جۇڭگو كاسىپورىندار بىرلەستىگى قاتاڭ مالىمدەمە جاريالاپ

امەريكانىڭ سىڭار جاقتىلىقپەن شينجياڭ ونىمدەرىنىڭ حالىقارالىق قامداۋ تىزبەگىنە كىرۋىن توسقان ساۋداداعى وكتەمدىك ارەكەتىنە باتىل قارسى تۇردى

شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۇڭگو كاسىپورىندار بىرلەستىگى 12 - ايدىڭ 25 - كۇنى قاتاڭ مالىمدەمە جاريالاپ، امەريكانىڭ سىڭار جاقتىلىقپەن ەل ىشىندە زاڭ شىعارۋ جانە اكىمشىلىك شارالار قولدانۋ ارقىلى شينجياڭ ونىمدەرىنىڭ حالىقارالىق قامداۋ تىزبەگىنە كىرۋىن توسقان ساۋداداعى وكتەمدىك ارەكەتىنە باتىل قارسى تۇرىپ، شينجياڭ ۇيعۇر اۆتونوميالى رايونى مەن قالىڭ كاسىپورىنداردىڭ ٴوزىنىڭ ورىندى ۇقىق - مۇددەسىن قورعاۋىنا تاباندى قولداۋ كورسەتتى.

امەريكا شىعىس ۋاقىتى 12 - ايدىڭ 23 - كۇنى امەريكا جاق ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» (تومەندە قىسقارتىلىپ «زاڭ جوبا» دەلىنەدى) قول قويىپ زاڭعا اينالدىردى. «زاڭ جوبا» شينجياڭدا وندىرىلگەن بارلىق ونىمدەردى ايتىلمىس «زورلىقپەن ەڭبەككە سالۋ» ونىمدەرى دەپ بەلگىلەدى ٴارى شينجياڭعا قاتىستى ونىمدەردى يمپورت ەتۋگە تيىم سالدى.

جۇڭگو كاسىپورىندارىنىڭ ۋاكىلدىك ۇيىمى رەتىندە، جۇڭگو كاسىپورىندار بىرلەستىگى قاتاڭ مالىمدەمە جاريالاپ مىنالاردى ٴبىلدىردى: امەريكا جاق شىندىقپەن ساناسپاي، شينجياڭعا ساياتىن زاڭ جوبا ماقۇلداپ، سىڭار جاقتىلىق، قورعامپازدىق، زورەكەرلىك جۇرگىزدى. بۇل قىلىق جۇڭگو كاسىپورىندارىنىڭ زاڭدى ۇقىق - مۇددەسىنە ورەسكەل زيان جەتكىزىپ، ۇيعۇر ۇلتى ەڭبەكشىلەرىن قامتىعان قالىڭ ەڭبەكشىلەردىڭ ۇقىق - مۇددەسىنە اۋىر زالال كەلتىردى، ول شينجياڭداعى ٴار ۇلت بۇقاراسىنىڭ ٴومىر ٴسۇرۋ ۇقىعى، دامۋ ۇقىعى سياقتى نەگىزگى ادامدىق ۇقىقتارىن ورەسكەل بۇلدىرگەندىك ٴارى الەمدىك قامداۋ تىزبەگى مەن كاسىپ سالاسى تىزبەگىنىڭ ورنىقتىلىعىنا جانە قاتىستى كاسىپورىنداردىڭ مۇددەسىنە زيان جەتكىزەدى، ىندەت جاعدايىندا الەم ەكونوميكاسىنىڭ قالپىنا كەلۋىنە ٴتيىمسىز، بۇعان كۇشتى قارسىلىق بىلدىرەمىز.

مالىمدەمەدە مىنالار اتاپ كورسەتىلدى: جۇڭگوداعى قالىڭ كاسىپورىندار ٴوندىرىس، تيجارات قيمىلى بارىسىندا باستان - اياق ەڭبەكشىلەردىڭ ٴدىني سەنىم ەركىندىگى، ۇلتتىق مادەنيەت، ٴتىل - جازۋ سياقتى ٴار جاقتاعى ۇقىق - مۇددەسىنە قۇرمەت ەتىپ جانە ونى قامتاماسىز ەتىپ، ەجەلدەن زاڭ بويىنشا جۇمىسشى ىستەتۋگە تاباندى بولىپ، ەڭبەك سالاسىنداعى زاڭدار مەن زاڭ - ەرەجەلەردى قاتاڭ اتقارىپ، ەڭبەكشىلەردىڭ ۇقىق - مۇددەسىن زاڭ بويىنشا قورعاپ كەلەدى، ەڭبەكشىلەردىڭ ەڭبەك ۇقىعى مەن جۇمىستانۋ ۇقىعى تولىق قورعالعان. قالىڭ كاسىپورىندار قوعامدىق جاۋاپكەرشىلىكتى بەلسەنە اتقارىپ، جاراسىمدى ەڭبەك قاتىناسىن ورناتىپ، ەڭبەكشىلەرمەن كاسىپورىننىڭ رەفورما، دامۋ تابىستارىنان بىرگە يگىلىكتەنىپ كەلەدى. وتە - موتە، قالىڭ كاسىپورىندار شينجياڭ ۇيعۇر اۆتونوميالى رايونىندا كاسىپ سالاسى ارقىلى سۇيەمەلدەۋ، جۇمىستانۋدى جەبەۋ، كەدەيلەردى سۇيەمەلدەۋ سياقتى قيمىلداردى بەلسەنە ورىستەتىپ، جالپاق جۇرتقا ايان ناتيجەگە قول جەتكىزىپ، شينجياڭنىڭ ەكونوميكالىق، قوعامدىق دامۋىن جەبەپ، شينجياڭداعى ٴار ۇلت حالقىنىڭ نەگىزگى ادامدىق ۇقىقتارىن قامتاماسىز ەتۋگە اناعۇرلىم بەرىك نەگىز قالادى.

مالىمدەمەدە: جۇڭگو كاسىپورىندار بىرلەستىگى مەن قالىڭ جۇڭگو كاسىپورىندارى جۇڭگو ۇكىمەتىنىڭ قاتىستى تۇرعىسى مەن قولدانعان بارلىق قاجەتتى قارسى شارالارىن بۇكىلدەي قۇپتايدى، - دەپ اتاپ كورسەتىلدى. مالىمدەمە امەريكا جاقتى جۇڭگو ۇكىمەتىنىڭ، كاسىپورىندار سالاسىنىڭ جانە تۇتىنۋشىلارىنىڭ قاتاڭ تۇرعىسىنا تۋرا قاراۋعا، ٴتۇرلى سىلتاۋلارمەن جۇڭگو كاسىپورىندارىنىڭ زاڭدى ۇقىق - مۇددەسىن زيانداۋىن دوعارۋعا، قاتە شىعارىلعان زاڭ جانە اكىمشىلىك شارالارىن تەز ارادا تۇزەتۋگە قاتاڭ ۇندەدى.

مالىمدەمەدە مىنالار اتاپ كورسەتىلدى: ادىلدىك ادامدار جۇرەگىندە، ەل ٴىشى - سىرتىنداعى ادىلەتكە تاباندى كاسىپورىنداردىڭ قولداۋىندا، شينجياڭ ۇيعۇر اۆتونوميالى رايونى كاسىپورىندارىن قامتىعان قالىڭ جۇڭگو كاسىپورىندارى ٴبىر نيەتپەن ىنتىماقتاسىپ، سەنىمدى بەكەمدەپ، ٴسوز جوق، وسىنداي كەدەرگىلەر مەن جات نيەتتى ارانداتۋلاردى جويىپ، كاسىپورىنداردىڭ باياندى، اقاۋسىز دامۋىن جۇزەگە اسىرا الادى.