زەينەتكە شىققان جۇمىسشى - قىزمەتكەرلەردىڭ زەينەتاقىسى ۇزدىكسزى جوعارىلاتىلىپ، سىرت جەردە ناۋقاس ەمدەتكەندەردىڭ ەمدەلۋ قاراجاتىن ەسەپتەن كوتەرۋ ٴتىپتى دە قولايلىلاستىرىلىپ، جەدەل تاماق جەتكىزۋشىلەر سياقتى يكەمدى جۇمىستانۋشىلاردىڭ زاقىمدالۋىن قامتاماسىزداندىرۋدى تۇيىندە سىناق ەتۋ قىزمەتى ورىستەتىلەدى...

قوعامدىق قامتاماسىزداندىرۋ بارلىق وتباسىنا سايادى. بيىل ٴبارىمىزدىڭ قوعامدىق قامتاماسىزداندىرۋىمىز كوپ ٴتۇرلى، جاڭا وزگەرىستەرگە ٴدوپ كەلمەك.

ٴبىرىنشى وزگەرىس: زەينەتكە شىققانداردىڭ زەينەتاقىسى قانشالىق جوعارىلايدى؟ بۇل 6 - ايدىڭ سوڭىنان بۇرىن بەلگىلى بولادى

بيىلعى ۇكىمەت قىزمەتىنەن باياندامادا زەينەتكەرلەردىڭ نەگىزگى زەينەتاقىسى مەن قالا، اۋىل تۇرعىندارىنىڭ نەگىزگى زەينەتاقى ولشەمىن سايكەستى جوعارىلاتىپ، ۋاعىندا، تولىق تاراتۋعا شىنايى كەپىلدىك ەتۋ اتاپ كورسەتىلدى. مىنە بۇل زەينەتكە شىققان جۇمىسشى - قىزمەتكەرلەردىڭ زەينەتاقىسىنىڭ ٴۇرتىس جوعارىلاتىلىپ، قالا، اۋىل تۇرعىندارىنىڭ زەينەتاقىسىنىڭ دا سايكەستى جوعارىلايتىندىعىن بەينەلەيدى.

جۇمىسشى - قىزمەتكەرلەردىڭ زەينەتكەرلىك قامسىزداندىرۋى جاعىندا 2021 - جىلى زەينەتكەرلىك مامىلەسى جوعارىلاتىلىپ، 127 ميلليون زەينەتكەر شىنايى تيىمدىلىكتەن يگىلىكتەندى. 2022 - جىلى زەينەتاقى ٴسىرا قالاي جوعارىلايدى؟ قانشالىق جوعارىلايدى؟ مەملەكەتتىك كەڭەس جۋىردا باسىپ تاراتقان «<ۇكىمەت قىزمەتىنەن بايانداماداعى> ٴتۇيىندى قىزمەت ٴبولىسىن تياناقتاندىرۋ جونىندەگى پىكىردىڭ» تالابىنا ساي ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگىنىڭ باستاماشىلىعىندا، 6 - ايدىڭ سوڭىنان بۇرىن قاتىستى ساياساتتاردى شىعارادى.

«دامۋ بارىسىندا حالىق تۇرمىسىن جاقسارتۋدا تاباندى بولىپ، بار كۇشتى سالۋ ٴارى كورپەگە قاراي كوسىلۋ كەرەك» دەدى جۇڭگو قوعامدىق قامتاماسىزداندىرۋ قوعامىنىڭ باستىعى جىڭ گۇڭچىڭ، ول تاعى بىلاي دەدى: 2022 - جىلى ەلىمىز زەينەتكەرلىك قامسىزداندىرۋىن بۇكىل مەملەكەت بوينشا ٴبىر تۇتاس جوسپارلاپ، مەملەكەت كولەمىندە قارجىنىڭ ارتىعى ارقىلى كەمىن تولىقتاۋدى ىلگەرىلەتىپ، قيىنشىلىعى بار رايونداردىڭ زەينەتاقى تاراتۋى اناعۇرلىم قامتاماسىزداندىرىلادى.

قالا، اۋىل تۇرعىندارىنىڭ زەينەتكەرلىك قامسىزداندىرۋى جاعىندا وتكەن ٴبىر جىلدا بۇكىل ەلىمىزدەگى 17 ولكە مەن شينجياڭ ٴوندىرىس - قۇرىلىس بيڭتۋانى قالا، اۋىل تۇرعىندارىنىڭ نەگىزگى زەينەتاقىسىن جوعارىلاتىپ، 78 ميلليوننان استام قارتتى يگىلىككە كەنەلتتى، مۇنىڭ باسىم كوبى − اۋىل - قىستاق تۇرعىندارى.

بيىل ورتالىق تۇراقتاندىرعان مەملەكەت بويىنشا نەگىزگى زەينەتاقى ولشەمى جوعارىلاتىلۋدان تىس، قازىرگە دەيىن فۋجيان، جياڭسۋ، حاينان، شيزاڭ، نيڭشيا، گۇيجۋ، شانشى سياقتى 7 ولكە قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنىڭ ولكە دارەجەلى نەگىزگى زەينەتاقى ولشەمىن جوعارىلاتۋ جوباسىن جاريالادى. سىچۋان سياقتى ولكەلەر بيىل جوعارىلاتۋدى تۇراقتاندىردى.

ەكىنشى وزگەرىس: ولكە اتتاپ ەمدەلۋ قاراجاتىن ەسەپتەن تىكە كوتەرۋ قالاي ىلگەرىلەتىلەدى؟ بۇل 6 - ايدىڭ سوڭىندا جاريالانادى

تالاپقا ساي، ولكە اتتاپ سىرت جەردە ەمدەلۋ قاراجاتىن ەسەپتەن تىكە كوتەرۋ شاراسى كەمەلدەندىرىلىپ، 6 - ايدىڭ سوڭىنان بۇرىن قاتىستى ساياسات شىعارىلادى. بۇقارانىڭ سىرت جەردە ەمدەلۋ قاراجاتىن ەسەپتەن كوتەرتۋ رەسمياتىن ٴتىپتى دە قولايلىلاستىرۋ − ساياساتتىق قولداۋدىڭ ٴتۇيىنى ەكەندىگى كۇمانسىز.

قازىر بولنيتسادا جاتىپ ەمدەلۋ قاراجاتىن ولكە اتتاپ ەسەپتەن تىكە كوتەرۋ - بۇكىل ەلىمىزدەگى بارلىق ولكەنى، بارلىق ٴبىر تۇتاس جوسپارلاناتىن رايونداردى، قامسىزداندىرۋعا قاتىناسقان ٴتۇرلى ادامداردى جانە سىرتقا شىعىپ جۇمىس ىستەيتىندەردى تولىق قامتيدى.

امبۋلاتوريادا ناۋقاس تەكسەرتۋ قاراجاتىن ولكە اتتاپ ەسەپتەن تىكە كوتەرۋدىڭ قامتىلىم اۋماعى اناعۇرلىم كەڭەيۋدە. مەملەكەت بويىنشا ٴبىر تۇتاس جوسپارلاناتىن 63 رايونداعى 826 تۇراقتى ەمدەۋ قۇرىلىمىندا جوعارى قان قىسىمى، قانتتى نەسەپ اۋرۋى، قاتەرلى وسپەنى امبۋلاتوريادا حيميالىق جولمەن ەمدەۋ، نەسەپتەن ۋلانعانداردىڭ قانىن ديالەزدەۋ، دەنە مۇشەسىن كوشىرۋ وپەراتسياسىن جاساتقانداردى كەرى اسەرگە قارسى ەمدەۋ سياقتى 5 ٴتۇرلى سوزىلمالى، ەرەكشە اۋرۋدىڭ امبۋلاتورياداعى قاتىستى ەمدەۋ قاراجاتىن ولكە اتتاپ ەسەپتەن تىكە كوتەرۋ سىناق ٴتۇيىنى قىزمەتى باستالدى.

بيىل 2 - ايدىڭ سوڭىنا دەيىن مەملەكەت بويىنشا امبۋلاتوريادا ەمدەلۋ قاراجاتىن تىكە ەسەپتەن كوتەرۋ تورابى 49 مىڭ 200 تۇراقتى ەمدەۋ قۇرىلىمىمەن، 89 مىڭ 800 تۇراقتى ٴدارى - دارمەك بولشەك ساتۋ ورنىمەن تۇتاستىرىلدى.

مەملەكەتتىك ەمدەۋ قامسىزداندىرۋ مەكەمەسى ەمدەۋ قامسىزداندىرۋ ىستەرىن باسقارۋ ورتالىعىنىڭ جاۋاپتىسى لۇڭ شۋەۋىننىڭ تانىستىرۋىنشا، بۇدان بىلاي سىناق ٴتۇيىنى ەتىلگەن ٴارقايسى رايونداردىڭ ينفورماتسيا جۇيەسىن وزگەرتۋىنە جەتەكشىلىك ەتىپ، سوزىلمالى، ەرەكشە ناۋقاستاردىڭ امبۋلاتوريادا قاتىستى ەمدەۋ قاراجاتىن ولكە اتتاپ ەسەپتەن كوتەرۋ سىناق ٴتۇيىنىنىڭ اۋماعىن كەڭەيتىپ، شيپاحانادا جاتىپ ەمدەلۋ، امبۋلاتوريادا ەمدەلۋ قاراجاتىن ەسەپتەن كوتەرۋ جەلىدە، جەلى سىرتىندا «ولكە اتتاپ، ٴبىر تۇتاس بىتىرىلەدى».

وسىدان بۇرىن مەملەكەتتىك كەڭەس 2022 - جىلدىڭ سوڭىنان بۇرىن ٴاربىر اۋداندا كەم دەگەندە ٴبىر تۇراقتى ەمدەۋ قۇرىلىمى بولۋعا كەپىلدىك ەتىپ، امبۋلاتوريادا ەمدەلۋ قاراجاتىن قامتىعان ەمدەلۋ قاراجاتىن ولكە اتتاپ ەسەپتەن كوتەرۋگە قىزمەت وتەۋمەن قامداۋدى تالاپ ەتكەن بولاتىن.

ٴۇشىنشى وزگەرىس: جەكەلەر زەينەتاقىعا قالاي قارجى قوسۋى كەرەك؟ 4 - ايدىڭ سوڭىندا بۇل جونىندە ايقىن بەلگىلەمە شىعارىلادى

كوپ ساتىلى، كوپ تىرەكتى زەينەتكەرلىك قامسىزداندىرۋى جۇيەسىن دامىتۋ - جان سانىنىڭ قارتتاسۋىنا بەلسەنە توتەپ بەرىپ، زەينەتكەرلىك قامسىزداندىرۋى ٴتۇزىمىنىڭ ۇزدىكسىز دامۋىن جۇزەگە اسىرۋداعى ماڭىزدى شارا.

ەلىمىزدە ٴبىرىنشى تىرەك رەتىندەگى نەگىزگى زەينەتكەرلىك قامسىزداندىرۋ ٴتۇزىمى نەگىزىنەن اقاۋسىزداندىرىلدى؛ ەكىنشى تىرەك رەتىندەگى كاسىپورىننىڭ جىلدىق قامسىزداندىرۋ، كاسىپتىك جىلدىق قامسىزداندىرۋ ٴتۇزىمى العاشقى قادامدا قالىپتاستىرىلدى جانە بىرتىندەپ كەمەلدەندىرىلۋدە؛ دەسە دە، ٴۇشىنشى تىرەكتىڭ دامۋى دەرلىكتەي ارناعا تۇسپەدى، وتە - موتە، جەكەلەردىڭ زەينەتكەرلىك قامسىزداندىرۋى ٴتۇزىمى ٴالى بەلگىلەنبەدى، تۇرعىنداردىڭ اناعۇرلىم ورنىقتى، ٴتىپتى دە كوپ تيىمدىلىككە كەنەلۋ ٴۇشىن زەينەتكەرلىككە قارجى قوسۋ ارناسى جەتكىلىكتى بولماي وتىر.

ورنالاستىرۋعا ساي «ٴۇشىنشى تىرەك زەينەتكەرلىك قامسىزداندىرۋىن ۇزدىكسىز ارناعا ٴتۇسىرىپ دامىتۋ» قىزمەتى جونىندە ادام كۇشى بايلىعى جانە قوعامدىق قامتامسىزداندىرۋ مينيسترلىگى، قازىنا مينيسترلىگى، بانكە قامسىزداندىرۋ، باقىلاۋ قوعامىنىڭ باستاماشىلىعىندا، 4 - ايدىڭ سوڭىنان بۇرىن قاتىستى ساياسات شىعارىلادى.

ٴتىلشىنىڭ ۇعىسۋىنشا، قازىر جوعارى دەڭگەيدەگى جوبا ايقىن بەلگىلەنىپ، ٴۇشىنشى تىرەك - جەكەنىڭ امانات اقشا سيپاتىنداعى زەينەتكەرلىك قامسىزداندىرۋى مەن ساۋدا سيپاتىنداعى زەينەتكەرلىك قامسىزداندىرۋى سىندى ەكى بولەكتى قامتىپ، جەكەنىڭ ٴوز ەركىمەن قاتىناسۋى دارىپتەلەدى ەكەن. مۇنىڭ ىشىندە باجى كىرىسى ساياساتىنىڭ جوبالانۋى مەن تيىمدىلىك جاساۋ تەبىنى شەشۋشى فاكتور بولماق.

«جەكەلەردىڭ زەينەتكەرلىك قامسىزداندىرۋىنىڭ دامۋىن ىلگەرىلەتۋ جونىندەگى پىكىر» 2021 - جىلى 12 - ايدا ورتالىق رەفورمانى جاپپاي تەرەڭدەتۋ كوميتەتىنىڭ قاراپ ماقۇلداۋىنان وتكەن. «قۇجات باسىپ تاراتىلعاننان كەيىن مينيسترلىگىمىز قاتىستى ورىندارمەن بىرگە سايكەستى ساياساتتاردى بەلگىلەپ، ٴتۇزىمىنىڭ تياناقتانۋىن، اتقارىلۋىن ىلگەرىلەتىپ، حالىق بۇقاراسىنىڭ زەينەتاقىسىن اناعۇرلىم كەمەلدى تۇزىمدىك كەپىلمەن قامدايدى» دەدى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىلارى جاعداي تانىستىرىپ.

كاسىپتىك ماماندار مىنالاردى ٴبىلدىردى: كەزەكتە الدىمىزدا مىناداي ەكى نەگىزگى مىندەت بار. ٴبىرىنشى، باجى كىرىسى سياقتى ساياساتتىق قولداۋ كورسەتىلەتىن جەكەلەردىڭ زەينەتكەرلىك قامسىزداندىرۋى ٴتۇزىمىن قالىپتاستىرىپ، جەكە بانكە ەسەبى ٴتۇزىمىن قولدانۋ ويلاستىرىلىپ، نەگىزگى زەينەتكەرلىك قامسىزداندىرۋىنا قاتىناسقان ەڭبەكشىلەردى اناعۇرلىم كوپ زەينەتاقى جيناقتايتىن ٴتۇزىمدى تاڭداۋمەن قامداۋ كەرەك. ەكىنشى، جەكەلەردىڭ ساۋدا سيپاتىندىق زەينەتكەرلىك قامسىزداندىرۋىن دامىتۋداعى فينانستىك ونىمدەردى ولشەمدەندىرىپ، بازار زاڭدىلىعى بويىنشا جۇمىس جۇرگىزۋ جانە باقىلاۋ - باسقارۋ كەرەك. وسى ەكى ٴتۇرلى شارا ٴبىرىن - ٴبىرى قولداسا، 3 - تىرەكتىڭ دامۋىن ورتاق جەبەۋگە بولادى.

ٴتورتىنشى وزگەرىس: بۇكىل ەل بويىنشا ەمدەۋ قامسىزداندىرۋ كولەمىندەگى ٴدارى - دارمەك قاي ۋاقىتتا بىرلىككە كەلەدى؟ 12 - ايدىڭ سوڭىنان بۇرىن بىرلىككە كەلەدى

مەملەكەتتىك ەمدەۋ قامسىزداندىرۋ مەكەمەسى باستاماشى بولىپ، 12 - ايدىڭ سوڭىنان بۇرىن بۇكىل ەل بويىنشا ەمدەۋ قامسىزداندىرۋ كولەمىندەگى ٴدارى - دارمەكتى نەگىزىنەن بىرلىككە كەلتىرۋگە قاتىستى قىزمەتتەردى ورىندايدى. بۇل بۇكىل ەل بويىنشا نەگىزىنەن بىرلىككە كەلگەن ەمدەۋ قامسىزداندىرۋ كولەمىندەگى ٴدارى - دارمەك تىزىمدىگى شىعاتىندىعىن، جەر - جەردىڭ نەگىزگى ەمدەۋ قامسىزداندىرۋىنان تولەنەتىن حيميالىق دارىلەر مەن جۇڭگوشا شيپاگەرلىك جاساۋلى دارىلەرىنىڭ نەگىزىنەن ۇقساس بولاتىندىعىن اڭعارتادى.

ەمدەۋ قامتاماسىزداندىرۋ ٴتۇزىمى رەفورماسىن تەرەڭدەتۋ پىكىرىندە مىناۋ تالاپ ەتىلگەن: «ورتالىق پەن جەرگىلىكتى ورىنداردىڭ ٴدارى تىزىمدىگىن رەتتەۋ جاۋاپكەرشىلىگى مەن ۇقىق شەگىن ۇيلەسىمدى ورنالاستىرىپ، جەر - جەر ٴوز الدىنا تىزىمدىك تۇرعىزۋىنا نەمەسە ەمدەۋ قامسىزداندىرۋ كولەمىندەگى دارىگە تولەم شەگىن بەلگىلەۋىنە بولمايدى».

وسىدان بۇرىن مەملەكەتتىك ەمدەۋ قامسىزداندىرۋ مەكەمەسى «نەگىزدىك ەمدەۋ قامسىزداندىرۋ كولەمىندەگى دارىلەردى باسقارۋدىڭ ۋاقىتتىق ٴادىسىن» باسىپ تاراتىپ، ولكە دارەجەلى تولىقتىرىلاتىن ٴدارى - دارمەكتەردى سايكەستىرۋدى ۇزدىكسىز ىلگەرىلەتىپ، بۇكىل ەلدىڭ نەگىزگى ەمدەۋ قامسىزداندىرۋىندا ٴدارى - دارمەك ىستەتۋ كولەمىن بىرلىككە كەلتىرۋگە، ەمدەۋ قامسىزداندىرۋىنىڭ تولەم ساياساتىن ارناعا تۇسىرۋگە تاماشا نەگىز قالادى.

ٴتىلشىنىڭ قاتىستى تاراۋلاردان ۇعىسۋىنشا، بىرلىككە كەلتىرۋ نەگىزىندە، مەملەكەت ەمدەۋ قامسىزداندىرۋ كولەمىندەگى ٴدارى - دارمەك تىزىمدىگىن رەتتەۋ ەرەجەسى مەن كورسەتكىش جۇيەسىن ورناتۋ جانە كەمەلدەندىرۋدى ىلگەرىلەتىپ، كلينيكالىق قۇنى جوعارى، ناۋقاسقا تيىمدىلىگى كورنەكتى، باعا جاعىندا اڭىسى جاقسى ٴدارى - دارمەكتى ٴتارتىپ بويىنشا ەمدەۋ قامسىزداندىرۋدىڭ تولەم كولەمىنە ەنگىزىپ، بۇقارانى ٴتىپتى دە كوپ جاڭا، جاقسى ٴدارى - دارمەكپەن قامدايدى ەكەن.

مەملەكەتتىك ەمدەۋ قامسىزداندىرۋ مەكەمەسى قۇرىلعاننان بەرى ٴۇرتىس 4 جىل مەملەكەتتىك ەمدەۋ قامسىزداندىرۋ كولەمىندەگى ٴدارى ـ دارمەك تىزىمدىگىن رەتتەۋ قىزمەتىن ورىستەتىپ، 507 ٴدارى ـ دارمەكتى بۇكىل ەل بويىنشا ەمدەۋ قامسىزداندىرۋ تولەم كولەمىنە ەنگىزگەن، سونىمەن بىرگە، ٴبىر توپ «كيەلى دارىلەر»، «ٴوتىمسىز دارىلەر» تىزىمدىكتەن شىعارىلعان. ەل ىشىندە بازارعا شىعارىلعان سيرەك كەزدەسەتىن اۋرۋلارعا قولدانىلاتىن دارىلەردىڭ 40 تان استامى مەملەكەتتىك ەمدەۋ قامسىزداندىرۋ كولەمىندەگى ٴدارى ـ دارمەك تىزىمدىگىنە ەنگىزىلگەن.

بەسىنشى وزگەرىس: كاسىپتىك زاقىمدالۋدى قالاي قامتاماسىزداندىرۋ كەرەك؟ بيىل ۇزدىكسىز ىلگەرىلەتىلەدى

كاسىپتىك زاقىمدالۋدى قامتاماسىزداندىرۋ دەگەنىمىز − جەدەل جەتكىزۋشى توردا كەلىسەتىن كىرە كولىك، شوفەر قاتارلىلارعا باعىتتالعان «جاڭاشا جۇمىس ۇستىندە جارالانعانداردى قامسىزداندىرۋ» ٴتۇرى بولىپ تابىلادى. «<ۇكىمەت قىزمەتىنەن بايانداماداعى> ٴتۇيىندى قىزمەتتەردىڭ جۇمىس ٴبولىسىن تياناقتاندىرۋ جونىندەگى پىكىردە» مىنالار العا قويىلدى: يكەمدى جۇمىستانۋعا قىزمەت ەتۋدى كۇشەيتىپ، يكەمدى جۇمىستانۋعا باعىتتالعان، قوعامدىق قامتاماسىزداندىرۋ ساياساتتارىن كەمەلدەندىرىپ، جۇمىستانۋعا قاتىستى جاڭاشا كاسىپتەنۋ فورماتسياسىنداعى كاسىپتىك جاقتان زاقىمدالۋدى قامتاماسىزداندىرۋدى تۇيىندە سىناق ەتۋ ورىستەتىلىپ، بيىل ۇزدىكسىز ىلگەرىلەتىلەدى.

تۇراقتى ەڭبەك قاتىناسى جەتكىلىكسىز بولعاندىقتان، جاڭاشا كاسىپتەنۋ فورماتسياسىنداعى كاسىپتەنگەندەر جۇمىس ۇستىندە جارالانسا قامسىزداندىرۋ كەپىلدىگىنە يە بولا المايتىن. الايدا قاتىستى ساياساتتاردىڭ ىلگەرىلەتۋىنە ىلەسە، بيىل سىناق ٴتۇيىنى ەتىلگەن قالالار مەن قاتىستى تەكشەلەردەگى جاڭاشا كاسىپتەنۋ فورماتسياسىنداعى جۇمىستانعانداردىڭ زاقىمدالۋىن قامتاماسىزداندىرۋداعى ولقىلىقتار تولىقتانادى ەكەن.

مەيتۋاننىڭ باس اتقارۋشىسى ۋاڭ شيڭ تاياۋدا بىلاي دەدى: «يتۋان ساياساتتىڭ جەتەكشىلىگىندە كاسىپتىك زاقىمدالعانداردى قامتاماسىزداندىرۋدى تۇيىندە سىناق ەتۋگە بەلسەنە ات سالىسىپ، سىناق ٴتۇيىنى ەتىلگەن نىساندى جوسپار بويىنشا جۇرگىزۋگە كەپىلدىك ەتەدى ٴارى سىناق ٴتۇيىنى بولعان جەتكىزۋشىلەردىڭ بارلىق قاراجاتىن تولەيدى».

«قازىر بەيجيڭ، شاڭحاي، سىچۋان سياقتى ولكەلەر ساپارلاۋ، تاعام جەتكىزۋ، دەر كەزىندە جەتكىزۋ جانە قالا ٴىشى زات تاسىمال سالاسىندا كاسىپتىك جاقتان زاقىمدالۋدى قامتاماسىزداندىرۋدى تۇيىندە سىناق ەتۋ دايىندىق قىزمەتىن ورىستەتۋگە كىرىستى». استانا ەكونوميكا ـ ساۋدا داشۋەسى جۇڭگونىڭ جاڭاشا كاسىپتەنۋ فورماتسياسىنداعى جۇمىستانۋدى زەرتتەۋ ورتالىعىنىڭ مەڭگەرۋشىسى جاڭ چىڭگاڭ مىنانى ٴبىلدىردى: «بۇكىل ەل بويىنشا بىرلىككە كەلگەن ينفورماتسيا تۇعىرىنىڭ قۇرىلۋىنا بايلانىستى، كاسىپتىك زاقىمدالۋدى قامتاماسىزداندىرۋ سىناق ٴتۇيىنى رەسمي تياناقتانادى ٴارى بۇكىل ەل كولەمىندە جالپىلاستىرۋعا تاجىريبە قاراستىرىپ، ساندى مالىمەت توپتايدى».

كاسىپتىك زاقىمدالۋدى قامتاماسىزداندىرۋ قانداي جاعدايدا قامتاماسىزداندىرىلادى؟ تولەم مامىلەسى قانداي؟ دەگەن ماسەلەلەرگە قاراتا كاسىپتىك قايراتكەرلەردىڭ تانىستىرۋىنا نەگىزدەلگەندە، كاسىپتىك جاقتان زاقىمدالۋدى قامتاماسىزداندىرۋ اقىسىن تەكشە كاسىپورىندارى تاپسىرادى، جۇمىستانۋشىلار اقى تاپسىرمايدى ەكەن. ونىڭ قامتاماسىز ەتۋ كولەمى مەن جاعدايى، مامىلەسىنىڭ ولشەمى مەن دەڭگەيى جۇمىس ۇستىندە جارالانعانداردى قامسىزداندىرۋ مەن تۇلعالىق جاقتان بىردەيىلىكتى ساقتايدى.

شينحۋا اگەنتتىگىنىڭ 4 ـ ايدىڭ 6 ـ كۇنى بەيجيڭنەن بەرگەن حابارى («شينحۋا شولۋىنىڭ» ٴتىلشىسى جياڭ لين، پىڭ يۇنجيا)