شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى. مەملەكەتتىك ساياسي كەڭەس سىرتقى ىستەر كوميتەتى 12 - ايدىڭ 24 - كۇنى امەريكانىڭ ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» قول قويىپ زاڭعا اينالدىرعاندىعى جونىندە مالىمدەمە جاريالادى. تولىعى تومەندەگىدەي:

جۋىقتا امەريكا ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» قول قويىپ زاڭعا اينالدىرىپ، جۇڭگونىڭ ىشكى ىسىنە دورەكىلىكپەن كيلىگىپ، حالىقارالىق قارىم - قاتىناستىڭ نەگىزگى ولشەمىنە اۋىر قايشىلىق جاسادى. جۇڭگو مەملەكەتتىك ساياسي كەڭەس بۇعان قاتتى كەكتەنەدى جانە وعان باتىل قارسى تۇرادى.

«جۇڭحۋا حالىق رەسپۋبليكاسىنىڭ نەگىزگى زاڭى» ازاماتتارعا ەڭبەك ىستەۋ ۇقىق - مۇددەسى مەن بورىشىن بەرگەن. جۇڭگو حالىقتى وزەك ەتكەن دامۋ يدەياسىنا تاباندى بولىپ، ازاماتتاردىڭ ەڭبەكپەن جۇمىستانۋ ۇقىق - مۇددەسىن قامتاماسىز ەتۋگە باستان - اياق ايرىقشا ٴمان بەرىپ، ٴارقانداي فورماداعى زورلىقپەن ەڭبەككە سالۋدىڭ الدىن باتىل الدى جانە ونى الاستادى. شينجياڭنىڭ ەڭبەكپەن جۇمىستاندىرۋدى قامتاماسىز ەتۋ ساياساتى مەن ونىڭ امالياتى جۇڭگونىڭ نەگىزگى زاڭىنا، زاڭدارىنا ۇيلەسەدى، حالىقارالىق ەڭبەكشى جانە ادامدىق ۇقىق ولشەمىنە ۇيلەسەدى، شينجياڭداعى ٴار ۇلت حالقىنىڭ تاماشا تۇرمىس وتكىزۋ ارمان - تىلەگىنە ساي كەلەدى. قازىر جۇڭگونىڭ شينجياڭىندا ساياسي ورنىقتى، ەكونوميكا دامىعان، حالىقتىڭ تۇرمىسى باقىتتى، بۇل حالىقارالىق قوعام جاپپاي كورىپ وتىرعان فاكت. امەريكا جاق مۇنى كورسە دە كورمەسكە سالىپ، قايتا - قايتا شينجياڭعا ساياتىن ماسەلەدەن پايدالانىپ وسەك - اياڭ تاراتىپ، ٴىس تۋدىرىپ، «ادامدىق ۇقىقتى» جەلەۋ ەتىپ ساياسي سايقالدىق جانە ەكونوميكالىق زورەكەرلىكپەن اينالىسىپ، ٴوزىنىڭ «شينجياڭ ارقىلى جۇڭگونى شاۋجايلاماق» بولعان، جۇڭگونىڭ دامۋىن شاۋجايلاماق بولعان سۇرقيا نيەتىن تولىق پاش ەتتى.

ٴبىز امەريكا جاقتى شينجياڭعا ساياتىن ايتىلمىس «زورلىقپەن ەڭبەككە سالدى» دەگەن ماسەلەدەن پايدالانىپ جۇڭگو جونىندە وسەك - اياڭ تاراتۋدى، جالا جابۋدى دوعارۋعا، وسىدان پايدالانىپ شينجياڭنىڭ كاسىپورىندارى مەن كاسىپ سالاسىنا قىسىم كورسەتۋدى دوعارۋعا، ٴوزىن دە، وزگەنى دە سورلاتاتىن قاتە ارەكەتتى دوعارۋعا قۋزايمىز. شينجياڭعا ساياتىن ماسەلەدەن پايدالانىپ قاسكۇنەمدىك ىستەۋ شينجياڭداعى ٴار ۇلت حالقىنىڭ تاماشا تۇرمىسقا تالپىنعان نىق قادامىنا بوگەت بولا المايدى، جۇڭگونىڭ ۇزدىكسىز كۇشەيگەن، كوركەيگەن تاريحي زور اۋقىمىنا بوگەت بولا المايدى.