جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى

اناعۇرلىم جوعارى دەڭگەيدەگى جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن ورناتۋ كەرەك

شينحۋا اگەنتتىگىنىڭ 3 - ايدىڭ 23 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «اناعۇرلىم جوعارى دەڭگەيدەگى جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن ورناتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ جەر - جەردەن، تاراۋلاردان ءىس جۇزىندىكپەن ۇشتاستىرىپ دەن قويا دايەكتىلەندىرۋدى، تياناقتاندىرۋدى تالاپ ەتتى.

«پىكىر» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىقتىڭ دەنە قۋاتىن كۇشەيتۋدى، جالپى حالىقتىڭ سالاماتتىق دەڭگەيىن جوعارىلاتۋدى ءتۇبىرلى ماقسات ەتىپ، جالپى حالىقتى قامتۋ، الەۋمەتتىك يگىلىكتى باعدار ەتۋ؛ عىلمي ورنالاستىرۋ، قالا، اۋىلدى ءبىر تۇتاس جوسپارلاۋ؛ جاڭالىق اشۋ ارقىلى دەم بەرۋ، جاسىل دامۋ؛ ۇكىمەت جەتەكشىلىك ەتۋ، كوپ جاق ات سالىسۋ سىندى قىزمەت پرينسيبىن تۇراقتاندىردى.

«پىكىردە» باستى ماقسات ايقىندالدى. 2025 - جىلعا بارعاندا اناعۇرلىم جوعارى دەڭگەيدەگى جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسى نەگىزىنەن ورناتىلىپ، دەنە تاربيە الاڭىنىڭ ادام باسىنا ورتا ەسەپپەن تۋرا كەلەتىن اۋدانى 2.6 شارشى مەترگە جەتىپ، ۇنەمى دەنە شىنىقتىرۋعا قاتىناساتىن ادامداردىڭ سالىستىرماسى ％38.5كە جەتىپ، ۇكىمەت ازىرلەگەن جالپى حالىقتىق دەنە شىنىقتىرۋ نەگىزگى الەۋمەتتىك قىزمەت وتەۋ جۇيەسى ونان ارى كەمەلدەنىپ، ولشەمى ونان ارى اقاۋسىزدانىپ، ساپاسى كورنەكتى جوعارىلاپ، قوعامدىق كۇشتەر ازىرلەگەن جالپىعا ءتيىمدى الەۋمەتتىك قىزمەت وتەۋدە اقى تولەسە يگىلىكتەنۋ، باعاسى لايىقتى بولۋ، ساپاسىنا كەپىلدىك ەتۋ، حاۋىپسىزدىگى باقىلاناتىن - باسقارىلاتىن بولۋ جۇزەگە اسىپ، بۇقارانىڭ دەنە شىنىقتىرۋ ىنتاسى ونان ارى جوعارىلايدى. 2035 - جىلعا بارعاندا سوتسياليستىك وسىزاماندانعان مەملەكەتپەن ۇيلەسەتىن جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسى جاپپاي ورناتىلىپ، ۇنەمى دەنە شىنىقتىرۋعا قاتىناساتىن ادامداردىڭ سالىستىرماسى ％45تەن استامعا جەتىپ، دەنە شىنىقتىرۋ مەن سپورتتىق سەيىل - سەرۋەن داعدىلى تۇرمىس تاسىلىنە اينالىپ، حالىقتىڭ دەنە ساپاسى مەن سالاماتتىق دەڭگەيى دۇنيە جۇزىندە الدىڭعى قاتاردا تۇرادى.

«پىكىردە» قوعامدىق كۇشتەردىڭ جالپى حالىقتىق دەنە شىنىقتىرۋدى دامىتۋىنا قولداۋ كورسەتۋ ءتۇزىلىسىن، مەحانيزمىن كەمەلدەندىرۋ، جالپى حالىقتىق دەنە شىنىقتىرۋ الەۋمەتتىك قىزمەت وتەۋىنىڭ قالا، اۋىل وڭىرلەرىندە بىركەلكى دامۋىن ىلگەرىلەتۋ، جاسىل، قولايلى جالپى حالىقتىق دەنە شىنىقتىرۋ جاڭا دانەكەرىن تۇلعالاۋ، كوپ دەڭگەيلى، الۋان ءتۇرلى جارىس قيمىلدارى جۇيەسىن ورناتۋ، جالپى حالىقتىق دەنە شىنىقتىرۋعا كەڭىنەن ات سالىساتىن بۇقارالىق نەگىزدى بەكەمدەۋ، جالپى حالىقتىق دەنە شىنىقتىرۋدى ولشەمدەندىرۋ، عىلميلاندىرۋ دەڭگەيىن جوعارىلاتۋ، ادامداردىڭ ءبارى دەنە شىنىقتىرۋعا ات سالىساتىن قوعامدىق رايدى قالىپتاستىرۋ سياقتى جاقتاردا ناقتى ورنالاستىرۋ جاسالدى.