− «ەڭ ارداقتى جۇمىسشى - قىزمەتكەرلەر» جونىندە (2)

  ەڭبەك بارلىق باقىتتىڭ قاينارى، ەڭبەك بارلىق ارماننىڭ باستاماسى.

  ەڭبەك ۇلگىلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، جۇڭگو جۇمىسشىلارىنىڭ حيكاياسىن ويداعىداي بايانداۋ ٴۇشىن، «1 - مامىر» حالىقارالىق ەڭبەكشىلەر مەرەكەسى بايلانىسىمەن، ورتالىق كوميتەت ۇگىت ٴبولىمى، مەملەكەتتىك باس جۇمىسشى ۇيىمى 2022 - جىلعى «ەڭ ارداقتى جۇمىسشى - قىزمەتكەرلەردىڭ» ىزگى ىستەرىن تۇتاس قوعامعا اشىق جاريالادى.

«ٴپىل اكە» مەن «ٴپىل بالالاردىڭ» اڭگىمەلەرى

  ونىڭ اتى شيۇڭ چاۋيۇڭ، شيشۋاڭباننا جابايى ٴپىل اڭعارى كورىنىس ٴوڭىرى شەكتى سەرىكتەستىگى ازيا ٴپىلىن قۇتقارۋ، قورعاۋ جانە ٴوسىرۋ ورتالىعىنىڭ مال شيپاگەرى. 17 جىلدان بەرى ول كاسىپتەستەرىمەن بىرگە 150 نەشە جابايى ازيا پىلىنە قاراپ، قۇرىپ - جوعالۋعا تاياعان ٴتۇردى قۇتقارىپ، جاراتىلىستىق قورشاعان ورتانى قورعايتىن «ٴپىل اكەگە» اينالدى.

  بۇل كۇردەلى دە ماشاقاتتى جۇمىس. شيشۋاڭباننا ىستىق بەلدەۋلى جاڭبىرلى ورمانىندا قىزمەتكەرلەر قاپىرىق اۋا رايىنا جانە ماسانىڭ دەنەنى زاقىمداۋىنا ٴتوزۋى كەرەك، سونداي - اق جابايى پىلدەرگە قاراعاندا، ولاردىڭ وقياتتان شابۋىل جاساۋىنا ٴدوپ كەلۋى دە مۇمكىن.

  جابايى ٴپىل «رانراننىڭ» اۋرۋدان اناعۇرلىم ويداعىداي ايىعۋى ٴۇشىن، ول جارالانۋ حاۋپىنە قاراماستان، ونىڭ 4 سيراعىنا بايلانعان تەمىر شىنجىردى قورىقپاستان الىپ تاستادى، ەڭ سوڭىندا، «رانراننىڭ» سەنىمىنە يە بولدى؛ شالكەس جابايى ٴپىل «كۇنليۋدى» قۇتقارۋ ٴۇشىن، ول اتويلاپ العا شىعىپ، ٴپىلدىڭ تابانى استىندا جان ٴتاسىلىم بولۋعا شاق قالدى، ەڭ سوڭىندا، كوپشىلىكپەن تىزە قوسا وتىرىپ ونى ٴساتتى قۇتقاردى...

  ازيا ٴپىلى قان بيوحيميا ساندى مالىمەت قامباسىن قۇرۋعا، ازيا ٴپىلىن قۇتقارۋ ٴادىسىن جانە تاجىريبەلەرىن قاراستىرۋعا، قورىتىندىلاۋعا، ازيا ٴپىلىن قورعاۋ ىستەرىنىڭ زاپاس دارىندىلارىن باۋلۋعا قاتىستى... 17 جىلدان بەرى شيۇڭ چاۋيۇڭ ٴوزىنىڭ ىقىلاسىمەن جانە قايسارلىعىمەن ورگانيزمدەردىڭ كوپ تۇرلىلىگىن قورعاۋدىڭ، ادام مەن تابيعاتتىڭ جاراسىمدى قاتار ٴومىر ٴسۇرۋىن ىلگەرىلەتۋدىڭ «وڭ ەنەرگياسىن» ۇزدىكسىز تاراتتى.

اۋەلگى ماقساتتان جازباي، ەنەرگيا ارقىلى وتاننىڭ ٴۇمىتىن اقتايمىز

  «اۋەلگى ماقساتتان جازباي، ەنەرگيا ارقىلى وتاننىڭ ٴۇمىتىن اقتايمىز»، بۇل جۇڭگو تەڭىز - مۇحيت مۇناي توبى شەكتى سەرىكتەستىگى ۇڭعىمالاردى بۇرعىلاۋ، ۇڭعىما جۇمىسىن اياقتاۋ تەحنيكاسى مامانى ليۋ شۋجيەنىڭ كاسىپتىك ٴومىرىنىڭ شىنايى بەينەسى.

  1997 - جىلدىڭ سوڭىندا ليۋ شۋجيە جۇڭگو تەڭىز - مۇحيت مۇناي توبى شەكتى سەرىكتەستىگىنە كىرەدى. قايراتىنا سەنگەن ول ۇجىمىن باستاپ شەشۋشى سالالاردا ٴبىر قىدىرۋ عىلىم - تەحنيكادا جاڭالىق اشۋعا جانە تەحنيكالىق ىلگەرىلەۋشىلىككە قول جەتكىزىپ، جۇڭگو تەڭىز - مۇحيت مۇناي توبى شەكتى سەرىكتەستىگىنىڭ تەڭىزدەگى مۇناي - گاز الابىن الدىڭعى مەرزىمدىك بۇرعىلاۋ - اشۋدى زەرتتەۋ تەحنيكالىق جۇيەسىن جۇيەلى ورناتتى.

  تەڭىزگە اۋەستەنگەننەن بەرى ليۋ شۋجيە قاشان دا نانحاي تەڭىزىن كوكەيىندە ويلاپ ٴجۇردى.

  نانحاي تەڭىزىنىڭ مۇناي - گاز بايلىعىنىڭ مولشەرى 35 ميلليارد تونناعا جەتەدى، ايتسە دە مۇنىڭ %70 ى تەرەڭ سۋ قويناۋىندا، تەحنيكالىق سەبەپتىڭ شەكتەمەسىنە ۇشىراعاندىقتان ەلىمىز وسىدان بۇرىن نانحاي تەڭىزىنىڭ تەرەڭ قويناۋىنداعى مۇناي - گاز بايلىعىن دەربەس بارلاپ اشۋدى جۇزەگە اسىرۋعا لاجىسىز بولىپ كەلگەن ەدى.

  قيىندىقتان تايسالماعان ليۋ شۋجيە 10 نەشە جىل تەحنيكادان قامال الۋ جانە امالياتتان وتكىزۋ ارقىلى تەرەڭ سۋ تۇبىندە ۇڭعىما بارلاۋ، ۇڭعىما بۇرعىلاۋ جوباسى، تاياز قاباتتا ۇڭعىما بۇرعىلاۋ تەحنولوگياسى جانە جابدىعى سياقتى جيىنى 5 ۇلكەن جۇيە بويىنشا 80 نەشە ٴتۇرلى شەشۋشى تەحنيكا قالىپتاستىردى. ىلە - شالا ول قاتىستى تەحنيكانى الىپ، نانحاي تەڭىزىنە بارىپ، جۇڭگونىڭ تۇڭعىش رەتكى ٴوز باسقارۋىنداعى تەرەڭ سۋ ٴتۇبى گاز الابى − «شىنحاي 1 - ٴنومىرلى» اسا تەرەڭدىك ۇلكەن گاز الابىندا ۇڭعىمانى بۇرعىلاۋ، ۇڭعىما جۇمىسىن اياقتاۋ قۇرىلىسىن باستادى.

  ۇڭعىمانى بۇرعىلاۋ، ۇڭعىما جۇمىسىن اياقتاۋ ينجەنەرياسىنىڭ باس قولباسشىسى رەتىندە، ليۋ شۋجيە الدىڭعى شەپتە قولباسشىلىق ەتۋگە تاباندى بولىپ، اسا تەرەڭدىكتەگى 11 ۇڭعىمانى بۇرعىلاۋ جۇمىسىنا ٴساتتى تىرەك بولدى.

  2021 - جىلى 6 - ايدىڭ 25 - كۇنى پارتيا قۇرىلعاندىعىنىڭ 100 جىلدىعى قارساڭىندا، «شىنحاي 1 - ٴنومىرلى» ۇلكەن گاز الابى ٴساتتى ىسكە قوسىلىپ، قوعامداعى ٴار سالانىڭ كەڭ كولەمدى نازارىن اۋداردى.

  ليۋ شۋجيە قاراپايىم جۇمىس ورنىندا ٴۇن - ٴتۇنسىز ۇلەس قوسىپ، ەلىمىزدىڭ تەڭىز - مۇحيت مۇناي - گازىن جوعارى ٴونىمدى بارلاۋىنا، اشۋىنا كورنەكتى ۇلەس قوسىپ، جاسامپازدىق سيپاتتى اماليات جانە باي اقىل - پاراساتپەن جاڭا داۋىردەگى ەڭبەكشىلەر جىرىن جازدى.

اسپاننان تۇسەتىن باتىر جوق، تەك باسىن ٴباي تىگەتىن قاراپايىم ادام عانا بار

  الاسا بويلى، شاعىن دەنەلى لۇڭ بيڭ قوسىننان بوساعان قاراپايىم اسكەر ەدى. ايتسە دە ونىڭ قاراپايىم بەينەسىنەن اتويلاپ الدا جۇرەتىن، وتان جولىندا جان قيۋدان تايسالمايتىن سەنىمدى كورۋگە بولادى.

  2020 - جىلى جاڭا تيپتى ايدارشا ۆيرۋس وكپە قابىنۋ ىندەتى ۋحاندا تۇتقيىل تۋىلدى، لۇڭ بيڭ قارسى باعىتتا ٴجۇرىپ، ۇلكەن جۇك اۆتوكولىگىن 32 كۇن ايداپ، ۋحانعا 11 رەت بارىپ قايتىپ، جەرگىلىكتى ورىنداعى بۇقاراعا كەرەك - جاراقتاردى جەتكىزدى.

  ۋحانعا كومەككە اتتانۋ ول جونىنەن ٴبىر ٴتۇرلى توسىندىق سانالعانىمەن، ايتسە دە ونى تۇسىنەتىن ادامداردىڭ ٴبارى بۇل ونىڭ ستيلىنە ۇيلەسەتىن تابيعي ارەكەت دەپ ٴبىلدى −

  2019 - جىلى كەدەيلىكتەن ارىلتۋدان قامال الۋ شايقاسى دابىرالى ورىستەتىلدى، لۇڭ بيڭ جەرگىلىكتى ورىننىڭ الەۋمەتتىك يگىلىك ۇيىمىنا بەلسەنە قاتىناستى، اقشانى از تاپسا دا، قيىنشىلىعى بار بۇقارا ٴۇشىن كوبىرەك ٴىس ىستەۋگە پەيىل بولدى؛

  2021 - جىلى 7 - ايدا حىناندا ەرەكشە اۋىر تاسقىن اپاتى تۋىلدى، لۇڭ بيڭ اۆتوكولىگىمەن حىناننىڭ شينشياڭىنا بارىپ، اپاتقا ۇشىراعان بۇقاراعا 19 توننا تۇرمىستىق جانە اپاتتان قۇتقارۋ كەرەك - جاراقتارىن جەتكىزدى؛

  2021 - جىلى 8 - ايدا كوپ جەردە ىندەت تۋىلعان جاعدايدا، ول ىندەتتەن ساقتانۋ - تىزگىندەۋ شايقاسىنا تاعى دا قاتىناسىپ، باقىلاۋ - تەكسەرۋ تۇيىنىندەگى ەرىكتىلەرگە سۇيىسپەنشىلىك كەرەك - جاراقتارىن جەتكىزدى...

  قوسىننان بوساسا دا قاسيەتىن جويمادى، كيىمىن اۋىستىرسا دا جۇرەگى وزگەرمەدى. لۇڭ بيڭ ٴىس جۇزىندىك ارەكەتىمەن قوسىننان بوساعان اسكەردىڭ وتەۋگە ٴتيىستى جاۋاپكەرشىلىگىن بەينەلەپ، «پارتيا مەن حالىق قاجەت ەتسە بولعانى، مەن قاشان دا اتويلاپ الدا جۇرەتىن اسكەر بولامىن» دەۋدەن تانبادى.

قىسقى وليمپيادا سپورت جارىسى الاڭىنىڭ ارتىنداعى «جول اشقان اتويشى»

  بەيجيڭ 2022 - جىلعى قىسقى وليمپيادا سپورت جارىسى كەزىندە مەملەكەتتىك تۇعىردان سەكىرۋ قار شاڭعى جارىسى ورتالىعى («شۋەرۋ - ي») قىزىقتى جارىس تۇرلەرىمەن جانە كەرەمەت قۇرىلىستارىمەن جۇرت نازارىن اۋداردى. بۇنى جۇڭگو تەمىر جول قۇرىلىس توبى بەيجيڭ 2022 - جىلعى قىسقى وليمپيادا سپورت جارىسىنىڭ وليمپيادا قىستاعىنىڭ جانە الاڭ - سارايلار شوعىرى ينجەنەريالىق نىسانىنىڭ باسقارۋ ٴبولىمىنىڭ ەڭبەگىنەن بولە قاراۋعا بولمايدى.

  تاۋلى جەرگە ورنالاسقان، كليماتى قۇبىلمالى، تۇتاس جىلدا ٴونىمدى قۇرىلىس جۇرگىزەتىن ۋاقىتى نە بارى 6 اي عانا... قۇرىلىس باستاۋدان ىلگەرى، نىسان ۇجىمى ٴتۇرلى - ٴتۇستى سايىستارعا ٴدوپ كەلدى. ايتسە دە «90 - جىلداردىڭ تۇلەگىن» نەگىز ەتكەن نىسان ۇجىمى قيىندىقتان تايسالماي، قايتا - قايتا وزگەرىستى مولشەرلەپ، باعامداپ، ٴاربىر جۇمىس ٴتارتىبىن %100 تولىمدى ەتىپ، قۇرىلىس مىندەتىن تابىسپەن ورىندادى.

  جەكە «شۋەرۋ - ي» عانا ەمەس، مەملەكەتتىك دالالىق شاڭعى جارىسى ورتالىعى، مەملەكەتتىك قىسقى ەكى ٴتۇر ورتالىعى، جاڭجياكوۋ وليمپيادا قىستاعى دا وسى نىسان ۇجىمىنىڭ قولىندا چەرتوجدان رەالدىققا اينالىپ، دۇنيە جۇزىنە جۇڭگو ۇستانىمىن، جۇڭگو عىلىم - تەحنيكاسىن، جۇڭگو جىلدامدىعىن ايگىلەدى.

  ينجەنەريالىق نىساننىڭ 3 پايىزى قۇرۋعا، 7 پايىزى باسقارۋعا بايلانىستى. قۇرىلىس مىندەتىنەن سىرت، نىسان ۇجىمى الاڭ - سارايلاردىڭ اينالىمىن، قورعالۋىن قامتاماسىز ەتۋ مىندەتىن دە ارقالايدى، كوكتەم مەرەكەسىنە قاراعان كۇنى تۇندە دە باياعىسىنداي قاقاعان ايازدا ٴۇن - ٴتۇنسىز تاپجىلمادى. تۇتاس قىسقى وليمپيادا سپورت جارىسى كەزىندە نىسان ۇجىمى اقىل - پاراساتىمەن، ەرلىگىمەن جانە تاباندىلىعىمەن ەڭ كەرەمەت قامتاماسىزدىق ازىرلەدى.

  تاڭداۋلى بەينەسى سەبەپتى، بۇل ۇجىمنىڭ نىسان مەڭگەرۋشىسى جياڭ شيۋپىڭ 2022 - جىلعى بەيجيڭ قىسقى مۇگەدەكتەر وليمپيادا سپورت جارىسى الاۋگەرىنىڭ ٴبىرى بولدى، بۇل ونىڭ كوڭىلىن تولقىتتى: «ٴار قادامىمدا ۇجىمىمىزدىڭ كوز جاسى جانە اشتى تەرى بار، ٴار قادامىم ەرەكشە مىعىم، اياق سەرپىنىم ەرەكشە باتىل بولدى»!

شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى (شينحۋا اگەنتتىگىنىڭ تىلشىلەرى يە حاۋميڭ، ليۋ شياسۇن)