باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ەڭ جان تەبىرەنتەتىنى سەنىم
2022-01-06 17:43:49     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

 گازەتىمىزدىڭ شولۋشىسى


جاڭا جىلدىڭ العاشقى كۇندەرى پامير ۇستىرتىندەگى بەيمالىم ءبىر مالشى نەشە ءجۇز ميلليون ينتەرنەت قولدانۋشىنىڭ ماراپاتىنا بولەنگەن تانىمال ادامعا اينالدى. ونىڭ وسىنشاما ماراپاتقا بولەنۋىنىڭ سىرى نەدە؟ ونىڭ جان سۇيىنەرلىك باۋراۋ كۇشى قايدان كەلدى؟ ول پارتيا مۇشەسى زناگىن كورسەتكەن سول ءبىر ساتتە، ەگەر ءسىز ونىڭ جانارىنان كىرشىكسىزدىك پەن پاكتىكتى اڭعارا بىلسەڭىز، ەگەر ءسىز ونىڭ جان دۇنيەسىندەگى وزىنە دەگەن سەنىم مەن ماقتانىشتى سەزىنە الساڭىز، ءسىز، ءسوز جوق، بۇل سۇراقتىڭ جاۋابىن تابا الاسىز − ءبىر قاراپايىم ادامنىڭ جارقىراپ، ماڭايىنا ساۋلە شاشۋىنا سەنىمنىڭ كۇشى سەبەپ بولعاندىعىن تۇسىنەسىز؛ سەنىمنىڭ كۇشى سان مىڭداعان قاراپايىم ادامداردى ءبىر - بىرىمەن ۇندەستىرىپ، كوڭىل كۇيلەرىن توعىستىردى.

پاراساتتى ادامدار: ”سەنىم بولماسا، ناعىز تاماشا ءمورال دا بولمايدى“، - دەگەن ەكەن. بىلتىر جازداعى سول ءبىر كورىنىستى اۋەلگى قالپىنا كەلتىرسەڭىز، ابدۇجاپپار مەڭدىنىڭ وبرازى حيكايانىڭ تۋىلىپ دامۋىنا ىلەسە ۇزدىكسىز اسقاقتاي بەردى. قاسىنداعى سەرىگى ەكەۋى باتپاققا باتقان اۆتوكولىكتى بار كۇشتەرىن سالىپ يتەرىپ شىعارعان كەزدە، ءبىز جۇڭحۋا ۇلتىنىڭ باسقالارعا كومەكتەسۋدى قۋانىش سانايتىن ءداستۇرلى تاماشا ءمورالىن كوردىك؛ قيىنشىلىعى شەشىلگەن ساياحاتشىلار اقشا بەرىپ العىس ايتپاقشى بولعاندا، ول قول يشاراسىمەن اقشا المايتىندىعىن بىلدىرگەن كەزدە، ءبىز ءمورالدى ماڭىزدى ورىنعا قويىپ، پايدامەن ساناسپايتىن، ءوزىمشىل ويدان، جەكە نيەتتەن ادا بەكزاتتىقتى كورەمىز؛ ال، ول ابدىراي شاپانىنىڭ ءوڭىرىن اشىپ، كەۋدەسىندەگى جارقىراعان پارتيا مۇشەسى زناگىن كورسەتكەندە، سان مىڭداعان ادامنىڭ جان دۇنيەسى ءدۇر سىلكىندى، ويتكەنى ءبىز ودان ءبىر كومپارتيا مۇشەسىنىڭ رۋحاني دۇنيەسىن، سەنىم نۇرلاندىرعان كوك اسپانىن كوردىك.

ەڭ نەگىزگى ساتىداعى مالشى پارتيا مۇشەسى رەتىندە، ابدۇجاپپار مەڭدى سەنىم جونىندەگى تەرەڭ كوزقاراسىن ايتىپ بەرە الماۋى، ۇلى قاعيدانى سويلەي الماۋى مۇمكىن. الايدا قولىن كوتەرىپ تۇرىپ پارتيا تۋى استىندا سەرت بەرگەن سول كۇننەن باستاپ، سەنىمنىڭ ۇرىعى ونىڭ جۇرەگىنە بىلىنبەي تامىر تارتتى. ول جونىنەن العاندا، ءبىر كوممۋنيستىك پارتيا مۇشەسىنىڭ سەنىمى − پارتيا مۇشەسى زناگىن ءار كۇنى تاستاماي تاعىپ ءجۇرۋ، شەكارا كۇزەتشىسى رەتىندە، بوران - شاشىنعا قاراماي شەكارا لەنياسىندا ءجۇرۋ، جولدان اداسقان ساياحاتشىلارعا ىقىلاسپەن كومەكتەسۋ، جارالانعان حايۋاناتتاردى قۇتقارۋ، ”مەيلى ۇلكەن - كىشى ءىس بولسىن، ءار كۇنى ءبىر جاقسى ءىس ىستەۋ“... ءدال وسىنداي تالىقپاس تاباندىلىق، قاراپايىم نانىم سەنىمنىڭ بايتەرەگىن جاپىراق جايا قاۋلاتىپ، جان دۇنيەسىن تۋسىتتى. ونىڭ پارتيا مۇشەسى زناگىن كورسەتۋى قاراعاندا جاي عانا ىستەگەن ارەكەتتەي كورىنگەنىمەن، ىشكى جان دۇنيەسىندەگى شىنايى سۇيىسپەنشىلىكتىڭ تابيعي كورىنىسى ەدى. ول حالىقتىڭ مۇددەسىن كوزدەيتىن جۇڭگو كوممۋنيستىك پارتياسىن شىن نيەتىمەن قىزۋ سۇيگەندىك، كوممۋنيستىك پارتيا مۇشەسى سىندى وسى ءبىر داڭقتى اتتى شەكسىز قاستەرلەگەندىك، ءارقانداي ءبىر جاعداي استىندا، ءوزىنىڭ پارتيانىڭ ادامى ەكەندىگىن ەسىندە بەرىك ساقتاپ، ءسوز - ارەكەتىمەن، ءىس - قيمىلىمەن پارتيانىڭ وبرازىن قورعاعان، پارتيا مۇشەسىنىڭ ابىرويىن قورعاعان بۇكپەسىزدىك جانە ادالدىق. سول ءبىر ساتتە، ءبىز سەنىمنىڭ اسقاقتىعىن كورگەندەي بولدىق. ونىڭ بيىكتىگى ادامدى ىنتىقتىرادى؛ ونىڭ قۇندىلىعى جۇرەك تەبىرەنتتى.

جان دۇنيەسىندەگى سەنىمىن بەرىك ساقتاي العان ادام، سونشاما قاراپايىم ءارى سونشاما قاستەرلى بولادى، قاراپايىمدىلىق قۇرمەت سەزىمىن تۋدىرادى. ءبىر اۋىز ادەمى ءسوز ايتپاعانىمەن، الايدا ابدۇجاپپار مەڭدى پارتيا مۇشەسى زناگىن كورسەتكەن سول ءبىر ساتتە، بارلىق كوممۋنيستىك پارتيا مۇشەلەرى جونىنەن ايتقاندا، ءبىر رەتكى اسەرلى پارتيالىلىق تاربيە، جان دۇنيەنى ءۇنسىز شىڭداۋ بولىپ، ءبىزدىڭ ومىرلىك نىسانامىزدى جانە ارەكەت بەتالىسىمىزدى ءتىپتى دە بەكەمدەي ءتۇستى.

جاڭا عانا ءوتىپ كەتكەن 2021 - جىلدا، بۇكىل پارتيادا تەرەڭ پارتيا تاريحىن ۇيرەنۋ تاربيەسى ورىستەتىلدى. پارتيامىزدىڭ تالاي تاۋقىمەتتى باستان كەشىرىپ، قاجىماس قايسارلىق كورسەتىپ، قانشاما قاتەرگە جولىقسا دا مۇراتىنان جازباي، جۇڭحۋانىڭ بايتاق دالاسىندا شۇعىلالى ناتيجەلەردى جاراتۋى جانە وشپەس ەڭبەك ءسىڭىرۋى، ءتۇبىن قۋعاندا، بىزدە پارتيانىڭ تۋىن تۋ ەتىپ، پارتيانىڭ بورىشىن بورىشىم دەپ بىلگەن سان مىڭداعان تاڭداۋلى كوممۋنيستىك پارتيا مۇشەسىنىڭ بولعاندىعىندا. بۇل اسقاق سەنىم ارقىلى ۇيىسقان داڭقتى قوسىن. قان سەلدەي اققان داۋىردە، جۇرەكتە سەنىم بولعاندىقتان، الدىڭعىلارى قۇربان بولسا، ارتتاعىلارى اتويلاي ۇمتىلىپ، ولىمنەن تايسالماي ۇلتتى جويىلۋ حاۋپىنەن قۇتقارۋشىلار بار بولدى؛ بەيبىتشىلىك جىلدارىندا، جۇرەكتە سەنىم بولعاندىقتان، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا، ەكپىندەي العا ىلگەرىلەۋشىلەر، شىن ىقىلاسىمەن ءوزىن ارناۋشىلار بولدى. ءدال وسى سەنىمنىڭ كۇشى بولعاندىقتان، جۇڭگو كوممۋنيستىك پارتياسى باستان - اياق ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتىپ ءارى ەڭ كەڭ حالىقتىڭ باتىل قولداپ - قۋاتتاۋىنا يە بولىپ، جەڭىستەن - جەڭىسكە جەتتى.

ەڭ جان تەبىرەنتەتىنى سەنىم. سەنىمنىڭ كۇشىن ۇرپاقتان - ۇرپاققا جالعاستىرۋعا، ءوزارا جەتكىزۋگە، ۇزدىكسىز تولىستىرۋعا بولادى. جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ەكپىندەي ىلگەرىلەگەن جورىعىندا، سەنىمنىڭ كۇشى ءار ۇلت كادر - بۇقاراسىن بوران - شاشىنعا بوگەلمەي العا باسۋعا ىنتىماقتاستىرا ۇيىستىراتىن تەلەگەي ۇلى كۇش. ءبىز بەينە ابدۇجاپپار مەڭدى سياقتى ءوزىمىزدىڭ ءبىرىنشى سالاۋاتىمىز كوممۋنيستىك پارتيا مۇشەسى ەكەندىگىن، ءبىرىنشى قىزمەت جاۋاپكەرشىلىگىمىز پارتيا ءۇشىن قىزمەت ىستەۋ ەكەندىگىن ەستە بەرىك ساقتاپ، باس ماقسات تانىمىن، اۆانگارد تانىمىن ۇزدىكسىز نىعايتىپ، باس شۋجي شي جينپيڭنىڭ تالاپ ەتكەنىندەي ”جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە اتويلاپ العا شىعىپ“، اسقاق جىگەرمەن قايراتتانا ۇمتىلىپ، شىنايى ىستەپ، كەرەناۋلىققا سالىنبايتىن اسقاق بەينەمەن، تاريحتىڭ ۇمىتىنەن شىعا الاتىن، ءداۋىردىڭ ۇمىتىنەن شىعا الاتىن، حالىقتىڭ ۇمىتىنەن شىعا الاتىن شىت جاڭا تاراۋ جازۋىمىز كەرەك.