− ٴتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ٴسوزى تۋرالى تولعانىس ②

حالىق گازەتىنىڭ شولۋشىسى

تاريح كوشىنىڭ الماعايىپ اۋقىمىندا 100 جىلدىق كۇرەس شۇعىلالى تابىس سيلادى. 2022 - جىلعى جاڭا جىلدى قۇتتىقتاۋ سوزىندە ٴتوراعا شي جينپيڭ جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن تەرەڭ سۇيىسپەنشىلىكپەن ەسكە الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ۇلى نىسانانى كوزدەي وتىرىپ، «ٴبىز اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسقاندا عانا تاريحتىڭ ۇمىتىنەن شىعا الامىز، ٴداۋىردىڭ ۇمىتىنەن شىعا الامىز، حالىقتىڭ ۇمىتىنەن شىعا الامىز» دەپ اتاپ كورسەتىپ، «قاشان دا ۇزاق بولاشاقتى كوزدەۋىمىز، امانشىلىقتا جامانشىلىقتىڭ بولارىن ويلاۋىمىز، ستراتەگيالىق تاباندىلىق پەن سابىرلىلىقتى ساقتاۋىمىز، كەڭ اۋقىممەن ساناسىپ، ٴىستى ەگجەي - تەگجەيلى، تىڭعىلىقتى ورىنداۋىمىز كەرەك» دەپ باسا دارىپتەدى.

2021 - جىلى ٴبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادىق. 100 جىلدىڭ الدىندا جۇڭگو كوممۋنيستىك پارتياسى قۇرىلعان كەزدە نە بارى 50 نەشە پارتيا مۇشەسى عانا بار ەدى، بۇگىنگى تاڭدا 95 ميلليوننان استام پارتيا مۇشەسى بار، ٴبىر ميلليارد 400 ميلليوننان استام حالقى بار ٴىرى ەلگە باسشىلىق ەتكەن، الەمدە ماڭىزدى ىقپالعا يە دۇنيە جۇزىندەگى ٴبىرىنشى ٴىرى بيلىك باسىنداعى پارتياعا اينالدى. شىكوۋمىننان تيان - انمىنعا، شيڭيە جولىنان فۋشيڭ جولىنا دەيىن، كىشكەنتاي قىزىل قايىقتان ٴزاۋلىم الىپ كەمەگە دەيىن جۇڭگو كوممۋنيستەرى قاشان دا حالىقتى باقىتقا كەنەلتۋ، ۇلتتى گۇلدەندىرۋ سىندى اۋەلگى ماقسات پەن بورىشتان جازباي، ميلليارد حالىقتى باستاپ تالاي تاۋقىمەتتى باستان كەشىرىپ، قاجىماس قايسارلىق كورسەتىپ، قانشاما قاتەرگە جولىقسا دا مۇراتىنان جازباي، تالاي - تالاي باعىندىرۋ مۇمكىن ەمەس سياقتى كورىنگەن قيىن وتكەلدەردى باعىندىرىپ، تاريح بەتىنەن ويىپ ورىن الاتىن تالاي - تالاي ادامزات دۇنيەسى كەرەمەتتەرىن جاراتىپ، 100 جىلدىق ۇلى پارتيانىڭ ايبىندى كەلبەتىن، اسقاق بەينەسىن سومدادى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە ٴوتتى. اماليات مىنانى تولىق دالەلدەدى: جۇڭگو كوممۋنيستىك پارتياسى تاريح جانە حالىق تالعامىنىڭ ۇمىتىنەن شىقتى، ايتسا ايتقانداي ۇلى، داڭقتى، دۇرىس پارتيا بولدى؛ جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس.

اۋەلگى ماقساتتى ۇمىتپاعاندا عانا ٴىستىڭ سوڭى باياندى بولادى. پارتيا 19 - كەزەكتى ورتالىق كوميتەتىنىڭ التىنشى جالپى ٴماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاپ، پارتيانىڭ ٴۇشىنشى تاريحي قارارىن قاراپ ماقۇلدادى، بۇل جاڭا داۋىردەگى جۇڭگو كوممۋنيستىك پارتياسىنىڭ اۋەلگى ماقسات پەن بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. بۇگىنگى تاڭدا ٴبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ٴارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ٴارقانداي كەزدەگىدەن دە سەنىمىمىز كامىل جانە قابىلەتىمىز قاپتال جەتەدى، سونىمەن بىرگە، مىنانى دا سەرگەكتىكپەن تاني ٴبىلۋىمىز كەرەك: جۇڭحۋا ۇلتىنىڭ ۇلى گۇلدەنۋى، استە، جەڭىل - جەلپى، قۇر ايعاي - سۇرەنمەن جۇزەگە اسا سالاتىن ٴىس ەمەس، وعان ٴارقاشان كۇدىر - بوگەتسىز، قىسقا ۋاقىتتا قول جەتكىزە سالۋ دا، استە، مۇمكىن ەمەس. ٴبىز جۇڭگو كوممۋنيستىك پارتياسى دەگەن نە، نە ىستەۋ كەرەك دەيتىن ٴتۇبىرلى ماسەلەنى ەستە بەرىك ساقتاپ، «قايدان كەلدىك، قايدا بارامىز» دەيتىن وسى نەگىزگى تاقىرىپقا ويداعىداي جاۋاپ بەرىپ، تاريح دامۋىنىڭ زور اعىمىن يگەرىپ، مۇرات - سەنىمدى بەكەمدەپ، باستان - اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، العان بەتتەن قايتپايتىن تاباندىلىقپەن بەلگىلەنگەن نىسانانى قايراتتانا جۇزەگە اسىرىپ، 100 شاقىرىم جولدىڭ 90 شاقىرىمىن باسساڭ دا جارىم جولدا ٴجۇرمىن دەپ ٴبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋىمىز كەرەك.

تەمىر سوقساڭ قۇرىش بول. ٴتوراعا شي جينپيڭ بىلاي دەپ اتاپ كورسەتتى: «مەن كەزىندە ماۋ جۋشي مەن حۋاڭ يانپەي مىرزانىڭ <جەر تولەدەگى اڭگىمەسىن> اۋىزعا العان ەدىم، ٴبىز تەك وزىمىزگە ٴوزىمىز توڭكەرىس جاساۋعا باتىل بولعاندا عانا تاريحي ىرىقتىلىققا قول جەتكىزە الامىز». پارتيانىڭ 100 جىلدىق كۇرەس تاريحى ۇلى ماركسيزمدىك ساياسي پارتيانىڭ تۋمىسىنان وسىلاي بولا سالماعاندىعىن، قايتا ۇزاق ۋاقىتتىق قوعامدىق اماليات بارىسىندا شىڭدالىپ شىققاندىعىن، وزىنە - ٴوزى ۇزدىكسىز توڭكەرىس جاساۋ بارىسىندا شىنىعىپ شىڭدالعاندىعىن كورسەتتى. پارتيانىڭ ۇلىلىعى قاتەلىك وتكىزبەۋدە ەمەس، قايتا اۋرۋىن جاسىرماي، ۋاعىندا ەمدەلىپ، سىن جانە ٴوز - وزىنە سىن ايتۋدى بەلسەنە ورىستەتىپ، ماسەلەگە بەتپە - بەت كەلۋگە باتىل بولۋىندا، وزىنە - ٴوزى توڭكەرىس جاساۋعا باتىل بولۋىندا. پارتيا 100 جىلدىق سان وزگەرىستى باستان كەشىرسە دە باياعىداي ارىنى اسقاق بولدى، مۇنىڭ سىرى ٴوزىن - ٴوزى كىرشىكسىزدەندىرىپ، ٴوزىن - ٴوزى كەمەلدەندىرەتىن، ٴوزىن - ٴوزى جاڭارتاتىن، ٴوزىن - ٴوزى جوعارىلاتاتىن قۋاتتى قابىلەتىنىڭ بولۋىندا. جاڭا ەمتيحان تاپسىرۋ جولىندا، ٴسوز جوق، ۋايىم مەن تارشىلىق ادامدى ٴومىر سۇرۋگە جەتەلەيتىندىگىن، جان تىنىشتىعىن كۇيىتتەپ، راقاتقا بەرىلۋ زاۋالعا قاراي يتەرمەلەيتىندىگىن ەستە بەرىك ساقتاپ، قاشان دا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلاپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، قانشالىق جاپالى، قيىن بولعان سايىن سونشالىق العا ىلگەرىلەيتىن قاھارماندىق ەرىك - جىگەردى ساقتاپ، قيىندىققا مويىمايتىن، قىسىمنان جاسقانبايتىن بولىپ، پارتيامىزدىڭ قاسيەتىن ساقتاۋعا، ٴتۇسىن وزگەرتپەۋگە، سيپاتىن ساقتاۋعا شىنايى كەپىلدىك ەتۋىمىز كەرەك. ٴبىز تەك پارتيانىڭ العاباسارلىعى مەن كىرشىكسىزدىگىنە داق تۇسىرەتىن بارلىق فاكتورلاردى ۇزدىكسىز الاستاپ، پارتيانىڭ اقاۋسىز تۇلعاسىنا زالال جەتكىزەتىن ۆيرۋس اتاۋلىنى ۇزدىكسىز تازالاپ، اقيقاتقا باستان - اياق تاباندى بولىپ، قاتەلىكتى تۇزەتىپ وتىرساق بولعانى، پارتيامىز العاباسارلىعى مەن كىرشىكسىزدىگىن ماڭگى ساقتاپ، ماڭگى جەڭىلمەس تۇرعىدا تۇرىپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇدەرىسىندە قاشان دا پارمەندى باسشىلىق ۇيتقى بولۋىنا شىنايى كەپىلدىك ەتە الامىز.

ٴبىر عاسىر بوران - شاشىندا ۇدەرە العا تارتتى، 90 مىڭ شاقىرىمدىق اسپاندا سامۇرىق سامعاپ بارادى. ٴداۋىر − ەمتيحان سۇراۋىن شىعارۋشى، ٴبىز − ەمتيحان تاپسىرۋشى، حالىق − ەمتيحان جاۋابىن تەكسەرۋشى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، «ٴتورت تانىمدى» كۇشەيىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، تاريحي ىرىقتىلىق رۋحىن ۇزدىكسىز اسقاقتاتىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، قولايلى جاعدايدان ۇتىمدى پايدالانىپ، ۇزدىكسىز كۇرەس جۇرگىزسەك بولعانى، ٴبىز، ٴسوز جوق، پارتيانىڭ ۇمىتىنەن شىعاتىن، حالىقتىڭ ۇمىتىنەن شىعاتىن، ٴداۋىردىڭ ۇمىتىنەن شىعاتىن جاڭا ناتيجە جاراتىپ، جاڭا داۋىردەگى جاڭا جورىقتا جاڭا ارىن، جاڭا ىسكەرلىك كورسەتىپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا باسا الامىز!