جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى

اۋدان قالاشىعىن باستى دانەكەر ەتكەن قالا - قالاشىقتاندىرۋ قۇرىلىسى ىلگەرىلەتىلەدى

شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «اۋدان قالاشىعىن باستى دانەكەر ەتكەن قالا - قالاشىقتاندىرۋ قۇرىلىسىن ىلگەرىلەتۋ جونىندەگى پىكىردى» باسىپ تاراتتى ٴارى حابارلاندىرۋ شىعارىپ، جەر - جەردەن، تاراۋلاردان ٴىس جۇزىندىككە ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

«پىكىردە» مىنالار اتاپ كورسەتىلدى: اۋدان قالاشىعى − ەلىمىزدىڭ قالا - قالاشىق جۇيەسىنىڭ ماڭىزدى قۇرامداس بولەگى، قالا مەن اۋىلدىڭ توعىسا دامۋىنىڭ شەشۋشى تىرەگى، جاڭاشا قالا - قالاشىقتاندىرۋ قۇرىلىسىن جەبەۋ، جاڭاشا ونەركاسىپ پەن اۋىل شارۋاشىلىعى، قالا مەن اۋىل قاتىناسىن ورناتۋ جونىنەن ماڭىزدى مانگە يە. ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتۋگە تاباندى بولىپ، اۋدان قالاشىعى حالىق سانىنىڭ جىلجۋ وزگەرىسى جاعدايىنا سايكەسىپ، شارت - جاعدايى جاقسى ٴبىر توپ اۋدان قالاشىعىن تاڭداپ، ۇلگى كورسەتۋ ٴوڭىرى رەتىندە ٴتۇيىندى دامىتىپ، حالىق سانى كەمىگەن اۋدان قالاشىقتارىن كوزسىزدىكپەن قۇرۋدان ساقتانۋ كەرەك. بازاردىڭ بايلىقتى جايعاستىرۋداعى شەشۋشى سيپاتتى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، اۋدان ٴوڭىرىن نەگىزگى بىرلىك ەتىپ، قالا مەن اۋىلدىڭ توعىسا دامۋىن ىلگەرىلەتىپ، ەگىستىك جەر مەن ماڭگىلىك نەگىزگى ەگىنجايدى، ەكولوگيانى قورعاۋ قىزىل سىزىعىن، تاريحي مادەنيەت ساباقتاستىعىن ساقتاۋدى قاتاڭ تياناقتاندىرىپ، كەڭ كولەمدە شاعۋ، كەڭ كولەمدە قۇرىلىس جۇرگىزۋدەن، شەكتەن تىس داليتۋدان، شەتەل ۇلگىسىنە ەلىكتەۋدەن ساقتانىپ، اۋداندى كۇشىنەن قالدىرىپ قالا قۇرۋدى، رايون بەلگىلەۋدى قاتاڭ مەڭگەرىپ، جەرگىلىكتى ۇكىمەتتەردىڭ قارىز حاۋىپ - قاتەرىنەن ساقتانۋ كەرەك.

«پىكىردە» مىنالار ايقىندالدى: 2025 - جىلعا جەتكەندە اۋدان قالاشىعىن باستى دانەكەر ەتكەن قالا - قالاشىقتاندىرۋ قۇرىلىسىندا ماڭىزدى ىلگەرىلەۋشىلىككە قول جەتكىزىلەدى، اۋدان قالاشىعىنىڭ ولقىلىقتارى، ٴالسىز تۇستارى اناعۇرلىم تولىقتانىپ، كۇشەيتىلىپ، تاماشا ورىن ابزالدىلىعىنا يە جانە كاسىپ سالاسى نەگىزى، بايلىق ورتاسىنىڭ كوتەرىمدىلىك قۋاتى ٴبىرشاما كۇشتى، حالىق سانى شوعىرلانعان، ەكونوميكالىق شارت - جاعدايى ٴبىرشاما جاقسى ٴبىر توپ اۋدان قالاشىعى قۇرىلىسىندا كورنەكتى تابىسقا قول جەتكىزىلەدى، الەۋمەتتىك بايلىقتىڭ جايعاسۋى مەن تۇراقتى حالىق سانى كولەمى نەگىزىنەن سايكەستىرىلىپ، ەرەكشە باسىم كاسىپ سالاسى دامىتىلىپ، زورايتىلىپ، قالا قۇرىلىسى قۇرىلعىلارى نەگىزىنەن كەمەلدەندىرىلىپ، شارۋالاردىڭ اۋدان قالاشىعىنا بارىپ جۇمىستانۋ، قونىستانۋ كولەمى ۇزدىكسىز كەڭەيتىلىپ، اۋدان قالاشىعىنداعى تۇرعىنداردىڭ تۇرمىس ساپاسى كورنەكتى جاقسارتىلادى. تاعى ٴبىر مەزگىل قۇلشىنۋ ارقىلى بۇكىل ەل كولەمىندە وزىندىك ەرەكشەلىككە يە، ومىرشەڭدىك كۇشكە باي، قونىسقا جايلى، كاسىپكە ىڭعايلى وسىزاماندانعان اۋدان قالاشىعى نەگىزىنەن قۇرىلىپ، ىرگەلەس ٴىرى، ورتا قالالارمەن بولعان دامۋ پارقى كورنەكتى ازايتىلادى.