مەملەكەتتىك كەڭەس كەڭسەسى

«جۇڭگوشا شيپاگەرلىكتى، ءدارى - دارمەكتى دامىتۋدىڭ ”14 - بەسجىلدىق“ جوباسىن» باسىپ تاراتتى

شينحۋا اگەنتتىگىنىڭ 3 - ايدىڭ 29 - كۇنى بەيجيڭنەن بەرگەن حابارى. مەملەكەتتىك كەڭەس كەڭسەسى تاياۋدا «جۇڭگوشا شيپاگەرلىكتى، ءدارى - دارمەكتى دامىتۋدىڭ ”14 - بەسجىلدىق“ جوباسىن» (تومەندە قىسقارتىلىپ «جوبا» دەلىندى) باسىپ تاراتىپ، ”14 - بەسجىلدىق“ مەزگىلىندەگى جۇڭگوشا شيپاگەرلىك، ءدارى - دارمەك قىزمەتىنە جاپپاي ورنالاستىرۋ جاسادى.

«جوبادا» مىنالار اتاپ كورسەتىلدى: ”14 - بەسجىلدىق“ مەزگىلىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن قالىپتاستىرىپ، جۇڭگوشا - باتىسشا شيپاگەرلىككە بىردەي ءمان بەرۋگە تاباندى بولىپ، جاۋھارىن جالعاستىرىپ، تۋراشىلدىقتى ساقتاپ، جاڭالىق اشىپ، جۇڭگوشا شيپاگەرلىكتى، ءدارى - دارمەكتى گۇلدەندىرۋ، دامىتۋ كەلەلى ينجەنەرياسىن اتقارىپ، ولقىلىقتاردى تولىقتاپ، ءالسىز تۇستاردى كۇشەيتىپ، ارتىقشىلىقتاردى ساۋلەلەندىرىپ، ومىرشەڭدىكتى قاۋلاتىپ، جۇڭگوشا شيپاگەرلىكتى، ءدارى - دارمەكتى وسى زامانعى عىلىممەن ۇشتاستىرۋدى ىلگەرىلەتىپ، جۇڭگوشا شيپاگەرلىك، ءدارى - دارمەكتى جانە باتىسشا شيپاگەرلىك، ءدارى - دارمەكتى ءوزارا تولىقتاۋدى، سايكەستىرە دامىتۋدى ىلگەرىلەتىپ، جۇڭگوشا شيپاگەرلىك، ءدارى - دارمەكتىڭ وسىزاماندانۋىن، كاسىپ سالالانۋىن ىلگەرىلەتىپ، جۇڭگوشا شيپاگەرلىك، ءدارى - دارمەكتىڭ جوعارى ساپالى دامۋىن جانە دۇنيە جۇزىنە بەت الۋىن ىلگەرىلەتىپ، سالاماتتى جۇڭگو قۇرىلىسىن جاپپاي ىلگەرىلەتۋگە، حالىقتىڭ سالاماتتىعىن ءتىپتى دە جاقسى قامتاماسىزداندىرۋعا پارمەندى تىرەك ازىرلەۋ كەرەك.

«جوبادا» ”14 - بەسجىلدىق“ مەزگىلىندەگى جۇڭگوشا شيپاگەرلىكتى، ءدارى - دارمەكتى دامىتۋدىڭ نەگىزگى پرينسيبى ايقىن كورسەتىلدى، ياعني حالىقتى وزەك ەتۋگە تاباندى بولۋ، دامۋ زاڭدىلىعىنا بويسۇنۋعا تاباندى بولۋ، رەفورما جاساۋدى، جاڭالىق اشۋدى تەرەڭدەتۋگە تاباندى بولۋ، ءبىر تۇتاس جوسپارلاپ سايكەستى ىلگەرىلەتۋگە تاباندى بولۋ. «جوبادا» مىنالار العا قويىلدى: 2025 - جىلعا بارعاندا جۇڭگوشا شيپاگەرلىكتىڭ، ءدارى - دارمەكتىڭ سالاماتتىققا قىزمەت وتەۋ قۋاتىن كورنەكتى ارتتىرىپ، جۇڭگوشا شيپاگەرلىكتى، ءدارى - دارمەكتى جوعارى ساپالى دامىتۋ ساياساتىن جانە جۇيەسىن ونان ارى كەمەلدەندىرۋ، جۇڭگوشا شيپاگەرلىكتى، ءدارى - دارمەكتى گۇلدەندىرۋدە، دامىتۋدا بەلسەندى ونىمدىلىككە قول جەتكىزىپ، سالاماتتى جۇڭگو قۇرىلىسىنداعى وزگەشە ارتىقشىلىعىن تولىق ساۋلەلەندىرۋ. «جوبادا» جۇڭگوشا شيپاگەرلىكتىڭ، ءدارى - دارمەكتىڭ قىزمەت وتەۋ جۇيەسى، ەرەكشەلىككە يە دارىندىلار قوسىنى، جالعاستىرۋ، جاڭالىق اشۋ، كاسىپ سالاسى جانە سالاماتتىق قىزمەت وتەۋ كاسىبى، مادەنيەت، اشىق دامۋ، باسقارۋ دەڭگەيى سياقتىلار جاعىنان ناقتى دامۋ نىساناسى، سونداي - اق 15 ءتۇرلى نەگىزگى دامۋ كورسەتكىشى العا قويىلدى.

«جوبادا» 10 جاقتاعى ءتۇيىندى مىندەتكە ورنالاستىرۋ جاسالدى، وندا ساپالى، جوعارى ءونىمدى جۇڭگوشا شيپاگەرلىك، ءدارى - دارمەك قىزمەت وتەۋ جۇيەسىن قۇرۋ، جۇڭگوشا شيپاگەرلىكتىڭ، ءدارى - دارمەكتىڭ سالاماتتىققا قىزمەت وتەۋ قۋاتىن جوعارىلاتۋ، جوعارى ساپالى جۇڭگوشا شيپاگەرلىك، ءدارى - دارمەك دارىندىلار قوسىنىن قۇرۋ، جوعارى دەڭگەيدەگى جۇڭگوشا شيپاگەرلىك، ءدارى - دارمەكتى جالعاستىرۋ، قورعاۋ جانە عىلىم - تەحنيكالىق جاڭالىق اشۋ جۇيەسىن قۇرۋ، جۇڭگوشا ءدارى - دارمەك كاسىپ سالاسىنىڭ جوعارى ساپالى دامۋىن ىلگەرىلەتۋ، جۇڭگوشا شيپاگەرلىك، ءدارى - دارمەكتىڭ سالاماتتىققا قىزمەت وتەۋ كاسىبىن دامىتۋ، جۇڭگوشا شيپاگەرلىك، ءدارى - دارمەك مادەنيەتىنىڭ گۇلدەنۋىن، دامۋىن ىلگەرىلەتۋ، جۇڭگوشا شيپاگەرلىك، ءدارى - دارمەكتىڭ اشىق دامۋىن جەدەلدەتۋ، جۇڭگوشا شيپاگەرلىك، ءدارى - دارمەك سالاسىنىڭ رەفورماسىن تەرەڭدەتۋ، سونداي - اق جۇڭگوشا شيپاگەرلىك، ءدارى - دارمەكتى دامىتۋدى تىرەكپەن قامتاماسىز ەتۋدى كۇشەيتۋ قامتىلدى ءارى 11 ءتۇر بويىنشا جالپى 44 ءتۇرلى كەلەلى ينجەنەريا نىسانى ورنالاستىرىلدى.

«جوبادا» مىنالار اتاپ كورسەتىلدى: ۇيىمدىق باسشىلىقتى كۇشەيتىپ، مەملەكەتتىك كەڭەس جۇڭگوشا شيپاگەرلىك، ءدارى - دارمەك قىزمەتى بولىمدەر ارالىق بىرىككەن ءماجىلىس كەڭسەسىنىڭ ءبىر تۇتاس جوسپارلاۋ، ورنالاستىرۋ يقۋاتىن كۇشەيتۋ؛ قارجى قوسۋمەن قامتاماسىز ەتۋدى كۇشەيتىپ، جۇڭگوشا شيپاگەرلىك، ءدارى - دارمەكتى دامىتۋدىڭ كوپ نەگىزدى قارجى قوسۋ مەحانيزمىن ونان ارى كەمەلدەندىرۋ؛ اتقارۋ مەحانيزمىن اقاۋسىزداندىرىپ، جوبا جاساۋداعى، اتقارۋداعى تۇزىمدىك قامتاماسىزدىقتى كۇشەيتۋ؛ ۇگىتتەۋگە، جەتەكتەۋگە ءمان بەرىپ، تۇتاس قوعام جۇڭگوشا شيپاگەرلىكتىڭ، ءدارى - دارمەكتىڭ دامۋىنا بىرگە ءمان بەرەتىن جانە قولدايتىن تاماشا ارنا قالىپتاستىرۋ كەرەك.