汉文 ىلە اقپارات تورابىنا حوش كەلدىڭىزدەر!
حالىقتىڭ ٴومىرىنىڭ حاۋىپسىزدىگى مەن دەنساۋلىعى قاشان دا ىندەتتەن ساقتانۋ - تىزگىندەۋدەگى ماڭداي الدى ماڭىزدى مىندەت سانالادى
2022-04-14 12:39:22     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينحۋا اگەنتتىگىنىڭ تىلشىلەرى لياڭ جيانچياڭ، لي حىڭ


  بۇكىل الەمدىك جاڭا تيپتى ايدارشا ۆيرۋس وكپە قابىنۋ ىندەتى ٴالى دە كەڭ تارالۋدا. 3 - ايدان بەرى بۇكىل ەلدە جالپى مالىمدەلگەن جەرگىلىكتى جۇعىمدالۋشىلار 270 مىڭنان اسىپ، ساقتانۋ - تىزگىندەۋ مىندەتى جاپالى دا كۇردەلى بولدى. ىندەتتەن ساقتانۋ - تىزگىندەۋ قىزمەتىن بۇلجىماستان ناقتى، مىقتى يگەرۋمەن بىرگە، ٴبىز قاشان دا «حالىقتى بارىنەن جوعارى قويۋ، ٴومىردى بارىنەن جوعارى قويۋدىڭ» تەك ۇران عانا ەمەس، حالىقتىڭ ٴومىرىنىڭ حاۋىپسىزدىگى مەن دەنساۋلىعى قاشان دا ىندەتتەن ساقتانۋ - تىزگىندەۋدەگى ماڭداي الدى ماڭىزدى مىندەت ەكەندىگىن ايقىنداپ الۋىمىز كەرەك.

  ۋحاندى قورعاۋ شايقاسىنداعى توتەنشە جاعدايعا توتەپ بەرۋ كەزەڭىنەن ىندەتتەن ساقتانۋ - تىزگىندەۋدى ۇدايىلاندىرۋعا دەيىن، ودان دەلتاعا، وميكرونعا قارسى شايقاسقان جالپى تىزبەكتىك دالمە - ٴدال ساقتانۋ - تىزگىندەۋگە دەيىن... «حالىقتى بارىنەن جوعارى قويۋ، ٴومىردى بارىنەن جوعارى قويۋ» قاشان دا ەلىمىزدىڭ وزگەرمەس بويسۇنۋ ولشەمى بولدى. سول ٴۇشىن دە، ەلىمىز ٴىشىنارا وڭىردەگى شوعىرلى ىندەتتى جىلدام، ٴونىمدى ٴبىر جاقتى ەتىپ، حالىقتىڭ ٴومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادى، ىندەتتەن ساقتانۋ - تىزگىندەۋ مەن ەكونوميكالىق دامۋدا بۇكىل الەمدەگى الدىڭعى ورىندى ساقتادى.

  2 جىلدان استام ۋاقىتتان بەرگى ىندەتكە قارسى اتتانۋ بارىسىنا قايىرىلا قاراساق، «حالىقتى وزەك ەتكەن» دامۋ ۇستانىمى، جىلدام جانە ٴدال «يكەمدى نولگە ٴتۇسىرۋ» ەلىمىزدىڭ ىندەتتى تىزگىندەۋدەگى «اسىلىنا» اينالدى. بۇل ەلىمىزدىڭ ىندەتكە قارسى اتتانۋ امالياتىنا نەگىزدەلىپ قورىتىندىلانعان عىلمي جول، سونداي - اق ٴبىر ميلليارد 400 ميلليوننان استام جالپى حالىق سانى نەگىزى، وراسان زور قارت ادامدار شوعىرى بار ٴىس جۇزىندىك مەملەكەت جاعدايىنا نەگىزدەلىپ جاسالعان دۇرىس تاڭداۋ، ونان دا ماڭىزدىسى، ەلىمىزدەگى جۇعىمدالۋشىلار سانى، اۋىرعاندار سانى، سالماقتى اۋىرعاندار سانى جانە ولگەندەر سانىنىڭ ٴبىرشاما تومەن دەڭگەيدە ساقتالۋىنىڭ تەتىگى بولىپ تابىلادى.

  قازىرگى ۋاقىتتا، ەل ٴىشى - سىرتىنداعى ىندەتتەن ساقتانۋ - تىزگىندەۋدە كۇردەلىلىك، جاپالىلىق، قايتالامالىلىق سىندى ەرەكشەلىك بار، ونان ارى يدەيانى بىرلىككە كەلتىرىپ، سەنىمدى بەكەمدەپ، ىندەتتەن ساقتانۋ قىزمەتتەرىن ەگجەي - تەگجەيلى، ناقتى يگەرۋ ايرىقشا ماڭىزدى بولىپ وتىر. جەر - جەر، تاراۋلار، تاراپتار «حالىقتى بارىنەن جوعارى قويۋ، ٴومىردى بارىنەن جوعارى قويۋ» ۇستانىمىنا تاباندى بولىپ، مۇنى ىندەتتەن ساقتانۋ - تىزگىندەۋ قىزمەتىنىڭ جالپى بارىسىندا تياناقتاندىرۋ؛ «يكەمدى تۇردە نولگە تۇسىرۋگە» اۋىتقىماستان تاباندى بولىپ، جۇعىمدالۋدى، سالماقتى اۋرۋدى جانە ٴولىم - ٴجىتىمدى ەڭ جوعارى شەكتە ازايتۋ؛ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنۋ كەرەك.

  جۋىقتا ۋحاننىڭ «اشىلعاندىعىنا» 2 جىل تولدى. ۋحان كوكتەمنىڭ جايماشۋاق ساۋلەسىنە شومدى، شوپتەر جايقالىپ، قۇستار سايرادى، ەكونوميكالىق، قوعامدىق دامۋىندا جاپپاي قالپىنا كەلۋ، ورنىقتىلىق بارىسىندا ىلگەرىلەۋ، ىلگەرىلەۋ بارىسىندا ساپاسى ٴوسۋ، ۇزدىكسىز جاقسارۋداي دامۋ اۋقىمى جارىققا شىقتى. ٴبىز ەل بىرلىگىنەن بەرىك قامال تۇرعىزساق بولعانى، قيىن وتكەلدەن بىرگە وتە الاتىندىعىمىزعا؛ قاشان دا «حالىقتى بارىنەن جوعارى قويۋعا، ٴومىردى بارىنەن جوعارى قويۋعا» تاباندى بولساق بولعانى، ٴسوز جوق، اناعۇرلىم كوركەم بولاشاقپەن قاۋىشاتىندىعىمىزعا سەنەمىز.


(شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى)