مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى حابارلاندىرۋ باسىپ تاراتتى

جۇك تاسىمالىنىڭ، زات اينالىمىنىڭ اشىق، ىركىلىسسىز بولۋىن قامتاماسىز ەتۋ قىزمەتىن شىنايى ويداعىداي ىستەۋ كەرەك

شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى. جۋىقتا مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى حابارلاندىرۋ باسىپ تاراتىپ، جۇك تاسىمالىنىڭ، زات اينالىمىنىڭ اشىق، ىركىلىسسىز بولۋىن قامتاماسىز ەتۋگە قاتىستى قىزمەتتەردى شىنايى ويداعىداي ىستەۋ جونىندە ورنالاستىرۋ جاسادى.

حابارلاندىرۋ پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جەر - جەردەن، تاراۋلاردان جۇك تاسىمالىن، زات اينالىمىن، اسىرەسە، مەديتسينالىق ساقتانۋ - تىزگىندەۋ زاتتىق ماتەريالدارى، تۇرمىسقا قاجەتتى بۇيىمدار، ۇكىمەتتىڭ زاپاسقا ساقتالعان زاتتىق ماتەريالدارى، پوچتا جولدامالارى جانە جەدەل جەتكىزۋ سياقتى حالىق تۇرمىسىنا قاتىستى زاتتىق ماتەريالدار مەن اۋىل شارۋاشىلىعى، ەنەرگيا، شيكىزات سياقتى ماڭىزدى ٴوندىرىس ماتەريالدارى تاسىمالىنىڭ ىركىلىسسىزدىگىن بار كۇشپەن قامتاماسىز ەتىپ، حالىق بۇقاراسىنىڭ قالىپتى ٴوندىرىس، تۇرمىس ٴتارتىبىن شىنايى قورعاۋدى تالاپ ەتتى.

ٴبىرىنشى، قاتىناس - تاسىمال ارنالارىن بار كۇشپەن ىركىلىسسىزدەندىرۋ كەرەك. جەر - جەر جانە قاتىستى تاراۋلار اشىق، ىركىلىسسىز بولۋدى قامتاماسىز ەتۋدىڭ مينيسترلىك، ولكە، پۋنكت ٴۇش دارەجەدە ورنالاستىرىلاتىن، جول جانە ساقشى تاراۋلارى بىرلەسە قيمىلدايتىن، وڭىرلەر ارا سايكەسەتىن قىزمەت مەحانيزمىن جەدەل ىسكە قوسىپ، قاتىناس نەگىزگى ارنالارىنىڭ ىركىلىسسىزدىگىنە شىنايى كەپىلدىك ەتۋ كەرەك. جوعارى جىلدامدىقتى تاس جولداردى، جاي تاس جولداردى، سۋ جولدارى مەن كەمە وتكىزەتىن قاقپالاردى ٴوز بىلگەنىنشە بوگەۋگە نەمەسە جاۋىپ تاستاۋعا قاتاڭ تيىم سالىنادى، جوعارى جىلدامدىقتى تاس جولداردىڭ نەگىزگى ارنالارى مەن قىزمەت وتەۋ اۋماقتارىندا ىندەتتەن ساقتانۋ بويىنشا تەكسەرۋ تۇيىندەرىن ورنالاستىرۋعا قاتاڭ تيىم سالىنادى، جوعارى جىلدامدىقتى تاس جولدارداعى ىندەتتەن ساقتانۋ بويىنشا تەكسەرۋ تۇيىندەرى اقى الۋ پۋنكتىنىڭ سىرتىنداعى الاڭدا جانە سىرتقى اۋماقتا ورنالاستىرىلۋعا ٴتيىس، شارت - جاعدايى بار جەرلەر جۇك كولىكتەرى ٴۇشىن جەتكىلىكتى ارناۋلى ارنا، دەمالىس اۋماعىن سايكەستى تۇردە ورنالاستىرۋى كەرەك، جوعارى جىلدامدىقتى تاس جولدارداعى قىزمەت وتەۋ اۋماقتارىن، پورتتار مەن كەمە تۇراقتارىن، تەمىر جول ۆوگزالدارىن جانە اۆياتسيالىق اۋەجايلاردى ٴوز بىلگەنىنشە جاۋىپ تاستاۋعا بولمايدى، شىنىندا، جاۋىپ تاستاۋ قاجەت بولسا، بەلگىلەمە بويىنشا بەكىتۋگە جولداۋ كەرەك.

ەكىنشى، ىندەتتەن ساقتانۋ بويىنشا قاتىناۋدى مەڭگەرۋ شارالارىن ساپالىلاندىرۋ كەرەك. ىندەت سەبەبىنەن ايماق دارەجەلى قالالارداعى قالا اۋماعى مەن اۋدان وڭىرلەرىنە، ايماق - قالا دارەجەلى جانە ودان جوعارى قالالارعا تۇتاستاي جابىق باسقارۋ جۇرگىزۋ قاجەت بولسا، ىندەتتەن ساقتانۋ بويىنشا قاتىناۋدى مەڭگەرۋ شارالارىن جەكە - جەكە ايماق - قالا دارەجەلى، ولكە دارەجەلى بىرلەسىپ ساقتانۋ، بىرلەسىپ تىزگىندەۋ مەحانيزمى بەكىتەدى جانە جاريالايدى. جۇك تاسىمال كولىكتەرى مەن شوفەرلەردىڭ قاتىناۋىن كەلسە - كەلمەس شەكتەۋگە بولمايدى، كولىكتىڭ قاراستىلىق جەرى، ناپوس قاراستىلىعى سياقتىلارمەن قاتىناۋ شارتىن شەكتەۋگە بولمايدى، جۇك كولىك شوفەرلەرىنىڭ، كەمە قىزمەتكەرلەرىنىڭ حابارلاسۋ ۇلكەن ساندى مالىمەتى ٴجۇرىس - تۇرىس كارتۋچكاسىنىڭ جاسىل تۇسىندە * بەلگىسى بولۋدى جەلەۋ ەتىپ كولىكتەر مەن كەمەلەردىڭ قاتىناۋىن، توقتاۋىن شەكتەۋگە بولمايدى.

ٴۇشىنشى، توتەنشە جاعداي زاتتىق ماتەريالدارىن وتكەرمەلەۋدى بار كۇشپەن ۇيىمداستىرۋ كەرەك. ىندەت اۋىر وڭىرلەر ماڭايداعى زات اينالىمى باقشا رايوندارى (توراپتىق الاڭ - بەكەتتەر، جەدەل جەتكىزۋ باقشا اۋماقتارى)، جوعارى جىلدامدىقتى تاس جولدارداعى قىزمەت وتەۋ اۋماقتارى سياقتىلارعا سۇيەنىپ، زاتتىق ماتەريالداردى وتكەرمەلەۋ - جونەلتۋ پۋنكتتەرىن، جالعاپ اكەتۋ تۇيىندەرىن نەمەسە ٴبولۋ - تاراتۋ الاڭدارىن جەدەل ورنالاستىرۋ، ىسكە قوسۋ، سونداي - اق قوعامعا دەر كەزىندە اشىق جاريالاۋ كەرەك؛ ولكە اۋماقتارىنان اتتاپ ورنالاستىرۋ قاجەت بولسا، كورشىلەس ولكەلەر قولداۋ كورسەتۋ كەرەك. تۇتاستاي جابىق قالالاردىڭ ىشىندەگى زاتتىق ماتەريالداردى وتكەرمەلەۋ پۋنكتتەرىنە كىرىپ - شىعاتىن جۇك كولىك شوفەرلەرىنە جابىق اينالىمدىق باسقارۋ شارالارى قاتاڭ تياناقتاندىرىلعان، 24 ساعات ىشىندەگى حىسۋان تەكسەرۋىنىڭ ناتيجەسى بولىمسىز بولعان جاعدايدا، حابارلاسۋ ٴجۇرىس - تۇرىس كارتۋچكاسىنىڭ «اق تىزىمدىگى» بويىنشا باسقارۋ ۇلگىسىن قولدانۋ كەرەك.

ٴتورتىنشى، ماڭىزدى زاتتىق ماتەريالدار مەن پوچتا جولدامالارىنىڭ، جەدەل جەتكىزۋدىڭ قاتىناۋىن شىنايى قامتاماسىز ەتۋ كەرەك. ىندەتكە شارپىلعان ٴوڭىر تۇرعان ولكەدەگى ولكە دارەجەلى بىرلەسىپ ساقتانۋ، بىرلەسىپ تىزگىندەۋ مەحانيزمى سول جەردەگى ىندەتتەن ساقتانۋ - تىزگىندەۋدىڭ جاعدايى مەن ماڭىزدى زاتتىق ماتەريالدار تاسىمالىنىڭ قاجەتىنە قاراي وتىرىپ، ماڭىزدى زاتتىق ماتەريالداردى تاسىمالداۋشى كولىكتەردىڭ قاتىناۋ كۋالىگى ٴتۇزىمىن ورناتىپ، اقاۋسىزداندىرىپ، ينتەرنەتتە راسىمدەۋ ٴتارتىبىن اتقارۋ، ونى بۇكىل ەلدە ٴوزارا تانۋ كەرەك. وڭىرلەردىڭ ٴبىر تۇتاس جوسپارلاۋ، سايكەستىرۋ مەحانيزمىنىڭ رولىن تولىق ساۋلەلەندىرىپ، بەيجيڭ − تيانجين − حىبەي، چاڭجياڭ اتىراۋى، جۋجياڭ اتىراۋى، شىعىس سولتۇستىك 3 ولكە، چىڭدۋ − چۇڭچيڭ سياقتى ٴتۇيىندى وڭىرلەردەگى جۇك تاسىمالىنىڭ، زات اينالىمىنىڭ اشىق، ىركىلىسسىز بولۋىن قامتاماسىز ەتۋدى، سايكەسە بىرلەسىپ قيمىلداۋىن جەدەل ىلگەرىلەتۋ كەرەك. ىندەتكە شارپىلعان وڭىرلەردەگى پورتتاردىڭ، كەمە تۇراقتارىنىڭ، تەمىر جول ۆوگزالدارىنىڭ، اۆياتسيالىق اۋەجايلاردىڭ جيناۋ - تاراتۋ تاسىمالىنىڭ ىركىلىسسىزدىگىنە شىنايى كەپىلدىك ەتۋ كەرەك. پوچتا جولدامالارىن، جەدەل جەتكىزۋدى حالىق تۇرمىسىنىڭ ماڭىزدى ٴتۇيىنى ەتىپ، پوچتا جولدامالارى، جەدەل جەتكىزۋ كولىكتەرىنىڭ قاتىناۋىن شىنايى قامتاماسىز ەتۋ كەرەك.

بەسىنشى، كاسىپپەن اينالىسۋشى ادامدارعا قىزمەت وتەۋدى جانە ولاردى قامتاماسىز ەتۋدى كۇشەيتۋ كەرەك. ىندەتتەن ساقتانۋ بويىنشا تەكسەرۋ تۇيىندەرىنىڭ بارلىعىندا پرينسيپتىك جاقتان جاقىن جەردە قۇرىلعىلارى تولىق حىسۋان تەكسەرۋ تۇيىندەرى سايكەستىرىلۋى، كولىك اعىنى ٴبىرشاما كوپ جوعارى جىلدامدىقتى تاس جولدارداعى قىزمەت وتەۋ اۋماقتارىندا حىسۋان تەكسەرۋ تۇيىندەرىن ٴجيى ورنالاستىرۋ كەرەك. شارت - جاعدايى بار جەرلەردى جۇك كولىك شوفەرلەرىنە، كەمە قىزمەتكەرلەرىنە حىسۋان تەكسەرۋىنەن اقىسىز قىزمەت وتەۋ ۇسىنۋعا ىنتالاندىرۋ كەرەك. ىندەت سەبەبىنەن بوگەلىپ جاتقان جۇك كولىك شوفەرلەرىنىڭ، كەمە قىزمەتكەرلەرىنىڭ اس - سۋى، تۇزگە وتىرۋى سياقتى نەگىزگى تۇرمىستىق قىزمەت وتەۋلەردى شىنايى ويداعىداي ىستەۋ كەرەك.

جەر - جەر، تاراۋلار قيىنشىلىقتى شەشۋگە كۇش سالىپ، قاتىناس - تاسىمال كاسىپورىندارى مەن جەكە ساۋدا - ونەركاسىپشىلەرگە باعىتتالعان سۇيەمەلدەۋ ساياساتتارىن جاپپاي تياناقتاندىرىپ، جۇك اۆتوموبيلى شوفەرلەرىنە، جەدەل جەتكىزۋشىلەر شوعىرىنا كوڭىل ٴبولۋ، قامقورلىق جاساۋ كەرەك. كەزەكشى بولۋدى، كۇزەتتە تۇرۋدى كۇشەيتىپ، ىندەتتەن ساقتانۋ - تىزگىندەۋ شارالارىن دالمە - ٴدال تياناقتاندىرىپ، وسى حابارلاندىرۋداعى تالاپتارعا ساي كەلمەيتىن ىندەتتەن ساقتانۋ بويىنشا قاتىناۋدى مەڭگەرۋ شارالارىن دەرەۋ رەتتەۋ - تۇزەتۋ كەرەك. مەملەكەتتىك كەڭەستىڭ قاتىستى تاراۋلارى قۋزاۋ - جەتەكشىلىك ەتۋ، تەكسەرۋ سەرپىنىن ارتتىرىپ، ىندەتتەن ساقتانۋ - تىزگىندەۋ شارالارىن ساتى - ساتى بويىنشا اۋىرلاتقانداردى، قاراپايىم تۇردە «ٴبىر تاياقپەن ايداپ» كەرى قايتۋعا ۇگىتتەگەندەردى، ىندەتتەن ساقتانۋ بويىنشا تەكسەرۋ تۇيىندەرىن بەلگىلەمەگە قايشى ورنالاستىرعانداردى، تاسىمال ارنالارىن ٴوز بىلگەنىنشە ۇزگەندەردى شاپشاڭ رەتتەۋ - تۇزەتۋگە قۋزاۋ كەرەك. جۇك تاسىمالىنىڭ، زات اينالىمىنىڭ ىركىلىسسىزدىگىنە ورەسكەل ىقپال جاساپ، زاتتىق ماتەريالمەن قامداۋدىڭ تاپشىلىعىن نەمەسە ٴۇزىلۋىن تۋدىرسا، قاتىستى جەرلەردىڭ، ورىنداردىڭ جانە قىزمەتكەرلەردىڭ جاۋاپكەرشىلىگىن زاڭ بويىنشا، ەرەجە بويىنشا قاتاڭ قۋزاستىرۋ كەرەك.