاباندى بولىپ، ءتۇرىن، ورنىن ساپالىلاندىرىپ، ادام تاربيەلەۋ ءتاسىلىن، ءبىلىم بەرۋ ۇلگىسىن، باسقارۋ ءتۇزىلىسىن، قامتاماسىزداندىرۋ مەحانيزمى رەفورماسىن ىشكەرىلەي ىلگەرىلەتىپ، كاسىپتىك وقۋ - اعارتۋدىڭ ۇيلەسكىشتىگىن شىن مانىندە كۇشەيتىپ، وسىزاماندانعان كاسىپتىك وقۋ - اعارتۋ جۇيەسىن جەدەل قۇرىپ، شەبەرلىككە دەن قوياتىن قوعام قۇرىپ، ۇستا رۋحىن اسقاقتاتىپ، اناعۇرلىم كوپ جوعارى ساپالى تەحنيكالىق - شەبەرلىك دارىندىلارىن، مايتالمان ۇستالاردى، ءىرى ەل شەبەرلەرىن تاربيەلەپ، جاپپاي سوتسياليستىك وسىزاماندانعان مەملەكەت قۇرۋعا پارمەندى دارىندىلار جانە شەبەرلىك تىرەگىن ازىرلەۋ.
باستى نىساناسى: 2025 - جىلعا جەتكەندە كاسىپتىك وقۋ - اعارتۋدىڭ ءتۇرى، ەرەكشەلىگى اناعۇرلىم ايقىندالىپ، وسى زامانعى كاسىپتىك وقۋ - اعارتۋ جۇيەسى نەگىزىنەن قالىپتاسىپ، شەبەرلىككە دەن قوياتىن قوعام قۇرىلىسى جاپپاي ىلگەرىلەتىلەدى. ءبىلىم بەرۋ ارناسى اناعۇرلىم ساپالىلانىپ، ءبىلىم بەرۋ شارت - جاعدايى زور دارەجەدە جاقسارادى، كاسىپتىك تولىق كۋرس وقۋ - اعارتۋى بويىنشا وقۋشى قابىلداۋ كولەمى جوعارى دارەجەلى كاسىپتىك وقۋ - اعارتۋدىڭ وقۋشى قابىلداۋ كولەمىنىڭ ％10ىنەن تومەن بولمايدى، كاسىپتىك وقۋ - اعارتۋدىڭ باۋراۋ قۋاتى مەن باۋلۋ ساپاسى كورنەكتى جوعارىلايدى.
2035 - جىلعا جەتكەندە كاسىپتىك وقۋ - اعارتۋدىڭ جالپى تۇلعالىق ورەسى دۇنيە ءجۇزىنىڭ الدىڭعى لەگىنە ءوتىپ، شەبەرلىككە دەن قوياتىن قوعام نەگىزىنەن قۇرىلادى. تەحنيكالىق - شەبەرلىك دارىندىلارىنىڭ قوعامداعى ورنى زور دارەجەدە كوتەرىلىپ، كاسىپتىك وقۋ - اعارتۋ بويىنشا قامداۋ مەن ەكونوميكالىق، قوعامدىق دامۋدىڭ قاجەتى بارىنشا ۇيلەسىپ، جاپپاي سوتسياليستىك وسىزاماندانعان مەملەكەت قۇرۋ بارىسىنداعى رولى كورنەكتى ارتادى.