شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 5 - ٴماجىلىسىنىڭ ٴتوراعالار القاسى 3 - ايدىڭ 10 - كۇنى تۇستەن بۇرىن بەيجيڭدەگى حالىق سارايىندا 3 - رەتكى جيىنىن وتكىزدى.
ٴتوراعالار القاسىنىڭ تۇراقتى ٴتوراعاسى لي جانشۋ جيىندى باسقاردى.
جيىنعا قاتىناسۋعا ٴتيىستى 175 ادام، قاتىناسقانى 169 ادام، قاتىناسا الماعانى 6 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
3 - ايدىڭ 9 - كۇنى تۇستەن بۇرىن ۋاكىلدەر ۇيىرمەلەرى جەرگىلىكتى ٴار دارەجەلى حالىق قۇرىلتايلارى مەن جەرگىلىكتى ٴار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلى جوباسىنىڭ، 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلى جوباسىنىڭ وزگەرىس ەنگىزىلگەن نۇسقاسىن، شياڭگاڭ ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ٴادىسى جوباسىنىڭ وزگەرىس ەنگىزىلگەن نۇسقاسىن، اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ٴادىسى جوباسىنىڭ وزگەرىس ەنگىزىلگەن نۇسقاسىن مۇقيات قارادى. مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى ۋاكىلدەر ۇيىرمەلەرىنىڭ قاراۋ پىكىرىنە نەگىزدەلىپ، قاۋلى جوباسىن، قاۋلى جوباسىنىڭ وزگەرىس ەنگىزىلگەن نۇسقاسىن جانە ٴادىس جوباسىنىڭ وزگەرىس ەنگىزىلگەن نۇسقاسىن قاراپ، جوبانىڭ داۋىسقا سالىناتىن نۇسقاسىن ورتاعا قويدى. ٴتوراعالار القاسى جيىنى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي فيدىڭ مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ جەرگىلىكتى ٴار دارەجەلى حالىق قۇرىلتايلارى مەن جەرگىلىكتى ٴار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلى جوباسىنا، 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلى جوباسىنىڭ وزگەرىس ەنگىزىلگەن نۇسقاسىنا، شياڭگاڭ ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ٴادىسى جوباسىنىڭ وزگەرىس ەنگىزىلگەن نۇسقاسىنا، اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ٴادىسى جوباسىنىڭ وزگەرىس ەنگىزىلگەن نۇسقاسىنا وزگەرىس ەنگىزۋ پىكىرى جونىندە جاساعان بايانداماسىن تىڭدادى. جيىن داۋىسقا سالۋ ارقىلى جوعارىدا اتالعان باياندامالار مەن جوبالاردىڭ داۋىسقا سالىناتىن نۇسقاسىن ماقۇلداپ، جوبانى ٴماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
3 - ايدىڭ 8 - كۇنى تۇستەن كەيىن ۋاكىلدەر ۇيىرمەلەرى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن مۇقيات قارادى. ۋاكىلدەر ٴبىر اۋىزدان بىلاي دەپ قارادى: تۇراقتى كوميتەتتىڭ قىزمەت بايانداماسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ٴار رەتكى جالپى ماجىلىستەرىنىڭ رۋحىن، ورتالىقتىڭ حالىق قۇرىلتايى قىزمەت ٴماجىلىسىنىڭ رۋحىن جاپپاي دايەكتىلەندىردى، بۇل ساياسي دەڭگەيى جوعارى، زاڭمەن باسقارۋ رۋحى كۇشتى، حالىققا دەگەن سۇيىسپەنشىلىگى تەرەڭ، تاماشا بايانداما بولدى. ۋاكىلدەر ٴبىر اۋىزدان وسى باياندامانى قۇپتايتىندىقتارىن ٴبىلدىردى. باياندامانى قاراۋ بارىسىندا ۋاكىلدەر مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتىن تولىق تۇراقتاندىرىپ، وسى ٴبىر جىلداعى قىزمەت ورنالاستىرۋلارىن قۇپتايتىندىقتارىن ٴبىلدىردى. سونىمەن بىرگە، بايانداما مەن حالىق قۇرىلتايى قىزمەتى جونىندە كەيبىر پىكىرلەر مەن ۇسىنىستاردى ورتاعا قويدى. ۋاكىلدەر ورتاعا قويعان پىكىرلەر مەن ۇسىنىستارعا نەگىزدەلىپ، باياندامانىڭ 19 جەرىنە وزگەرىس ەنگىزىلدى. ٴتوراعالار القاسىنىڭ تۇراقتى ٴتوراعالارى وزگەرىس ەنگىزىلگەننەن كەيىنگى تۇراقتى كوميتەتتىڭ قىزمەت بايانداماسىن بەكىتۋدى ۇسىنىس ەتتى ٴارى تۇراقتى كوميتەتتىڭ قىزمەتىنەن بايانداما جونىندەگى قارار جوباسىن وكىلەتتى دايىندادى. جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 5 - ٴماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
3 - ايدىڭ 9 - كۇنى ۋاكىلدەر ۇيىرمەلەرى ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات قارادى. ۋاكىلدەر ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ وتكەن ٴبىر جىلداعى قىزمەتىن تولىق تۇراقتاندىرىپ، باياندامالاردا ورتاعا قويىلعان كەلەسى قادامداعى قىزمەت ورنالاستىرۋلارىن قۇپتايتىندىقتارىن ٴبىلدىردى. ۋاكىلدەر ۇيىرمەلەرى ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋگە ٴبىر اۋىزدان قوسىلدى. قاراۋ بارىسىندا ۋاكىلدەر كەيبىر پىكىرلەر مەن ۇسىنىستاردى دا ورتاعا قويدى. ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى ۋاكىلدەردىڭ قاراۋ پىكىرىنە نەگىزدەلىپ، وزدەرىنىڭ بايانداماسىنا مۇقيات وزگەرىس ەنگىزدى. ٴتوراعالار القاسىنىڭ تۇراقتى ٴتوراعالارى ۋاكىلدەر ۇيىرمەلەرىنىڭ قاراۋ پىكىرى مەن بايانداماعا وزگەرىس ەنگىزۋ جاعدايىنا نەگىزدەلىپ، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋدى ۇسىنىس ەتتى ٴارى ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 2 قارار جوباسىن وكىلەتتى دايىندادى. جيىن داۋىسقا سالۋ ارقىلى وسى 2 قارار جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
جيىن ٴماجىلىستىڭ ورىنباسار باس حاتشىسى شين چۇنيىڭنىڭ 13 - كەزەكتى مەملەكەتتىك حالىق قۇرىلتايى 5 - ٴماجىلىسى حاتشىلار باسقارماسىنىڭ ۋاكىلدەر ۇسىنعان كەڭەستىك جوبالاردى ٴبىر جاقتى ەتۋ پىكىرى جونىندە جاساعان بايانداماسىن تىڭدادى. شين چۇنيىڭ بىلاي دەدى: 3 - ايدىڭ 8 - كۇنى ساعات 12 گە دەيىن ٴماجىلىس حاتشىلار باسقارماسى ۋاكىلدەر ورتاعا قويعان جالپى 487 كەڭەستىك جوبانى تاپسىرىپ الدى، مۇنىڭ ىشىندە ۋاكىلدەر ۇيىرمەلەرى ورتاعا قويعانى 15، 30 دان استام ۋاكىل بىرگە قول قويىپ ۇسىنعانى 472. وسى كەڭەستىك جوبالاردىڭ اراسىندا زاڭ شىعارۋ جاعىنا قاتىستىسى 474، باقىلاۋعا قاتىستىسى 13. ۋاكىلدەردىڭ كەڭەستىك جوباسىنىڭ باسىم كوبى زاڭدىق جوبالار، مۇنىڭ ىشىندە زاڭ جاساۋعا ساياتىنى 193، زاڭعا وزگەرىس ەنگىزۋگە ساياتىنى 274، زاڭناما جاساۋعا ساياتىنى 6، ٴىس ۇيعارۋعا قاتىستىسى بىرەۋ. مازمۇنى، باستىسى مىنالارعا شوعىرلاندى: ماڭىزدى سالالاردا زاڭ شىعارۋدى كۇشەيتۋ؛ جاڭادان گۇلدەنگەن سالالاردا زاڭ شىعارۋدى ىلگەرىلەتۋ؛ حالىق تۇرمىسىندا، قوعامدىق سالالاردا زاڭ شىعارۋدى كۇشەيتۋ؛ سوتسياليستىك بازار شارۋاشىلىعى زاڭ - ٴتۇزىمىن كەمەلدەندىرۋ؛ مەملەكەتتىك قۇرىلىم ۇيىمدارى جانە فۋنكتسياسى جونىندە زاڭ شىعارۋدى كەمەلدەندىرۋ؛ شارت - جاعدايى پىسىپ - جەتىلگەن سالالاردا زاڭناما قۇراستىرۋ قىزمەتىن باستاۋدى اقىلداسۋ، ت . ب. ٴماجىلىس حاتشىلار باسقارماسى ۋاكىلدەر ورتاعا قويعان كەڭەستىك جوبالارعا ٴبىر - بىرلەپ مۇقيات تالداۋ جاساپ، زەرتتەۋ جۇرگىزىپ، وسى رەتكى جيىننىڭ قاراۋىنا ەنگىزۋگە قاجەتتى كەڭەستىك جوبا جوق دەپ قارادى. ٴماجىلىس حاتشىلار باسقارماسى ۋاكىلدەر ورتاعا قويعان كەڭەستىك جوبالاردى جەكە - جەكە مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرۋدى ۇسىنىس ەتتى. قاتىستى ارناۋلى كوميتەتتەر جوعارىدا ايتىلعان كەڭەستىك جوبالاردى قاراعاننان كەيىن، مەملەكەتتىك حالىق قۇرىلتايىنىڭ تۇراقتى كوميتەتىنە قاراۋ ناتيجەسى جونىندە بايانداما تاپسىرادى، مەملەكەتتىك حالىق قۇرىلتايى تۇراقتى كوميتەتى قاراپ ماقۇلداعاننان كەيىن، 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە باسىپ تاراتادى، سونىمەن بىرگە، 13 - كەزەكتى مەملەكەتتىك حالىق قۇرىلتايى ۋاكىلدەرىنە اڭىس قايتارادى. ٴماجىلىس حاتشىلار باسقارماسى ۋاكىلدەردىڭ كەڭەستىك جوبالاردى قاراۋى جانە قاتىستى قىزمەتتەرى جونىندە تومەندەگىدەي ۇسىنىستاردى العا قويدى: پارتيا ورتالىق كوميتەتىنىڭ زاڭ شىعارۋ قىزمەتىنە ورتالىقتانعان ٴبىر تۇتاس باسشىلىعىنا تاباندى بولىپ، تاماشا زاڭ ارقىلى دامۋدى جەبەپ، شەبەرلىكپەن باسقارۋدى قامتاماسىز ەتۋ؛ جالپى بارىستىق حالىق دەموكراتياسىن دامىتۋعا تاباندى بولىپ، ۋاكىلدەردىڭ رولىن ساۋلەلەندىرۋدى حالىقتىڭ وزىنە - ٴوزى قوجايىن بولۋىنىڭ ماڭىزدى بەينەسىنە اينالدىرۋ؛ زاڭدى عىلمي شىعارۋعا، زاڭدى دەموكراتيالى شىعارۋعا، زاڭ بويىنشا زاڭ شىعارۋعا تاباندى بولىپ، زاڭ شىعارۋدىڭ ساياسي ونىمدىلىگىن، زاڭمەن باسقارۋدىڭ ونىمدىلىگىن، قوعامدىق ونىمدىلىكتى بارىنشا زورايتۋ؛ كەڭەستىك جوبالاردى قاراۋ ناتيجەسى بايانداماسىن جۇيەلىلەندىرۋدى ىلگەرىلەتىپ، كەڭەستىك جوبا قىزمەتىنىڭ تۇتاس تۇلعالىق ونىمدىلىگىن جوعارىلاتۋ كەرەك.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 5 - ٴماجىلىسى حاتشىلار باسقارماسىنىڭ ۋاكىلدەر ورتاعا قويعان كەڭەستىك جوبالاردى ٴبىر جاقتى ەتۋ پىكىرى جونىندەگى بايانداماسىن ماقۇلدادى.
ٴماجىلىس ٴتوراعالار القاسىنىڭ تۇراقتى ٴتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ جيىنعا قاتىناستى.
شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 5 - ٴماجىلىسىنىڭ ٴتوراعالار القاسى 3 - ايدىڭ 10 - كۇنى تۇستەن كەيىن بەيجيڭ حالىق سارايىندا 4 - رەتكى جيىنىن وتكىزدى.
ٴتوراعالار القاسىنىڭ تۇراقتى ٴتوراعاسى لي جانشۋ جيىندى باسقاردى.
جيىنعا قاتىناسۋعا ٴتيىستى 175 ادام، قاتىناسقانى 168 ادام، قاتىناسا الماعانى 7 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
3 - ايدىڭ 10 - كۇنى ۋاكىلدەر ۇيىرمەلەرى 13 - كەزەكتى مەملەكەتتىك حالىق قۇرىلتايى 5 - ٴماجىلىسىنىڭ ۇكىمەت قىزمەتىنەن بايانداما، 2021 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2022 - جىلعى حالىق شارۋاشىلىعى مەن قوعامدىق دامۋ جوسپارى، 2021 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2022 - جىلعى ورتالىق پەن جەرگىلىكتى ورىنداردىڭ مەجە ەسەبى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 6 قارار جوباسىن مۇقيات قاراپ، ٴماجىلىستىڭ جالپى جيىنىندا داۋىسقا سالۋعا ۇسىنۋعا ٴبىر اۋىزدان قوسىلدى. ٴتوراعالار القاسىنىڭ تۇراقتى ٴتوراعالارى ۋاكىلدەر ۇيىرمەلەرىنىڭ قاراۋ پىكىرىنە ساي، ٴتۇرلى قارار جوبالارىن ٴماجىلىستىڭ جالپى جيىنىندا داۋىسقا سالۋعا ۇسىنۋدى ۇسىنىس ەتتى.
ٴتوراعالار القاسىنىڭ جيىنى جەكە - جەكە داۋىسقا سالۋ ارقىلى جوعارىدا اتالعان قارار جوبالارىن ٴماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
ٴتوراعالار القاسىنىڭ تۇراقتى ٴتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ جيىنعا قاتىناستى.