”ونەرىممەن ءومىردىڭ ءتىپتى دە ادەمى كەستەسىن سالامىن“

 شينحۋا اگەنتتىگىنىڭ تىلشىلەرى لو في، تيان دىفىڭ

2021 - جىلى 2 - ايدىڭ 3 - كۇنى سيىر جىلعى كوكتەم مەرەكەسى كەلۋ قارساڭىندا، باس شۋجي شي جينپيڭ گۇيجوۋ ولكەسى بيجيە قالاسى چيانشي اۋدانىنىڭ (قازىرگى ”چيانشي قالاسى“) حۋا - ۋ قىستاعىنا بارىپ قىزمەت تەكسەرگەندە مياۋزۋ كەستەسى، بالاۋىزبەن ورنەكتەۋ سياقتى از ۇلتتاردىڭ بەيزاتتىق مادەني مۇرا ونەرى مەن مادەنيەتىن القادى ءارى بالاۋىزبەن ورنەكتەۋشى پىڭ يمەن ىقىلاستى تۇردە اڭگىمەلەستى. تاياۋدا شينحۋا اگەنتتىگىنىڭ تىلشىلەرى پىڭ يگە قايتالاي تىلشىلىك ىستەدى.

　　【سول كەزگە قايىرىلا قاراۋ】

كوكتەم باسىندا ۋمىڭشان تاۋى قويناۋىندا سەبەزگى جاڭبىر تولاسسىز جاۋىپ، جاسىل جەلەك جامىلعان تاۋ ال قارا كوك تۇسكە بولەندى. يرەلەڭدەگەن تاۋ جولىن بويلاپ، تالاي اسۋلاردان اسقان باس شۋجي شي جينپيڭ تاۋ قويناۋىنداعى ۇلكەن وزەن بويىنا ورنالاسقان مياۋجيا شاعىن قىستاعىنا كەلدى، قاز - قاتار تىزىلگەن اق ءتۇستى شاعىن عيماراتتار كوزدىڭ جاۋىن الادى.

حۋا - ۋ قىستاعىنىڭ تۇرعىندارى مياۋزۋ ۇلتىن نەگىز ەتەدى، ۇلتتىق ەرەكشەلىگى ايقىن بولعاندىقتان، ”جۇڭگو حالىقتىق مادەنيەت - كوركەمونەر مەكەنى“ دەگەن اتاققا يە. مياۋزۋ كەستەسى، بالاۋىزبەن ورنەكتەۋ سياقتىلار وسى قىستاقتىڭ ءتۇيىندى دامىتاتىن ەرەكشە كاسىپ سالاسىنا اينالىپ، نەشە ونداعان قىستاق تۇرعىندارىن جۇمىستاندىرعان ەدى.

باس شۋجي شي جينپيڭ اۆتوكولىكتەن ءتۇسىپ، جاياۋ جۇرە ءجۇرىپ قىستاق كەلبەتىن كوزدەن كەشىردى. كەدەيلەردى سۇيەمەلدەۋ سەحىنا كىرگەندە، مياۋزۋ ۇلتىنىڭ ءداستۇرلى ءساندى كيىم - كەشەگى باس شۋجيدىڭ نازارىن اۋداردى: ”بۇل قولمەن تىگىلگەن كيىمدەر مە؟ باعاسى قانشا؟ ساتىلۋ جولى قانداي“؟ - دەپ سۇرادى.

ماشينامەن كەستەلەنگەندەرى دە، قولمەن كەستەلەنگەندەرى دە بار. ماشينامەن كەستەلەنگەندەرىنىڭ ءبىر پارىنىڭ باعاسى 1000 يۋاننان اسادى. قولمەن كەستەلەنگەندەرىنىڭ ءبىر پارىن 18 مىڭ يۋانعا دەيىن ساتۋعا بولادى. بۇل كيىمدى مياۋزۋ باۋىرلاستار عانا ساتىپ الىپ كيە بەرمەيدى، كوپتەگەن ساياحاتشىلار دا ەرەكشە ۇناتادى. قىستاق تۇرعىندارى باس شۋجيدىڭ سۇراۋىنا جاۋاپ بەرگەننەن كەيىن، بالاۋىزبەن ورنەكتەۋشى پىڭ ي باس شۋجيگە ءوزىنىڭ اسپيرانتتىق وقۋ تاۋىسقاننان كەيىن اۋىلىنا قايتىپ شارۋاشىلىق قۇرۋ كەشىرمەسىن بايانداپ بەردى.

”وتە جاقسى! سەن دە اۋەلگى ماقساتتى ۇمىتپاعان ەكەنسىڭ! مياۋزۋ كەستەسىن ءداستۇرلى ءارى جاڭاشا كەستە دەۋگە ابدەن تاتيدى، سەندەر بۇل كەستەنى ينە - ءجىپ ارقىلى ءبىر - بىرلەپ كەستەلەپ شىقتىڭدار، قانداي كەرەمەت“! باس شۋجي شي جينپيڭ كوپشىلىكتى، ءسوز جوق، مياۋزۋ كەستەسىن بارىنشا ساۋلەلەندىرۋگە ىنتالاندىردى، بۇل ءبىر كاسىپ سالاسى، سونداي - اق مادەنيەت بولىپ تابىلادى، ەگەر ويداعىداي دامىتا الساق، ۇلتتىق مادەنيەتتى، ءداستۇرلى مادەنيەتتى اسقاقتاتىپ قانا قويماي، كاسىپ سالاسى ارقىلى كەدەيلەردى سۇيەمەلدەۋگە، اۋىل - قىستاقتى گۇلدەندىرۋگە دە ۇلەس قوسقان بولامىز.

　　【پىڭ يدىڭ جۇرەك ءۇنى】

مەن حۋا - ۋ قىستاعىنىڭ ءتول تۋماسىمىن. بالا كۇنىمدە ”جارماسىپ شىعاتىن جارتاستى“ بويلاپ وقۋعا باراتىنمىن. داشۋەنى دە قوعامنىڭ قارجىلاي كومەگىمەن وقىدىم. قازىر مەن قىستاققا قايتىپ شارۋاشىلىق قۇرۋدى تاڭداپ وتىرمىن، مۇنداعى ماقساتىم اۋىلداستاردى بىرگە بايۋعا باستاۋ ەدى. سول كۇنى باس شۋجي مياۋزۋ كەستەسىن ”قانداي كەرەمەت“ دەپ القادى، مەن مۇنى ايرىقشا ماقتانىش سەزىندىم.

مياۋزۋ ۇلتىنىڭ بەيزاتتىق مادەنيەت مۇراگەرى بولعاندىعىم ءۇشىن ەرەكشە قۋانىشتامىن، باس شۋجيدىڭ نازارى ءبىر مەكەننىڭ مادەنيەت ەستەمەسىن جانداندىردى. جەرگىلىكتى پارتكوم جانە ۇكىمەتتىڭ قامقورلىعى مەن قولداۋىندا، مەنىڭ قىزمەت ءۇيىم تەز دامىپ، ولكەنىڭ ءىشى - سىرتىنان قىرۋار تاپسىرىس قابىلدادى. قونىس جاڭالاپ كەدەيلەردى سۇيەمەلدەۋ بويىنشا سۇيەمەلدەنگەن وتباسىلارىنداعى 30داي ايەل قىزمەت ۇيىمدە كەستەشى، گۇل باسۋشى بولىپ ىستەپ، جاقىن ماڭدا جۇمىستاندى. قىستاعىمىزدىڭ ەرەكشە ۇلتتىق قولونەركاسىبى اۋىل - قىستاق ساياحاتىمەن ۇشتاسىپ، كوپتەگەن مادەنيەت جاسامپازدىعى ونىمدەرىن شىعارىپ، اۋىل - قىستاقتى گۇلدەندىرۋگە دەم بەرەتىن ماڭىزدى كاسىپ سالاسىنا اينالدى.

قازىر مەن مياۋزۋ ۇلتىنىڭ ءداستۇرلى ەرەكشە قولونەرىنە مۇراگەرلىك ەتۋگە كۇش سالۋ نەگىزىندە كوپ نەگىزدى سالا اتتاپ، توعىسپالى جاڭالىق اشۋعا ۇمتىلىس جاساۋدامىن، اناعۇرلىم كوپ اداممەن بىرگە قۇلشىنىپ، مياۋزۋ كەستەسىن بارىنشا كوركەيتىپ، ونەرىممەن ءومىردىڭ ءتىپتى دە ادەمى كەستەسىن سالامىن!

(شينحۋا اگەنتتىگىنىڭ 4 - ايدىڭ 26 - كۇنى گۇيياڭنان بەرگەن حابارى)