باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قاجىرلىلىقپەن شارۋاشىلىق قۇرىپ، ىنتىماقتاسا سەلبەستى
2021-12-04 12:09:57     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

− حۇڭچي توعانى رۋحىنا شولۋ


«تايحاڭشان تاۋىن قاق جارىپ، جوڭكىلدى جاڭحى وزەنى تاۋدان اسىپ. تاۋ - وزەندى قايتا جايعاستىرۋعا انت ەتتى، لينشيان اۋدانى حالقىنىڭ جىگەرى تاسىپ...»

20 - عاسىردىڭ 60 - جىلدارى حىنان ولكەسى لينشيان اۋدانىنىڭ (قازىرگى لينجوۋ قالاسى) حالقى اۋداندىق پارتكومنىڭ باسشىلىعىندا، 10 جىل ۋاقىتپەن تاۋ قوپارىپ، تاس تەسىپ، مىڭ شاقىرىمدىق توعان قازىپ، «ٴوز كۇشىنە سۇيەنىپ ٴومىر ٴسۇرۋ، قاجىرلىلىقپەن شارۋاشىلىق قۇرۋ، ىنتىماقتاسا سەلبەسۋ، قالتقىسىز ۇلەس قوسۋ» رۋحى تۋىن تايحاڭشان تاۋىنىڭ توبەسىنە تىكتەدى.

حۇڭچي توعانى سۋى تايحاڭشاننان اسىپ كۇنى بۇگىنگە دەيىن جوڭكىلە اعىپ كەلەدى، ول بۇقارانى نارلەندىرگەن «تىرشىلىك توعانى»، كىسىنى العا باسۋعا جىگەرلەندىرگەن «باقىت توعانى»، ونان ارى ماڭىزدىسى، ماڭگى سارقىلمايتىن «رۋح توعانى».

«تىرشىلىك توعانى» كوڭىلگە ٴنار بەردى

سانشي، حىبەي، حىنان ولكەسى شەكاراسىنداعى لينجوۋدىڭ تاۋى كوپ، سۋى از، سۋ تاپشىلىعى عاسىر بويى جالعاسقان ەڭ قيىن، ەڭ اۋىر ەستەمە. اۋدان شەجىرەسىنەن «اۋىر قۋاڭشىلىق، جالعاسقان قۋاڭشىلىق، سۇمدىق قۋاڭشىلىق، الاپات قۋاڭشىلىق» دەگەن سوزدەر ٴجيى ۇشىرايدى.

سۋ تاپشىلىعىن شەشۋ جۇرتتىڭ كوكسەگەن ارمانى. ادامدار قانشاما قۇلشىنسا دا سۋ تاپشى بولۋ تاريحى اياقتامادى، جاڭا جۇڭگو قۇرىلعاننان كەيىن دە شەلەكتەگى سۋدى توگىپ العانى ٴۇشىن اسپاققا اسىلىپ ٴولىپ العاندار دا بولعان. 31 جاستاعى اۋداندىق پارتكومنىڭ شۋجيى ياڭ گۇي العا شىعىپ، جان - جاقتى تەكسەرۋ جۇرگىزگەننەن كەيىن اۋداندىق پارتكوم سانشيدىڭ پيڭشۇن اۋدانىنداعى جاڭحى وزەنى سۋىن لينشيان اۋدانىنا باستاپ اكەلۋدى ۇيعارادى.

بۇل ٴبىر حاۋىپ - قاتەرگە تولى شەشىم. ياڭ گۇي قۇرىلىس تەحنيكاسىنىڭ سىنىنا ٴدوپ كەلۋمەن بىرگە، ساياسي بولاشاعىنا ساياتىن حاۋىپ - قاتەرگە دە ٴدوپ كەلەدى.

«اسپاننان تۇسەدى دەپ قاراپ وتىرا بەرۋگە دە بولادى، ويتسەك ٴمانسابىمىزدى ساقتاپ قالامىز، ٴبىراق اپاتتى جەڭە المايمىز، ازابىن حالىق بۇقاراسى تارتادى». وسى ٴبىر سالماقتى ٴسوز ٴبىر كوممۋنيستىڭ جاۋاپكەرلىگىن ايگىلەدى.

حالىق ٴۇشىن توعان سالۋ بۇقارانىڭ قولداپ - قۋاتتاۋىنا يە بولادى. اۋداندىق پارتكوم پىكىر العان كەزدە لينشيان اۋدانىنداعى بۇقارا: «مەملەكەتتە قارجى بولماسا، ٴبىز قاتقان نانىمىزدى كەمىرسەك تە توعاندى سالۋىمىز كەرەك، بۇل ۇرپاقتان - ۇرپاققا جالعاساتىن ۇلاعاتتى ٴىس» دەيدى.

«جامىلاتىن كورپەمىز كوك اسپان مەن اق بۇلت، توسەنىشىمىز دالانىڭ قۋراعان ٴشوبى، كۇزەتشىمىز اسقار تاۋ، جانىمىزدى جاي تاپتىراتىن جاڭحى وزەنى»، تايحاڭشان تاۋىندا قىزىل تۋ جەلبىرەپ، بارلىق ادامنىڭ جىگەرى تاسقىندادى. تاۋعا ورمەلەپ، سايعا تۇسەتىن قۇرال - سايماندارى بولماسا دا، تاۋدى جارىپ، تاستى قوپارۋدان تايىنبادى؛ زاتتىق ماتەريال تاپشى بولسا دا، شارۋالار قۇرال - سايمان مەن ازىقتىقتى وزدەرى دايىنداپ، قوپارعىش ٴدارىنى وزدەرى جاسادى.

قانشا ماشاقاتتى جۇمىس ىستەيىك، ٴبىراق بوسقا سارىلمايىق. 100 مىڭ ادامدىق قوسىن 10 جىل ماشاقاتتى جۇمىس جۇرگىزۋ ارقىلى قاجىرلى قوس قولىمەن 1500 كيلومەتر كەلەتىن توعان قازىپ، جۇرت «جاساندى اسپان دارياسى» دەپ اتاعان تىرشىلىك توعانىن سالادى. اۋىز سۋ ماسەلەسى شەشىلىپ، سان مىڭ مۋ ەگىستىك جەر سۋارىلىپ، ٴمولدىر سۋ جۇرت جۇرەگىنە ٴنار بەردى.

«باقىت توعانى» العا باسۋعا جىگەرلەندىردى

لينجوۋلىقتار ىشتەي مەشەۋ قالعىسى كەلمەيتىن، حۇڭچي توعانى ولاردىڭ، ٴتىپتى، كوكىرەك كەرە ۇمتىلۋىنا مۇمكىندىك جاسادى.

سول جىلدارى توعان جوندەگەندە قول اربا جونىندە: «تاۋداعى ادامدار تۋمىسىنان قايسار، ارتىنداعىلار الدىنا اپارىپ قويادى» دەپ اندەتكەن، ونىڭ ٴمانىسى، كوپشىلىك قول اربانى بىرگە يتەرىپ، تىنىستاعان شاقتا، ارتىنداعى ادامدار، ٴسوز جوق، اربانى الدىڭعى جاققا قويىپ، ونان سوڭ ايالداعان.

توعان جوندەگەن 10 جىلدا اعىنعا قارسى اتتانىپ، ماشاقاتتى تۇيىندەردى شەشكەن ارىن ولاردىڭ قانىنا ٴسىڭدى.

جاڭ يجى تۋىلعان 2 - جىلى حۇڭچي توعانى جالپى بەتتىك سالىنىپ بولدى. ول 1969 - جىلى 7 - اي ەدى، 10 جىلدىق شايقاستى اياقتاتقان ادامداردىڭ ارىنى اسقاق ەدى. كوز - قۇلاعى ٴۇيىر بولعان ول تايحاڭ تاۋىنداعى جارتاستارداي قايراتتى قاسيەتتى جالعاستىردى.

وتباسى كەدەي بولعاندىقتان، جاڭ يجى 16 جاسىندا سىرتقا شىعىپ جۇمىس ىستەدى. ول جاپا - ماشاقاتقا شىداپ، قاجىرلىلىقپەن ەڭبەك ەتىپ، ۇمتىلا ۇيرەنىپ، ىزدەنە ٴتۇستى، 19 جاسىندا تامشىلىق جۇمىسكەرلەرىنىڭ بانجاڭى بولدى؛ 21 جاسىندا جۇمىسشىلاردى باسقاراتىن جۇمىس باسى بولدى؛ 26 جاسىندا قۇرىلىس سەرىكتەستىگىن قۇرىپ ٴوز الدىنا جۇمىس جۇرگىزدى. 2012 - جىلى جاڭ يجى اۋىلىنداعى كەرەكسىز قالۋعا تاياعان ۋانچۋانحۋ كورىنىس ٴوڭىرىن وتكىزىپ الىپ، جاڭا كۇرەسىن باستادى. جاڭ يجىنىڭ باستان كەشكەندەرى سان مىڭداعان لينجوۋلىقتاردىڭ ىقشام كورىنىسى −

وتكەن عاسىردىڭ 60 - جىلدارىندا «تايحاڭمەن كۇرەس جاساۋدا» ادامدار قوس قولىمەن مىڭ شاقىرىمدىق تىرشىلىك توعانىن قازدى.

وتكەن عاسىردىڭ 80 - جىلدارىندا «تابىستى تايحاڭدا» 100 مىڭ ادامدىق قالىڭ قول بۇكىل ەلدە قۇرىلىس اتاعىن اسپانداتتى.

وتكەن عاسىردىڭ 90 - جىلدارىندا «باي تايحاڭدا» لينجوۋلىقتار العاش تاپقان اقشالارىن الىپ، اۋىلدارىنا قايتىپ زاۆود سالىپ، جۇمىس باستاپ، مەكەنىن بايىتتى؛

جاڭا عاسىرداعى «كوركەم تايحاڭدا» لينجوۋ دامۋ وي جەلىسىنە بۇرىلىس جاساپ، تومەن كومىر قىشقىل گازدى قورشاعان ورتا شارۋاشىلىعىنا قادام قويدى.

بۇگىنگى كۇنى لينجوۋ كەدەيلىكتەن ارىلتۋدان قامال الۋدىڭ قيان - كەسكى شايقاسىندا جەڭىسكە جەتىپ، جاپپاي دوڭگەلەك داۋلەتكە جەتۋ ارمانىن جۇزەگە اسىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ جاڭا جورىعىنا قادام قويدى.

ٴار داۋىردەگى ادامداردىڭ وزىنە ٴتان بورىشى بار. بۇگىنگى كۇنى لينجوۋ بۇقاراسى اۋىز سۋ ٴۇشىن ەندىگارى الاڭدامايتىن بولدى، جۇڭگو حالقى كيىم - كەشەك پەن ازىق ٴۇشىن ەندىگارى ۋايىمدامايتىن بولدى، ايتسە دە تايحاڭ تاۋىندا ٴۇن - ٴتۇنسىز اعىپ جاتقان «باقىت توعانى» جۇڭحۋا پەرزەنتتەرىنىڭ ىنتىماقتاسا كۇرەسۋ، باقىتقا ۇمتىلۋ جولىنداعى قۇلشىنىسىنا كۋا بولا بەرمەك.

«رۋح توعانى» ماڭگى سارقىلمايدى

«ٴوز كۇشىنە سۇيەنىپ ٴومىر ٴسۇرۋ، جاپا - ماشاقاتپەن شارۋاشىلىق قۇرۋ، ىنتىماقتاسا سەلبەسۋ، قالتقىسىز ۇلەس قوسۋ». حۇڭچي توعانىنا بارعاندار توعان سۋىندا جارقىراعان وسى رۋح ەستەن شىقپايدى دەسەدى.

كەزىندە توعان جوندەۋشىلەر ٴومىرى مەن توعاندى توعىستىرعان؛ بۇگىنگى كۇنى ٴاربىر ادام ٴوزىنىڭ كۇرەسى ارقىلى جاڭا حيكايالار جازۋدا.

2013 - جىلى 55 جاستاعى ۋاڭ شىڭيوۋ تالعام جاساۋعا ٴدوپ كەلەدى. 20 نەشە جىل پانلۇڭشان قىستاعى پارتيا ياچەيكاسىنىڭ شۋجيى مىندەتىن وتەپ كەلگەن اعاسى ۋاڭ زىيوۋ قىستاقتا جول جوندەۋ جۇمىسىمەن قانجىلىك بولىپ جۇرگەندە توسىننان جۇرەك بۇلشىق ەتىنىڭ ولەتتەنۋى سەبەبىنەن قايتىس بولىپ، قىستاقتىڭ «تىرەگى» قۇلايدى. ۋاڭ شىڭيوۋ ۇزاق جىل سىرتتا ساۋدامەن اينالىساتىن، جول اپاتىنان ٴبىر بىلەگىنەن ايرىلعان. اۋىلداستارى شارۋاشىلىق قۇرىپ تابىسقا جەتكەن ونىڭ قىستاققا قايتىپ، قىستاق پارتيا ياچەيكاسى شۋجيى مىندەتىن قابىلداۋىن ٴۇمىت ەتەدى.

قايتۋ كەرەك پە؟، الدە قايتپاۋ كەرەك پە؟ پارتيا مۇشەسى بولعان ۋاڭ شىڭيوۋ بۇكىل قىستاقتاعىلاردىڭ ارمان - تىلەگىن ارقالايدى. كوپ جاقتىڭ زىر جۇگىرۋى مەن قۇلشىنۋىندا ول اۋىلداستارىن باستاپ، ويلى - شۇڭقىر توپىراق جولدى تەپ - تەگىس سەمەنت جولعا اينالدىرادى ٴارى تاقىر تاۋدى تىنباي جاسىلداندىرىپ، قوشقىل بۇرىش، جاڭعاق، جۇڭي ٴدارى ماتەريالدارىن ەگىپ، ەرەكشەلىككە يە كاسىپ سالاسىن اناعۇرلىم جانداندىرىپ قانا قويماي، ساياحاتتى دامىتۋعا دا نەگىز قالايدى.

ۋاقىت زىمىراپ وتە شىقتى. كەڭىستىكتەن قاراساڭىز پانلۇڭشان قىستاعىنداعى يرەلەڭدەگەن تاۋ جولى بەينە ايداعارداي الىستاعى تاۋ اراسىندا باياۋ اعىپ جاتقان حۇڭچي توعانىمەن ۇندەسىپ جاتىر. بۇل جارتى عاسىردى وتكەرگەن وزگەرىس، سونداي - اق كوممۋنيستەردىڭ اۋەلگى ماقساتىنىڭ كۋاسى.

بارلىعىندا حالىقتى ويلاساڭ، حالىق تا جاقتايدى.

بۇگىنگى كوممۋنيستەر جونىنەن العاندا، حۇڭچي توعانى ٴارى تاريحتىڭ جاۋابى، ٴارى ٴداۋىردىڭ جول بەلگىسى.

(شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى. شينحۋا اگەنتتىگىنىڭ تىلشىلەرى يۇي ۋىنجيڭ، حان چاۋياڭ)