باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ۇزدىكسىز كۇرەس جۇرگىزىپ، جاڭا داۋىردەگى ەمتيحان تاپسىرۋ جولىن جاقسى باسايىق
2021-11-10 00:13:05     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى بايلانىسىمەن

□ شينحۋا اگەنتتىگىنىڭ تىلشىلەرى


تاريحتى جادىدا ساقتاۋدىڭ ەڭ جاقسى ءتاسىلى جاڭا تاريح جاساۋ.

جۇڭگو كوممۋنيستىك پارتياسى قۇرىلعاندىعىنىڭ 100 جىلدىق مەرەيتويىن تويلاۋدىڭ قىزۋ دۋمانىندا، ”قوس 100 جىلدىق“ كۇرەس نىساناسى تاريحي توعىسقان مەزگىلدە جۇڭگو كوممۋنيستىك پارتياسى تاعى ءبىر رەتكى ماڭىزى زور سالتاناتتى جينالىستى قارسى الىپ وتىر − 2021 - جىلى 11 - ايدىڭ 8 - كۇنىنەن 11 - كۇنىنە دەيىن جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى بەيجيڭدە اشىلادى.

بۇرىنعىعا مۇراگەر، كەيىنگىگە بۇيداگەر بولىپ، الدىڭعىلاردىڭ ءىزىن باسىپ، بولاشاققا جول اشۋدىڭ ۇلى بورىشىن ارقالاعان وسى رەتكى ءماجىلىس پارتيانىڭ 100 جىلدىق كۇرەسىندەگى كەلەلى تابىستار مەن تاريحي تاجىريبە - ماسەلەلەردى ءتۇيىندى تۇردە زەرتتەپ، جان - جاقتى قورىتىندىلايدى.

بۇرىنعى كۇرەس جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەردى.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 100 جىلدىق ۇلكەن پارتيا تاريحتى جان - جاقتى، تەرەڭدەي قورىتىندىلاۋ ارقىلى، ءسوز جوق، اناعۇرلىم ورتاق تانىم ۇيىستىرىپ، رۋحتى سەرپىلتەدى، اۋەلگى ماقساتتى ۇمىتپاي، بورىشتى ەستە بەرىك ساقتاپ، بارشا جۇڭحۋا پەرزەنتتەرىن باستاپ جۇڭحۋا ۇلتىنىڭ ۇلى گۇلدەنۋىنىڭ جاڭا ساپارىندا تاعى دا تىڭ شۇعىلالى ناتيجە جاراتادى.

  ايبىندى دا دابىرالى 100 جىلدا جۇڭحۋا ۇلتىنىڭ ۇلى تاريحي ەپوسىن جازدى

بەيجيڭدەگى جۇڭشان باقشاسى، قوڭىر كۇزدىڭ جانعا جايلى شاعى. سۇن جۇڭشان مىرزانىڭ ءمۇسىنىنىڭ الدى، ”جۇڭحۋانى كوركەيتەمىز“ دەگەن ۇران ۋاقىت كەڭىستىگىن ءتىلىپ ءوتىپ، قۇلاق تۇبىندە ءالى كۇنگە جاڭعىرىپ تۇر.

”ۇلى داريانى وڭتۇستىكتەن سولتۇستىككە ەندەي ءوتىپ وتانىمىزدى ارالاپ شىقتىم، تۇس - تۇستان جالىندى ومىرشەڭدىك لەپ ەسىپ تۇر ەكەن“. اراعا 10 جىل سالىپ، تاعى دا بەيجيڭگە شينحاي توڭكەرىسىن ەسكە ءتۇسىرۋ قيمىلىنا قاتىسۋعا اتتانعان سۇن بيدانىڭ كوڭىلى تەڭىزدەي تولقىدى. سۇن جۇڭشان مىرزانىڭ ۇرپاعى بولعان بۇل كىسى جۇڭحۋانىڭ ۇلان - قايىر دالاسىنىڭ كۇن سايىن تۇلەجىپ، اي سايىن جاڭارعان وزگەرىسىن، جۇڭگو كوممۋنيستىك پارتياسىنىڭ باسشىلىعىندا، بۇگىنگى جۇڭگونىڭ اعا بۋىندارىمىزدىڭ كەشەگى اڭساعان ارمانىنان الدەقايدا وزىپ كەتكەنىن ءوز كوزىمەن كوردى.

تاۋ - وزەن جاڭارىپ، زامان وزگەردى، ءومىر اۋىستى.

باس شۋجي شي جينپيڭ بىلاي دەپ تەرەڭ اتاپ كورسەتتى: ”100 جىلدان بەرى جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جۇرگىزگەن بارلىق كۇرەسىن، بارلىق قۇرباندىعىن، بارلىق جاسامپازدىعىن ءبىر نەگىزگى تاقىرىپقا: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ دەپ جيناقتاۋعا بولادى“.

ەسىڭدە مە، قورلىق ازابىن مەيلىنشە تارتقان كونە جۇڭگودا پارتيا حالىقتى ىنتىماقتاستىرىپ، باستاپ، قان كەشە ەرلىكپەن شايقاس جۇرگىزىپ، نە ءبىر قيىندىقتارعا مويىماي، 3 ۇلكەن تاۋدى اۋدارىپ تاستاپ، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىردى؛

ەسىڭدە مە، بىرىنشىدەن كەدەي، ەكىنشىدەن اق سول جىلداردا پارتيا حالىقتى ىنتىماقتاستىرىپ، باستاپ، ءوز كۇشىنە سۇيەنىپ ءومىر ءسۇرىپ، كۇشەيۋ جولىندا قايرات كورسەتىپ، جان سانى كوپ شىعىستاعى ۇلكەن ەلدىڭ سوتسياليستىك قوعامعا ارشىنداي قادام تاستاۋىنا مۇمكىندىك جاسادى؛

ەسىڭدە مە، تاريحي بۇرىلىس ساتىندە، پارتيا حالىقتى ىنتىماقتاستىرىپ، باستاپ، يدەيانى ازات ەتىپ، قايراتتانا العا ۇمتىلىپ، رەفورما جاساۋ، ەسىك اشۋداي شەشۋشى شارامەن جۇڭگونىڭ ارشىندى قاداممەن ءداۋىر كوشىن قۋىپ جەتۋىنە مۇمكىندىك جاسادى...

100 جىلدىق بوران - شاشىندا اۋەلگى ماقساتتى اۋەلگىدەي ساقتادى.

جاڭا داۋىرگە قادام باسقاندا، شي جينپيڭ جولداس باستى ۋاكىل بولعان زامانىمىزداعى جۇڭگو كوممۋنيستەرى گۇلدەنۋدىڭ ۇزاق كەسكىندەمەسىندە كوز تارتاتىن جاڭا تاراۋ جازدى −

حالىقتىڭ ءۇمىتىن اقتاپ، ”تولىق جەڭىسكە جەتپەي تىنبايتىن“ جاۋاپكەرشىلىك ارقالاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جۇڭحۋا ۇلتىنىڭ مۇلدەم كەدەيلىككە ءۇزىلدى - كەسىلدى قوش ايتۋىنا، مىڭداعان جىلداردان بەرگى دوڭگەلەك داۋلەتتىلىك ارمانىنىڭ شىندىققا اينالۋىنا مۇمكىندىك جاسادى؛

پىشاقتىڭ ءدۇزىن ىشكە قاراتىپ، ”مىڭداعان ادامدى رەنجىتسەك تە، ءبىر ميلليارد 300 ميلليون ادامنىڭ ءۇمىتىن اقتاۋ كەرەك“ دەيتىن ەرەن باتىلدىقپەن پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، جاڭا جۇڭگو تاريحىندا، جۇڭگو كوممۋنيستىك پارتياسى تاريحىندا بۇرىن بولماعان شىرىكتەسۋگە قارسى كۇرەس جۇرگىزدى؛

حاۋىپ - قاتەردەن استە تايسالماي، ەرەن قايسارلىقپەن جانە پاراساتتىلىقپەن حالىقتى باستاپ، جۇدىرىقتاي جۇمىلىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ كەلەلى ستراتەگيالىق جەتىستىگىنە قول جەتكىزىپ، ءبىرسىپىرا حاۋىپ - قاتەر، سىن - سايىستى جەڭىپ شىقتى؛

بولاشاققا كوز سالىپ، ۇزاق بولاشاقتىق جوبا جاسايتىن ستراتەگيالىق كوز ايامەن ەكونوميكالىق دامۋدىڭ جاڭا قالپىنا ۇيلەسىپ، ونى يگەرىپ، وعان جەتەكشىلىك ەتىپ، جاڭا دامۋ ۇستانىمىن ورتاعا قويىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتتى؛

دۇنيە جۇزىنە بەت الىپ، اسپان استىنا مەيىرىم توككەن كەڭ پەيىلدىلىكپەن جالپى ادامزاتقا ورتاق قۇندىلىقتاردى اسقاقتاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ”ادامزات قايدا بارادى“ دەيتىن سۇراۋعا جاۋاپ بەردى؛

...

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو حالقىن ىنتىماقتاستىرىپ، باستاپ، وزىنە سەنىپ، ءوزىن الۋەتتەندىرىپ، تۋراشىلدىقتى ساقتاپ، جاڭالىق اشىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتىپ، جاڭا داۋىردەگى جۇڭگوشا سوتسياليزمنىڭ ۇلى تابىسىن جاراتتى.

ۇلى گۇلدەنۋگە قادام تاستاۋدا تۇزىمدىك كەپىل اناعۇرلىم كەمەلدەندى −

التىن كۇزدىڭ ارايلى 10 - ايى، جۇڭگو كوممۋنيستىك پارتياسى تاريحىنداعى تۇڭعىش رەتكى ورتالىقتىڭ حالىق قۇرىلتايى قىزمەت ءماجىلىسى بەيجيڭدە اشىلدى.

100 جىلدا بولماعان زور وزگەرىس كەزىندە تۇرعانىمىزدا، باس شۋجي شي جينپيڭ ۇزاق بولاشاققا كوز تاستادى: ”تۇزىمدىك باسەكە جالپىلىق مەملەكەت قۋاتى باسەكەسىنىڭ ماڭىزدى جاعى، ءتۇزىم ابزالدىلىعى ءبىر مەملەكەتتىڭ ستراتەگيالىق ىرىقتىلىقتى قولعا كەلتىرۋىندەگى ماڭىزدى ابزالدىلىق“.

وتكەن 100 جىلعا قايىرىلا قاراساق، شانشي - گانسۋ - نيڭشيا شەكارا رايونىنداعى ”بۇرشاقپەن سايلاۋدان“ حالىق قۇرىلتايى ءتۇزىمىنىڭ ورناتىلۋىنا دەيىن، ونان جالپى بارىستىق حالىق دەموكراتياسى سىندى كەلەلى ۇستانىمنىڭ جاسامپازدىقپەن العا قويىلۋىنا دەيىن جۇڭگو كوممۋنيستەرىنىڭ ءتۇزىمدى كەمەلدەندىرۋ، جول قاراستىرۋ قادامى ەشقاشان كىدىرمەگەندىگىن كورەمىز.

جاڭا داۋىرگە اياق باسقاندا، جۇڭگو كوممۋنيستەرى ”ءتۇزىمدى“ كىلت ەتىپ داۋىرلىك سىن - سايىستاردىڭ قۇلىبىن اشتى.

پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ءداۋىر بولگىشتىك ارىنمەن 336 ءتۇرلى ەلەۋلى رەفورما شاراسىن العا قويىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە كۇش سالدى. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 13 جاقتاعى كورنەكتى ابزالدىلىقتى جۇيەلى قورىتىندىلاپ، جۇڭگوشا سوتسياليزمنىڭ ءتۇزىم كارتاسىن كەسكىندەدى.

ەل باسقارىپ، حالىقتى تارتىپكە شاقىرۋ ءۇشىن، ءتۇزىمدى اقاۋسىزداندىرۋ كەرەك.

جۇڭگو كوممۋنيستىك پارتياسىنىڭ پارمەندى باسشىلىعىنىڭ جانە جۇڭگوشا سوتسياليستىك ءتۇزىم ابزالدىلىعىنىڭ ارقاسىندا، عاسىرلىق ىندەتتىڭ توسىن سوققىسى الدىندا، ”ءبىر تۇتاس قولباسشىلىق ەتىلەتىن، جالپى بەتتىك ورنالاستىرىلاتىن، جان - جاقتى ساقتاناتىن - تىزگىندەيتىن“ ستراتەگيالىق ورنالاستىرۋ جەدەل قالىپتاسىپ، ”3 قابات اۋىر سوققىدا“ ”ءۇشتى ەڭ الدىمەن ورىنداۋ“ سىندى جۇڭگو كەرەمەتىنە قول جەتكىزدى؛ كەدەيلىكتەن ارىلتۋدان قامال الۋدىڭ تومەنگى شەكتەن تۇسىرمەۋ مىندەتى الدىندا، 5 دارەجەدەگى شۋجيلەر كەدەيلەردى سۇيەمەلدەۋدى يگەرىپ، بۇكىل پارتيا سايلاۋىت كۇشپەن شايقاسقا اتتانىپ، بۇكىل ەل ءبىر جاعادان باس، ءبىر جەڭنەن قول شىعارىپ، كەدەيلىك قامالىن ۋاعىندا تالقاندادى...

”ءوز جولىمەن ءجۇرۋ − پارتيانىڭ بارلىق نازارياسى مەن امالياتىنىڭ تابان تىرەر تياناعى، ونان دا ماڭىزدىسى، پارتيانىڭ 100 جىلدىق كۇرەسىنەن شىعارىلعان تاريحي قورىتىندى“.

”جۇڭگو ءتۇزىمىن“ ىرگە تاس ەتكەن، ەكونوميكا جەدەل دامىعان جانە قوعام ۇزاق ۋاقىت ورنىقتى بولعان ”2 ۇلكەن كەرەمەت“ كۇللى دۇنيەنىڭ نازارىن اۋداردى، ”جۇڭگونىڭ جونگە سالۋى“ ۇزدىكسىز جاڭا دەڭگەي اشىپ، جۇڭگوشا سوتسياليزم جولى جۇرگەن سايىن كەڭەيە ءتۇستى.

ۇلى گۇلدەنۋگە قادام تاستاۋدا ماتەريالدىق نەگىز اناعۇرلىم بەرىك بولدى −

مىنا ءبىر تاريحي كەزدەيسوقتىق جۋىقتا دوستار شەڭبەرىندە كەڭىنەن تارالدى: بيىل 10 - ايدىڭ 16 - كۇنى 3 عارىشكەر وتىرعان شىنجوۋ 13 - ءنومىرلى عارىشكەرلى الەم كەمەسى عارىش كەڭىستىگىنە سامعادى؛ 18 جىلدىڭ الدىنداعى ءدال وسى كۇنى عارىشكەر ياڭ لي - ۋي جۇڭگونىڭ تۇڭعىش رەتكى عارىشقا ادام الىپ ۇشۋ مىندەتىن ورىنداپ، ءساتتى تۇردە قايتا ورالدى؛ 57 جىلدىڭ الدىنداعى ءدال وسى كۇنى لوپنۇر اسپانىنا ساڭىراۋقۇلاق ءتارىزدى بۇلت كوتەرىلىپ، جۇڭگونىڭ تۇڭعىش اتوم بومبىسى ءساتتى جارىلدى.

كەزدەيسوقتىقتىڭ استارىندا تاريحي سوزسىزدىك جاتادى.

بىرىنشىدەن كەدەي، ەكىنشىدەن اق جاعدايدا ءتاي - ءتاي باسۋدان دۇنيە ءجۇزى بويىنشا 2 - ۇلكەن ەكونوميكالىق تۇلعاعا، دۇنيە ءجۇزىنىڭ ەكونوميكالىق ارتۋىنداعى ءبىرىنشى ”قوزعالتقىشقا“ اينالعانعا دەيىن، سىرىڭكە مەن تەمىر شەگەنىڭ ءوزىن يمپورت ەتۋگە سۇيەنەتىن جاعدايدان دۇنيە ءجۇزى بويىنشا ءبىرىنشى جاساۋشى ءىرى ەلگە دەيىن، 80 پايىز حالقى ساۋاتسىز بولۋدان دۇنيە ءجۇزى بويىنشا كولەمى ەڭ ۇلكەن جوعارى وقۋ - اعارتۋ جۇيەسىنە يە بولعانعا دەيىن... كەشەگى اتتاپ باسۋى مۇڭ بولعان سوتسياليستىك جۇڭگو بۇگىنگى تاڭدا دۇنيەنىڭ شىعىسىندا اسقاق بەينەمەن ەڭسە كوتەردى.

ورتاشا جوعارى كىرىستى مەملەكەتتەر قاتارىنا ءوتىپ، دۇنيە ءجۇزى بويىنشا ەڭ ۇلكەن ورتا كىرىستىلەر شوعىرىنا يە بولدى، دۇنيە ءجۇزى بويىنشا كولەمى ەڭ ۇلكەن قوعامدىق قامتاماسىز ەتۋ جۇيەسىن ورناتتى، دۇنيە ءجۇزى بويىنشا ەڭ ۇلكەن جوعارى جىلدامدىقتى تەمىر جول تورىن، جوعارى جىلدامدىقتى تاس جول تورىن قالىپتاستىردى... 100 جىلدىڭ الدىنداعى كەتەۋى كەتىپ تۇرالاعان جۇڭحۋانىڭ بايتاق دالاسىندا بۇگىن مىنە گۇلدەنىپ - كوركەيگەن تاماشا بەينە جارىققا شىقتى.

كەشەسىنەن استى، شات بوپ ءدۇر سىلكىندى جەر مەن كوك.

جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، تايسالماس ارىنمەن جۇڭحۋا ۇلتىنىڭ نەشە مىڭ جىلدىق تاريحىنداعى ەڭ كەسەك تاريحي ەپوستى جازدى.

ۇلى گۇلدەنۋگە قادام تاستاۋدا رۋحاني كۇش اناعۇرلىم ىرىقتى ورىنعا شىقتى −

10 مىڭ شاقىرىم قاشىقتان اتتاعان قىسقى وليمپيادا الاۋ وتى گرەتسيادان ”قوس وليمپيادا قالاسى“ − بەيجيڭگە جەتتى.

89 جىلدىڭ الدىندا تاۋ - وزەنى تەلىم بولعان جۇڭگودان اتتانعان ليۋ چاڭچۇن جول ازابىن تارتىپ، لوس - انجەلەس وليمپياداسىنا جەتكەنىمەن، وندا تەك جالعىزدىق پەن وكىنىش - وپىق قانا قالدىرىپ قايتتى.

بۇگىندە جۇڭگونىڭ سپورت ساڭلاقتارى وزىنە دەگەن سەنىم كەلبەتىمەن ساقاداي سايلانىپ، قىسقى وليمپيادانى قارسى الۋدا. جۇڭحۋا ۇلتىنىڭ رۋحاني كوكجيەگى شىت جاڭا بيىكپەن بەلگىلەنۋدە.

ادامدا رۋح بولماسا، ەڭسە كوتەرىپ تۇرا المايدى، مەملەكەتتە رۋح بولماسا، قۇدىرەتتەنە المايدى.

جۇڭگودان كوممۋنيستىك پارتيا شىققان سوڭ، جۇڭگو حالقى رۋحاني جاقتا ىرىقسىز كۇيدەن ىرىقتى كۇيگە وتە باستادى، جۇڭگو حالقىنىڭ ۇلتتىڭ تاۋەلسىزدىگىن، حالىقتىڭ ازاتتىعىن جانە مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن كوزدەگەن كۇرەسى تىرەككە يە بولدى.

شي جينپيڭ جاڭا ءداۋىر جۇڭگوشا سوتسياليزم يدەياسى پارتيا ۋستاۆىندا نۇر شۇعىلاسىن شاشىپ، جۇڭگوشا سوتسياليزمنىڭ ۇلى تۋى بيىك كوتەرىلىپ، ماركسيزمنىڭ يدەولوگيا سالاسىنداعى جەتەكشى ورنى، بۇكىل پارتيانىڭ، بۇكىل ەل حالقىنىڭ ىنتىماقتى كۇرەسىنىڭ ورتاق يدەيالىق نەگىزى ونان ارى بەكەمدەلىپ، سوتسياليستىك وزەكتى قۇن كوزقاراسى كەڭىنەن ساۋلەلەنىپ، جۇڭحۋا مادەنيەتىنىڭ جۇمساق كۇشى بارىنشا جوعارىلاپ، مادەنيەت سەنىمى كۇن سايىن ايگىلەنىپ، وتانشىلدىقتى وزەك ەتكەن ۇلت رۋحى جانە رەفورما جاساۋدى، جاڭالىق اشۋدى وزەك ەتكەن ءداۋىر رۋحى ونان سايىن اسقاقتادى... ۇزدىكسىز اسقاقتاعان رۋحاني كۇش ۇلتتىڭ العا باسقان قادامىنا سەرپىن بەرۋدە.

ۋاقىت قۇندى شامالايتىن ەڭ جاقسى ولشەگىش.

تاياۋ زاماننان بەرگى 100 نەشە جىلدا قۇلدىق پەن قورلىق تاۋقىمەتىن ابدەن تارتقان جۇڭگو حالقى ورنىنان تۇردى، 5000 جىلدان استام وركەنيەت تاريحىنا يە جۇڭحۋا ۇلتى جاپپاي وسىزاماندانۋعا قادام تاستادى، 500 جىلدان استام تاريحى بار سوتسياليزم يدەياسى دۇنيە ءجۇزى بويىنشا حالىق سانى ەڭ كوپ مەملەكەتتە تابىسقا جەتۋ جولىن اشتى.

جۇڭگو كوممۋنيستىك پارتياسى مەن جۇڭگو حالقى ءوزى تاڭداعان جولدا قاسقايا، ارشىندى قاداممەن العا تارتىپ، جۇڭگونىڭ دامۋىنىڭ، العا باسۋىنىڭ تاعدىرىن ءوز قولىندا مىقتاپ ۇستايدى.

تۇزىمدىك كەپىلدى تاعان، ماتەريالدىق نەگىزدى سەنىم، رۋحاني كۇشتى تىرەك ەتكەن ءبىز بوران - شاشىننان قايمىقپايمىز، ءبىزدىڭ تۇلا بويىمىزدى اسقاق سەزىم كەرنەۋدە − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە ءوتتى.

  100 جىلدىق ۇلى جولدا شىڭدالىپ، تاريحتان پاراسات كۇشىن قابىلدادى

تاريحتى اينا ەتكەندە، گۇلدەنۋ مەن قۇلدىراۋدىڭ سەبەبىن بىلۋگە بولادى.

كىشكەنتاي قىزىل قايىقتان ءزاۋلىم الىپ كەمەگە دەيىن، ۇشقىننان لاۋلاعان وتقا دەيىن جۇڭگو كوممۋنيستەرىنىڭ كۇرەس امالياتىندا جاراتقان شۇعىلالى جەتىستىكتەرىنە 100 جىلدىق ۇلى پارتيانىڭ جەڭىس جولى قامتىلىپ، اسا باعالى تاريحي تولعانىستارى تۇيىندەلدى.

پارتيا قۇرىلعاندىعىنىڭ 100 جىلدىعى ساتىندە باس شۋجي شي جينپيڭ شانشيدىڭ يۇيلينىنە قىزمەت تەكسەرۋگە، تەكسەرۋ - زەرتتەۋگە باردى.

ياڭجياگوۋ توڭكەرىستىك بايىرعى جۇرتىندا توڭكەرىس تاريحىن ەسكە ءتۇسىرىپ، ”ساياسات پەن تاكتيكا − پارتيانىڭ جانى“ دەگەندى باسا دارىپتەدى؛ جۇڭگو كوممۋنيستىك پارتياسىنىڭ سۇيدى ايماقتىق كوميتەتىنىڭ بايىرعى جۇرتىندا توڭكەرىستىك ءداستۇردى ۇزدىكسىز ساۋلەلەندىرىپ، ”ەڭ كوپ ەڭبەكشى حالىق جاعىندا تۇرۋدى“ العا قويدى...

”جولدى جاقسى باسۋ ءۇشىن كەلگەن جولىمىزدى ۇمىتپاۋىمىز كەرەك. وتكەن تار جول، تايعاق كەشۋلەرگە قاراساق، ءبىز وسى ارادان كەلگەمىز، بەلگىلى ءبىر زات نەمەسە قۇبىلىس باستابىندا جاي، قاراپايىم كورىنگەنىمەن، ءبىراق دامي، وزگەرە كەلە وراسان زور ىقپال، وزگەرىس تۋدىرىپ، قوعامنىڭ العا باسۋىن جەبەيدى“. باسىپ وتكەن بارىستاردا تاريح تولعانىسىنا قۇلاق تۇرسەك، باس شۋجي شي جينپيڭنىڭ ءسوزىنىڭ ماعىناسى تىم ارىدا جاتىر.

تاريح وتكەندى تۇسىنۋدەگى وقۋلىق، سونداي - اق كەلەشەككە بەتتەۋدىڭ مايەگى.

باس شۋجي شي جينپيڭ بىلاي دەپ تەرەڭ اتاپ كورسەتتى: ”پارتيامىزدىڭ وسى كۇنگە بىرتىندەپ جەتۋىندەگى وتە ماڭىزدى ءبىر سەبەپ − تاجىريبەلەردى ۇزدىكسىز قورىتىندىلاپ، قابىلەتىن جوعارىلاتىپ، حاۋىپ - قاتەرگە توتەپ بەرۋ، سىن - سايىستى قارسى الۋ، حاۋىپ - قاتەردى جويىپ، تىنىشتىق ورناتۋ قابىلەتى مەن دەڭگەيىن ۇزدىكسىز جوعارىلاتقاندىعى بولدى“.

100 جىلدان بەرى جۇڭگو كوممۋنيستىك پارتياسى باستان - اياق تاريحي تاجىريبەلەردى قورىتىندىلاۋ مەن قولدانۋعا ايرىقشا ءمان بەرىپ، تاريحي زاڭدىلىققا ءۇڭىلۋ بارىسىندا تاريحي ىرىقتىلىقتى يگەرىپ، بيلىك جۇرگىزۋ قابىلەتىن كۇشەيتىپ، اقىل - پاراساتتى، كۇش - قۋاتتى ۇيىستىرىپ، جەڭىستەردەن تىڭ جەڭىستەرگە ۇزدىكسىز قول جەتكىزدى.

76 جىلدىڭ الدى، جانە دە سول شانبەي سىندى قىزىل توپىراق.

جاپون شاپقىنشىلارىنا قارسى سوعىس جەڭىسكە جەتۋ الدىندا تۇرعان ماڭىزدى ساتتە، پارتيا 6 - كەزەكتى ورتالىق كوميتەتىنىڭ جەتىنشى جالپى ماجىلىسىندە «بىرنەشە تاريحي ماسەلە تۋرالى قارار» ماقۇلدانىپ، پارتيا قۇرىلعاننان بەرگى پارتيا تاريحى، سونداي - اق نەگىزگى تاجىريبە - ساباقتار جۇيەلى قورىتىندىلانىپ، پارتيانىڭ 7 - قۇرىلتايىن اشۋعا ساياسي جاقتان، يدەيالىق جاقتان تولىق شارت - جاعداي جاراتىلدى.

قارار تاجىريبە - ساباق قابىلداۋ ارقىلى پارتيا قۇرىلىسىنىڭ رەال ماسەلەلەرىن شەشتى. ماۋ زىدۇڭ جولداس بىلاي دەپ اتاپ كورسەتتى: بارلىق جولداستار، وسى تاريحي قارار جوبا بويىنشا ىنتىماقتاسۋى، قارار جوبادا ايتىلعانداي بەينە ءبىر تاتۋ - ءتاتتى سەمياداي ىنتىماقتاسۋى كەرەك.

1981 - جىلى 6 - ايدا رەفورما جاساۋ، ەسىك اشۋ ۇلى تولقىنى كوتەرىلىپ جاتقان كەزدە، پارتيا 11 - كەزەكتى ورتالىق كوميتەتىنىڭ التىنشى جالپى ماجىلىسىندە «پارتيانىڭ مەملەكەتىمىز قۇرىلعاننان بەرگى ءبىرقانشا تاريحي ماسەلەسى جونىندەگى قارار» ماقۇلدانىپ، جاڭا جۇڭگو قۇرىلعاننان كەيىنگى سوتسياليستىك توڭكەرىس پەن قۇرىلىستىڭ تاريحي تاجىريبەلەرى جالپى بەتتىك قورىتىندىلانىپ، كەيبىر ەلەۋلى تاريحي وقيعالار مەن ماڭىزدى تاريحي ادامدارعا شىندىقتى ءىس جۇزىنەن ىزدەگەن باعالار بەرىلدى.

بۇل تاريحي قارار بۇكىل پارتيانى، بۇكىل ەلدەگى ءار ۇلت حالقىن جاڭا تاريحي باستامادا ءبىر نيەتپەن ىنتىماقتاسىپ العا قاراۋعا جىگەرلەندىردى. قۇددى دىڭ شياۋپيڭ جولداس اتاپ كورسەتكەندەي، ”بۇل ءبىزدىڭ پارتيا ىشىندە يدەيانى بىرلىككە كەلتىرۋىمىز ءۇشىن اسا ماڭىزدى رول اتقاردى“.

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاريحي تاجىريبەلەردى ۇيرەنۋگە جانە قولدانۋعا وسكەلەڭ ءمان بەردى. باس شۋجي شي جينپيڭ توڭكەرىستىك قاسيەتتى جەرلەردە، قىزىل بايىرعى جۇرتتاردا، توڭكەرىستىك تاريحي ەسكەرتكىش الاڭ - ورىنداردا قايتا - قايتا تەكسەرۋدە بولىپ، ءبىر قىدىرۋ ماڭىزدى تاريحي وقيعالاردى، ماڭىزدى تاريحي ادامداردى ەسكە ءتۇسىرۋ قيمىلدارىنا قاتىناسىپ، كوپ رەت پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋ جونىندە ماڭىزدى ءسوز سويلەدى.

پارتيا قۇرىلعاندىعىنىڭ 100 جىلدىعى سىندى ماڭىزدى ساتتە، پارتيا ورتالىق كوميتەتى بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندە كەلەلى ورنالاستىرۋ جاساپ، بارلىق پارتيا مۇشەلەرىنەن تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى تالاپ ەتتى. باس شۋجي شي جينپيڭ بۇكىل پارتياعا بىلاي دەپ ۇندەۋ تاستادى: ”ءسوز جوق، تاريحتان شابىت الىپ، تاريحي تاجىريبەلەردەن جاۋدى جويىپ جەڭىسكە جەتۋدىڭ جاۋھارىن سۇرىپتاپ الۋ كەرەك“.

اماليات مىنانى دالەلدەدى: پارتيا تاريحىنداعى تاريحي تاجىريبەلەرگە جاسالعان ءار رەتكى جۇيەلى قورىتىندىلاۋدىڭ ءبارى پارتيامىزدىڭ جاڭا تاريحي شارت - جاعدايدا جاڭا ىنتىماقتاسۋدى، بىرلىكتى جۇزەگە اسىرۋىنا مۇمكىندىك جاسادى، ءبارى توڭكەرىستىڭ، قۇرىلىستىڭ، رەفورمانىڭ ۇلى امالياتىن اناعۇرلىم ىلگەرىلەتتى.

2021 - جىلى 7 - ايدىڭ 1 - كۇنى تيان - انمىن الاڭىندا شىعىس جەلى ەسىپ، قىزىل تۋ جەلبىرەدى.

سالتاناتتى دا ايبىندى تيان - انمىن مىنبەسىندە باس شۋجي شي جينپيڭ تاريحتى رەالدىققا اينا ەتىپ، بولاشاققا ۇزاقتان كوز جىبەرىپ، جۇڭگو كوممۋنيستىك پارتياسىنىڭ 100 جىلدىق كۇرەسىندەگى قۇندى تاجىريبەلەرگە سىندارلى قورىتىندى جاساپ، پارتيانىڭ تاريحي تاجىريبەلەردى قورىتىندىلاۋىن، قولدانۋىن جاڭا دەڭگەيگە كوتەردى −

”ءسوز جوق، جۇڭگو كوممۋنيستىك پارتياسىنىڭ پارمەندى باسشىلىعىنا تاباندى بولۋ كەرەك“، ”ءسوز جوق، جۇڭگو حالقىن ىنتىماقتاستىرىپ، باستاپ، تاماشا تۇرمىس ءۇشىن ۇزدىكسىز كۇرەس جۇرگىزۋ كەرەك“،”ءسوز جوق، ماركسيزمنىڭ جۇڭگوشالانۋىن ۇزدىكسىز ىلگەرىلەتۋ كەرەك“، ”ءسوز جوق، جۇڭگوشا سوتسياليزمگە تاباندى بولۋ جانە دامىتۋ كەرەك“، ”ءسوز جوق، مەملەكەت قورعانىسى مەن ارميانى وسىزامانداندىرۋدى جەدەلدەتۋ كەرەك“، ”ءسوز جوق، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋ كەرەك“، ”ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋ كەرەك“، ”ءسوز جوق، جۇڭحۋا ۇلاندارىنىڭ ۇلى ىنتىماعىن كۇشەيتۋ كەرەك“، ”ءسوز جوق، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋ كەرەك“.

باسشىلىق ۇيتقىدان تۇرعى، باس ماقساتقا دەيىن، نازاريالىق جەتەكشىلىك ەتۋدەن جول سەنىمىنە دەيىن، ستراتەگيالىق تىرەكتەن كۇش - قۋات قاينارىنا دەيىن... باس شۋجي شي جينپيڭ تاريحتىڭ سالقار كوشىنەن، ءداۋىر ۇلكەن اعىمىنان، الەم اۋقىمىنان وزگەرىس قاعيداسىنا تالداۋ جاساپ، تاريح زاڭدىلىعىن قاراستىرىپ، ”9 ءسوز جوق“ ارقىلى 100 جىلدىق ءىرى پارتيانىڭ وتكەندەگى ”نە ءۇشىن تابىسقا جەتكەندىگىنىڭ“، كەلەشەكتە ”قايتكەندە ۇزدىكسىز تابىسقا جەتۋگە بولاتىندىعىنىڭ“ وزەكتى قۇپياسىن تەرەڭ كورسەتتى.

وسى تاريحي تاجىريبەلەرگە قان مەن تەر توعىسىپ، اقىل - پاراسات پەن مويىماس قايسارلىق تولعان؛ وسى تاريحي تاجىريبەلەر كوممۋنيستىك پارتيانىڭ بيلىك جۇرگىزۋ زاڭدىلىعىنا، سوتسياليزمنىڭ قۇرىلىس زاڭدىلىعىنا، ادامزات قوعامىنىڭ دامۋ زاڭدىلىعىنا بولعان تانىمدى اناعۇرلىم تەرەڭدەتىپ، بۇكىل پارتيانىڭ تاريحي سەنىمىن، تاريح سانالىلىعىن اناعۇرلىم كۇشەيتتى.

امەريكانىڭ جۇڭگو ماسەلەسى مامانى روبەرت كۋن بىلاي دەپ قارادى: جۇڭگو كوممۋنيستىك پارتياسى شىندىقتى ءىس جۇزىنەن ىزدەپ، شەبەرلىكپەن اماليات بارىسىندا ۇزدىكسىز ىزدەنىس جاساپ، تاجىريبەلەردى قورىتىندىلادى، بۇنىڭ ءبارى جۇڭگو كوممۋنيستىك پارتياسىنىڭ جۇڭگوعا باسشىلىق ەتىپ ەرەسەن زور تابىستارعا جەتۋىندەگى ماڭىزدى سەبەپ.

تاياۋدا باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشقاندا، اشىلۋ الدىندا تۇرعان پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلاۋ ماسەلەسىن ءتۇيىندى تۇردە اقىلداساتىندىعىن ايقىندادى.

وسى ساتتە تۇرىپ، 100 جىلعا قايىرىلا قاراۋ ءدال ”سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتى“؛

وسى ساتتە تۇرىپ، 100 جىلعا قايىرىلا قاراۋ ءدال ”ساياسي تانىمدى، كەلەلى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋدى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ورىنداۋدىڭ، بۇكىل پارتيانىڭ بىركەلكى قاداممەن العا ىلگەرىلەۋىنە شىنايى كەپىلدىك ەتۋدىڭ قاجەتى“؛

وسى ساتتە تۇرىپ، 100 جىلعا قايىرىلا قاراۋ ءدال ”پارتيانىڭ وزىنە توڭكەرىس جاساۋىن ىلگەرىلەتۋدىڭ، بۇكىل پارتيانىڭ كۇرەس شەبەرلىگى مەن حاۋىپ - قاتەرگە، سىن - سايىسقا توتەپ بەرۋ قابىلەتىن جوعارىلاتۋدىڭ، پارتيانىڭ جالىندى ومىرشەڭدىك كۇشىن ماڭگى ساقتاۋدىڭ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز كۇرەس جۇرگىزۋدىڭ قاجەتى“.

وتكەنگە ءۇڭىلىپ بولاشاقتى بولجاۋ، تاريحتان ونەگە الىپ، جاڭارۋ كەرەك. 100 جىلدىق ءىرى پارتيا تاريحتان كەلەشەككە بەت الاتىن اقىل - پاراسات پەن كۇش - قۋاتتى ۇزدىكسىز قابىلداۋدا.

  گۇلدەنۋ ساپارىندا ەكپىندەي ىلگەرىلەپ، جاڭا ەمتيحان تاپسىرۋ جولىندا تاعى دا شۇعىلالى ناتيجە جاراتتى

تاريح كەرۋەنى العا تارتادى، ءداۋىر سىناۋ قاعازى جاڭالانىپ وتىرادى.

جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالىپ كەتتى، ەكىنشى 100 جىلدىق كۇرەس نىساناسىنا قاراي ەكپىندەي العا تارتۋدىڭ دابىلى قاعىلدى، جۇڭحۋا ۇلتىنىڭ جاڭا ”ۇلى تاريحي ءساتى“ باستالدى.

”حۋاڭحى وزەنى تىنىش بولسا، ەل امان، جۇرت تىنىش بولادى“، 8 ارىپكە مىڭ جىلدىق اسىل ارمان جيناقتالعان.

2021 - جىلى 10 - ايدا باس شۋجي شي جينپيڭ حۋاڭحىنىڭ تەڭىزگە قۇيار ساعاسىنا كەلىپ، حۋاڭحىنىڭ جوعارعى، ورتاڭعى، تومەنگى اعارى بويىن تۇگەل ارالاپ شىعۋ تىلەگىن جۇزەگە اسىردى.

”كوممۋنيستىك پارتيا نە ىستەيدى؟ حالىق ءۇشىن قىزمەت ىستەيدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرادى، سوندىقتان ءبىز ۇنەمى قايسى ىستەردى جاقسى ىستەۋىمىز، قايسى جۇمىستاردى، ءسوز جوق، قادامدى جەدەلدەتە جاقسى ىستەۋىمىز كەرەكتىگىنە قاراۋىمىز كەرەك، حۋاڭحى وزەنىن ويداعىداي جونگە سالۋ وسىنىڭ ىشىندەگى ءبىر ءىرى ءىس بولىپ تابىلادى“.

100 جىلدىق مەرەيتويدى قۇتتىقتاۋ سالتاناتىنىڭ جاڭعىرىعى ءالى قۇلاققا ۇرىلىپ تۇرعاندا، جۇڭگو كوممۋنيستەرى كەرەمەت كوكەي تەستىلىك سەزىممەن ەكپىندەي ىلگەرىلەيتىن جاڭا ساپارعا اتتاندى.

قارلى ۇستىرتكە بارىپ شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتادى، حىبەيگە بارىپ سايحانبا رۋحىن ساۋلەلەندىرۋدى تىلگە الدى، شانشيدە يدەيانى ازات ەتىپ، رەفورما جاساۋدى، جاڭالىق اشۋدى باسا دارىپتەدى، شاندۇڭدا حۋاڭحى الابىنىڭ ەكولوگياسىن قورعاۋدى جانە جوعارى ساپالى دامۋدى ىشكەرىلەي ىلگەرىلەتۋدى جوبالادى؛ جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارى كەڭەسىنە، بريكس ەلدەرى باسشىلار ماجىلىسىنە، شاڭحاي سەلبەستىك ۇيىمى باسشىلار ماجىلىسىنە، بىرلەسكەن ەلدەر ۇيىمىنىڭ ورگانيزمدەردىڭ كوپ تۇرلىلىگى جينالىسىنا، الەمدىك باياندى قاتىناس جينالىسىنا، 20 ەل توبى باسشىلارىنىڭ ماجىلىسىنە تىكەلەي نەمەسە بەينە ەكران تاسىلىمەن قاتىناستى... باس شۋجي شي جينپيڭ جارعاق قۇلاعى جاستىققا تيمەي، رول ۇستاپ جول باستادى.

كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىنىڭ ”قۇرىلىس چەرتوجىن“ شىعارۋ، مىندەتتى وقۋ - اعارتۋ كەزەڭىندەگى وقۋشىلاردىڭ تاپسىرما اۋىرتپالىعى مەن مەكتەپ سىرتىنداعى باۋلۋ اۋىرتپالىعىن اناعۇرلىم جەڭىلدەتۋ، ورتالىق قازىنانىڭ عىلمي زەرتتەۋ قاراجاتىن باسقارۋىنا رەفورما جاساۋ جانە ونى كەمەلدەندىرۋ، قوراجاي سالىعى زاڭىن شىعارۋدى ىلگەرىلەتۋ... رەفورمانى جالپى بەتتىك تەرەڭدەتۋ تەز دە ورنىقتى قاداممەن ىلگەرىلەپ، شاپشاڭ جەدەلدەتىلۋدە.

ورتالىقتىڭ ۇلت قىزمەتى ءماجىلىسىن، ورتالىقتىڭ دارىندىلار قىزمەتى ءماجىلىسىن، شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسىن، ورتالىقتىڭ حالىق قۇرىلتايى قىزمەتى ءماجىلىسىن ىركەس - تىركەس اشتى... جاڭا ساپاردا دارىندى، يدەيا، ءتۇزىم قاتارلى جاقتاردا جۇمىلدىردى جانە دايىندىق جاسادى.

جورىق كيىمىن شەشپەستەن، اتقا قايتا ءمىندى. ۋاقىتپەن جارىساتىن اسىعىس قادامنىڭ استارىندا تاريح پەن حالىققا دەگەن سالماقتى بورىشتىلىق سەزىم، جاۋاپكەرشىلىك سەزىم جاتىر.

باس شۋجي شي جينپيڭ: ”بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا جەتەدى، سونىمەن بىرگە اناعۇرلىم جاپالى، اناعۇرلىم ماشاقاتتى قۇلشىنىستار جاساۋعا، ءسوز جوق، دايىندالۋىمىز كەرەك“ دەپ تەرەڭ اتاپ كورسەتتى.

بولاشاق نۇرلى دا كەڭ، ءبىراق العا باسۋ جولى تەگىس بولمايدى.

دۇنيە ءجۇزى 100 جىلدا بولماعان زور وزگەرىستى باستان وتكەرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. العا باسۋ جولىندا ءبىز ءدوپ كەلەتىن حاۋىپ - قاتەر، سىناقتار بارعان سايىن كۇردەلىلەسە تۇسەدى، ءتىپتى، ويعا دا كەلمەيتىن اساۋ تولقىندارعا دا جولىعامىز.

سونار داريا ماڭگى ىركىلمەي جوڭكىلە اعادى، جاڭا ساپارداعى جۇڭگو كوممۋنيستەرى، ءسوز جوق، ءداۋىر اعىنىنىڭ ەڭ الدىندا تۇرۋى كەرەك −

”دۇنيە ءجۇزىنىڭ بەتالىس اۋقىمىنىڭ ارىنى قاتتى، ايبىنى ۇستەم، وعان ۇيلەسكەندەر وركەندەيدى، قارسى كەلگەندەر قۇريدى“. تاياۋدا جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەندىگىنىڭ 50 جىلدىعىن ەسكە ءتۇسىرۋ ماجىلىسىنە قاتىناسقاندا، ءتوراعا شي جينپيڭ دۇنيە ءجۇزىنىڭ باياندى، ۇزاق بولاشاقتىق دامۋىنا نازار تاستاپ، دۇنيە ءجۇزى ءدوپ كەلگەن ”ءداۋىر سۇراۋىنا“ ۇلكەن تاريحي كوزقاراسپەن جاۋاپ بەردى.

تاريحتىڭ العا ىلگەرىلەۋ لوگيكاسىندا العا ىلگەرىلەپ، ءداۋىردىڭ دامۋ اعىنىندا دامۋ كەرەك، جۇڭگو كوممۋنيستىك پارتياسى دۇنيە جۇزىنە وسىلاي ءتۇسىندىردى ءارى باستان - اياق وزىنە وسىلاي تالاپ قويدى.

”ەلىمىزدىڭ سيفرلى ەكونوميكاسىنىڭ اقاۋسىز دامۋىن ىلگەرىلەتۋ“، بۇل جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 10 - ايدىڭ 18 - كۇنگى 34 - رەتكى توپتىق ۇيرەنۋىنىڭ نەگىزگى تاقىرىبى. ۇيرەنۋدى باسقارعاندا، باس شۋجي شي جينپيڭ: ”ءبىز ۇتىمدى ورايدى يگەرىپ، بولاشاق دامۋدىڭ بيىك بەلەسىن الدىمەن يەلەۋ كەرەك“، ”ورايدى مىقتى ۇستاپ، ىرىقتىلىققا قول جەتكىزۋ كەرەك“، - دەپ باسا دارىپتەدى.

ۇتىمدى ورايدى يگەرگەندە باسقالاردان ءبىر قادام الدا جۇرۋگە بولادى؛ بولاشاققا كوز جىبەرگەندە باسقالاردان ءبىر ساتى جوعارى تۇرا الاسىڭ.

بولاشاقتى بەتكە العاندا، داۋىرمەن بىرگە العا باسىپ، باتىلدىقپەن جاڭالىق اشقاندا عانا، سانسىز قايىق جارىسا جەلكەن كوتەرگەن، اتويلاپ العا ىلگەرىلەگەن وسى داۋىرگە ۇيلەسىپ، وزگەرىستى دۇرىس تانۋ، وزگەرىسكە عىلمي توتەپ بەرۋ، وزگەرىسكە ىرىقتىلىقپەن ۇمتىلۋ بارىسىندا ءداۋىر اعىنىنا جەتەكشىلىك ەتۋگە بولادى.

بولاشاقتى بەتكە العاندا، تەك يدەيانى ازات ەتۋگە تاباندى بولىپ، رەفورمانى تەرەڭدەتۋدەن جازباي، باتىلدىقپەن تەرەڭ قويناۋعا بويلاپ، قاتەرلى قايراڭداردى باسىپ، جۇرەكتىلىكپەن قورشاۋلاردى تالقانداپ، كەدەرگىلەردى الاستاعاندا عانا العا باسۋ جولىنداعى ءتۇرلى حاۋىپ - قاتەرلەردى، سىن - سايىستاردى ءونىمدى جويۋعا بولادى.

بولاشاقتى بەتكە العاندا، جاڭا امالياتقا نەگىزدەلىپ، ۇزدىكسىز جاڭا ىزدەنىس جاساپ، حالىق بۇقاراسىنىڭ امالياتىنان ۇزدىكسىز ءنار العاندا عانا پارتيامىزدىڭ نازاريالىق جاسامپازدىعىن ۇزدىكسىز العا قاراي دامىتۋعا مۇمكىندىك جاساپ، قىزمەتتەرىمىزگە اناعۇرلىم ويداعىداي جەتەكشىلىك ەتە الامىز.

وزەن يرەلەڭدەي اققانىمەن، شىعىسقا جوڭكىلۋ بەتالىسىن وزگەرتپەيدى، جاڭا ساپارداعى جۇڭگو كوممۋنيستەرى، ءسوز جوق، قامال الىپ، قيىندىقتى جەڭۋدىڭ ەڭ الدىڭعى لەگىندە ماڭگى تۇرۋى كەرەك −

1945 - جىلى 5 - ايدا جاپون شاپقىنشىلارىنا قارسى سوعىس جەڭىسىنىڭ قارساڭىندا، پارتيا 7 - قۇرىلتايىندا ماۋ زىدۇڭ جولداس بۇكىل پارتيانىڭ ”زيان شەگۋگە دايىن تۇرۋىن“ ەسكەرتىپ، ءبىر جولدا 17 ءتۇرلى قيىندىقتى ءتىزىپ شىقتى.

2021 - جىلى 10 - ايدا پارتيانىڭ 100 جىلدىق مەرەيتويى سالتاناتپەن قۇتتىقتالىپ كوپ وتپەي، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشتى، ءماجىلىس مىنالاردى اتاپ كورسەتتى: ”بۇكىل پارتيا، ءسوز جوق، تاۋقىمەت ىشىندە دۇنيەگە كەلگەندىگىن، قام - قايعىسىزدىقتىڭ زاۋالعا اپاراتىندىعىن ەستە بەرىك ساقتاپ، ۇنەمى بولاشاقتى ويلاۋ، امانشىلىقتا جامانشىلىقتىڭ بولارىن ويلاۋ كەرەك“.

ناتيجەگە قول جەتكىزگەن سايىن، شىتاداي مۇزدىڭ ۇستىنەن ءوتىپ بارا جاتقانداي سولعۇرلىم ساق بولۋ كەرەك، امانشىلىقتا جامانشىلىقتىڭ بولارىن ويلاۋداي سولعۇرلىم تاۋقىمەت تانىمى بولۋ كەرەك. بۇل پارتيامىزدىڭ ەل باسقارۋداعى ءبىر ماڭىزدى تاجىريبەسى.

2021 - جىل باستالعاندا، ولكە، مينيسترلىك دارەجەلى نەگىزگى باسشى كادرلاردىڭ ”جىل باسىنداعى العاشقى ساباعىندا“ باس شۋجي شي جينپيڭ تەرەڭ تولعانىسپەن بىلاي دەدى: ”ەلىمىز قوعامىنداعى باستى قايشىلىقتىڭ وزگەرۋىنە جانە حالىقارالىق كۇش سالىستىرماسىنىڭ تەرەڭ رەتتەلۋىنە مەڭزەس، ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، اناعۇرلىم كۇردەلى، قيىن جاعدايعا توتەپ بەرۋگە قاي - قاشان دا دايىن تۇرۋ كەرەك“.

جۇرۋگە قيىندىق تۋدىراتىن جول قايقاڭ جول، مەڭگەرۋ قيىنعا تۇسەتىن كەمە جەلگە قارسى جۇزگەن كەمە. جۇڭحۋا ۇلتىنىڭ ۇلى گۇلدەنۋى، استە، جەڭىل - جەلپى، قۇر ايعاي - سۇرەنمەن جۇزەگە اسا سالاتىن شارۋا ەمەس.

ماڭىزدىسىن ءبىلىپ، اۋىر مىندەتتى ارقالاپ، قامال الىپ، قيىندىقتى جەڭىپ، قيىندىققا قارسى اتتانىپ، قىسىمعا شىداپ شايقاسىپ، كۇرەس جۇرگىزۋدىڭ ناعىز قابىلەتىنە، ناعىز سايىسكەرلىگىنە توسەلىپ، كۇرەس جۇرگىزۋ جىگەرىن، ەكپىنىن، قايسارلىعىن الىپ شىعاتىن بولساق، ارمانعا ۇمتىلعان اياق الىسىمىزعا ءارقانداي كۇش بوگەت بولا المايدى.

وزەن سۋى سىلدىراپ اققان اعىننان توپتالىپ جوڭكىلە تۋلايدى، جاڭا ساپارداعى جۇڭگو كوممۋنيستەرى، ءسوز جوق، ەڭ كەڭ حالىق اراسىندا ماڭگى تابانداپ تۇرۋى كەرەك −

شياڭجياڭ وزەنى جاعاسى، گۋاڭشي گۇيلين ماۋجۋشان قىستاعى سول جىلدارى قىزىل ارميا سوعىس جۇرگىزگەن جەر، قازىرگى تاڭدا ءجۇزىم كاسىپ سالاسىن دامىتۋعا سۇيەنىپ، ءبىر جەردىڭ بۇقاراسىن بايىتتى. 2021 - جىلى 4 - ايدا باس شۋجي شي جينپيڭ وسى اراعا كەلدى.

”باس شۋجي، ءسىز جايشىلىقتا سونشاما قاربالاس بولساڭىز دا ءبىزدى كورگەلى كەلىپسىز، سىزگە شىنىمەن العىس ايتامىز“، - دەدى باس شۋجيدى كورگەندە قىستاق تۇرعىنى ۋاڭ دىلي تەبىرەنىپ.

”مەن وسى ىستەرمەن قاربالاسپىن عوي، ’مەملەكەتتىڭ زور ىستەرى‘ دەگەنىمىز حالىقتىڭ باقىتتى تۇرمىسى“، - دەپ جاۋاپ قايتاردى باس شۋجي.

”بيلىك دەگەنىمىز حالىق، حالىق دەگەنىمىز بيلىك“. جۇڭگو كوممۋنيستىك پارتياسى حالىققا سۇيەنىپ تاريحتى جاراتتى ءارى، ءسوز جوق، حالىققا سۇيەنىپ بولاشاققا قول جەتكىزەتىن بولادى.

ءداۋىر ەمتيحان الۋشى، ءبىز ەمتيحان تاپسىرۋشىمىز، حالىق ەمتيحان تەكسەرۋشى.

ءداۋىر ۇزدىكسىز بىرتەلەي دامىپ، سۇراۋ شىعارۋ مازمۇنى ۇزدىكسىز اناعۇرلىم جاڭالانىپ وتىرادى؛ حالىقتىڭ تاماشا تۇرمىس قاجەتى بىرتىندەپ جوعارىلاپ، ەمتيحان تاپسىرۋ تالابى دا ىلەسە جوعارىلاپ وتىرادى.

جىجياڭنىڭ جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋ ءىسى تۇلعالاندى، ورتالىق قازىنا - ەكونوميكا كوميتەتىنىڭ 10 - رەتكى ءماجىلىسى بىرگە بايۋ ماسەلەسىن تىڭعىلىقتى ىلگەرىلەتۋ جونىندە زەرتتەۋ جۇرگىزدى... جاڭا ساپاردىڭ باستالۋىنا ىلەسە، جالپى حالىقتىڭ بىرگە بايۋىن بىرتىندەپ جۇزەگە اسىرۋ اناعۇرلىم ماڭىزدى ورىنعا قويىلدى.

كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەن، جاپپاي دوڭگەلەك داۋلەتتى قوعام ورناتۋدان اۋىل - قىستاقتى گۇلدەندىرۋدى ىلگەرىلەتۋگە، بىرگە بايۋدى تىڭعىلىقتى جەبەۋگە دەيىن جۇڭگو كوممۋنيستىك پارتياسى حالىق ءۇشىن ىستەۋ اۋەلگى ماقساتىنا باستان - اياق تاباندى بولىپ، قاي - قاشان دا حالىقپەن بىرگە ويلاپ، بىرگە ىستەپ، جوڭكىلە العا ىلگەرىلەگەن تەلەگەي ۇلى كۇشتى ۇيىستىردى.

جۇڭگونىڭ ءىسىن ويداعىداي ىستەۋدىڭ تەتىگى پارتيادا. تاريح وسىلاي، رەالدىق وسىلاي، بولاشاقتا ءالى دە وسىلاي بولادى.

جاڭا جۇڭگو قۇرىلعان باستاپقى مەزگىلدە، «كوممۋنيستىك پارتيا بولماسا، جاڭا جۇڭگو بولماق ەمەس» دەگەن ءان بۇكىل ەلگە كەڭ تارالدى. پارتيا قۇرىلعاندىعىنىڭ 100 جىلدىعىن قۇتتىقتاعان كەزدە، باس شۋجي شي جينپيڭ وعان تىڭ ءسوز قوستى − ”جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“.

جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىمەن قاتىستى، تاعدىرىمەن قاتىستى.

جۇڭحۋا ۇلتىنىڭ ۇلى گۇلدەنۋىنە قاراي ۇمتىلۋدا، پارتيانىڭ جالپى بەتتىك باسشىلىعىنا تاباندى بولىپ، پارتيانىڭ باسشىلىعىن ۇزدىكسىز كەمەلدەندىرىپ، پارتيانىڭ جالپى جاعدايدى تۇگەل مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ كەرەك؛ باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋ كەرەك؛ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، اقيقات نۇرىنىڭ العا باسۋ جولىن نۇرلاندىرۋىنا مۇمكىندىك جاساۋ كەرەك.

جۇڭحۋا ۇلتىنىڭ ۇلى گۇلدەنۋىنە قاراي ۇمتىلۋدا، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيامىزدىڭ دۇنيە ءجۇزى جاعدايىندا تەرەڭ وزگەرىس بولعان تاريحي ۇردىسىندە باستان - اياق ءداۋىر اۆانگاردى، ۇلت تىرەگى بولۋىنا شىنايى كەپىلدىك ەتۋ كەرەك.

بۇرىن بولماعان وزگەرىس داۋىرىندە تۇرىپ، بۇرىنعىلار ىستەپ كورمەگەن ۇلى ءىستى ىستەپ، كەمەل شاعىندا تۇرعان جۇڭگو كوممۋنيستىك پارتياسى الداعى جەردە تالاي - تالاي بەلەستەردى جاڭا باستاما ەتەتىن بولادى.

”وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى“.

جوڭكىلە اققان وزەن بوگەۋ بەرمەيدى. جاڭا تاريحي باستامادا، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ 100 جىلدىق ءىرى پارتيانىڭ اقىل - پاراساتى مەن كۇش - قۋاتىن اناعۇرلىم ۇيىستىراتىندىعى ءشۇباسىز.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ۇلى جۇڭگو كوممۋنيستىك پارتياسى، ءسوز جوق، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ساپارىندا تاعى دا شۇعىلالى ناتيجە جاراتاتىن بولادى.

(تىلشىلەر جاڭ شياۋسۇڭ، جۋ جيچاي، حۋ حاۋ، شى يۇيسىن، ديڭ شياۋشي)

(شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى)