بىلتىر مەملەكەتتىك ەكى ٴماجىلىس كەزىندە باس شۋجي شي جينپيڭمەن وقۋ - اعارتۋداعى تولعاقتى ماسەلەلەر جونىندەگى كەڭەسۋى مەملەكەتتىك ساياسي كەڭەستىڭ مۇشەسى، بەيجيڭ شىجيا وقۋ - اعارتۋ توبى باس مەكتەپ باستىعى ۋاڭ حۋاننىڭ ەسىندە ماڭگى ساقتالدى −
2021 - جىلى 3 - ايدىڭ 6 - كۇنى تۇستەن كەيىن باس شۋجي شي جينپيڭ مەملەكەتتىك ساياسي كەڭەس 13 - كەزەكتى كوميتەتى 4 - ماجىلىسىنە قاتىناسقان ەمدەۋ، ٴدارى - دارمەك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە ىستىق ىقىلاسپەن امانداستى ٴارى بىرىككەن گرۋپپا ماجىلىسىنە قاتىناستى. مۇشە ۋاڭ حۋان وقۋ - اعارتۋ سالاسىندا ورىن تەۋىپ وتىرعان ٴىشىنارا ماسەلەلەرگە توقتالعاندا باس شۋجي شي جينپيڭ بار زەيىن - زەردەسىمەن تىڭدادى، ٴالىسىن - ٴالى ٴسوز قوسىپ وتىردى، سوزىنەن بارىنشا دەن قويعان ىقىلاسى مەنمۇندالاپ تۇردى.
«وقۋ - اعارتۋدا مەيلى مەكتەپ تاربيەسى الدە وتباسى تاربيەسى بولسىن، نومىرگە ەرەكشە ٴمان بەرىپ كەتۋگە بولمايدى. ٴنومىر تەك ٴبىر مەزەتتىك ناتيجە عانا، ومىرلىك جەتىلۋ نىساناسىنان قاراۋ كەرەك. سوڭىندا اقاۋسىز، تولىسقان ادامگەرشىلىك قاسيەت قالىپتاستىرا الماسا، ول تولىمدى سانالمايدى» دەدى باس شۋجي شي جينپيڭ تەرەڭ ىقىلاسپەن.
باس شۋجيدىڭ بۇل ٴسوزى مۇشەلەردىڭ جاپپاي اڭىسىن قوزعادى.
«باس شۋجي بالالاردىڭ دەنساۋلىق، پسيحيكالىق اقاۋسىزدىعىنا جانە ادامگەرشىلىك قاسيەتىنىڭ تولىسۋىنا ەرەكشە كوڭىل بولەدى، ٴبىرىنشى شەپتەگى نەگىزدىك وقۋ - اعارتۋدىڭ ٴىس جۇزىندىك جاعدايى مەن بۇقارا كوڭىل ٴبولىپ وتىرعان ماسەلەلەردى ەرەكشە تۇسىنەدى ەكەن» دەدى ۋاڭ حۋان.
«بۇل ماسەلەلەر تۇگەلدەي قوعامدىق سيپاتتى ماسەلەلەر، وقۋ - اعارتۋ تاراۋلارى جەكە - دارا شەشە المايدى، قوعامداعى ٴار جاقتىڭ، قاتىستى تاراۋلاردىڭ ورتاق قۇلشىنىپ، زەرتتەۋى ارقىلى شەشۋىنە مۇقتاج» دەدى باس شۋجي شي جينپيڭ.
باس شۋجيدىڭ جاۋابىنان ۋاڭ حۋان ەرەكشە شابىتتاندى: «نەگىزگى ساتىداعى وقۋ - اعارتۋ شايقاس شەبىندە قۇلشىنىس جاساۋدىڭ ٴتىپتى دە بەرىك سۇيەنىشى بار ەكەنىن سەزىندىم!».
پارتيا 18 - قۇرىلتايىنان بەرى مەيلى «ٴومىردىڭ تۇيمەسىن ٴاۋ باستان دۇرىس تۇيمەلەۋ كەرەك» دەگەن ىقىلاستى تاپسىرما بولسىن، الدە «پارتيا مەن حالىق ريزا بولاتىن جاقسى ۇستاز بولۋ كەرەك» دەگەن ايقىن تالاپ بولسىن، باس شۋجي شي جينپيڭنىڭ وقۋ - اعارتۋدى كوكەيىنەن شىعارماۋى 40 نەشە جىل وقۋ - اعارتۋمەن اينالىسقان ۋاڭ حۋانعا ايرىقشا جىلۋلىق سيلادى. بىلتىردان بەرى مىندەتتى وقۋ - اعارتۋدىڭ ساپالى، تەپە - تەڭ دامۋىن ىلگەرىلەتۋ سىندى جاقتارداعى ٴبىر قىدىرۋ جاڭا شارا ۋاڭ حۋانعا «جاڭا وقۋ - اعارتۋ ٴداۋىرىن»،ٴتىپتى، سەزىندىردى.
بىلتىر ەكى ٴماجىلىس اياقتاپ، 5 ايدان كەيىن بەيجيڭ قالاسىنىڭ وقىتۋشىلاردى اۋىستىرىپ كەزەكپەن ىستەتۋ ورنالاستىرۋى بويىنشا ۋاڭ حۋان گىشينلي باستاۋىش مەكتەبىنىڭ مەكتەپ باستىعى مىندەتىن قوسىپ اتقاردى. شىجيا وقۋ - اعارتۋ توبىنىڭ ساپالى بايلىعىنا سۇيەنگەن ول بالالاردىڭ دەنە جانە پسيحيكالىق اقاۋسىزدىعىن ايالاۋ، وقۋ - اعارتۋ رەفورماسىن تەرەڭدەتۋ ۇستانىمىنا «شىت جاڭا ٴنار»ٴسىڭىردى.
اقاۋسىز ادەت، كورۋ قۋاتىن قورعاۋ، اقاۋسىز شىنىعۋ، كوڭىل سىرىن اقتارۋ، سيفرلى اس ٴۇي سياقتى وقىتۋ مازمۇندارى جاپپاي ورىستەتىلىپ، جاڭا جىلدىق ولەڭ وقۋ سياقتى ادەبيەت - كوركەمونەر قيمىلدارىنىڭ مازمۇنى بايىتىلا ٴتۇستى...
2022 - جىلعى جاڭا جىلدىق ولەڭ وقۋ جينالىسىندا گىشينلي باستاۋىش مەكتەبىندەگى جابىعۋ اۋرۋىنا شالدىققان ٴبىر بالا العاش رەت مەكتەپتىڭ توپتىق ونەر كورسەتۋىندە رول وينادى.
«بالام، راسىندا، جارايدى ەكەن!». سول كۇنى بالانىڭ شەشەسىنىڭ قۋانعانىنان كوز جاسىن كولدەتكەن بەينەسى ۋاڭ حۋاننىڭ كوڭىل تۇكپىرىندە قالدى.
«بالالاردىڭ دەنە جانە پسيحيكا جاعىنداعى اقاۋسىزدىعىن قورعاۋ وقۋ - اعارتۋ قىزمەتكەرلەرىنىڭ بورىشى. باس شۋجي ٴبىزدى بالالاردىڭ دەنە جانە پسيحيكا اقاۋسىزدىعىن قورعاۋعا تاربيەلەدى، مەن، ٴسوزسىز، باس شۋجيدىڭ تاپسىرماسىن جەردە قالدىرمايمىن، ٴومىر بويى گۇلدەي جايناپ، قۇلپىرا اشىلىپ كەلە جاتقان بالالاردىڭ جۇرەك ۇنىنە دەن قويامىن» دەدى ۋاڭ حۋان.
شينحۋا اگەنتتىگىنىڭ تىلشىلەرى ليۋ مين، رىن چينچين شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى