شىنجوۋ 13 - ءنومىرلى عارىشكەرلى الەم كەمەسىنىڭ قايتا ورالۋ بولمەسى جەرگە ءساتتى قوندى

ۇشۋ مىندەتى تابىسپەن ورىندالدى

شينحۋا اگەنتتىگىنىڭ 4 - ايدىڭ 16 - كۇنى جيۋچۋاننان بەرگەن حابارى (تىلشىلەر ديڭ زىڭي، حۋاڭ يچىن). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، بەيجيڭ ۋاقىتى 2022 - جىلى 4 - ايدىڭ 16 - كۇنى ساعات 9دان 56 مينۋت وتكەندە شىنجوۋ 13 - ءنومىرلى عارىشكەرلى الەم كەمەسىنىڭ قايتا ورالۋ بولمەسى دۇڭفىڭ جەرگە قونۋ الاڭىندا جەرگە ءساتتى قونعان. سول اراداعى مەديتسينالىق باقىلاۋ، مەديتسينالىق قورعاۋ قىزمەتكەرلەرى عارىشكەرلەر جاي جىگاڭنىڭ، ۋاڭ ياپيڭنىڭ، يە گۋاڭفۋدىڭ دەنساۋلىق جاعدايى جاقسى ەكەندىگىن تۇراقتاندىرعان، ءسويتىپ، شىنجوۋ 13 - ءنومىرلى الەم كەمەسىنىڭ ادام الىپ ۇشۋ مىندەتى تابىسپەن ورىندالعان.

ساعات 9دان 6 مينۋت وتكەندە بەيجيڭ عارىشقا ۇشۋ مەڭگەرۋ ورتالىعى جەر بەتىندەگى ولشەۋ - مەڭگەرۋ پۋنكتى ارقىلى قايتا ورالۋ بۇيرىعىن بەرىپ، شىنجوۋ 13 - ءنومىرلى عارىشكەرلى الەم كەمەسىنىڭ وربيتا بولمەسى مەن قايتا ورالۋ بولمەسى ءساتتى اجىرادى. ساعات 9دان 30 مينۋت وتكەندە الەم كەمەسىنىڭ قايتا ورالۋ تورموزداۋ قوزعالتقىشى وت الىپ، قايتا ورالۋ بولمەسى مەن جىلجىتۋ بولمەسى اجىرادى.

قايتا ورالۋ بولمەسى جەرگە ءساتتى قونعاننان كەيىن، ىزدەستىرۋ - قۇتقارۋ، قايتارىپ اكەلۋ مىندەتىن ارقالاعان ىزدەستىرۋ - قۇتقارۋ بولىمشە اترەتى نىسانانى دەر كەزىندە بايقادى ءارى جەرگە قونۋ ورنىنا تىزگىن ۇشىمەن جەتتى. قايتا ورالۋ بولمەسىنىڭ ەسىگى اشىلىسىمەن مەديتسينالىق باقىلاۋ، مەديتسينالىق قورعاۋ قىزمەتكەرلەرى عارىشكەرلەردىڭ دەنساۋلىعىنىڭ جاقسى ەكەندىگىن تۇراقتاندىردى. عارىشقا ادام الىپ ۇشۋ ينجەنەرياسىنىڭ كەڭىستىك پۋنكتى كەزەڭدىك ۇشۋ مىندەتىنىڭ باس قولباسشىلىق شتابىنداعى قاتىستى باسشىلار دۇڭفىڭ جەرگە قونۋ الاڭىندا عارىشكەرلەردى قارسى الدى.

شىنجوۋ 13 - ءنومىرلى عارىشكەرلى الەم كەمەسى 2021 - جىلى 10 - ايدىڭ 16 - كۇنى جيۋچۋان عارىش ايلاعىنان كەڭىستىككە كوتەرىلىپ، ىلە - شالا تيانحى وزەكتى بولمەسىمەن ۇشتاسىپ قۇرامالى تۇلعا قالىپتاستىردى، 3 عارىشكەر وزەكتى بولمەگە جايعاسىپ، 6 اي بويى سول جەردە ايالداپ، جۇڭگو عارىشكەرلەرىنىڭ وربيتانى ءۇرتىس اينالىپ ۇشۋ ۋاقىتى ەڭ ۇزاق بولۋ رەكوردىن جاڭالادى. عارىشكەرلەر وربيتادا ۇشۋ مەزگىلىندە ىلگەرىندى - كەيىندى 2 رەت بولمەدەن شىعۋ قيمىلىن جۇرگىزىپ، قولمەن قاشىقتان باسقارۋ ارقىلى ءتۇيىلىستىرۋ، مەحانيكالى قولدىڭ كومەگىمەن بولمەنىڭ ورنىن اۋىستىرۋ سىندى كوپ ءتۇرلى عىلىم - تەحنيكالىق تاجىريبەلەر(سىناق) جاساپ، عارىشكەرلەردىڭ ۇزاق ۋاقىت ايالداۋىن قامتاماسىز ەتۋ، قايتا تۋىنداۋ عۇمىر قامسىزداندىرۋى، كەڭىستىكتە زاتتىق ماتەريالدار تولىقتاپ بەرۋ، بولمەدەن شىعىپ قيمىلداۋ، بولمە سىرتىندا جۇمىس جۇرگىزۋ، وربيتادا رەمونتتاۋ سىندى شەشۋشى تەحنيكالاردى ىسپاتتادى. مىندەت ارەدىگىنەن پايدالانىپ، عارىشكەرلەر تاعى 2 رەت ”تيانگۇڭ ساباقحاناسى“ ارقىلى عارىشتا ساباق ءوتتى، سونداي - اق ءبىر قىدىرۋ وزگەشە عىلىم جالپىلاستىرۋ تاربيەسى مەن مادەنيەت تاراتۋ قيمىلىن جۇرگىزدى.

شىنجوۋ 13 - ءنومىرلى الەم كەمەسىنىڭ عارىشقا ادام الىپ ۇشۋ مىندەتىنىڭ تابىسپەن ورىندالۋى كەڭىستىك پۋنكتى شەشۋشى تەحنيكاسىن ىسپاتتاۋ كەزەڭدىك مىندەتىنىڭ تابىسپەن ورىندالىپ، جۇڭگو كەڭىستىك پۋنكتىنىڭ الدا جاساۋ كەزەڭىنە وتەتىندىگىن كورسەتەدى.