باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ءدىن قىزمەتىن ويداعىداي ىستەپ، جۇڭگو ارمانىن جۇزەگە اسىرۋعا كۇش توپتادى
2021-12-05 11:31:19     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 − پارتيا 18 - قۇرىلتايىنان بەرى ءدىن قىزمەتىندە بەلسەندى تابىسقا قول جەتتى

   شينحۋا اگەنتتىگىنىڭ ءتىلشىسى ۋاڭ چي


ءدىن ماسەلەسى باستان - اياق پارتيامىزدىڭ ەل باسقارۋدا، ءسوز جوق، ويداعىداي ءبىر جاقتى ەتۋگە ءتيىستى كەلەلى ماسەلە بولىپ كەلەدى.

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءدىن قىزمەتىنە ايرىقشا ءمان بەرىپ، ءبىر قىدىرۋ كەلەلى شەشىمدەر مەن ورنالاستىرۋلار جاساپ، جاڭا داۋىردەگى ءدىن قىزمەتىنىڭ نازارياسى مەن امالياتىندا جاڭالىق اشۋدى ۇزدىكسىز ىلگەرىلەتتى.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ءدىن قىزمەتى بەلسەندى ونىمدىلىككە قول جەتكىزىپ، دىنگە سەنەتىن قالىڭ بۇقارا بۇكىل ەل حالقىمەن بىرگە جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋدە.

  بيىك دەڭگەيدەن الىسقا كوز جىبەرىپ، رول ۇستاپ جول باستادى

شيزاڭ لحاسا قالاسىنىڭ باتىس ماڭىنداعى گىنپەيۋزى تاۋىنىڭ وڭتۇستىك باۋرايىنا ورنالاسقان جىباڭ بۇتحاناسى ايبىندى ساۋلەتىمەن كوز تارتادى.

بيىل 7 - ايدىڭ 22 - كۇنى تۇستەن كەيىن، شيزاڭدا قىزمەت تەكسەرىپ جۇرگەن باس شۋجي شي جينپيڭ وسى اراعا كەلدى. سوچين سارايىندا باس شۋجي جىباڭ بۇتحاناسىن باسقارۋ كوميتەتىنىڭ جاۋاپتىسىنان قاتىستى جاعدايلاردى ەگجەي - تەگجەيلى ۇعىستى.

”ءدىن ۇيلەسىمدى، قوعام جاراسىمدى، ۇلت تاتۋ بولۋ كەرەك“. باس شۋجي شي جينپيڭ بىلاي دەپ باسا دارىپتەدى: ءدىننىڭ دامۋ زاڭدىلىعى ”تاتۋلىقتا“. ءارقانداي ءدىننىڭ ءومىر ءسۇرۋى، دامۋى تۇگەلدەي، ءسوز جوق، ءوزى تۇرعان قوعامعا ۇيلەسۋى كەرەك، بۇل دۇنيە جۇزىندە دىندەردىڭ دامۋىنداعى، تارالۋىنداعى جالپىلىق زاڭدىلىق.

ورەلى ونەگە كورسەتىپ، تۋ ۇستاپ، باعدار بەلگىلەدى.

پارتيا 18 - قۇرىلتايىنان بەرى باس شۋجي شي جينپيڭ جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ستراتەگيالىق بيىك تۇرعىسىندا تۇرىپ، ەل ءىشى - سىرتىنىڭ جاعدايىنداعى تەرەڭ وزگەرىستەرگە ساي، ەلىمىزدىڭ مەملەكەت جاعدايى مەن ءىس جۇزىندىگىن نەگىزگە الىپ، تاريحي جانە رەال تاجىريبەلەردى قورىتىندىلاپ، ماركستىك تۇرعىنى، كوزقاراستى، ءادىستى قولدانۋ ارقىلى ءدىندى تانىپ جانە وعان مامىلە جاساپ، ءدىننىڭ جانە ءدىن قىزمەتىنىڭ زاڭدىلىعىن يگەرىپ، ءدىن سالاسىنداعى ءتۇرلى ماسەلەلەردى ىشكەرىلەي زەرتتەپ جانە ۇيلەسىمدى ءبىر جاقتى ەتىپ، ءدىن قىزمەتى جونىندە ءبىرسىپىرا ماڭىزدى بايىمداۋلار جاسادى.

2016 - جىلى 4 - ايدىڭ 22 - كۇنىنەن 23 - كۇنىنە دەيىن ءدىن قىزمەتى جونىندەگى مەملەكەتتىك ءماجىلىس بەيجيڭدە اشىلدى.

”ءدىن قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىز الادى، ول جۇڭگوشا سوتسياليزم ىستەرىنىڭ دامۋىنا سايادى، پارتيانىڭ حالىق بۇقاراسىمەن ەتەنە بايلانىسىنا سايادى، قوعامنىڭ جاراسىمدىلىعىنا، ۇلتتار ىنتىماعىنا سايادى، مەملەكەتتىڭ حاۋىپسىزدىگى مەن وتاننىڭ تۇتاستىعىنا سايادى“. ماجىلىستە باس شۋجي شي جينپيڭ ءدىن قىزمەتىنىڭ ماڭىزدىلىعىن تەرەڭدەي اتاپ كورسەتتى.

وسى رەتكى ماڭىزدى ماجىلىستە باس شۋجي شي جينپيڭ ءدىن قىزمەتى جونىندە ءبىر قىدىرۋ جاڭا يدەيالاردى، جاڭا كوزقاراستاردى، جاڭا تالاپتاردى العا قويدى −

”ءدىن قىزمەتىن ويداعىداي ىستەۋدە، ءسوز جوق، پارتيانىڭ ءدىن قىزمەتى نەگىزگى باعىتىنا تاباندى بولۋ كەرەكتىگىن“ العا قويدى؛

”پارتيانىڭ ءدىن قىزمەتىن ويداعىداي ىستەپ، پارتيانىڭ ءدىن قىزمەتى نەگىزگى باعىتىنا ويداعىداي تاباندى بولۋدىڭ تەتىگى ’جەتەكتەۋ‘ جاعىندا تەرەڭ ويلانىپ، انىق كوز جەتكىزىپ، ءدال يگەرىپ، ’جەتەكتەۋدىڭ‘ ۇتىمدى بولۋىن، ’جەتەكتەۋدىڭ‘ پارمەندى بولۋىن، ’جەتەكتەۋدىڭ‘ ءونىمدى بولۋىن ورىنداۋدا“ دەپ باسا دارىپتەدى.

”ءدىندى سوتسياليستىك قوعامعا ۇيلەسۋگە بەلسەنە جەتەكتەۋدىڭ ماڭىزدى ءبىر مىندەتى ەلىمىزدە ءدىندى جۇڭگوشالاندىرۋ بەتالىسىنا تاباندى بولۋدى قولداۋ“ ەكەندىگىن اتاپ كورسەتتى؛

”بەلسەندى، اقاۋسىز ءدىن قاتىناسىن ورناتۋدى“، ”ءدىن قىزمەتىن زاڭمەن جونگە سالۋ دەڭگەيىن جوعارىلاتۋدى“ تالاپ ەتتى؛

”ءار دارەجەلى پارتكومدار ءدىن ماسەلەسىن ءبىر جاقتى ەتۋ قابىلەتىن جوعارىلاتىپ، ءدىن قىزمەتىن ماڭىزدى كەڭەستىك كۇن تارتىپكە ەنگىزۋى كەرەك“ دەگەن ورنالاستىرۋ جاسادى؛

...

وسىدان سوڭ باس شۋجي شي جينپيڭ تاعى مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسى، ورتالىقتىڭ 7 - رەتكى شيزاڭ قىزمەتى جونىندەگى اڭگىمە ءماجىلىسى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى سياقتى ماڭىزدى ماجىلىستەردە جانە كوپ رەت جەرگىلىكتى ورىنداردا قىزمەت تەكسەرگەندە ءدىن قىزمەتى جونىندە ءبىر قىدىرۋ ماڭىزدى نۇسقاۋ بەردى.

باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋلارى ءدىن قىزمەتىندەگى ءبىر قىدىرۋ كەلەلى نازاريالىق جانە امالياتتىق ماسەلەنى تەرەڭ بايىمدادى، بۇل پارتيامىزدىڭ ءدىن ماسەلەسى مەن ءدىن قىزمەتى جونىندەگى تانىمىنىڭ تىڭ دەڭگەيگە كوتەرىلگەندىگىنىڭ بەلگىسى بولىپ، جاڭا داۋىردەگى ءدىن قىزمەتىن ويداعىداي ىستەۋگە ارەكەت باعدارناماسىن جانە ءتۇبىرلى بويسۇنۋ ولشەمىن ازىرلەدى.

  مىندەت اتقارىپ، جاۋاپكەرشىلىكتى ادا ەتىپ، زاڭ بويىنشا باسقاردى

2018 - جىلى 3 - ايدىڭ 21 - كۇنى «پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسىنىڭ» تولىق ءماتىنى جاريالاندى.

ەل ءىشى - سىرتىندا ”جاپپاي وزگەرىس، تەرەڭ قايتا قۇرۋ“ دەپ اتالعان وسى كەلەلى رەفورمادا مەملەكەتتىك ءدىن ىستەرى مەكەمەسى ورتالىق كوميتەتتىڭ بىرلىكساپ بولىمىنە قوسىلدى، مۇنداعى ماقسات − پارتيانىڭ ءدىن قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدە ءدىننىڭ جۇڭگوشالانۋ بەتالىسىنا تاباندى بولىپ، بىرلىكساپ جانە ءدىن سياقتى تاراۋلاردىڭ بايلىق كۇشىن ءبىر تۇتاس جوسپارلاپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ.

بۇل رەفورما پارتيانىڭ ءدىن قىزمەتىنە باسشىلىعىن كۇشەيتۋدىڭ ىقشام كورىنىسى ەدى.

پارتيا 18 - قۇرىلتايىنان بەرى ءار دارەجەلى پارتكومدار ءدىن قىزمەتىن ماڭىزدى كەڭەستىك كۇن تارتىپكە قويىپ، نازاريا ۇيرەنۋ جانە كادرلاردى باۋلۋ مازمۇنىنا ەنگىزىپ، شارلاۋ، شارلاپ تەكسەرۋ جانە پارتيا قۇرىلىسى قىزمەتىنەن ەسەپ بەرۋگە ەنگىزىپ، يدەولوگيا قىزمەتى جاۋاپكەرشىلىك تۇزىمىنە ەنگىزىپ، قىزمەت ناتيجەسىن باعالاۋعا ەنگىزىپ، پارتيا ورتالىق كوميتەتىنىڭ ءدىن قىزمەتى جونىندەگى كەلەلى شەشىمدەرىن، ورنالاستىرۋلارىن شىن مانىندە تىڭعىلىقتى تياناقتاندىردى. ءدىن قىزمەتىنىڭ ءتۇزىلىس - مەحانيزمى كۇن سايىن كەمەلدەندى، پارتكومنىڭ بىرلىكساپ قىزمەتى باسشىلىق گرۋپپاسى ءبىر تۇتاس جوسپارلاۋ، سايكەستىرۋ رولىن ساۋلەلەندىرىپ، بۇكىل پارتيا، بۇكىل قوعام ءدىن قىزمەتىن بىرگە ىستەيتىن جاعداي قالىپتاستى.

سونىمەن بىرگە ەلىمىزدىڭ نەگىزگى ساتىداعى ءدىن قىزمەتى بىرتىندەپ بەكەمدەلدى. اۋدان، اۋىل، قىستاق ءۇش دارەجەلى ءدىن قىزمەتى تورى مەن اۋىل، قىستاق ەكى دارەجەلى جاۋاپكەرشىلىك ءتۇزىمى ۇزدىكسىز اقاۋسىزداندىرىلىپ جانە كەمەلدەندىرىلىپ، نەگىزگى ساتى پارتيا ۇيىمدارىنىڭ ءدىن قىزمەتى جاعىنداعى مىندەت جاۋاپكەرشىلىگى ايقىندالىپ، نەگىزگى ساتىنىڭ ءدىن قىزمەتى كادرلار كۇشىن دايىنداۋ جانە باۋلۋ كۇشەيتىلىپ، ءدىن قىزمەتىن نەگىزگى ساتى قوعامىن كەشەندى جونگە سالۋعا ەنگىزۋ جونىندە ىزدەنىس جاسالىپ، ءدىن قىزمەتىن يگەرەتىن، باسقاراتىن ادام بولۋ ىسكە اسىرىلىپ، نەگىزگى ساتىنىڭ نەگىزدىك قىزمەتى پارمەندى كۇشەيتىلدى.

ءدىن قىزمەتىن زاڭمەن جونگە سالۋ دەڭگەيىن جوعارىلاتۋدىڭ ءدىن قىزمەتىنىڭ كەلەلى جاعدايى جونىنەن ماڭىزى زور.

سوڭعى جىلداردان بەرى ءبىر قىدىرۋ شارالار ارقىلى ءدىن سالاسىنداعى زاڭمەن جونگە سالۋ قۇرىلىسىندا تىڭ ناتيجەلەرگە قول جەتتى.

− ساياسات، زاڭ ەرەجە جۇيەسى بىرتىندەپ كەمەلدەندى. «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىنە» ”ءدىن قىزمەتى“ تاراۋى ارناۋلى قوسىلدى؛ جاسالعان نەمەسە جاڭادان وزگەرىس ەنگىزىلگەن قاتىستى زاڭداردا ءدىن ىستەرى جونىندە بەلگىلەمەلەر جاسالدى؛مەملەكەتتىك كەڭەس «ءدىن ىستەرى ەرەجەسىنە» وزگەرىس ەنگىزىپ جاريالادى، مەملەكەتتىك ءدىن ىستەرى مەكەمەسى ءبىر قىدىرۋ سايكەستى ەرەجەلەر جاسادى؛ 20 نەشە ولكە، اۆتونوميالى رايون، قالا جەرگىلىكتى ءدىن ىستەرى ەرەجەسىنە وزگەرىس ەنگىزۋ نەمەسە جاساۋ قىزمەتىن ورىندادى.

− ءدىندى جونگە سالۋ قابىلەتى ۇزدىكسىز جوعارىلادى. ءار دارەجەلى پارتيا، ۇكىمەت ورگاندارى مەن باسشى كادرلار ءدىن سالاسىنداعى قايشىلىقتار مەن ماسەلەلەردى زاڭمەن باسقارۋ وي جەلىسى جانە زاڭمەن باسقارۋ ءتاسىلى ارقىلى ءبىر جاقتى ەتۋگە باسا ءمان بەردى؛ ءدىن سالاسىنداعى كورنەكتى ماسەلەلەردى زاڭ بويىنشا رەتتەپ، جونگە سالىپ، شەكارا سىرتىنداعىلاردىڭ دىننەن پايدالانىپ جۇرگىزگەن سىنالاپ كىرۋ ارەكەتىن توستى؛ ءدىني ۇيىمداردىڭ جانە ولاردىڭ قيمىلدارىنىڭ ارناعا ءتۇسۋىن ىلگەرىلەتىپ، ءدىني ۇيىمداردىڭ فۋنكتسيالىق ورنىن ايقىندادى؛ ءدىني قيمىل ورىندارىن باسقارۋدى كۇشەيتىپ، زاڭ بويىنشا باسقارۋ، قوعام باسقارۋ، ءوزىن - ءوزى باسقارۋ ءوزارا ۇشتاسقان باسقارۋ ارناسىن قالىپتاستىردى.

− زاڭمەن جونگە سالۋ ۇگىت تاربيەسى ۇزدىكسىز ىلگەرىلەدى. ءدىن تۋرالى ساياسات، زاڭ ەرەجە ۇگىت تاربيە قيمىلدارىن ىشكەرىلەي ورىستەتىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى ءدىن تۋرالى ساياسات، زاڭ ەرەجەلەردى بەلسەندى، ىرىقتى تۇردە ۇيرەنۋگە، مەملەكەت زاڭى مەن ءدىن قاعيدالارىنىڭ قاتىناسىنا دۇرىس مامىلە جاساۋعا، مەملەكەت تانىمىن، زاڭمەن جونگە سالۋ تانىمىن جانە ازامات تانىمىن ۇزدىكسىز كۇشەيتۋگە جەتەكتەدى.

 زەيىن - زەردە، كۇش - قۋاتتى شوعىرلاندىرىپ، گۇلدەنۋگە بىرگە ۇمتىلدى

بيىل 11 - ايدىڭ 25 - كۇنى پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى جەڭىسپەن جابىلىپ كوپ وتپەي، مەملەكەتتىك ءدىني ۇيىمداردىڭ بىرلەسكەن ءماجىلىسى جالپى ءماجىلىستىڭ رۋحىن بەينە ەكران فورماسىمەن ۇيرەندى، دايەكتىلەندىردى، بىرلەسكەن ماجىلىسكە قاتىناسقان مەملەكەتتىك ءدىني ۇيىمداردىڭ جاۋاپتىلارى سوزدەرىندە وزدەرىنىڭ ۇيرەنۋ اسەرلەرىن باياندادى.

پارتيا 18 - قۇرىلتايىنان بەرى ىشكەرىلەي، ەگجەي - تەگجەيلى قىزمەت ىستەۋ ارقىلى ءدىندى سوتسياليستىك قوعامعا ۇيلەستىرۋدە تىڭ قادام تاستالدى.

− ءدىن سالاسىنا بولعان يدەيالىق - ساياسي جەتەكشىلىك ۇزدىكسىز كۇشەيدى. پارتيا مەن مەملەكەتتىڭ كەلەلى ءماجىلىس - قيمىلدارى مەن ماڭىزدى شەشىمدەرىن، ورنالاستىرۋلارىن ارقاۋ ەتىپ، ءدىن سالاسىندا ىشكەرىلەي ۇيرەنۋ، زەرتتەۋ - تالقىلاۋ ۇيىمداستىرىلدى؛ ءدىن سالاسىندا مەملەكەت تۋىن، نەگىزگى زاڭدى جانە زاڭداردى، زاڭ ەرەجەلەردى، سوتسياليستىك وزەكتى قۇن كوزقاراسىن، جۇڭحۋانىڭ تاڭداۋلى ءداستۇرلى مادەنيەتىن ءدىني قيمىل ورىندارىنا ەنگىزۋ قيمىلى، جۇڭحۋانىڭ تاڭداۋلى ءداستۇرلى مادەنيەتىن ۇيرەنۋ، ودان اسەر الۋ قيمىلى سياقتىلار كەڭ كولەمدە ورىستەتىلىپ، ءدىن سالاسىنداعى قايراتكەرلەر مەن دىنگە سەنەتىن بۇقارا ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتۋگە جەتەكتەلدى.

− ءدىننىڭ جۇڭگوشالانۋى بىرتىندەپ تەرەڭدەدى. مەملەكەتتىك ءدىني ۇيىمدار ەلىمىزدە ءدىننىڭ جۇڭگوشالانۋ بەتالىسىنا تاباندى بولۋ قىزمەت جوباسىن جاسادى؛ ءدىن سالاسى سوتسياليستىك وزەكتى قۇن كوزقاراسىن جەتەكشى ەتىپ، ءدىن جوسىندارى مەن ءدىن قاعيدالارى جونىندە زامانىمىزداعى جۇڭگونىڭ دامۋ، العا باسۋ تالابىنا ۇيلەسەتىن، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن تۇسىنىك جاسادى؛ ەلىمىزدە ءدىننىڭ جۇڭگوشالانۋ بەتالىسىنا تاباندى بولۋ تالابىن ءدىني مەكتەپتەردىڭ ءتالىم - تاربيەسىنىڭ، وقۋ - وقىتۋىنىڭ تۇتاس بارىسىنا بىرتىندەپ ءسىڭىرىپ، ەلىمىزدە ءدىننىڭ جۇڭگوشالانۋ بەتالىسىنا تاباندى بولۋ ارەكەت سانالىلىعى ۇزدىكسىز كۇشەيدى.

− ءدىن قاتىناسى كۇن سايىن اقاۋسىز، جاراسىمدى بولدى. ازاماتتاردىڭ ءدىني سەنىم ەركىندىگى ۇقىعىنا تولىق قۇرمەت ەتىلدى، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ زاڭدى ۇقىق - مۇددەسى ءونىمدى قورعالدى؛ ءدىن سالاسى سانالى تۇردە زاڭدار مەن زاڭ ەرەجەلەر كولەمىندە ءدىني قيمىلدار ورىستەتتى؛ دىندەر قوعامعا ىرىقتىلىقپەن ۇيلەسىپ، قوعامعا قىزمەت ەتىپ، قوعامدىق جاۋاپكەرشىلىگىن اتقارىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن سانالى تۇردە قورعادى؛ مەملەكەتتىك ءدىني ۇيىمدار بىرلەسكەن ءماجىلىسى ءتۇزىمى ورناتىلدى؛ ءدىن سالاسى دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، شەكارا سىرتىنداعىلاردىڭ دىننەن پايدالانىپ سىنالاپ كىرۋىن سانالى تۇردە توستى، سونىمەن بىرگە دەربەس، ءوزىن - ءوزى باسقارۋ، ءوزارا قۇرمەت ەتۋ، تەڭ تۇرعىدا دوس بولۋ نەگىزىندە سىرتپەن قارىم - قاتىناس جاسادى؛ دىنگە سەنەتىن بۇقارا مەن دىنگە سەنبەيتىن بۇقارا ءوزارا قۇرمەتتەپ، تاتۋ - ءتاتتى ءوتتى.

− ءدىني ۇيىمداردىڭ ءوز قۇرىلىسى كۇشەيتىلدى. مەملەكەتتىك ءدىني ۇيىمدار ءدىني قاعيدا - ءتۇزىم قۇرىلىسىن ونان ارى كۇشەيتىپ، ءدىني سالت، تيىمداردى قاتايتىپ، ارەكەت ولشەمىن بەلگىلەپ، ءدىني سالت دۇرىس بولماۋ سياقتى ارەكەتتەردى قاتاڭ جازالادى؛ ”ساياسيدا سەنىمدى بولۋ، ءدىني ماعلۇماتى بار بولۋ، ءمورال جاعىندا جۇرتتى يلاندىرا الۋ، شەشۋشى ساتتە رول اتقارۋ“ تالابى بويىنشا ءدىني دارىندىلاردى باۋلۋ سەرپىنىن ارتتىردى.

قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى دا قادام تاستادى، بۇل ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، بىرگە كۇرەس جۇرگىزەتىن كۇش - قۋاتتى ەڭ جوعارى شەكتە ۇيىستىرۋدى قاجەت ەتەدى.

وتانشىلدىق، سوتسياليزم تۋى استىندا، ءدىن سالاسىنداعىلارمەن بىرلىكساپ قۇرۋ − پارتيامىزدىڭ ءدىن ماسەلەسىن ءبىر جاقتى ەتۋدەگى ايقىن ەرەكشەلىگى جانە ساياسي ابزالدىلىعى. جاڭا جورىقتا ءدىن سالاسى وتاندى ءسۇيۋ، ءدىندى قادىرلەۋ، ىنتىماقتاسا العا باسۋ، قوعامعا قىزمەت ەتۋ، جاراسىمدى، باۋىرمال بولۋ سىندى تاڭداۋلى ءداستۇردى ساۋلەلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا كۇش قوسۋدا.

(شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى)