جۇڭگو توقىماشىلىق ونەركاسىپ بىرلەستىگى قاتاڭ مالىمدەمە جاريالاپ

امەريكانىڭ سىڭار جاقتىلىقپەن شينجياڭ ونىمدەرىنىڭ حالىقارالىق قامداۋ تىزبەگىنە كىرۋىنە كەدەرگىلىك جاساۋ ارەكەتىنە باتىل قارسى تۇردى

شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۇڭگو توقىماشىلىق ونەركاسىپ بىرلەستىگى، سونداي - اق جۇڭگو توقىماشىلىق تۇتاس كاسىپ سالاسى تىزبەگىندەگى 12 كاسىپ قوعامى 12 - ايدىڭ 25 - كۇنى قاتاڭ مالىمدەمە جاريالاپ، امەريكانىڭ سىڭار جاقتىلىقپەن ٴوز ەلى ىشىندە زاڭ شىعارۋ جانە اكىمشىلىك شارالار ارقىلى شينجياڭ ونىمدەرىنىڭ حالىقارالىق قامداۋ تىزبەگىنە كىرۋىنە كەدەرگىلىك جاساۋ ارەكەتىنە باتىل قارسى تۇردى.

امەريكا شىعىس ۋاقىتى 12 - ايدىڭ 23 - كۇنى امەريكا جاق ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» (تومەندە قىسقاشا «زاڭ جوبا» دەلىنەدى) قول قويىپ زاڭعا اينالدىردى. «زاڭ جوبا» شينجياڭدا وندىرىلگەن بارلىق ونىمدەردى ايتىلمىس «زورلىقپەن ەڭبەككە سالۋ» ونىمدەرى دەپ بەلگىلەدى ٴارى شينجياڭعا قاتىستى ونىمدەردى يمپورت ەتۋگە تيىم سالدى.

جۇڭگو توقىماشىلىق ونەركاسىپ بىرلەستىگى جانە جۇڭگو توقىماشىلىق تۇتاس كاسىپ سالاسى تىزبەگىندەگى 12 كاسىپ قوعامى قاتاڭ مالىمدەمە جاريالاپ، بۇل ارەكەتتىڭ جۇڭگو قوعامىنىڭ، توقىماشىلىق كاسىبى سالاسىنىڭ جانە تۇتىنۋشىلاردىڭ قاتتى كەگىن قوزعاعاندىعىن ٴبىلدىردى.

مالىمدەمەدە بىلاي دەپ اتاپ كورسەتىلدى: شينجياڭ ماقتاسى الەمدىك كاسىپ سالاسىندا جاپپاي مويىندالعان جوعارى ساپالى تابيعي تالشىق شيكىزاتى، جۇڭگونىڭ، ٴتىپتى، الەمنىڭ توقىماشىلىق ونەركاسىبىنىڭ اقاۋسىز، باياندى دامۋىنداعى ماڭىزدى شيكىزات قامتاماسىزدىعى بولىپ تابىلادى. امەريكا ۇكىمەتىنىڭ شينجياڭنىڭ ماقتاسىنا، سونداي - اق ونىڭ ونىمدەرىنە قىسىم كورسەتۋ ارەكەتىنىڭ الەمدىك توقىماشىلىق كاسىپ سالاسى قامداۋ تىزبەگىنىڭ حاۋىپسىزدىگىنە اۋىر ىقپال جاسايتىندىعى داۋسىز، بۇعان قاتاڭ قارسى تۇرامىز.

مالىمدەمە امەريكا جاقتى جۇڭگو ۇكىمەتىنىڭ، كاسىپ سالاسىنىڭ جانە تۇتىنۋشىلاردىڭ قاتاڭ تۇرعىسىنا تۋرا قاراپ، قاتە شىعارىلعان زاڭ جانە اكىمشىلىك شارالارىن تەز ارادا تۇزەتۋگە ۇندەدى. بارلىق حالىقارالىق ماركالاردى شينجياڭ ۇيعۇر اۆتونوميالى رايونىنىڭ جانە جۇڭگو توقىماشىلىق كاسىپ سالاسىنىڭ ورىندى ۇقىق - مۇددەسىنە قۇرمەت ەتىپ، بۇكىل الەمدەگى تۇتىنۋشىلاردىڭ ەركىن تاڭداۋ ۇقىعىنا قۇرمەت ەتىپ، كورنەۋ سۇرقيا ماقساتتى جانە ادىلەتسىز ساۋدا زورەكەرلىگىن شەكتەپ، ساۋدا ماسەلەسىنىڭ ساياسيلانۋىنان ساقتانۋعا ۇندەدى.

مالىمدەمەدە بىلاي دەپ اتاپ كورسەتىلدى: جۇڭگودا دۇنيە ٴجۇزى بويىنشا كولەمى ەڭ ۇلكەن، كاسىپ سالاسى تىزبەگى ەڭ كەمەلدى جانە دەربەس توقىماشىلىق، كيىم - كەشەك ونەركاسىبى بار، سونىمەن بىرگە الەمدەگى كولەمى ەڭ ۇلكەن توقىماشىلىق، كيىم - كەشەك ارالىق ونىمدەر بازارى مەن بولشەك ساتۋ بازارىن قالىپتاستىردى. جۇڭگو توقىماشىلىق ونەركاسىبى زور مولشەردەگى حالىقارالىق ماركا ساۋداگەرلەرىمەن، ساتىپ الۋشى ساۋداگەرلەرمەن ٴوزارا تيىمدىلىك جەتكىزىپ، تەڭ يگىلىككە كەنەلۋ سىندى قامداۋ تىزبەگى سەلبەستىك قارىم - قاتىناسىن قالىپتاستىردى، جۇڭگو توقىماشىلىق تۇتاس كاسىپ سالاسى تىزبەگىنىڭ كاسىپ سالاسى حاۋىپسىزدىگى مەن ورىندى ۇقىق - مۇددەسىن ويداعىداي قورعاۋعا سەنىمى كامىل، قابىلەتى ٴتىپتى دە قاپتال جەتەدى.

جۇڭگو توقىماشىلىق ونەركاسىپ بىرلەستىگى امەريكاداعى كاسىپتەستەردى قامتىعان حالىقارالىق ماركالاردىڭ، قۇرىلىمداردىڭ شينجياڭنىڭ ماقتا ٴوندىرىس ٴوڭىرىن، توقىماشىلىق، كيىم - كەشەك فابريكالارىن باسى - قاسىندا ارالاپ تەكسەرۋ جۇرگىزۋىن، قاتىستى فاكتتەردى دەربەس ۇعىسىپ، تۇجىرىم جاساۋىن قارسى الادى، قاتىستى تەكسەرۋلەر مەن ساۋدا قارجى قوسۋ سەلبەستىگىنە قولايلىلىق جاساۋدى جانە سايكەسۋدى قالايدى.

جۇڭگو توقىماشىلىق، كيىم - كەشەك كاسىپ سالاسىنىڭ كوللەكتيۆ مۇددەسىنىڭ ۋاكىلى رەتىندە، جۇڭگو توقىماشىلىق ونەركاسىپ بىرلەستىگى جانە توقىماشىلىق تۇتاس كاسىپ سالاسى تىزبەگىندەگى 12 كاسىپ قوعامى بىلاي دەپ ۋادە بەرەدى: شينجياڭ ماقتاسىنىڭ ەگىمشىلىگى مەن ٴوندىرىسىن ۇزدىكسىز باتىل قولدايمىز، شينجياڭ ماقتاسىنىڭ، سونداي - اق ودان جاسالعان ونىمدەردىڭ ەل ٴىشى - سىرتىندا ساۋداعا سالىنۋىن جانە تۇتىنىلۋىن باتىل قولدايمىز، شينجياڭ توقىماشىلىق، كيىم - كەشەك كاسىپ سالاسىنىڭ گۇلدەنۋى مەن دامۋىن بار كۇشپەن قولدايمىز. جۇڭگو توقىماشىلىق كاسىپ سالاسى بۇكىل الەمدەگى سەرىكتەستەرمەن تىعىز سەلبەسىپ، كەدەرگىلەردى الاستاپ، حالىقارالىق توقىماشىلىق، كيىم - كەشەك كاسىپ سالاسى تىزبەگىنىڭ، قامداۋ تىزبەگىنىڭ قالىپتى اينالىس جاساۋىن بار كۇشپەن قامتاماسىز ەتەدى.