باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتەيىك
2022-01-14 17:05:15     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى


100 جىلدىق تابىستار ءبىزدى جىگەرلەندىرىپ، 100 جىلدىق تاجىريبەلەر وي سالدى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاپ، پارتيانىڭ ءۇشىنشى تاريحي قارارى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى. بۇل − شۇعىلالى ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى.

ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا، باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، قوعامدىق باستى قايشىلىق پەن وزەكتى مىندەتتى دۇرىس يگەرۋ، ستراتەگيالىق تاكتيكا ماسەلەسىنە ءمان بەرۋ، پارتيانىڭ ماركسيزمدىك ساياسي پارتيانىڭ قاسيەتىن ماڭگى ساقتاۋ، پارتيا تاريحىن ۇيرەنۋ تاربيەسىن ۇدايىلاندىرۋ، ۇزاق ونىمدىلىككە يە ەتۋ سياقتى بەس ماسەلەنى ىشكەرىلەي بايىمداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىن ىشكەرىلەي زەرتتەپ وقىپ جانە ءتۇسىنىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرىپ جانە قولدانىپ، پارتيا قۇرۋ ۇلى رۋحىن اسقاقتاتىپ، پارتيانىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا قاجىماي - تالماي قۇلشىنۋ كەرەكتىگىن باسا دارىپتەدى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، مازمۇنى باي، يدەياسى تەرەڭ، وتە كۇشتى ساياسي سيپاتقا، نازاريالىق سيپاتقا، جەتەكشىلىك سيپاتقا يە، بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي تانۋ، ونان ارى ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ، پارتيا تاريحىن قورىتىندىلاۋدى، ۇيرەنۋدى، پارتيا تاريحى جونىندەگى تاربيەنى، ۇگىتتى ۇزدىكسىز تەرەڭدەتۋ، تاريحقا سەنىمدى ارتتىرۋ، ىنتىماقتى، بىرلىكتى نىعايتۋ، كۇرەسكەرلىك رۋحتى كۇشەيتۋ، بۇكىل پارتيانى، بۇكىل ەلدەگى ءار ۇلت حالقىن سەنىمدى بەكەمدەپ، قايسارلىقپەن العا ىلگەرىلەۋگە جۇمىلدىرۋ، جاڭا داۋىردە، جاڭا جورىقتا اناعۇرلىم ۇلى جەڭىسكە جانە داڭققا قول جەتكىزۋ جونىنەن ايرىقشا ماڭىزدى مانگە يە.

ءبىر ۇلت ءداۋىردىڭ الدىڭعى لەگىندە ءجۇرۋ ءۇشىن، نازاريالىق ويلاۋدان ءبىر ءسات تە قول ۇزسە بولمايدى، دۇرىس يدەيالىق جەتەكشىلىكتەن ءبىر ءسات تە قول ۇزسە بولمايدى. باس شۋجي شي جينپيڭ بىلاي دەپ باسا دارىپتەدى: ”جۇڭگو كوممۋنيستىك پارتياسى نە ءۇشىن ىسكەر، جۇڭگوشا سوتسياليزم نە ءۇشىن جاقسى، بۇل تۇپتەپ كەلگەندە، ماركسيزمنىڭ جارامدى بولعاندىعىنان. ماركسيزمنىڭ جارامدى بولاتىندىعى پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەندىگىندە ءارى ونى قولدانىپ امالياتقا جەتەكشىلىك ەتكەندىگىندە“. وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەندىگىنە جالپى بەتتىك قورىتىندى جاساپ، ”نازاريادا جاڭالىق اشۋعا تاباندى بولۋدى“ پارتيانىڭ 100 جىلدىق كۇرەسىندەگى 10 ءتۇرلى تاريحي تاجىريبەنىڭ ءبىرى ەتىپ جيناقتادى. پارتيانىڭ 100 جىلدىق كۇرەس بارىسىندا ماركسيزمدى جۇڭگوشالاندىرۋىنا، زامانالاندىرۋىنا تالداۋ جاساۋعا، ونى زەرتتەۋگە جانە قورىتىندىلاۋعا ءمان بەرۋ جالپى ءماجىلىستىڭ قارارىمەن ساباقتاسقان ءبىر ماڭىزدى مازمۇن. پارتيانىڭ 100 جىلدىق كۇرەس بارىسىنا قايىرىلا قاراساق، جاڭا دەموكراتيالىق توڭكەرىس كەزەڭىندە، پارتيامىز ماۋ زىدۇڭ يدەياسىن ورناتتى، بۇل ماركسيزمنىڭ جۇڭگوشالانۋىنداعى 1 - رەتكى تاريحي سەكىرۋ؛ رەفورما جاساۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىندە پارتيامىز دىڭ شياۋپيڭ نازارياسىن ورناتتى، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىردى، جۇڭگوشا سوتسياليزم نازاريا جۇيەسىن قالىپتاستىرىپ، ماركسيزمنىڭ جۇڭگوشالانۋىنداعى تىڭ سەكىرۋدى جۇزەگە اسىردى؛ جۇڭگوشا سوتسياليزم جاڭا داۋىرىندە، پارتيامىز شي جينپيڭ جاڭا ءداۋىر جۇڭگوشا سوتسياليزم يدەياسىن ورناتىپ، ماركسيزمنىڭ جۇڭگوشالانۋىنداعى تىڭ سەكىرۋدى جۇزەگە اسىردى. پارتيامىزدىڭ تاريحى ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى، نازاريالىق جاسامپازدىق جاساۋدى ۇزدىكسىز ىلگەرىلەتۋ تاريحى. اماليات ماركسيزمنىڭ جۇڭگونى تەرەڭ وزگەرتكەنىن، جۇڭگونىڭ دا ماركسيزمدى وراسان زور بايىتقانىن تولىق دالەلدەدى.

پارتيا 18 - قۇرىلتايىنان بەرگى وسى جىلدار پارتيا مەن مەملەكەت ىستەرىنىڭ دامۋ ۇردىسىندە اسا ايرىقشا، توتەنشە ەرەكشە جىلدار بولدى. پارتيا ءدوپ كەلگەن جاعدايدىڭ، ورتانىڭ كۇردەلىلىگى مەن قاتاڭدىعى، ارقالاعان مىندەتتىڭ اۋىرلىعى مەن جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى. باس شۋجي شي جينپيڭ ماركسيزمدىك ساياساتكەرگە، ستراتيككە ءتان باتىلدىقپەن ەل ءىشى - سىرتى كەلەلى جاعدايىن جوسپارلاپ، رەفورمانى، دامۋدى، ورنىقتىلىقتى، ىشكى ءىستى، ديپلوماتيانى، مەملەكەت قورعانىسىن، پارتيانى باسقارۋ، مەملەكەتتى باسقارۋ، ارميانى باسقارۋ قىزمەتتەرىن ىلگەرىلەتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ورايدى يگەرىپ، قامال الىپ، قيىنشىلىقتى جەڭۋىنە باسشىلىق ەتىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن ءبىرسىپىرا قيىن ماسەلەنى شەشىپ، كەزىندە ىستەۋدى ويلاساق تا ىستەي الماي كەلگەن ءبىرسىپىرا ءىرى ىستەردى ىستەدى. باس شۋجي شي جينپيڭ جاڭا داۋىردەگى پارتيا مەن مەملەكەت ىستەرىنىڭ دامۋىنا قاتىستى ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭ وي جۇگىرتىپ جانە عىلمي تۇجىرىم جاساپ، جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ، قانداي سوتسياليستىك وسىزاماندانعان قۇدىرەتتى مەملەكەت قۇرۋ، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سياقتى كەلەلى داۋىرلىك تاقىرىپتار جونىندە اۋەلگى جاسامپازدىق سيپاتقا يە ءبىر قىدىرۋ ەل باسقارۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويدى، ول شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى ورناتۋشىسى. وسى رەتكى جالپى ءماجىلىستىڭ قارارى پارتيا 19 - قۇرىلتايىنىڭ بايانداماسىنداعى ”سەگىزدى ايقىنداۋ“ نەگىزىندە، ”وندى ايقىنداۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنىن ىشكەرىلەي قورىتىندىلادى. پارتيا مەن مەملەكەت ىستەرىندە تاريحي تابىستارعا قول جەتكىزۋدىڭ، تاريحي وزگەرىستەر تۋىلۋىنىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ، جول باستاعاندىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىك ەتكەندىگىندە. اماليات مىنانى تولىق دالەلدەدى: شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى. پارتيا شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىردى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىردى، بۇل جاڭا داۋىردەگى پارتيا مەن مەملەكەت ىستەرىن دامىتۋ، جۇڭحۋا ۇلتىنىڭ ۇلى گۇلدەنۋى تاريحي ءۇردىسىن ىلگەرىلەتۋ جونىنەن شەشۋشى مانگە يە.

ماركسيزم ادامزات قوعامىنىڭ دامۋىنا، العا باسۋىنا ايقىن بەتالىس كورسەتتى، ول ءبىزدىڭ دۇنيەنى تانۋداعى، زاڭدىلىقتى يگەرۋدەگى، اقيقاتقا تالپىنۋداعى، دۇنيەنى وزگەرتۋدەگى قۇدىرەتتى يدەيالىق قارۋىمىز. سونىمەن بىرگە، ماركسيزم نازارياسى دوگما ەمەس، قايتا ارەكەت باعدارناماسى، ءسوز جوق، امالياتتىڭ وزگەرۋىنە ىلەسە داميدى. ءسوز جوق مىنانى تەرەڭ تانىپ جەتۋىمىز كەرەك: ماركسيزمنىڭ اماليات بارىسىندا رول اتقارا الۋ - الماۋىنداعى تەتىك ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىگىمەن جانە ءداۋىردىڭ ەرەكشەلىگىمەن ۇشتاستىرا الۋ - الماۋدا. زامانىمىزداعى جۇڭگو ادامزات تاريحىنداعى ەڭ ايبىندى دا وزگەشە امالياتتىق جاسامپازدىقتى باستان كەشىرۋدە، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، ەل باسقارۋ سىناعىنىڭ كۇشتىلىگى بۇرىن بولىپ كورمەگەن دارەجەدە، دۇنيە جۇزىندە 100 جىلدا بولماعان زور وزگەرىستىڭ تەرەڭدىگى، وزگەرۋى بۇرىن بولىپ كورمەگەن دارەجەدە بولىپ وتىر، ول جاۋاپ بەرۋگە ءتيىستى قىرۋار نازاريالىق جانە امالياتتىق تاقىرىپتاردى ورتاعا قويدى. ءبىز ءداۋىردىڭ زور اۋقىمىن ءداپ باسىپ يگەرىپ، ادامزات دامۋىنىڭ الدىڭعى لەگىندە باتىلدىقپەن ءجۇرىپ، حالىقتىڭ جۇرەك ۇنىنە زەر سالا قۇلاق ءتۇرىپ، رەال قاجەتكە جاۋاپ قاتىپ، يدەيانى ازات ەتۋگە، شىندىقتى ءىس جۇزىنەن ىزدەۋگە، تۋراشىلدىقتان اينىماي، جاڭالىق اشۋعا تاباندى بولىپ، ماركسيزمگە تاباندى بولۋ مەن ماركسيزمدى دامىتۋدى اناعۇرلىم جاقسى بىرلىككە كەلتىرىپ، ماركسيزم ”جەبەسى“ ارقىلى جاڭا داۋىردەگى جۇڭگو سىندى ”نىسانانى“ كوزدەپ، ماركسيزمنىڭ نەگىزگى قاعيدالارىنىڭ جۇڭگونىڭ ناقتى امالياتىمەن ۇشتاسۋىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاسۋىن ۇزدىكسىز ىلگەرىلەتىپ، ماركسيزمدى جۇڭگوشالاندىرۋدىڭ، زامانالاندىرۋدىڭ جاڭا تاراۋلارىن جالعاستى جازۋىمىز كەرەك.

باسىپ وتكەن كۇرەس جولىنا قايىرىلا قاراساق، پارتيانىڭ حالىققا باسشىلىق ەتىپ قايتا - قايتا ىزدەنۋ، قايتا - قايتا ساتسىزدىككە ۇشىراۋ، قايتا - قايتا ءورىس اشۋ بارىسىندا جۇڭگونىڭ باسقا ءار ءتۇرلى ساياسي كۇشتەرىنىڭ ورىنداۋى مۇمكىن ەمەس جاپالى مىندەتتى ورىنداي الۋى، تۇبىرىنەن العاندا، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ ناقتى ىستەر ىستەۋگە تاباندى بولىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، امالياتتىڭ اقيقاتتى سىناۋدىڭ بىردەن - ءبىر ولشەمى ەكەندىگىنە تاباندى بولىپ، بارىندە ءىس جۇزىندىكتى نەگىزگە الۋعا تاباندى بولىپ، ءداۋىردىڭ سۇراۋىنا، حالىقتىڭ سۇراۋىنا دەر كەزىندە جاۋاپ قايتارىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، ماركسيزمنىڭ جۇڭگوشالانعان عىلمي نازارياسى ارقىلى ۇلى امالياتقا جەتەكشىلىك ەتكەندىگىنەن بولىپ تابىلادى. جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسۋ ءۇشىن، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك تۇرعى، كوزقاراس، ءادىس ارقىلى ءداۋىردى بارلاپ، ءداۋىردى يگەرىپ، داۋىرگە جەتەكشىلىك ەتىپ، زامانىمىزداعى جۇڭگو ماركسيزمىن، 21 - عاسىر ماركسيزمىن ۇزدىكسىز دامىتىپ، ماركسيزمنىڭ جۇڭگونىڭ بايتاق دالاسىندا اناعۇرلىم قۋاتتى، اناعۇرلىم يلاندىرىمدى اقيقات كۇشىن كورسەتۋىنە مۇمكىندىك جاساپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قۇلشىنا قول جەتكىزۋىمىز كەرەك!

(شينحۋا اگەنتتىگىنىڭ 1 - ايدىڭ 12 - كۇنى بەيجيڭنەن بەرگەن حابارى)