شينحۋا اگەنتتىگىنىڭ 1 - ايدىڭ 12 - كۇنى بەيجيڭنەن بەرگەن حابارى. مەملەكەتتىك كەڭەس جۋىقتا «<14 - بەسجىلدىق> سيفرلى ەكونوميكانى دامىتۋ جوباسىن» (تومەندە قىسقاشا «جوبا» دەلىنەدى) باسىپ تاراتىپ، «14 - بەسجىلدىق» مەزگىلىندە سيفرلى ەكونوميكانىڭ اقاۋسىز دامۋىن ىلگەرىلەتۋدىڭ جەتەكشى يدەياسىن، نەگىزگى پرينسيبىن، دامۋ نىساناسىن، ٴتۇيىندى مىندەتتەرىن جانە قامتاماسىز ەتۋ شارالارىن ايقىندادى. 

«جوبا» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ٴار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ٴدال، جالپى بەتتىك دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، دامۋ مەن حاۋىپسىزدىكتى ٴبىر تۇتاس جوسپارلاپ، ەل ٴىشى مەن حالىقارانى ٴبىر تۇتاس جوسپارلاپ، ساندى مالىمەتتى شەشۋشى فاكتور ەتىپ، سيفرلى تەحنيكانى تۇلعالىق ەكونوميكامەن تەرەڭ توعىستىرۋدى نەگىزگى جەلى ەتىپ، سيفرلى نەگىزدىك قۇرىلعىلار قۇرىلىسىن كۇشەيتىپ، سيفرلاندىرۋدى ەكونوميكا باسقارۋ جۇيەسىن كەمەلدەندىرىپ، سيفرلاندىرۋدى كاسىپ سالالاندىرۋ مەن كاسىپ سالاسىن سيفرلاندىرۋدى سايكەستى ىلگەرىلەتىپ، ٴداستۇرلى كاسىپ سالالارىنىڭ تيپىن وزگەرتىپ، دارەجەسىن جوعارىلاتۋعا قۋات ۇستەپ، جاڭا كاسىپ سالالارىن، جاڭا كاسىپ كۇيلەرىن، جاڭا ۇلگىلەردى جەتىلدىرىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتىپ، ساپالىلاندىرىپ، زورايتىپ، سيفرلى جۇڭگو قۇرۋعا پارمەندى تىرەك ازىرلەدى. 

«جوبادا» «جاڭالىق اشۋ ارقىلى جەتەكشىلىك ەتۋ، توعىسپالى دامۋ، قولدانۋ ارقىلى جەتەكتەۋ، ساندى مالىمەت ارقىلى قۋات ۇستەۋ، ٴادىل باسەكە، حاۋىپسىز دە ٴتارتىپتى بولۋ، جۇيەلى ىلگەرىلەتۋ، سايكەستى، جوعارى ٴونىمدى بولۋ» پرينسيبىنە تاباندى بولۋ ايقىندالدى. 2025 - جىلعا بارعاندا سيفرلى ەكونوميكانىڭ وزەكتى كاسىپ سالاسى ارتقان قۇنىنىڭ ىشكى ٴوندىرىس جالپى ٴونىم قۇنىنداعى ۇستاعان سالىستىرماسى %10 كە جەتىپ، ساندى مالىمەت فاكتورى بازار جۇيەسى العاشقى ادىمدا ورناتىلىپ، كاسىپ سالاسىنىڭ سيفرلانىپ تيپىن وزگەرتۋى تىڭ ساتىعا كوتەرىلىپ، سيفرلى كاسىپ سالالانۋ دەڭگەيى كورنەكتى جوعارىلاپ، سيفرلانعان الەۋمەتتىك قىزمەت وتەۋ اناعۇرلىم جالپىعا ٴتيىمدى، بىركەلكى بولىپ، سيفرلى ەكونوميكا باسقارۋ جۇيەسى اناعۇرلىم كەمەلدەنەدى. 2035 - جىلعا كوز جىبەرسەك، ٴبىر تۇتاس، ٴادىل، باسەكەلى، ٴتارتىپتى، تولىسقان، كەمەلدى سيفرلى ەكونوميكا وسى زامانعى بازار جۇيەسىن قالىپتاستىرۋعا كۇش سالىنىپ، سيفرلى ەكونوميكانىڭ دامۋ دەڭگەيى دۇنيە ٴجۇزىنىڭ الدىڭعى لەگىنە وتەدى.

«جوبادا» 8 جاقتاعى ٴتۇيىندى مىندەت ورنالاستىرىلدى. ٴبىرىنشى، سيفرلى نەگىزدىك قۇرىلعىلاردى ساپالىلاندىرىپ، دارەجەسىن جوعارىلاتۋ. ينفورماتسيا تورى نەگىزدىك قۇرىلعىلارىن جەدەل قۇرىپ، بۇلت پەن توردىڭ سايكەسۋىن جانە ەسەپتەۋ مەن توردىڭ توعىسا دامۋىن ىلگەرىلەتىپ، نەگىزدىك قۇرىلعىلاردىڭ زەردەلىلىك دەڭگەيىنىڭ ٴوسۋىن تارتىپپەن ىلگەرىلەتۋ. ەكىنشى، ساندى مالىمەت فاكتورلارىنىڭ رولىن تولىق ساۋلەلەندىرۋ. جوعارى ساپالى ساندى مالىمەت فاكتورلارىمەن قامداۋدى كۇشەيتىپ، ساندى مالىمەت فاكتورلارىنىڭ بازارلانعان اينالىمىن جەدەلدەتىپ، ساندى مالىمەت فاكتورلارىن اشۋ، پايدالانۋ مەحانيزمىندە جاڭالىق اشۋ. ٴۇشىنشى، كاسىپ سالاسىنىڭ سيفرلانىپ تيپىن وزگەرتۋىن كۇش سالا ىلگەرىلەتۋ. كاسىپورىنداردىڭ سيفرلانا تيپىن وزگەرتىپ، دارەجەسىن جوعارىلاتۋىن جەدەلدەتىپ، ٴتۇيىندى كاسىپ سالالارىنىڭ، كاسىپ سالاسى باقشا رايوندارىنىڭ جانە شوعىر - توپتاردىڭ سيفرلانىپ تيپىن وزگەرتۋىن جالپى بەتتىك تەرەڭدەتىپ، تيپىن وزگەرتۋگە تىرەك بولۋ، قىزمەت وتەۋ ەكولوگياسىن جەتىلدىرۋ. ٴتورتىنشى، سيفرلى كاسىپ سالالاندىرۋدى جەدەل ىلگەرىلەتۋ. شەشۋشى تەحنيكادا جاڭالىق اشۋ قابىلەتىن كۇشەيتىپ، جاڭا كاسىپ كۇيلەرىن، جاڭا ۇلگىلەردى جەدەل جەتىلدىرىپ، گۇلدەنگەن، ٴتارتىپتى جاڭالىق اشۋ ەكولوگياسىن قالىپتاستىرۋ. بەسىنشى، الەۋمەتتىك قىزمەت وتەۋدىڭ سيفرلانۋ دەڭگەيىن ۇزدىكسىز جوعارىلاتۋ. «ينتەرنەت + اكىمشىلىك ىستەر قىزمەت وتەۋدىڭ» ونىمدىلىگىن جوعارىلاتىپ، قوعامدىق قىزمەت وتەۋدىڭ سيفرلانۋىنىڭ جالپىعا ٴتيىمدى بولۋ دەڭگەيىن جوعارىلاتىپ، قالا مەن اۋىلدىڭ سيفرلى توعىسا دامۋىن ىلگەرىلەتۋ. التىنشى، سيفرلى ەكونوميكانى باسقارۋ جۇيەسىن اقاۋسىزداندىرۋ جانە كەمەلدەندىرۋ. سايكەستى باسقارۋ مەن باقىلاۋ - باسقارۋ مەحانيزمىن كۇشەيتىپ، ۇكىمەتتىڭ سيفرلى باسقارۋ قابىلەتىن كۇشەيتىپ، كوپ نەگىزدى بىرگە باسقارۋدىڭ جاڭا ارناسىن كەمەلدەندىرۋ. جەتىنشى، سيفرلى ەكونوميكا حاۋىپسىزدىك جۇيەسىن كۇش سالا نىعايتۋ. ينتەرنەت حاۋىپسىزدىگى ساقتانۋ - قورعانۋ قابىلەتىن كۇشەيتىپ، ساندى مالىمەت حاۋىپسىزدىگىن قامتاماسىز ەتۋ دەڭگەيىن جوعارىلاتىپ، ٴتۇرلى حاۋىپ - قاتەردەن ٴونىمدى ساقتانۋ. سەگىزىنشى، سيفرلى ەكونوميكا حالىقارالىق سەلبەستىگىن ٴونىمدى كەڭەيتۋ. ساۋدانىڭ سيفرلى دامۋىن جەدەلدەتىپ، «سيفرلى جىبەك جولىنىڭ» ىشكەرىلەي دامۋىن ىلگەرىلەتىپ، تاماشا حالىقارالىق سەلبەستىك ورتاسىن قالىپتاستىرۋ. سەگىز ٴىرى مىندەتتى ارقاۋ ەتىپ، «جوبادا» ينفورماتسيا تورى نەگىزدىك قۇرىلعىلارىن ساپالىلاندىرۋ، دارەجەسىن جوعارىلاتۋ سياقتى 11 ارناۋلى ينجەنەريا ايقىندالدى.

«جوبا» ٴبىر تۇتاس جوسپارلاپ سايكەستىرۋدى جانە ۇيىمداستىرىپ اتقارۋدى كۇشەيتۋ، قارجىلاي قولداۋ تەبىنىن ارتتىرۋ، جالپى حالىقتىڭ سيفرلىق ساپاسى مەن شەبەرلىگىن جوعارىلاتۋ، تۇيىندە سىناق ەتۋدەن ۇلگى كورسەتۋ، باقىلاۋ -  تەكسەرۋدى، باعالاۋدى كۇشەيتۋ سياقتى جاقتاردان اتقارۋدى قامتاماسىز ەتىپ، نىسانا - مىندەتتەردىڭ ناقتى تياناقتانۋىنا شىنايى كەپىلدىك ەتتى.