باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
«حۋاڭحى وزەنىن حالىقتى باقىتقا كەنەلتەتىن باقىت وزەنىنە اينالدىرايىق − باس شۋجي شي جينپيڭ حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن جوسپارلاپ، ىلگەرىلەتىپ، جاڭا تاراۋ جازدى»
2021-10-25 21:38:35     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

شينحۋا اگەنتتىگى ادەبي حابار جاريالادى

«حۋاڭحى وزەنىن حالىقتى باقىتقا كەنەلتەتىن باقىت وزەنىنە اينالدىرايىق − باس شۋجي شي جينپيڭ حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن جوسپارلاپ، ىلگەرىلەتىپ، جاڭا تاراۋ جازدى»


شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. شينحۋا اگەنتتىگى 10 - ايدىڭ 23 - كۇنى «حۋاڭحى وزەنىن حالىقتى باقىتقا كەنەلتەتىن باقىت وزەنىنە اينالدىرايىق − باس شۋجي شي جينپيڭ حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن جوسپارلاپ، ىلگەرىلەتىپ، جاڭا تاراۋ جازدى» اتتى ادەبي حابار جاريالادى.

ماقالادا بىلاي دەلىندى: 10 - ايدىڭ 20 - كۇنىنەن 21 - كۇنىنە دەيىن، باس شۋجي شي جينپيڭ شاندۇڭ ولكەسىنىڭ دۇڭيىڭ قالاسىنداعى حۋاڭحى وزەنىنىڭ تەڭىزگە قۇيار اۋزى سياقتى جەرلەرگە ىشكەرىلەي بارىپ قىزمەت تەكسەرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋ جاعدايىن باسى - قاسىندا ۇعىسىپ، حۋاڭحى وزەنىن قاۋىرت قورعاۋدى تىڭعىلىقتى ىلگەرىلەتىپ، حۋاڭحى وزەنىنىڭ تىنىش بولۋىنا شىنايى كەپىلدىك ەتۋ − ەل باسقارۋداعى ءىرى ءىس ەكەندىگىن باسا دارىپتەدى.

ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن جۇڭحۋا ۇلتىنىڭ ۇلى گۇلدەنۋىنە ساياتىن ماڭگىلىك ءىس رەتىندە قارادى، باس شۋجي شي جينپيڭ تالاي رەت حۋاڭحى وزەنى بويىنداعى ولكە، رايوندارعا ىشكەرىلەي بارىپ، سول جەردە تەكسەرۋ جۇرگىزىپ، جاڭا كەزەڭدەگى حۋاڭحى وزەنىن قورعاۋ، جونگە سالۋ، وزەن الابىنداعى ولكە، رايونداردىڭ تيبىن وزگەرتىپ دامۋى ءۇشىن ايقىن بەتالىس كورسەتىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋى سىندى كەلەلى مەملەكەتتىك ستراتەگياعا ايبىندى جوبا سالدى.

حۋاڭحى وزەنى توقتاۋسىز كۇركىرەپ اعىپ، اي مەن كۇن ايالسىز ءوتىپ جاتىر. بۇگىنگى كۇندە بايىرعى حۋاڭحى وزەنىن قورعاۋ مەن دامىتۋ تاريحي جاڭا دەڭگەيگە ءوتىپ، تاريحتىڭ جاڭا پاراقتارىن اشۋدا.

ماقالا ءۇش بولىككە ءبولىندى: ۇلكەن وزەننىڭ ”جاسىلدانۋى“، انا وزەننىڭ ەكولوگيالىق اقاۋسىزدىعى ۇزدىكسىز جاقساردى؛ ۇلكەن وزەننىڭ ”گۇلدەنۋى“، وزەن الابىندا تيبىن وزگەرتىپ دامۋ جاڭا كەزەڭگە قادام تاستادى؛ ۇلكەن وزەننىڭ ”تىنىش بولۋى“، حالىقتىڭ حۋاڭحى وزەنىن جونگە سالۋ ىستەرىندە جاڭا تاراۋ جازىلدى.

ماقالادا مىنالار اتاپ كورسەتىلدى: 2 جىلدان استام ۋاقىتتىڭ الدىنداعى جىڭجوۋ اڭگىمە ماجىلىسىنەن كەيىن، باس شۋجي شي جينپيڭ 10 - ايدىڭ 22 - كۇنى تۇستەن كەيىن شاندۇڭ ولكەسىنىڭ جينان قالاسىندا حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: كەزەكتەگى حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋى جاعدايىنا عىلمي تالداۋ جاساپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ سىندى كەلەلى ماسەلەنى ويداعىداي يگەرىپ، كوزدەگەن نىسانادان جازباي، قۇنتتى دا ۇقىپتى بولىپ، دەن قويا ىستەپ، تالىقپاي ەڭبەك ەتىپ، ”14 - بەسجىلدىق“ مەزگىلدەگى حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامۋىندا كورنەكتى ناتيجەگە قول جەتكىزۋگە شىنايى كەپىلدىك ەتىپ، حۋاڭحى وزەنىنىڭ جۇڭحۋا ۇلتىن ماڭگى باقىتقا كەنەلتۋى ءۇشىن قاجىماي - تالماي كۇرەس جۇرگىزۋ كەرەك.

حۋاڭحى وزەنى شىعىسقا قاراي اعۋدا. بۇگىن حالىقتىڭ حۋاڭحى وزەنىن جونگە سالۋ ىستەرى تاريحي تىڭ دەڭگەيگە قادام تاستاپ، تاريحتىڭ جاڭا تاراۋىن اشتى؛ مىڭداعان جىل تولاسسىز جوڭكىلگەن انا وزەن مەن ونىڭ الابىنداعى 100 ميلليونداعان حالىق بىرگە بۇرىن بولىپ كورىلمەگەن جاڭا داۋىرگە كۋا بولۋدا.