باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ساۋدا ىستەرى مينيسترلىگى امەريكا جاقتىڭ شينجياڭعا ساياتىن زاڭ جوبادان پايدالانىپ جۇڭگو كاسىپورىندارىن جازالاعاندىعى، جۇڭگو ونىمدەرىن شەكتەگەندىگى جونىندە مالىمدەمە جاريالادى
2021-12-28 10:45:49     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى. ساۋدا ىستەرى مينيسترلىگى 12 - ايدىڭ 24 - كۇنى امەريكا جاقتىڭ شينجياڭعا ساياتىن زاڭ جوبادان پايدالانىپ جۇڭگو كاسىپورىندارىن جازالاعاندىعى، جۇڭگو ونىمدەرىن شەكتەگەندىگى جونىندە مالىمدەمە جاريالادى. تولىعى تومەندەگىدەي:

امەريكا شىعىس ۋاقىتى 12 - ايدىڭ 23 - كۇنى امەريكا جاق ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» (تومەندە «زاڭ جوبا» دەلىنەدى) قول قويىپ زاڭعا اينالدىردى. «زاڭ جوبا» شينجياڭدا وندىرىلگەن بارلىق ونىمدەردى ايتىلمىس «زورلىقپەن ەڭبەككە سالۋ» ونىمدەرى دەپ بەلگىلەدى ٴارى شينجياڭعا قاتىستى ونىمدەردى يمپورت ەتۋدى شەكتەدى. امەريكا جاقتىڭ فاكتپەن ساناسپاي، «ادامدىق ۇقىق» دەگەن اتپەن سىڭار جاقتىلىق، قورعامپازدىق، زورەكەرلىك جۇرگىزگەن شىندىعى بازار پرينسيبىن اۋىر ٴبۇلدىرىپ، دۇنيە جۇزىلىك ساۋدا ۇيىمىنىڭ ەرەجەسىنە قايشىلىق جاساپ، جۇڭگو مەن امەريكا ەكى ەل كاسىپورىندارى مەن تۇتىنۋشىلارىنىڭ ٴتول مۇددەسىن اۋىر زياندادى، بۇل الەمدىك كاسىپ تىزبەگىنىڭ، قامداۋ تىزبەگىنىڭ ورنىقتىلىعىنا جانە دۇنيە ٴجۇزى ەكونوميكاسىنىڭ قايتا جاندانۋىنا ٴتيىمسىز. امەريكا جاقتىڭ مۇنداي ەكونوميكالىق زورەكەرلىك ارەكەتىنە جۇڭگو ساۋدا ىستەرى مينيسترلىگى قاتاڭ نارازىلىق بىلدىرەدى، باتىل قارسى تۇرادى.

امەريكا جاقتىڭ شينجياڭدا ايتىلمىس «زورلىقپەن ەڭبەككە سالۋ» ماسەلەسى ٴومىر ٴسۇرىپ وتىر دەپ جازعىرۋى بۇكىلدەي وتىرىكتى ويدان قۇراستىرعاندىق، ەشقانداي فاكت نەگىزى جوق. شىندىعىندا، شينجياڭ بۇقاراسى جۇڭگونىڭ باسقا وڭىرلەرىندەگى بۇقارا سياقتى قىزمەتكە ٴوز ەرىكتەرىمەن قاتىناسادى ٴارى زاڭ بويىنشا بىردەي قىزمەت مامىلەسىنەن جانە شارت - جاعدايىنان يگىلىكتەنىپ، ەكونوميكالىق دامۋ ۇقىعىنان تەڭ يگىلىكتەنەدى. 2014 - جىلدان 2020 - جىلعا دەيىن، شينجياڭداعى قالا - قالاشىق تۇرعىندارىنىڭ قولداعى تابىسى 23 مىڭ يۋاننان 35 مىڭ يۋان حالىق اقشاسىنا مولايىپ، جىلىنا ورتا ەسەپپەن %8.6 ارتتى؛ اۋىل - قىستاق تۇرعىندارىنىڭ قولداعى تابىسى 8724 يۋاننان 14 مىڭ يۋانعا مولايىپ، جىلىنا ورتا ەسەپپەن %8.3 ارتتى. شينجياڭداعى ٴار ۇلت حالقىنىڭ تۇرمىسى ۇزدىكسىز جاقساردى.

جۇڭگونىڭ قىلمىستىق ىستەر زاڭىندا زورلىقپەن ەڭبەككە سالۋعا ايقىن تيىم سالىنعان. امەريكا جاق ۇزاق ۋاقىتتان بەرى ايتىلمىس «ادامدىق ۇقىقتى» جەلەۋ ەتىپ، شىندىق نەگىزى جوق جاعدايدا، وتىرىكتەن سىلتاۋ قۇراستىرىپ، «زورلىقپەن ەڭبەككە سالدى» دەگەن سياقتى شينجياڭعا ساياتىن كەڭەستىك تاقىرىپتارىن ورشەلەنە دابىرالاپ، وسى ارقىلى جۇڭگونىڭ وبرازىنا كۇيە جاعىپ، جۇڭگونىڭ ىشكى ىسىنە كيلىگىپ، جۇڭگونىڭ دامۋىن شاۋجايلاپ، شينجياڭنىڭ گۇلدەنۋىن، ورنىقتىلىعىن ٴبۇلدىردى.

جۇڭگو جاق دۇنيە جۇزىندەگى ٴار ەلدىڭ اڭعارلى قايراتكەرلەرىنىڭ شينجياڭدى ناقتاپ ارالاپ، شىنايى دا كوركەم شينجياڭدى ٴتۇسىنۋىن قارسى الادى. جۇڭگو جاق دۇنيە جۇزىندەگى ٴار ەل حالىقتارىنىڭ، كاسىپورىندارىنىڭ فاكت جانە قاراپايىم ساۋات نەگىزىندە دەربەس تۇجىرىم جاساۋىن ٴۇمىت ەتەدى.

امەريكا جاق ساياسي سايقالدىعىن دەرەۋ دوعارۋ ٴتيىس، شينجياڭداعى ٴار ۇلت بۇقاراسىنىڭ ٴومىر ٴسۇرۋ ۇقىعىن، دامۋ ۇقىعىن زيانداۋىن دەرەۋ دوعارۋ ٴتيىس، ايتىلمىس «زورلىقپەن ەڭبەككە سالدى» دەگەن ماسەلە سىندى بۇرمالاۋ مەن شابۋىلداۋىن دەرەۋ دوعارۋ ٴتيىس، شينجياڭعا ساياتىن جازالاۋ، قىسىم كورسەتۋ شارالارىن دەرەۋ كۇشىنەن قالدىرۋ ٴتيىس. جۇڭگو جاق قاجەتتى شارالار قولدانىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعايدى، شينجياڭداعى ٴار ۇلت حالقىنىڭ زاڭدى ۇقىق - مۇددەسىن باتىل قورعايدى.